بخصوص البنيون

[منوله]

السلام عليكم
عندي مشــــــــــــــــــــــــــــــكل كبير مع البنيون ديما يجيني حلو بزاف خاطر بيمو حلو و حلوى الترك حلوة حتى و نضيف الكاكاو
شكون عندها وصفة مليحة و مجربة و ما يكونش حلو بزاف

[راجية غفران ربها]

http://im38.gulfup.com/FVz8C.jpg

[ام ايمن17]

هذا النيون تاعي الي نصنعو كي نرونو منقويش العسل شوية برك
و نقوي الزبدة

ان شاء الله يعجبك


المكونات

2 علب بسكويت
2 علب كوفرات
شوية حلوى (http://www.hayah.cc/forum/t53250.html) الترك ( الشامية )
رطل كوكاو مطحون خشن
4 ملاعق كاكاو
فنيليا
قطع من (http://www.hayah.cc/forum/t53250.html) الزبدة ( مرغرين )
عسل للعجن

للتزيين

شوكلاطة مذابة في حمام مريم+ نصف كاس حليب + ملعقة زيت للمعان الشوكلاطة و يخلط جيدا ثم ينزع من (http://www.hayah.cc/forum/t53250.html) حمام مريم
شوية مكسرات


http://www.hayah.cc/forum/hayahimgcache/1/56437hayah.jpg

http://www.hayah.cc/forum/hayahimgcache/1/56434hayah.jpg

[nina13]

شكرا على البنينو الرائع

[منوله]

شكرا اخواتي manel1977 .......ام ايمن17 ربي يهنيكم ان شاء الله نجربو بهذو الوصفات و يخرجلي ماشي حلو

[بلقيس الهدى]

أشهى حلوى و هي الأفضل على الإطلاق

[عماني نور]

شوفي حبيبتي .. دخلتي لمنطقتي هههههههههههه البنيون بالذات حلوتي المفضلة و الي نبدع فيها ابداااااااع و الحمد لله
يعني مشهودلي بلي يخرج رووعة ;) و بيناتنا ... انا شخصيا معجبة بيه :p قولي حوحو ،، خوخو ،، بوبو ،، مايهمنيش ههههه المهم جربي و قوليلي

المكاييل اولاش ^^ انا ندير عيني ميزاني ، بعد ما نكملو كااامل القاطو ، نجمع واش بقى و نحطو فالبنيون

بيمو مرحي رقيييق ، كاوكاو مرحي متوسط ، ماشي بود ة باش يجي مقرمش، جوز كثري شوية ، و خليه خشين شوية ، حلوة الترك ، لوز ، بندق ، اي حاجة بقاتلك ديريها ، المهم المكسرات كامل ارحيهم خشان شوية ، و في الاخير الكاكاو حسب الكمية الي عندك ، و اختاري اجود انواع الكاكاو البني ، ديري تع الميزيان ماشي تع البوايط ، و شميه قبل ماتشريه إذا يريه الشيكولا جيبيه، اذا ماعجباتكش ريحتو اختاري من حانوت آخر حتى تلقاي نوع مليح

و ظوكا باش مايجيكش حلو ، ديري كمية من العسل مع الزبدة ، و ماتكثريش الزبدة باش مايجيش مزيت بزاف ، و ارجووووك اختاري نوع مليح تاع الزبدة مثلستار مثلا ، او مارغرين فلوريال ، والله ساعات فالعيد نذوق البنيون تع الناس نحب نرد فوادي حاشاك ، يديرووه مززززززززيت و ريحة السمن طالعة منو تحسابي لموه غير بالسمن
مافهمتش آسكو صح سمن ولا كاش زبدة فايحة ، المهم نصيحتي نقصي الزيت قدر المستطاع ، و اختاري نوعية مليحة

المهم خلطتي انا : كمية من الزبدة + كمية زايدة شوية عسل حطيهم فوق النار ، حتى تذوب كامل الزبدة ، خليه يبرد شوية و خلطي بيديك مليح
اكيييد تلقاي العجينة مازال ماتلمتش

جيبي حليب بااارد ، و بداي تزيدي بشوية ، حتى تتلملك العجينة كامل

المفروض كمية الحليب ماتفوتش فنجان صغير ، و ماتخليش العجينة تجري بزاااف

بعدها ، شكلي البنيون كيما تحبي ، خليه يريح فالثلاجة

حضري الجاناش ، " طلية الشوكولا " ، أيضا اختاري اجود انواع الشكولاطة السوداء :) + عجينة الشوكولا

ذوبيهم في حمام مائي + ملعقة صغيرة حليب + قرصة زبدة " قد حبة الحمص "

اطلي البنيون فوق مشبك ، و زيني اما بالبيستاش مرحي ، او حبيبات جوز ، خطوط بالشوكولا البيضاء ، حبيبات بندق ، انت و ذوقك

و إذا حبيبتي تقلشي روحك بالزيادة ;) احشي الحبات قبل ماتديريلهم الطلية بالمكسرات الي تحبيها ، جوز ، لوز ، او شوية حلوة الترك

