مشكلتي في الدراسة

[مشكلتي]

السلام عليكم

انا فتاة ابلغ من العمر 16 سنة ندرس اولى ثانوي

كنت نجي من الاوائل لما كنت في المتوسط و نجيب 16 17 عاود طحت و جبت مرة 15

و في الثانوي في الفصلين الاولين جبت 13

و المشكل الفصل الثالث كارثة قاتلي صحبتي جبتي 11 راني مخلوعة انا مارحتش شفت لاني راني خايفة و دوك يبعتوا لبيلتان لدار

و راني خايفة واش نقول لماما ؟؟

واش نقولها قبل ماتجي بيلتان ولا نخليها حتا تجي

ساعدوني راني في حيرة و كيفاه ندير باش نولي كيما كنت في الاول

مع العلم اني حابة تقني رياضي

و درك مين طحت في المعدل المعدل العام يطلعلي 12.93

و راني خايفة ما يقلبلونيش وانا راني مصرة باش ندير هاد الشعبة

بلييز ممكن مساعدة و افيدوني كذلك عن الشعبة شحال لازم يكون المعدل باش يقبلوني

سلام

[فافا مينوشة]

قوليلها الحقيقة متخبي عليها ماوالو
وربي يجيب الخير وتعوضي فسنوات القادمة ان شاء الله

[amine0007]

بالنسبة للشعبة هوما مايعتامدوش على المعدل العام بل توجد عملية حسابية لبعض المواد+الاختيار اللي خيارتيه نتي

[naamane3]

و ماهو السبب اللي خلاك تطيحي كيما هاك
عاودي روحك

[سمية المستغانمية]

لازم تقوليلها ... و راجعي نفسك .. ماهي الأسباب التي أدت من هبوط مستواك

... أنا بنفس عمرك و بنفس السنة الي تقراي فيها ... أنا بالنسبة لي قعدت أنا أنا ماهبطت و طلعت
مع اني مستوااي عادي إذا نكثر نجيب 15
و اذا هبطت نجيب 12
في هذا العام جبت في الأول 12.39
و في الثاني 13.45
و في الثالث مازال بص راني باين ندي 13 و لا اكثر

أختي لازم تعرفي الأسباب لي خلاتك ماتديش مليح
و الله يوفقك

[جمال المهاجر]

المعدل مقترن بالمجهود الذي يبذله الطالب ..
الام تحب لك الخير .. و حسب علمي .. الام لا تريد اعى معدل و افضل شعبة .. بل تريد انتقال ابنها الى القسم الاعلى ..
انا اسف لاني لا املك معلومات عن المعدل المطلوب ..

بالتوفيق

[Assouma 93]

يا اختي الحياة تتبدل من المتوسطة الى الجامعة علابالي البنت تبدا تشوف في روحها و تحوس تلبس مليح و تكون افضل من كامل البنات و في نفس الوقت تهمل دراستها و يهبط مستواها لازم تعدلي بين مظهرك و قرايتك لانو اذا بقيت هكذا و الله ما تسلكيها مع تقني رياضي و ربي ينجحك ان شاء الله

[˙·● بَــدْرَآلَدِّيــــنّ ●·˙]

يـــــــا اختــــي هذاا شــيء عــــادي جدااااا ... الكـــل يسقــط ... لاننـــي اعرف الكثيــــر و الكثيـــر ممــن فقــد مســـتــواه مثلــكي تمــاما ... و يعــود السبب لانــك و لاول مــرة تتعرفيــن عــلى حيــاة الثــانويــة تظنيــن انـــك تعيــشــيــن حيــاة مغــايرة و ان حيــاة الثــانوية افضــل ... هذاا عــادي جداااا بالنسبــة لك حيــث دخــلت ما يســمى بحيــــــاة المراهقــة :p ... يجب الا تومنــي بهـــاااا ... اضــافة الى انــك في عـــامك الاول لان الدراســة تغيــرت قليــلا ... انـا متأكــد و كــل التأكيــــــد انــك ستسترجعيـــن مستــواك باذن الله العــام القــادم ... مع بعـــض الجديــة ... و اوصيــكي بتقــوى الله ... و قــراءة القرآن الكريــم لانــه خيــر مهدىء للنفــوس و اخيــراا اوصيــكي بقــراءة سورة البقــرة لابعــاد الحســد و الجن و كــل شــيء ...+ عدم مخــالطة صديقــات السوء و الصديــقات المؤثــرات عليـــك ... تقبـــلي مروري ... ~

[سماح 2]

حتى راني نعاني م نفس المشكل
مي راك تولي للمسوى ماتخافيش

[marinas]

اختي خطيك من المشية مع ذراري وتخمام بزاف في هذه امور تافهة تجيبي معدل رائع واذا قعدتي هكا العام الجاي تجيبي 10 ولا 9 وممك حتى تعاودي العام اختي سمحيلي على صراحة تاعي

[تسبيح الملائكة]

