اليكم مشكلتي فماذا تقولون فيها

[بنت تاجنانت]

السلام عليكم ورحمة الله
اريد مشورتكم في مشكلة تحدث معي فاسمعو واحكمو

لا توجد في الحياة احسن من الثقة المتبادلة والصدق بين الزوجين فهما سر استمرار الرابطة المقدسة بينها اما انا ف ?.?....................

ملخص ما حدث معي انه تم خطبتي لشاب بعدما واكيد اول شيء قبل خطو هاذه الخطوة ان اتعرف عليه جيدا ان كان يقبل بشروطي ام لا او اذا كان هو لديه شروط وهاذه حالة عادية وطبيعية
المهم كان دوما يعطيني معلومات واشياء عنه وانا اكيد اصدقة كيف لا وهو زوج المستقبل لكن بعد العقد اكتشفت انه كان يكذب فقط علي كي اقبل به يعني متلا قبلا اخبرني ان مستواه الدراسي بكالوريا لاكتشف بعد العقد ويعترف ان مستواه التعليم المتوسط
حتى انه اخبرني بامور كثيرة ليقع علي الخبر كالصاعقة في انه كله كذذب في كذب
هاذا اولا تقبلت هاذا الامر لان العقد تم والواقعة وقعت لكنه تمرد ب ان يطلب مني ان اطلب من ابي كتابة بيته باسمي كي انقل له ملكيته له بعد ذالك بمعني ابي يكتب منزلنا باسمي انا وبعدها انا انقل الملكية لخطيبي بالاضافة الى انني اس انني اخطئت في اختياره لاني احس من كلامه دوما انه غير مسؤول فهو دائما تراوجه فكرة الحرقة اخاف ان انا تزوجته وتم الزواج ان يذهب يوما ولا يعود اقصج الهجرة الغير شرعية
ماذا افعل
سااااااااااااااعدوني:confused:

[moooooda147]

ضركا فات الوقت مادام عقدتي صايي
انتي نوصيك عامليه على قد عقليتو
وبربي يتبدل معااك وماتحكميش عليه
الا بعد المعاملة
وربي يسهللكم
وشكرا

[مريم الصابرة]

السلام عليكم اختي
تعرفي المشكل وين تعقدو قبل العرس بسنوات ووقت ما حب الراجل يخليكم يخليكم وتولي في مشاكل وتطلقي لا سمح الله
قوليلو إنت راجلي ماشي خويا باه تورث معايا بابا بالحياة تمسخير هذا لعب نتاع تكتبيلو الدار ربي يهدي ما خلق
اما إنو كذب عليك فهذي اختي عادة فالرجال من المفروض يخرج عادي ويحكي اللي عندو دخلها كذب فالاول ربي يهديه
اما إنو يخمم يحرق إسمحيلي نقولك ممكن بزاف يديرها ويروح ويخليك على حساب ما راني نشوف هذا إنسان مستهتر واناني يخمم في نفسو برك
انا واش نقولك الآن حاولي تغيريلو تفكيرو ويصلح أحوالو كان ما شفتيهش تبدل يا اختي ما راكيش الأولى أو الأخيرة تطلقي خير من تتزوجي بيه ومن بعد يدير أمور اكبر وتندمي وربي يعوضك وضعك محير المهم حاولي ممكن يتسقم موفقة

[هدى الجيجلية]

السلام عليكم
اختي
المشكلة الاولى
المستوى ما علينا
تجوز
ولكن أن يطلب منك
أن يكتب البيت بإسمك
وبعدين بإسمه
إسمحيلي
هذا إستغلال
بيعينه
لما تسرعتي
أختي
وعملتي العقد
أنا اعرف أن العقد يتم
بأيام
قبل العرس
ما راح اقلك شيء
إن شاء الله ربي
أيفرج همك يارب

[حميد.ص]

اقبح صفة بالنسبة الي الكذب.................ربي يصلح احوالوا......ربي يعطيك الخير

[بنت تاجنانت]

ارجوكم انا اطلب منكم ان تعطوني رايكم يعني كون جيتو نتوما في بلاصتي برك وش هو الحل لي ديروه وش ديرو

