مساعدة بليز

[imene tiartia]

سلام اخوتي اريد مقادير قاطو جنجلانيات و معمول بليزز انا في انتظار

[احلى حياة]

اهلا اختى ايمان حتى انا من تيارت

واش تقصدى بالجلجلانيات قصدك اللى يجى فى السيليكون ادا هو رانى ضرك ندير فيه

250 غ زبدة +5 مك سكر قلاصى + 5 مك مايزينة + 5 مك حليب لحضة +فانى +بيضة كاملة + 2 صفار + فرينة +1 خميرة

[احلى حياة]

مك هى ملعقة كبيرة

[imene tiartia]

سلام ماشي هذا هو انا صنعتو خطرة بصح نسيت واش درت فيه و هو يترمد فجنلان

[حبيبة فاطمة]

السلام عليكم
عندي هذا القاطو يسموه جلجلانيات مغلف بالجلجلان نتمنى يكون هو اللي راكي تحوسي عليه
المقادير : 3 كؤوس من الكوكاو المطحون+1/2كاس من الجلجلان المحمص+1/2كاس من الزبدة المذابة+1/2كاس من العسل+3بيضات+كيس خميرة كيميائية +250غ من الجلجلان غير محمص+عسل+2بياض البيض.
الطريقة :
-نخلط في إناء الكوكاو المطحون و الخميرة و الجلجلان المحمص و الزبدة و العسل و نواصل الخلط مع إضافة البيض حبة حبة حتى نتحصل على عجينة طرية و نتركها حتى تجف .
-فوق مائدة مدهونة نشكل حرابيش و نبسطها باليد و نقطعها بواسطة طابع القلب مثلا.
-نخفق قليلا بياض البيض و نغطس فيه الحلوى ثم نغلفها بالجلجلان الغير محمص.
-ندخلها للفرن و بعد نزعها منه نغطسها مباشرة في العسل .
و تقدم .
نتمنى نكون ساعدتك .