معجنات وأطباق لذيذة بالمرقاز المخادع

[إلهام07]

السلام1

الوصفة 20 : المرقاز المخادع

طاب نهاركم حبيباتي :mh31: .

تعرفو كل مانجرب حاجة وتعجبني نحطهالكم باش تستفادو معايا وهذي المرة جاتني في راسي فكرة المرقاز المخادع، تعرفو الحاجة أم الاختراع وأنا نموت على المرقاز كون نصيب ناكلو كل يوم بصح السعر نتاعو غالي و نصو شحمة :mad: وحتى النظافة راهي معدومة :mad: ماتتصوروش أن الجزار رايح كل مايجي يمس اللحم يروح يغسل يديه بالماء والصابون لخاطر عيونكم :rolleyes: .
المرقاز اللي يتباع إما العادي ( نتاع 650دج/كغ ) كي تقليه يذوب ويصفي بزاف الشحم أو spécial ( نتاع 950دج/كغ ) غالي ماتقدرش كل الأسر تشريه وفي كل الأحوال شروط النظافة والتخزين غير متوفرة فيه .
كامل نحبو المرقاز ونحبو ناكلوه ديما بصح السعر نتاعو غالي ماكانش أسرة تقدر تشري المرقاز كل أسبوع وحتى إذا تقدر تشريه يخافو من التسمم خاصة في فصل الصيف .
جاتني في راسي هذي الفكرة وعلاش مانحضرش المرقاز في الدار وجربتو و حبيت نشارككم في هذه الحيلة مع أنها بسيطة وممكن تعرفوها بصح حبيتكم تستفادو معايا بيها .

المقادير :
* انا استعملت حوالي 300-350غ لحم مفروم .
* راس ثوم مرابي
* توابل خاصة بالمرقاز كل واحد وكيفاش يحب يداوي المرقاز :
- 1/2م ص فلفل أسود
- 1م ص فلفل أحمر بودر
- 2م ص معمرة مليح كمون
- 1 م ص كروية
- ملح
- 1 م ص هريسة ، أنا نستعمل هريسة بريق الأمل لذيذة جدا
- 1 م ص طماطم مركزة ( اختياري )
- ممكن ثاني دبشة مقطعة رقيقة أنا مانديرش
http://im35.gulfup.com/kkyc2.jpg

إذا حبيتو تستعملو المرقاز للمعجنات كيما أنا ديروه بهذه الطريقة :
* نحطو في مقلاة شوية زيت ونقليو اللحم المفروم مع الثوم والتوابل كامل كي يطيب نطفيو والمرقاز المخادع أصبح جاهزا للاستعمال :19: .
http://im35.gulfup.com/wYXhg.jpg

حبيتكم تشوفو كم مرة استعملته روعة :19: مايفيقوش خلاص باللي هذا لحم مفروم :cool: :

هنا درت بيه بيتزا كالزوني كان عندي غير شوية لحم مفروم زدت رابيت معاه كاشير :
http://im35.gulfup.com/XZCmk.jpg
http://im35.gulfup.com/CvXgr.jpg
http://im35.gulfup.com/QyfZB.jpg
http://www.djelfa.info/vb/showthread.php?t=1293215

درت بيه قراتان البطاطا نتاع اميرة مع الشيدار والبيشاميل جا تحفة :19: :
http://im35.gulfup.com/95JtO.jpg

هنا كنت تعبانة ورايحة ندير قاطو الطبقات نتاع الأمنيات شرينا بيتزا عادية وزدتو هو من فوق مع جبن شيدار :
http://im41.gulfup.com/KFINY.jpg

هنا درت بيتزا بالعجينة السحرية نتاع أم كوثر جات تحفة خاصة مع camembert والشيدار :
http://im35.gulfup.com/j1T3h.jpg

هذي البارح برك درتها في دولمة الجريوات نتاع أم ماجد :19: :
http://im35.gulfup.com/9uGGK.jpg

مازال غير مادرتهاش هنا :D :
http://im37.gulfup.com/h18Zz.jpg

أما إذا تحبو جربوه شطيطحة مرقاز كيما وصفة بريق الأمل أو في مقلوبة المرقاز نتاع أم رامي تخلطو المكونات مع اللحم نيء وتعجنوه مليح وتشكلوه أصابع وتخليوه يريح حوالي ساعة في الثلاجة وتستعملوه .
http://im33.gulfup.com/jgFaI.jpg
http://im33.gulfup.com/aUZKO.jpg

هنا درت بيها مقلوبة المرقاز نتاع ام رامي طبق لذيذ جدا :19: :
http://im37.gulfup.com/ZXSa9.jpg

طريقة اقتصادية ديري بيه معجنات بأنواعها وراهو يجي اقتصادي وبنين وزيد متأكدة من النظافة ومن التخزين .