[سامو حنان]

أستسمحك اختي الرجل اذا ماكانش فيه صفة """" الرجولة """"" ستندمين كثيراً فيما بعد ،،، عييييييب ان الرجل الأصيل يطمع في مال زوجتو فما باله يطلب هذا ،، لكن الخطأ ديالك لوكان حبستيه عند حدو في أمر كيما هذا ،، قبل ما تتزوجو لم يستحي و طلب فإذا تزوجتي :confused::confused::confused::confused: ماذا سيطلب ،،،الزواج مسؤولية الزواج ماشي تاع نهار تاع حياة ،، اذا خممتي مليح و شفتي للبعيد تقدري تتخذي القرار ،، و لو قدر الله و حصل الطلاق الآن ألف مرة خير من بعد و ربما يكون عندك أبناء ،، خمي مليح استخيري الله و خاصة اذا ماكانش إنسان تاع دين ،، تبعي واش قال الرسول. اذا أتاكم من ترضون دينه ،،،،و ربي يعوضك أحسن منه ،، ربي يوفقك ادعي الله يشرح صدرك ،، و ادعيلنا معاك ،،:19: سلاااااااااام

[مريم الصابرة]

السلام عليكم اختي
لو ف بلاصتك بصراحة انا نطلق ما عندو شخصية هذا راي لو كنت في بلاصتك لكن ما رانيش نوقلك طلقي لا سمح الله ما نديش ذنوبك وذنوب راجلك بالنسبة ليا نطلق قبل فوات الأوان ربي معاك

[سامو حنان]

انا لا أنصحك بالطلاق و لا بالبقاء .،،، أنصحك ان تتقربي إلى الله و تدعي ان يفتح بصيرتك و ينور طريقك و يسخر لك الخير ،، فهو وحده اعلم بما ينفعنا ،،

[rayhana malak]

اختي انا من رايي تفسخو العقد ضرك خير مللي تتفر تدخللي وتجيبي لولاد وتتعقد الامور اكثر لانه يبانلي غير مسؤول وطماع وزيدي ديري الاستخارة

[salam algeria]

اختي صلي صلاة الاستخارة و ان شاء الله ربي يسهلك امورك لكن هذا الراجل طماع و ما يحشمش ربي يهدي ماخلق خارجها طاي طاي و لا نقولك يمكن حاب يليكيديك بهاذ الطريقة كي طلب تكتبيلو داركم و الله الناس رجعو بلا نيف و والديك وخاوتك واش محلهم من الاعراب في هاذي الحالة
نقولك كون جيت في بلاصتك نفسخ العقد اليوم قبل غدوة ياخي حالة ياخي

[موج و صخر]

ارجوكم انا اطلب منكم ان تعطوني رايكم يعني كون جيتو نتوما في بلاصتي برك وش هو الحل لي ديروه وش ديرو

تريدين الصراحة ، لوانا في مكانك مانكملش معاه ،
لكن كيما نقولو المكتوب يغلب المزروب

[oum tesnime]

كل هاد الشي ومازلتي تسألي وش ديري ؟؟؟

يا ختي هدا طماع وخارجها عيني عينك ...

الله يهديه

كيما قالوو البنات لو أنا نفسخ العقد ...والدنيا مزالها بخير ربي يعوضك أحسن منه

[achwak crazy girl]

انا مفهمتش كي دااار هاد الشىء علاه اصلا يكدب عليك ولكن اختي ضك فات الحال العقد تم كنت عرفتتي عقليتو من قبل ضك تفرت وربي ما فيه غير الخير

[مرام سيرين]