بسم الله الرحمن الرحيم
أختيِ الطيبة،،،أولا أتمنى ان تخبري والدكِ،،،فإنه ولله لايحس بنا بعدَ الله إلا أمهاتنآ،،
ثانيا،،أنصحكِ بالنظرِ والبحث والتحميص في الأسباب التي جعلتكِ تتراجعني كل هذا التراجع في دراستكِ
وأقعديِ بينك وبين نفسكِ فالإنسانِ العاقل هو الذي يجالس نفسه بين الفينة والأخرىِ يعرف عثراته ويحاول تخطيها،،
ثالثا،،بعد ان تجدي المشكل حاولي تنظيم وقتكِ ووضع برنامج دراسي تسيرين عليه شتان بين مؤمن منظم وآخر فوضي
بالتوفيق بنيتيِ^^

[حسين1988]

و ماهو السبب اللي خلاك تطيحي كيما هاك
عاودي روحك

ايه وشو السبب اللي خلاك تتراجعي في النتائج

[نور الايمان7]

يـــــــا اختــــي هذاا شــيء عــــادي جدااااا ... الكـــل يسقــط ... لاننـــي اعرف الكثيــــر و الكثيـــر ممــن فقــد مســـتــواه مثلــكي تمــاما ... و يعــود السبب لانــك و لاول مــرة تتعرفيــن عــلى حيــاة الثــانويــة تظنيــن انـــك تعيــشــيــن حيــاة مغــايرة و ان حيــاة الثــانوية افضــل ... هذاا عــادي جداااا بالنسبــة لك حيــث دخــلت ما يســمى بحيــــــاة المراهقــة :p ... يجب الا تومنــي بهـــاااا ... اضــافة الى انــك في عـــامك الاول لان الدراســة تغيــرت قليــلا ... انـا متأكــد و كــل التأكيــــــد انــك ستسترجعيـــن مستــواك باذن الله العــام القــادم ... مع بعـــض الجديــة ... و اوصيــكي بتقــوى الله ... و قــراءة القرآن الكريــم لانــه خيــر مهدىء للنفــوس و اخيــراا اوصيــكي بقــراءة سورة البقــرة لابعــاد الحســد و الجن و كــل شــيء ...+ عدم مخــالطة صديقــات السوء و الصديــقات المؤثــرات عليـــك ... تقبـــلي مروري ... ~


هذا رايي ايضا لو كنت درت لي عليك وسقطت في المعدل ..عادي لان ضميرك مرتاح واقنعي ماماك بالعقل وفهميها
وانت تعلمي من هذه التجربة باه تتقدمي للامام اكثر ماش تفشلي.. العكس ..العثرة هي لتعلمنا النجاح والتفوق لان ذقنا الالم واستفدنا من الخطا حاول تبعد على الرفقة الغير صالحة،والله معاك ويارب يفك مشكلتك ويوفقك تخدمي نفسك وبلادك ..آمين..آمين..

[اسلامي عزتي]

وانا كذلك اختي في تفس سنك وفي نفس مستواك الدراسي وقد تراجع مسنواي الدراسي بعد ان كنت اتحصل على 18 و19 في المنوسطة والان 16 لكن هذا لايعني ابدا ان نفقد الامل فامامنا مشوار دراسي طويل مليئ بالعقبات وان لم نفشل لن ننجح فالنجاح با اختي الكريمة هو سلسلة من الفشل الى غاية تحقيق الهدف وان شاء الله العام القادم سيكون افضل وتحقق اعلى المعدلات المهم عدم الياس ووضع الهدف تصب العينين

[amine1030]

السلام عليكم

انا فتاة ابلغ من العمر 16 سنة ندرس اولى ثانوي

كنت نجي من الاوائل لما كنت في المتوسط و نجيب 16 17 عاود طحت و جبت مرة 15

و في الثانوي في الفصلين الاولين جبت 13

و المشكل الفصل الثالث كارثة قاتلي صحبتي جبتي 11 راني مخلوعة انا مارحتش شفت لاني راني خايفة و دوك يبعتوا لبيلتان لدار

و راني خايفة واش نقول لماما ؟؟

واش نقولها قبل ماتجي بيلتان ولا نخليها حتا تجي

ساعدوني راني في حيرة و كيفاه ندير باش نولي كيما كنت في الاول

مع العلم اني حابة تقني رياضي

و درك مين طحت في المعدل المعدل العام يطلعلي 12.93

و راني خايفة ما يقلبلونيش وانا راني مصرة باش ندير هاد الشعبة

بلييز ممكن مساعدة و افيدوني كذلك عن الشعبة شحال لازم يكون المعدل باش يقبلوني

سلام

أختي بعدالسلام عليكم

ألا ترين أن السؤال الواجب طرحه هو لماذا هذا التراجع ليس كيف تتعاملين مع الوضع ؟؟
و بالنسبة لإخبارك والدتك من الأفضل أن تفعلي . و أتمنى التوفيق في إختيار الشعبة .