مساعدة من فضلكن

[سماح الجيجلية]

السلام عليكم

أنا كلما خدمت حلوى بالشكولاطة يعني القلاصاج نستعمل شوكولا التلميع نذوبها في حمام ماري ونضيف الحليب لكن بعد ما تنشف يتغير لونها وتفقد البريق ديالها وتصبح باهتة لكني نشوف الحلوي بالشكلاطة لونها أسود هايلة واش هو القلاصاج المناسب من فضلكن

[leilarima]

أنا ننصحك أختي ضيفي للشيكولا كي تذوبيها مع الحليب قطعة زبدة رايحة تحافظلك على لونها و تجي تبرق روعة

[milka40]

شوفي طريقة على ضمانتي بريق رائع
ذوبيها بالقهوة الطايبة
في الاول حطيها فوق حمام مريم كي تذوب زيديلها القهوة و خلطي مليح

[سماح الجيجلية]

شكرا على مروركما
موالفة نزيد الزبدة لكن اللون يحتلف حابة السواد تاعها يبقى هو هو
والقهوة نكتر منها؟؟ مايتغيرش الذوق؟

[لينا11]

اختي جربي كي تذوبيها تزيدي معها شوية كاكاو اسود نوعية لمليحة تاع ميزان وزيدي عليها قهوة طايبة ماشي حليب وفالاخير ديري شوية برك زبدة باش تلمع
وشخصيا نستعمل شكولا بوبوس تاع ميزان راهي روعة
لا مالقيتهاش نعوضها بأمباسدور كحلة ثاني راهي هايلة

[fella-g]

ختي ناطيك عفسة ساهلة دوبي الشوكولاطة اضيفي لها القليل من الزبدة و الحليب تخرج هايلة او بنينة

[أسية24]

أختي كي تذوبيها زيديلها شوية لا قلاص وكي نزيني القاطو ما تديريهش في الثلاجة هي إلي تنزع البريق

[djoujou djelfaouia]

السلام عليكم

أنا كلما خدمت حلوى بالشكولاطة يعني القلاصاج نستعمل شوكولا التلميع نذوبها في حمام ماري ونضيف الحليب لكن بعد ما تنشف يتغير لونها وتفقد البريق ديالها وتصبح باهتة لكني نشوف الحلوي بالشكلاطة لونها أسود هايلة واش هو القلاصاج المناسب من فضلكن

عندك الحق حبيبتي الشيكولاطه كي تزيديها الحليب والزبدة يتبدل اللون والذوق مع خبرتي في حلويات الشيكولاطه ننصحك زيديلها الماء باش تولي سوداء براقة بدل الحليب والزبدة متزيديهاش لانها تغيرلك الذوق

[zfarou]

يعطيكم الصحة شوقتونا ..للمذاق..

[natacha-sousou]

Diri zit sans gout w mn be3d zidi lhlib w la kahwa .....w chwiya kakaw mlih tema darbiha kima tdarbi elbit

[fari gimo]

اختي موالفة نخدم بالشوكولا تاع الميزان و ندوبها مع شوية حليب وزبدة على نار هادئة دون حمام مائي و تجيني مليحة لكن نخليها ثقيلة باش تبقى سوداء

[ام هبه]

نخدم بتاع الميزان وجامي خيبتني والسر في الحليب كي تنشفلك اتزيدي بالنص فنجال ويكون خاثر +كاكاو اكحل تاع الميزان مش تاع البايط من اجل الون والبنة جربي وماتندميش ان شالله.

[touta2010]

انا دايما نستعمل شكولا منى كبيرة اذ استعملتي تاع الميزان ضيفي حليب بودرة الممزوج مع قليل مع الماء