تسجيل الدخول

مشاهدة النسخة كاملة : عاونوني يا الفحلات راني متكلة عليكم

al-assira
2013-06-10, 19:21
بعد اسبوعين جايين خطيب اختي و اهلو يعني يعملو عقد و رايحين نعرضو العايلة لي الله يبارك كبيرة بزاف و جيرانا و حابين نديرو عزومة شابة و مبدلة في الاكلات يعني احنا نديرو كي شغل غداء و حبيت اراءكم في اطباق جديدة و عصرية و تنفع لمناسبة كيما هاذي و اعطوني انواع قاطو شابين اللي اكيد رايحة ندير بقلاوة و مخبز البيضة و حابة 2 انواع و لا 3 اخرين و مش حابة نتاع الطلية puisque دايرة مخبز البيضة راني نستنى في اراءكم
angel_forever
2013-06-10, 20:43
مساء الخير اختي مبروك مسبقا
رايحة نعطيك افكار من عندي وان شاء الله تساعدك لاني انا من الشرق ونظن عاداتكم مختلفة علينا
ديري شربة فريك محسوب الكل يحبوها وبوراك اعمليه على شكل مثلث تحبي تقليه والا طيبيه في الفور احشيه بالفرماج والطون وشوي كبار
ومدامها الدنيا سخونة مكانش قد الطواجن مثلا طجين الجبن والا نتاع اللحم المرحي والا تقدري ديري اسكالوب محشي بالفرماج
وسلاطة خضراء وسلاطة مشوية والا حبيتي زيدي ماسيدوان وتاني مرقة حلوة وكان تحبو حاجة عجين شخشوخة والا كسكسي انا الحق نشوف في الجو سخون على العجائن هههههههههه
وفي القهوة المخبز مليح والبقلاوة تاني تقدري ديري الفستقية غريبية
هذا واش في بالي ضرك نتمنى نكون افدتك
al-assira
2013-06-10, 21:43
مساء الخير اختي مبروك مسبقا
رايحة نعطيك افكار من عندي وان شاء الله تساعدك لاني انا من الشرق ونظن عاداتكم مختلفة علينا
ديري شربة فريك محسوب الكل يحبوها وبوراك اعمليه على شكل مثلث تحبي تقليه والا طيبيه في الفور احشيه بالفرماج والطون وشوي كبار
ومدامها الدنيا سخونة مكانش قد الطواجن مثلا طجين الجبن والا نتاع اللحم المرحي والا تقدري ديري اسكالوب محشي بالفرماج
وسلاطة خضراء وسلاطة مشوية والا حبيتي زيدي ماسيدوان وتاني مرقة حلوة وكان تحبو حاجة عجين شخشوخة والا كسكسي انا الحق نشوف في الجو سخون على العجائن هههههههههه
وفي القهوة المخبز مليح والبقلاوة تاني تقدري ديري الفستقية غريبية
هذا واش في بالي ضرك نتمنى نكون افدتك

شكرا حبيبتي على الرد و انا ثانيك خممت في الفريك و العجائن لالا ما نديرهمش و لازم ندير دجاج ولا اللحم مصور راني نخمم ندير افخاذ الدجاج محشية و ما زلت نخمم واش ندير
و كانش ما تفكرتي افكار جديدة حطيهم لي