بصراحة انا كون جيت في بلاصتك اولا نواجهو على كل شيء وعلاه كذب عليا وعلاه خبى عليا وتاني فيما يخص البيت وامتلاكو قوليلو هذا خط احمر ومش راح نعمل واش قلت ومستحيل هنا يبان على حقيقتوا بصراحة اختى هو يبان طماع وطامع في مالك خاصة اذا كنت وحيدة والديك لو واجهتيه من الاول كون ما وصلتيش للحيرة لي راكي فيها الحياة الزوجية كي تبدا بالكذب وعدم الاحترام تنتهي بالصراع الدائم وقلة الاحترام بين الزوجين وهو بعد يقلك ياك علبالك من الاول وانتى لي قبلتي وتصورى الباقى المهم يا اختى ادعى لربي هو لي حنين كريم وعمرو لا رد عبد من عبادو من طلب المساعدة ربي يكون معاك اختى وانتى الوحيدة لي تقدرى تاخذي القرار لأنك انت الوحيدة لي تعرفيه مليح حنا نقدرو ننصحوا بصح نهاية الكلام راهي ليك

[malak mimi star]

اختي انا نصيحتي بطلي من درك احسن خير مدزيدي تتخدعي فيه و مدام يكذب قادر يروح و يخليك

[naamane3]

على حسب قولك هذا انسان طماع وشاف فيك
كيما يقولو عندنا خبزة طرية
وزيد بالزيادة يكذب باستمرار
وعلا حسابو راهو ناوي على الحرقة
وباينة رايح يحرق بدراهمك ولا بدراهم باباك
اذا كتبتي الدار باسمك ومن بعد تولي باسمو
انا لو كنت في مكانك والله ماقعدت معاه لحضة واحدة
حتى ولو كملت حياتي وحدي
علا خاطر كم المشاكل اللي رايحة تجي من وراه
ما يعلم بيها غير ربي وطبعا انت الخاسرة
والله المستعان

[lynoor]

علاش راكي خايفة مادام بان على حقيقتو واذا تاطدتي بلي بلي مافيهش امل يتسقم افسخي العقد هذه حياتك و حتى واحد ما راح بعيشها في بلاصتك و اذا راكي خايفة من كلام الناس طيشي عليك الناس تهدر في كلش فارغين شغل
ربي يفتح عليك

[loulou02]

أختي مازلتو على البر ، يعني مزال مدخلتوش، إطلقي و خلاص ، هذا باين إنسان طماع و ميحشمش .
رجال آخر زمن .

[ام مريومة]

السلام عليكم اختي
لو ف بلاصتك بصراحة انا نطلق ما عندو شخصية هذا راي لو كنت في بلاصتك لكن ما رانيش نوقلك طلقي لا سمح الله ما نديش ذنوبك وذنوب راجلك بالنسبة ليا نطلق قبل فوات الأوان ربي معاك


اوافقك الرأي أختي الطلاق احسن حل و مطلقة قبل الدخول احسن بكثير من مطلقة باطفال

[benham]

يا أختي أن تعيشي وحيدة .. خير ألف مرة أن تعيشي الجحيم مع رجل مثل هذا

[rim nano]

اختي الفاضلة هذا رجل طماع وكذاااااااااااااب عديم المسؤولية و عديم العاطفة واناني واحمق واصلاحه مستحيل الا ان شاء الله فانصحك بالطلاق منه بعد الاستخارة لانك طلاقك اليوم وانت عذراء خير من طلاقك وانت ب 3 اولاد والله يفتح عليك من جهة اخرى حكمي عقلك قبل قلبك لانه هو لا يحبك وكلامه هراء وكذب

[basma09]

يا اختي الله يهديك برك هاذا كامل فيه وراكي تسقسي فينا واش ديري
انا في بلاصتك نطلق لاخاطر من درك راه يقلك اكتبي الدار تاع والديك باسمو طامع فيها
نظن بلي ماحكيتيش لوالديك لاخاطر لوكان حكيتيلهم درك يطلقوك منو هاذا داخل علي طمع و نيتو فالزواج منك فاسدة و ماشي صادقة
وكيما قالت الاخت قبلي درك خير من مبعد بعيد الشر
المهم صلي صلاة الاستخارة اولا وثم خبري والديك بكامل واش قلك و تفاهمو واش ديرو معاه
وربي يجيب اللي فيها الخير و يهني بالك اختي عن قريب ان شاء الله

[بنت تاجنانت]

