استفسار مهم من فضلكم

[ام نوفل2]

السلام عليكن اخواتي ارجوا المساعدة و الاجابة
كل كيلو تاع فرينة شحال يديرلي نكيلو تاع
1 السابلي (حجم متوسط)
2القريوش
3الغريبية
طلب مني بائع حلويات باش نخدملو 2 كيلو من كل نوع و ماعرفتش كل 2 كيلو شحال لازم فرينة

[mayaaa71]

السلام عليكم

أتمنى أن تفيدك الأخوات

نخدم القاطو في الدار عمري ما فكرت نوزن شحال من كيلوا إن شاء الله الأخوات يجاوبوك .أصبري

أريد منك طلب إذا ممكن مقادير القريوشة


ربي يعاونك و ييسر أمورك .

[ام نوفل2]

مقاديرالقريوش

كيلو فرينة
250غ مارغارين التوريق
ملعقة كبيرة خل
ملعقة كبيرة سكر
بيضة
كيس خميرة
ماء+ماء الزهر
عسل وجلجلان للزينة
ضعي الفرينة ثم شكلي حفرة في الوسط ضعي البيضة الخل السكر الخميرة والمارغارين وحكي جيدا بين يديك ثم لمي بالماء وماء الزهرواتركيها ترتاح ثم ابسطي العجينة رقيقة وقطعي مستطيلات واعملي فتحات بواسطة الجرارة مثل قريوش ثم اقليهم في زيت ساخن ثم قطريهم ثم عسليهم ورشيهم بالجلجلان المحمص
او طريقة اخري للاخت هنا معانا في المنتدي من بشار و هي مليحة تاني
قريوش من مطبخي
المقادير
1 كغ فرينة + مغرف صغيرة تاع خمارة الخبز +1 خمارة كيميائية نوارة +قرصة ملح و قرصة بيكربونات (اختياري ) وفاني تخلط المكونات الجافة
ثم نزيدو 150غ زبدة ذايبة و 30 سل تاع زيت تقريبا لما تخلطوهم مع بعض يعبرو كاس تاع قازوز (كبير ) تخلطو هذي اول خطوة
الخطوة الثانية انا كيلت بقابسة تاع زبدة صول 500غ ركزوا معايا رجااااءا تعبرو عند الخط الاول خل
وتزيدو 2 بيض و ماء دافئ تقريبا كاس كبير تاع قازوز
ملاحظة : كمية الماء تكون نفس كمية زبدة والزيت
طريقة التحضير تبسس العجينة ثم تعجن تترك لترتاح مدة نصف الى ساعة فجو معتدل يعني اذا كانت السخانة نصف ساعة برك
ثم تبداي فترقيق العجين بالالة اولا فرقم واحد مرتين ثم 3 ثم 6 كل مرة ترشي عليها شوية فرينة وهذا هو سر النجاح وتطويها على 2 وتكرري العملية 4 مرات ثم تحليها وتبداي فالتشكيل

[أم ماجد]

الله غالب نتمنى الاخوات يعاونوك
انا نخدم عادي بلا مانكيل
اظن كل نوع وقداه يدي

[ام نوفل2]

شكرا ااختي الله يخليك اسفة دخلت طول في الموضوع ربي خليك و ينجحنا ما دام الواحد يخدم بالحلال

[ام نوفل2]

اختي حبيت نسقسيك انتي من العلمة تاع سطيف اريد استفسار حول سوق دبي هل هو حقا موافق
في الاسعار ومليح الاني معولة نشاء الله نرحل وحابة نجي نشري ملتم

[mayaaa71]

شكرا لك أختي على الجواب

بالنسبة لسوق دبي في العلمة عندنا قريبة من العائلة تتسوق من ثم

قلت كل شيء رخيص و موجود

لكن ناس العلمة أولى بالرد و الإفادة

و حبيت نسقسيك كيفاش حتى تكون القريوشة صفراء في الطياب و ما تكونش نيئة

واحدة قالت في المنتدى تزيد مغرف خل في الزيت نتاع الطياب قبل ما توضعوا على النار

كيفاش الخل مع الزيت ما تخافش على وجهها
ربي يعاونك و يباركلك في خدمتك

[ام ندى 87]

ام نوفل واش راكي ربي يعاونك تتعبي مع البيبي وزيد الحلوى ختي ححبيت نسقسيك عندك لي يعاونك

[ام نوفل2]

شكرا اخواتي الكرام الحق نضم وقتي مع اولادي و البيبي و عاملة بيت نخدم فيها الحلوة
بالنسبة لسؤال الاخت العجينة تاع القريوش ما لازمش تكون خشينة باش ماتجيش نية