صدقيني مايتشبعش ،، و النصيحة الأخيييييرة علابالي هدرت بزاااااااف بزااااااف بزاااااااااااااف ^^ " خبييييييييه في مكان بعيد عن أيادي الصغار و الكبار :p
و كيما قتلك ، خليه هو آخر حلوى تخدميها ، أولا لأنها مليحة كي تكون جديدة و مقرمشة
ثانيا لأنو فيها الحليب ، يعني مالازمش تطول

نتمنى تجربيها و تعجبك ، و تدعيلي ، و تبعثيلي نذوق :p

[منوله]

شوفي حبيبتي .. دخلتي لمنطقتي هههههههههههه البنيون بالذات حلوتي المفضلة و الي نبدع فيها ابداااااااع و الحمد لله
يعني مشهودلي بلي يخرج رووعة ;) و بيناتنا ... انا شخصيا معجبة بيه :p قولي حوحو ،، خوخو ،، بوبو ،، مايهمنيش ههههه المهم جربي و قوليلي

المكاييل اولاش ^^ انا ندير عيني ميزاني ، بعد ما نكملو كااامل القاطو ، نجمع واش بقى و نحطو فالبنيون

بيمو مرحي رقيييق ، كاوكاو مرحي متوسط ، ماشي بود ة باش يجي مقرمش، جوز كثري شوية ، و خليه خشين شوية ، حلوة الترك ، لوز ، بندق ، اي حاجة بقاتلك ديريها ، المهم المكسرات كامل ارحيهم خشان شوية ، و في الاخير الكاكاو حسب الكمية الي عندك ، و اختاري اجود انواع الكاكاو البني ، ديري تع الميزيان ماشي تع البوايط ، و شميه قبل ماتشريه إذا يريه الشيكولا جيبيه، اذا ماعجباتكش ريحتو اختاري من حانوت آخر حتى تلقاي نوع مليح

و ظوكا باش مايجيكش حلو ، ديري كمية من العسل مع الزبدة ، و ماتكثريش الزبدة باش مايجيش مزيت بزاف ، و ارجووووك اختاري نوع مليح تاع الزبدة مثلستار مثلا ، او مارغرين فلوريال ، والله ساعات فالعيد نذوق البنيون تع الناس نحب نرد فوادي حاشاك ، يديرووه مززززززززيت و ريحة السمن طالعة منو تحسابي لموه غير بالسمن
مافهمتش آسكو صح سمن ولا كاش زبدة فايحة ، المهم نصيحتي نقصي الزيت قدر المستطاع ، و اختاري نوعية مليحة

المهم خلطتي انا : كمية من الزبدة + كمية زايدة شوية عسل حطيهم فوق النار ، حتى تذوب كامل الزبدة ، خليه يبرد شوية و خلطي بيديك مليح
اكيييد تلقاي العجينة مازال ماتلمتش

جيبي حليب بااارد ، و بداي تزيدي بشوية ، حتى تتلملك العجينة كامل

المفروض كمية الحليب ماتفوتش فنجان صغير ، و ماتخليش العجينة تجري بزاااف

بعدها ، شكلي البنيون كيما تحبي ، خليه يريح فالثلاجة

حضري الجاناش ، " طلية الشوكولا " ، أيضا اختاري اجود انواع الشكولاطة السوداء :) + عجينة الشوكولا

ذوبيهم في حمام مائي + ملعقة صغيرة حليب + قرصة زبدة " قد حبة الحمص "

اطلي البنيون فوق مشبك ، و زيني اما بالبيستاش مرحي ، او حبيبات جوز ، خطوط بالشوكولا البيضاء ، حبيبات بندق ، انت و ذوقك

و إذا حبيبتي تقلشي روحك بالزيادة ;) احشي الحبات قبل ماتديريلهم الطلية بالمكسرات الي تحبيها ، جوز ، لوز ، او شوية حلوة الترك

صدقيني مايتشبعش ،، و النصيحة الأخيييييرة علابالي هدرت بزاااااااف بزااااااف بزاااااااااااااف ^^ " خبييييييييه في مكان بعيد عن أيادي الصغار و الكبار :p
و كيما قتلك ، خليه هو آخر حلوى تخدميها ، أولا لأنها مليحة كي تكون جديدة و مقرمشة
ثانيا لأنو فيها الحليب ، يعني مالازمش تطول

نتمنى تجربيها و تعجبك ، و تدعيلي ، و تبعثيلي نذوق :p


شكراااااااااا حبيبتي راكي شهيتيني فيها هههههه لازم نجربها و باينة تخرج بنينة و هايلة
صحا فطوورك

[& هبة الرحمن &]

بارك الله فيك على الوصفة

[idron0]

بارك الله فيك

[hano.jimi]

http://www.mobdi3ine.net/up/img1401616321919.gif

[عماني نور]

شكراااااااااا حبيبتي راكي شهيتيني فيها هههههه لازم نجربها و باينة تخرج بنينة و هايلة
صحا فطوورك

يسسسلمك ، صح فطورك حتى انت ^^

ان شاء الله تجربيها ، و أكييييييد مارايحاش تندمي :19:;)