شكرا جزيلا على ارائكم والله ان اراكم في نفس رايي فانا دائما احس انه لم يخطبني لسبب الا لانه طامع في مال ابي فهو دائما يحرضني ضده ف احيانا يقول لي قولي لابيك ان يشتري لك الذهب ويكثر لانه يحتاجه في شراء سيارة بعد زواجنا واحيانا يقول لي قولي لابيك ان يعطيني مشروع او يفتح لي محل فانا فقير جدا ويجب ان يساعدني وعندما اقول له لما لا تطلب من ابيك مساعدتك ايضا يكفر ويسبني ويشتمني ويقول لي ماعندو ما فراك ماعندو ما دخلك في بابا وش فراك فيه
والله قد مانحكيلكم قليل
كرهت من الذل حاسا روحي بنت شوارع كي راه يديرلي هك على الرغم من انني عندي دراسات عليا قبلت بوضعه انه فقير ويجب انلا ارفضه لفقره الا انه تمرد
لا حول ولا قوة الا بالله العلي العظيم

[yacine-08]

هدا الزواج الدي بني على الكدب

مند الانطلاقة

لا تقة لي فييييييييييييييييه .

[hidayasoun]

الطلاق قبل الزواج احسن بكثير من الطلاق بعده و مع اطفال لا قدر الله نصيحتي انفذي بجلدك قبل فوات الآوان

[محمد جديدي التبسي]

الموضوع لا يستحق أن تفكري فيه افسخي العقد وانه الموضوع

[بنت تاجنانت]

شكرا لانكم وقفتم الى جانبي بارائكم ونصائحكم شكرا شكرا شكرا

[عطر الجوري]

حبيبتي ربي يفرج همك اولا انا كنت نتصفح في المنتدى وكنت رايحة نرقد بصح كي شفت مشكلتك غضتيني وقلت لا زم نلحقها شوفي اختي انا الحمد لله امراة متزوجة ونحب نقولك انو الصدق اهم حاجة في الراجل رايي اطلقي منو مادامك مازلتي عزباء .......... ارجو انتك فهمتيني وقبل ما تتزوجي وتجيبي اولاد يكون باباهم كذاب بصح يعني انتي ماسقسيتيش عليه وعائلتك وين كانت انا نهار خطبني راجلي درت عليه اونكيت الزواج ماهوش ساهل اليوم كذب علىالمستوى نتاعو غدوة يكذب 100 كذبة وكذبة رايي انفذي بجلدك وتتكتبي مطلقة قبل الدخول احسن مايوقع الفاس بالراس ربي يصلح احوالك
وعليك بصلاة الاستخارة والدعاء

[سيرين شوب]

هذا ثعلب ماكر نصيحتي لكي انك تتطلقي منه فورا ودون تاجيل

الرجل اللي توصل به الوقاحه انه يقلك قولي لوالدك يكتبلك الدار ومن بعد اعطيهالي هذا نذل ولا يبكى عليه اصلا

احكي لوالديك على كل ما قاله لكي واكاذيبه وتطلقي قبل ان تتزوجي به وتكوني في بيته

هذا معاشرته للندامه

[وصال سلام]

ربي يكون في عونك ويفرج عليك خيتي

كثري من الصلاة بالليل خاصة بعد منتصف اللل وماتنسايش الاستخاارة هي كلش
وربي حنين كريم

نقول حاجة قعاد الدار ولا زواج العار
اقعدي معززة مكرمة بين والديك خير من تعيشي في الذل والمهانة
الاحترام هو اساس اي علاقة وانا نشوف بلي مش مقدرك ولا مدايرلك قيمة
اسمحيلي قسيت عليك مي غايضتيني
ربي يرزقك بالزوج الصالح اللي يستاهلك تاع الصح
ربي ييسرلك ويفرج عليك ياااااااااااارب
وانا مع راي لبنات
الله يسترك

[marwa amira]

لوكان جيت في مكانك والله ما يزيد يسمع بيا ونفضحوا و ما نتزوجش،الزواج ماشي لعب
و كيما يقولو ناس بكري الكبش يبان خروف

[ABDOU ELE]

