مشكل في بكالوريا 2013 ادخلوا

[المسلمة الأصيلة]

ههههههه العنوان شوية يخوف مي ما تخافوش ما كانش مشكل اداري ولا
غير حبيت كل واحد يقلنا كشما صرالو مشكل في الباك يعني تغاشا -داخ-
او مات بعيد شر


-
-










- فمثلا أنا من النهار الأول كي رحت نعقب من الخلعة لقيت روحي بلي راني نسيت الكارطة هه
البطاقة وطنية
مي من باعد الحمدلله جابهالي خويا
ههه
ايا وانتوما واشنو صرالكم

[kith]

ههههههههههههههههه ربي ينجحك خلعتيني ودرت الكوراج ودخلت هههههههههههههه

نهار الاول دخلت للقسم وجيت نريح بلاصة ماهيش بلاصتي هههههههههههههه

شكرا

[* طالبة الرضى*]

ههههههههههههههههههه

أنا نهار لأول جاني عادي ماخلعتش خلاص بالعكس كنت متفائلة

الكارثة نهار الثاني تقولوا هاداوين لباك خلعت لأبعد الحدود و قبل لاندخل الحجرة قعدت قدام سارية العلم عييت ننطق من الخلعة بزااااااااااف

جاز واحد و قالي ماتخافيش لباك لعام هدا ساهل و الرضيات حاتكون روعة

امالا كي خرجنا من امتحان الرياضيات عاودت تلاقيت بيه قالي اختي الخلعة تاعك صح خرجت هههههههههههه

[عائشة حسان]

موضووع رائع

في الفلسفة ، كان جاي رئيس المركز بش يفتح السوجيات في كلاصتي واترجيتوا انه ما يفتحهاش في لكلاصة ويشوف كلاصة واحدة أخرى لأني ما نريحش كيفتوحوها في لكلاصة اللي نجوز فيها ، وفعلا احساسي كان في محله جات مواضيع لا علاقة وكتبنا مقالات لا علاقة

وطبعا أكثر حاجة استفزتني يوم الاجتماعيات ،، زودوها في الشك اننا نغشوا ، والله وترونا بالتزيار اللي مش في محله ، حراس ماهمش اذكياء + ما يراعوش نفسية التلميذ .......... أكثر حاجة نرفتني نشرب في الماء ونشم في الهواء العليل وواحد الحارسة مستفزة واقفة معايا حسيت كلي شغل سجينة من غوانتانامو

وانتهت الباك بحلوها ومرها ،، يا رب اجعل أحلامنا أفضل واقع نعيشه

[zineb.alg]

ههه مسكييينة مي فاتو مالقري صراولي فيهم حوايج دمروني

سيرتو نهار لفيزيك انطفأت شمعتي هههه

[الحمامة المتفائلة]

انا شخصيا ابدا ما حسيتش بلي هدا ليراني نجوزو باك
جاني عادي والاكتر انو كان ممل وبعيد عن كل الحسابات والتوقعات
والباقي بدون تعليق حتى اني ما وجدتش الكلمات المعبرة
ربي يستر وخلاص حتى الامال لي كانو عندي حسيتهم راحو وتبخرو

[hana nana]

ههههههه العنوان شوية يخوف مي ما تخافوش ما كانش مشكل اداري ولا
غير حبيت كل واحد يقلنا كشما صرالو مشكل في الباك يعني تغاشا -داخ-
او مات بعيد شر


-
-










- فمثلا أنا من النهار الأول كي رحت نعقب من الخلعة لقيت روحي بلي راني نسيت الكارطة هه
البطاقة وطنية
مي من باعد الحمدلله جابهالي خويا
ههه
ايا وانتوما واشنو صرالكم

أنا تاني نسيت البطاقة الوطنية بصح نهار العلوم والموقف الاخر نهار الرياضيات في الكلاصة لنعقب فيها غير انا لنطلب في الأوراق الاضافية واحد ماطلب ورقة حسيت روحي نشغبل كيفاه واحد مايطلب غير انا

