ساعدوني....

[مشكلتي]

السلام عليكم ورحمة الله وبركاته
انا فتاة عمري25 سنة متزوجة وعندي بنت و ساكنة في فرنساوالحمد لله....
انا فتاة ذو شخصية ضعيفة ...بحيث انو لما ايجي اي ولحد ديري هاك نروح ندير واش قاللي ... يعني معنديش راي وهدا الشي الي مقلقني ومش حابة نكون هاك حتى الناس فاهميني بلي انا لا شي ...والسبب الةحيد الي خلاني هاك هو عندي نقص في السمع ملي كنت صغيرة.....داشما اعما جاهدة في وسط الجماعة ونركز معاهم باش تفهم لما نهدردايما خارجة عن الموضوع ولا كي عيطولي دائما بصوت مرتفع حتي نحسها حقرة...لحقت حتى مع الزوج انتاعي .... والله راني نحوس على كاش طريقة ياش نعلج روحي بصح كل شي مغلوق ختى الزوج انتاعي مش متحمس وسيرتو كي لقاها غالية بزاف....
فهل انتم برايكم هل هدا هة السبب الي مضعفلي شخصيتي.....والله حابة نتغير...والله حست الزوج انتاعي بدا يكره مني لانو انا بطبعي قلبلة الكلام...والروتين قاتلني...يعني مالقيت حتي حاجة الي نبدل بيها الجو يعني دينا الك قايمة بيها الطياب الدار ناقية كل شي ...الروتين تغلب عليا ...ما عرفت وش ندير ...كرهت حياتي....حابتو يشوفني مرا اننتاعالصح وخاصة في الكلام وانا عندي عقدة في الكلام بسبب السع حتي وليت متجنبة على الناس ونحب نقعد وحدي حتي بنتي ثاني جبدت روحي من لعباد كامل ...سامحوني على الاطالة ...والله مالقيت لمن نحكي ويناه اليى ينصحني ويقهمني راني غير وحدي في الدار.....وبارك الله فيكم مسبقا
ا

[Assouma 93]

vraiment tu m'a touché chérie je vous souhaite une bonne santé Inch

[أمة الله 12]

ربي معاك اختي

سمعت انه يوجد سماعات صغيرة الحجم توضع خلف الاذن, يمكنك الاستفسار عنها

بخصوص الروتين جددي في نفسك في هيئتك و ديكور منزلك حتى بتغييره من مكان لمكان, أطباقك, جربي كل شيء جديد

و لا تنسي ان تتقربي الى الله بالطاعات و الدعاء و الاستغفار

[أبو معاذ محمد رضا]

شفاك الله
اسعي في أسباب الشفاء
وقوّي شخصيتك حسب توجيهات المربين والنفسانيين
توكلي على الله فذاك هو سلاحك الفعال
ولا تعطي الناس أكبر من حجمهم فذمهم ومدحهم متساويان عند من يعرف حقيقتهم.

[faty05]

ربي يشفيك اختي
حاولي اطالعي و اثقفي به تلقاي مواضيع تتناقشي بيها مع زوجك و الاخرين
اما مشكلتك فليست جديدة عليك ,عليكي بالتعايش معها و حسب اما الاخرين فيعلمون بمشكلتك ما طلعي الحساب لا والو هوما لي لازم يراعيوك مش انتي لي تمرضي روحك بما يظنونه و ما يفكرون به
و اذا فيه عمليه ابداي طمي في السوارد بالشوية حتى يفرج ربي
ربي يهنيك

[النجاح حليفك]

هااااااااااكي هذا شباااااااااااااااااااااااب:

http://e-happyfamily.com/index.jsp?inc=30&type=6&name=%D8%A3%D8%B2%D9%88%D8%A7%D8%AC%20%D9%88%D8%B2 %D9%88%D8%AC%D8%A7%D8%AA

http://e-happyfamily.com/index.jsp?inc=30&type=5&name=%D8%A2%D8%A8%D8%A7%D8%A1%20%D9%88%D8%A3%D9%85 %D9%87%D8%A7%D8%AA
http://e-happyfamily.com/index.jsp?inc=30&type=7&name=%D8%A3%D8%B3%D8%B1%D8%A9%20%D8%B3%D8%B9%D9%8A %D8%AF%D8%A9


كاين صفحات حاولي تقري منهم

[موج و صخر]

شوفي مشكلة نقص السمع ساهلة
اذا العملية تستقام غالية
اشتري سماعات تحطيهم في وذنيك و غطيهم بشعرك ما يبانوش و ما يعقدوكش ، بالعكس
ترجعي تسمعي كل شيء و تستغناي على كلمة "ماذا"


اما انك قليلة الكلام : طالعي كتب تتحدث عن السعادة الزوجية ، طالعي الكتب الالكترونية
اعملي لزوجك سهرات رومانسية ، ....
ربي يوفقك

[sarah1424]

سلام اختي
نقص السمع ليس سبب في ضعف الشخصية ياما كاين ناس تسمع مليح وشخصيتها ضعيفة
متعقديش روحك لازم تتعالجي باش ترتاحي نفسيا وجسديا
ديري تغييرات ف حياتك اكسري الروتين ومتسلميش للوسوة

[123boutheina]

خيرا ان شاء الله ي اختنا
كل الي عليك هو الابحار بمجاديفكِ في بحر الانترنيت وستجدين ما يصقل شخصكِ ان شاء الله
وللتواصل الجيد والله اعلم جربي ان تتكلمي مع نفسك في المراة كل يوم 10 دقائق ع الاقل (لا تدعي احد يراكِ )
وفقكِ الله

[موح الحراشي]

كاين سماعات صح ،بصح ضعف الشخصية ناتجة عن عدم الثقة بالنفس،او ربما عندك عقدة نفسك تحسيها و هذا خطأ كبير،
لان نقص السمع ليس بالذي يجعل حالك هكا،شوفي ادباء كان عندهم عمى يعني ميشوفوش اصلا،عظماء في تاريخ البشرية،بيتهوفن كان اصم،وين تباني،عليك بالمطالعة اعملي على تثقيف نفسك،و بذلك يمتلأ الفراغ،و تولي نتي لي يسمعولك الناس وليس العكس،كذلك اهتمي بما يهتم زوجك،لا كان يهدر سياسة اهتمي سياسة،ولا كان تاع رياضة افهميها الخ،باش يكون مجالات حديث

[manels]

السلام عليكم اختي

مشكلة مش ضعيفة الشخصية مشكلتك انك تحسي بالنقص وهذا عادي لانو سمعك قليل وتصرفات الناس تجرحك شوفي اختي اشوفي روحي بيعي حاجة من ذهبك وداوي روحك والله نعرف بزاف من الناس عندهم سمع ناقص وركبو سماعات من وراء الاذن يعني يا اختي بنتك دك يمدولها اعانات من الدولة لمي هذوك الصوارد وداوي روحك

ماتنتظريش زوجك هو الي يبادر فهمتي اختي

[السيدة كرمين]

طبيعي أن يؤثر سمعك على تفاعلك مع الناس وحتى على شخصيتك ويجعلك حساسة جدا
لم تخبرينا هل ذهبتي للطبيب وماذا أخبرك عن حالتك ؟

أنصحك بشراء ليزابراي مش غاليين بزاف خاصة أنك في فرنسا ،يالوكان تلميلهم أو تسلفي
على جالهم وتحطيهم في وذنك وما يبانوش .