الســـــــــــــــــــــــــــــلام عليكم
اختي اهم شيئ في الرجل الصدق فان كان كداب وطماع .....كيفاش راح تامنيه على روحك ومستقبلك....ياخي المراة تتزوج الرجل لي يتهلا فيها.......ســـــــــــــــــلام
ربي يفرج عليك ويكون معاك

[بنت تاجنانت]

كلامكم جوهر
اوافقكم الراي

[asma_83]

انا رايي انك تفسخي ضرك خير من مرة اخرى بعد الزواج . يا اختي راكي تقولي بللي راهو كذاب وهذا كافي

[بنت تاجنانت]

شكرا لكم جزيل الشكر

[السيدة كرمين]

مازال ما فاتش الحال تطلقي ضرك أحسن من بعد الدخول ساعتها تكون خسارتك أكبر خاصة اذا انجبت أولاد
هذا واضح أنه لا يصلح مطلقا للزواج ورأيت من تزوجت بمثله وماذا فعل بها وبأهلها . هذا مش راجل لي يتعول عليه تبني معاه الدار وتجيبي لولاد

أخبري أهلك و اطلبي الطلاق في أسرع وقت

[النجمة القطبية]

السلام عليكم ورحمة الله
اريد مشورتكم في مشكلة تحدث معي فاسمعو واحكمو

لا توجد في الحياة احسن من الثقة المتبادلة والصدق بين الزوجين فهما سر استمرار الرابطة المقدسة بينها اما انا ف ?.?....................

ملخص ما حدث معي انه تم خطبتي لشاب بعدما واكيد اول شيء قبل خطو هاذه الخطوة ان اتعرف عليه جيدا ان كان يقبل بشروطي ام لا او اذا كان هو لديه شروط وهاذه حالة عادية وطبيعية
المهم كان دوما يعطيني معلومات واشياء عنه وانا اكيد اصدقة كيف لا وهو زوج المستقبل لكن بعد العقد اكتشفت انه كان يكذب فقط علي كي اقبل به يعني متلا قبلا اخبرني ان مستواه الدراسي بكالوريا لاكتشف بعد العقد ويعترف ان مستواه التعليم المتوسط
حتى انه اخبرني بامور كثيرة ليقع علي الخبر كالصاعقة في انه كله كذذب في كذب
هاذا اولا تقبلت هاذا الامر لان العقد تم والواقعة وقعت لكنه تمرد ب ان يطلب مني ان اطلب من ابي كتابة بيته باسمي كي انقل له ملكيته له بعد ذالك بمعني ابي يكتب منزلنا باسمي انا وبعدها انا انقل الملكية لخطيبي بالاضافة الى انني اس انني اخطئت في اختياره لاني احس من كلامه دوما انه غير مسؤول فهو دائما تراوجه فكرة الحرقة اخاف ان انا تزوجته وتم الزواج ان يذهب يوما ولا يعود اقصج الهجرة الغير شرعية
ماذا افعل
سااااااااااااااعدوني:confused:
تطلقي وانفذى بجلدك هذا هو الحل
الغريب شخص يكذب فى كل شئ بعيد عن مستوى الاخلاق ويطلب طلبات تدل على مستوى متدنى من الاخلاق علاش متمسكة بيه :confused:
وخايفة يحرق او اصلا يعمل مزية لوكان يروح ينقصو الكذابين من البلاد :19::19:

[ام شرفو]

أنا في مكانك أولا نحطو عند حدو نحكي لِأُمِي باه تخبر الوالد اللّي راه يضع النقاط على الحروف على خاطر بَانْ العيب قبل الزواج الفعلي و لحسن الحظ أنٌو اتسرٌع وفضح نواياه على خاطر راهو متأكّد من أنّو حطك في جيبو

[الفلة البيضاء]

لا اختي مازال مافتش الوقت و مازال ماداكش لداره
انا لو مكانك لفسخت الخطوبة في الحين واشبيك هذا كذب و تزوير و نفاق و حيلة و راكي قابلة بيه هل توجد به صفة واحدة بانه سيكون زوج صالح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ربي يعوضك خير منه