[* طالبة الرضى*]

أنا تاني نسيت البطاقة الوطنية بصح نهار العلوم والموقف الاخر نهار الرياضيات في الكلاصة لنعقب فيها غير انا لنطلب في الأوراق الاضافية واحد ماطلب ورقة حسيت روحي نشغبل كيفاه واحد مايطلب غير انا

هههههههههههههههههههههههههههه

مام انا قعدت نطلب في أواق إضافية واحد لاتي يتفرج فيا حتان شكيت واش راني نكتب في المات

هههههههههههههههههههههههههههههه

[Intissar A]

ههههههههه خاوتي انا نهار الرياضيات البست حوايجي بالمقلوب كي وصلت قالولي بنات كانو تما!!!!!!!!! مالخلعة,

[mica nour]

انا ما صراوليش بزاف صوالح :confused:
غي نهار اللغة الفرنسية طولت بزاف و قعدت غي انا و وحد الولد فالتالي
ايا وحد الاستاذة جابت القاطو و اعطاتنا و بدينا ناكلوا زعما الحفلة هههههه
و حقا شفت وحد المراقب كان ماشي يجري لدورة المياه كانو فيها اولاد يتزاقاو هههه ايا طاح انقلب هعهعهعههعهع يقتل بالضحك

[مسوس ب.أ]

و الله غير الحمد الله ماصرالي والو ... فقط أسبوع كامل كنت مريضة بالحمى و الكحة دارت فيا حالة ... الزهر لي عندي هههههه.

[azzouz hicham]

عادي والحمد للله

[hahou321]

انا اليوم الاول حطيت صاكي فالباب وهزيت لاستدعاء و لكارت وكي وصلت جيت نفقد حوايجي مالقيتش لكارط ومبعد بسيف مالقيتها طايحة في الساحة
اليوم الثاني في المساء غلطت فالقسم
ام اليوم الثالت فجلست في المقعد لي وراي و عمرت الورقة حتان جات الطفلة وقتلي اكي قاعدة في بلاصتي و ولات تحوس عل ورقة خضرة المهم

[Dz Aboubakr]

ربي ينجحكم كامل بالمعدلات اللي تطمحوا بيها

[المسلمة الأصيلة]

شكرا لكم جميعا على المرور
ومقاسمة لي جاست انتاع الباك
بصح واحد ما يلومنا رانا كامل كنا مخلوعين

[bac 2013]

انا ما صراتلي حتى حادثة غير في مادة الشريعة بكيت شوية علا خاطر نسيت شوية

[khaoula khouloud]

السلام عليكم
موضوع يضحك بصح مليح
انا الحمد لله ماصرالي والو في الباك في كامل الايام بصح صرات حاجو وحدة بر ك هههههههههههه
انامت من الخلعة ووليت صفراء بزاف خاصة في الفيزياء يعني اليوم الاخير ,
بعد مور الباك عاودت حيت ووليت عادي في الحقيقة الباك هو حاجة عادية غير حناا نخافو برك

[mahmoud281]

اانا المصيبة الكبيرة اللي صراتلي هي -في نهار الاول كانت عندنا عربية كيكتبت في ورقة الاجابة اسمي زدت كتبت اسمي في البلاصة تع اللي يمد الورقة بيضاء انشاء الله يحسبهلي

[sarah1424]