[dounia dado]

lreyr mesoul yebka reye mesoul , il n'est jamais trop tard ma soeur ala hseb lhadra had chakhs 3aklou srir w tama3 , kouli ldarkoum douk khirmen tweli lihoum b dreri ,wrabi yebaatlek ahssen menou inchalah

[بنت تاجنانت]

ان شاء الله
اميييييييييييين يا رب

[ツღعـصُـ♥ـوِݦۑツღ]

متقدريش تفسخي العقد ولا وسموه ؟

وباباك قلتيهالو ولالا؟

[بنت تاجنانت]

متقدريش تفسخي العقد ولا وسموه ؟

وباباك قلتيهالو ولالا؟

اكيد نقدر نفسخ العقد حكيت مع بابا على فسخ العقد مي ماعطيتوش سبب مقنع لاني اتحرجت وش راح نقلو قالي عاودي خممي مليح مي انا اتخذت قراري راح نفسخ العقد ونشوف كيفاش نحكي لبابا الحقيقة كاملة

[zfarou]

ارجوكم انا اطلب منكم ان تعطوني رايكم يعني كون جيتو نتوما في بلاصتي برك وش هو الحل لي ديروه وش ديرو

في هذه الحالة يستحسن الخلع

[z.abdo]

بصراحة اذا استمريتي مع شخص مثل اعتبرك انسانة مغفلة

عليك ان تفسخو العقد في الحال اين عقلك اختي


والله احتار في بنات اليوم رجل يكذب ويلعب بمشاعر البنت ولا تزال تلتصق به


افسخي الخطبة اليوم احسن ما تطلبي الطلاق في المستقبل

[ツღعـصُـ♥ـوِݦۑツღ]

لآ لآ آختٍيِ قًوليهًآآ كًآآمٍل وًشْ رًآآهْ فٍيْ قًـلٍبٍكْ

وً آدًآ بٍيٍكْ حٍشمًة مًآمًآكْ وينًهًـآآ خًآوٍتٍكْ ولوٍخٍرينْ

رًبٍيْ يًفٍرجْ عٍلٍيْكْ آخٍتْيْ

[hano.jimi]

لماذا تخبريه عن ممتلكات ابيكي اياكي ان تعوديه ان ياخذ نقوذ منكي او بالهذايا الثمينة لا تفكري انه كذب عليكي
عليكي ان تتعلمي كيف تتعاملي معه كوني حذرة ولا تخبريه عن كل مايحصل في بيتكم لا تخبريه بنقاط ضعفكي كوني قوية امامه
اما عن موضوع الهجرة اعتقد انه مجرد تهديد لكي لترضخي لطلباته
صلي صلاة الاستخارة وربي يدير لفيها خير شكرا

[أمة الله 12]

يا اختي أولا عليك ان تعلمي والديك بما يقوله لك هذا ,,,,,,,,,,,, (أقصد خطيبك لا اريد ان اقول كلمة تجرح مشاعرك)

باين عليه ناوي يدير فيكم كارثة

بما أنك عقدتي, أصبري عليه شويا أستغفري ربي و ادعيه

اذا تاكدتي انو تسقم كملي, و اذا ما ارتحتيش ليه طلقي ضركا خير من وقت اوخر

[ssoul25]

اختي اطلب منك ان تصلي صلاة الاستخارة وفوضي امرك لله مع الايام سيبين لك الله هدا الشخص

[كبرياء دمعة]

أولا أنا إذا كنت مكانك أح أفسخ العقد وأحسن أن بعبد الشر تكوني مطلقة بأطفال و الأن الوقت مازال
لصالحك وتستطيعي الفسخ وأوضعي كل كلمة قالها وكانت كذب والحمد الله أنك إكتشفتيه قبل الزواج وما تخافي أنت تظهري أنك بنت
الكل بيتمناك وأرجو أن يكون الله معك وقبل أن أكتب هذا الرد إستشرت أمي محامية مختصة في القضية الزوجية وهذي نصيحة من أخت صغيرو إلى أختيها الكبيرة

[zfarou]

هذا انتهازي محتال لايستحق هذا النقاش

[achwak.1993]

أنا في رأيي افسخي العقدأحسن ما تدمري حياتك كلها راهو طمااااااااااع