ههههههههههههه هذا باك ملعون
ياناس ناجحة 2 باك من قبل ومعدلات كبيرة يمكن التقة الزايدة ولدت الغرور
المهم والله والله ول عمري وانا نقرا هدا المرة كل ميعطولي الاسئلة نبقى 25 دقيقة باش نبدا سبحان الله مخي جامد نبدا ندعي ميتة بالخوف تقول اول مرة نفوت باك
والكارثة جات استرة وانا منسمعش بيها قررت منرجعش في الفلسفة مخدمت والو من لقلقة حتى الي نعفهم نسيتهم وزادت العشية سؤال مفهمتو في الفلسفة درت مشكلة واشكالية مقارنة لاني معنديش منهجية النص لكن الرائع الي يشوفني نجاوب يقول هذه لولة علة دزاير نعمر بالغالط ونكمل حتى الفلسفة تفلسفت نكرهت نتعبهم في ورقتي علابالي ندي0 بصح المهم يقراو ورقتي
والعجييييييييييييييييييييييييييييييب انا منمرضش بصدري عمري مسعلت سبحان الله ملي ندخل للقسم وانا نسعل الي يفوت يقلي ربي يجبلك الشفاء والسعلة نتاع اناس مريييض وبمجرد الخروج من القسم تروح
هادا الباك كرهني في الباك اخر باك في حياتي وحتى النتيجة قررت منشوفهاش
العام الماضي شفاها بعد يومين ماما تحلل فيا يا بنتي شوفي النتيجة وانا والو هادا العام نخلي سمانة ولا زوج باش نشوف علابالي نتيجو مخزية

[الملاك المجروح93]

اااااااااااااااااااااااه على الباك وما دار فيا

انا نهار الاول تخلعت مت بارعب كي مادولي ورقة الاجابة بديت نكتب المعلومات لحقت لاسمي كتبت بالاسم واللقب في خانة اللقب

واليوم الثاني ياويلييييييييي بت نبكي و صبحت نبكي و نرجع على الصباح حشاكم وكي دخلت القسم قتلوني بهاديك ربع ساعة لي خلاونا فيها نساناو الاسئلة

اما باقي الايام كل يووووووم الخلعة ونرجع حاشاكم

ونهاااااااااااار الفلسفة كيما مادولنا الاسئلة القسم كااااااااامل يضحك من شوك انا 30دقيقة و انا نضحك ممبعد وليت نبكي مناه انا حفظت البيولوجيا و الشعور بالانا والحرية والمسؤولية

والله كون جابولنا واحدة فيهم كنت ندي 15 كي والو مي قدر الله ما شاء فعل

حسبي الله ونعم الوكيل

وربي ينجحنا كااااااااامل ونديرو تخصصات لي حابين وكلشي قضاء و قدر

[siham94]

ana masserali walo le hmd .berk nehar lwel tekhel3et chewiya mais machi bezaf
we nehar tani re7et tale3li le moral besah ki chefet sujet we bedit ne7al we ma3refetch ne9assem le wa9et daretli le khole3a we welit raye7a nebki besah tefekret beli gali khoya matet9al9ich welit 7ekemet demo3i
besah konet ghir ana we we7eda godami li netlebo fe le awera9

we nehar le kher re7et khole3ana khelass we chafeni we7ed le 2esstad raye7a nbki gali matekhafich aw sahl we ki dekholet legito machi se3ib kima le math we falessafa mafehamet fiha walo khelet ta7lil nass we khelass








we ya rabi we seter

[mahmoud281]

انا المصيبة الكبيرة اللي صراتلي هي في النهار الاول في مادة العربية في ورقة الاجابة كتبت اسمي ولقبي نورمال و زدت كتبت اسمي في البلاصة تع ليمد الورقة بيضاء ....و انشاء الله يحسبهالي ...راني خايف بزاف

[ريان برهوم]

تغاشيت في فيزياء لانو نسيت درس الاسترة وليت نعيط بصوت هههههههههه خرجوني للعيادة ههههههههههه

[Queene miyo]

salam ana 3agebt normal 7ata nhar lakhar khliti denya nssit kolchi w chba3t bkaa ltema w ki b9at sa3a 9alebtha mawdou3 tani w f falssafa khrejt meyta b da7k 7ata rawa7t l dar w ana ned7ak b sawt eli 3andi ana w sa7abti hbelna kamel yetfarjou fina w makhalina 7ata wa7ad y3ageb telhaw bina w b lehbal ta3na

[جرف اسامة]

ربي يجحكم بتفوق انا باك 2014 ان شاء الله