ممكن البعض منكم يعرفو الحيلة هذي لكن دائما هناك مبتدئين ;)

إلى اللقاء في أفكار أخرى :1:
:mh31: .

[SAMAH SAMAH]

جزاك الله خيرا

[meriama13]

يعطيك الصحة الهام على الوصفة
راني جربت بيتزا كالزوني جاتني رووعة

[sidali 2007]

يعطك الصحة روعة كما انت ربي يعطك ماتتمني

[ام بسومة]

لي عودة للموضوع

[مرام اروى]

يعطيك الصحة يالعمرية الحرة فكرة هايلة في انتظار جديدك

[ام بسومة]

يعطيك الصحة لهوومة راكي فووووووور
تستاهلي تقييم

[oum ibrahim]

الله الله عليك يا ام الافكار حتى المرقاز ولى مخادع ههههههه يعطيك الصحة على الفكرة الجديدة ربي يرزقك ماتتمناي

[أم ريمة*]

سلام شكرا الهام على المعلومة الله يمتعك بصحة البدن ويرزقك الزوج الصالح ماهى الترت الاخيرة وممكن تشرحى طريقة البيتزا بالكمبار وشكرا

[ام احمد وصال]

يعطيك الصحة يا ام الافكاران شاء الله نجربو هدا اللحم المرحي المجمد يتباع عند الجزارة كانل ولا كاين واحد سبيسيال باه نوصي الراجل يشريهلي

[إلهام07]

جزاك الله خيرا
آمين ، شكرا
يعطيك الصحة الهام على الوصفة
راني جربت بيتزا كالزوني جاتني رووعة
أو فرحتيني ، تاكلوها بالصحة والهناء :mh31:
يعطك الصحة روعة كما انت ربي يعطك ماتتمني
الله يسلنك ، شكرا على الدعوة حبيبتي
يعطيك الصحة يالعمرية الحرة فكرة هايلة في انتظار جديدك
الله يسلمك مرام :)
يعطيك الصحة لهوومة راكي فووووووور
تستاهلي تقييم
شكرا حبيبتي هذا من ذوقك :mh31:
الله الله عليك يا ام الافكار حتى المرقاز ولى مخادع ههههههه يعطيك الصحة على الفكرة الجديدة ربي يرزقك ماتتمناي
ههههههه ضرك كل شيء مع إلهام يولي مخادع وعلى قولة بسملة فرح ، مازال مازال هههههههه
سلام شكرا الهام على المعلومة الله يمتعك بصحة البدن ويرزقك الزوج الصالح ماهى الترت الاخيرة وممكن تشرحى طريقة البيتزا بالكمبار وشكرا
ام ريمة يا ام ريمة مواح نحبك ، شوفي :
1- التارت راهي في تطبيقاتي الموضوع نتاع 30 تطبيق ، درت وصفة جينواز أم رامي نتاع جينواز النيستلي بصح طيبتها في بلاطو 25سم * 33سم ومن بعد سقيتها وقسمتها على 2 ودرت فوق قطعة منهم المعجون نتاع الفراز وحطيت النصف الآخر فوقها ومن فوق شوية معجون وزينت بالشانتيي .
2- البيتزا : العجين وصفة العجين السحرية نتاع أم كوثر ، كل قرصة ندير 2 كيسان ماشي معمرين مليح فرينة نحي أقل من نصف العجين نحلو طويل كيما حبل ونحط فيه قطع الجبن مستطيلة ونغلق ونقص ونغلق الجوانب على شكل تمرات ونحل النصف الآخر نتاع العجين وندهن الصينية نتاع البيتزا ونحط القرصة ( نهزها بالرولو باش تبقى مدورة ) ونحط فوقها الصلصة حتى الحاشية باش كي نحط تمرات نتاع العجين يلصقو ونصفف هذوك القطع بشكل مائل ونخلي فراغات لاخاطر يطلعو يلصقو ونحط في الوسط زيتون أخضر شرائح ومعدنوس مقطع ومرقاز مخادع وجبن كامومبير وشوية كرام فراش نتاع العلب ( نتاع بلادنا ) وكي طيب من تحت نجبجها نرابي فوقها شيدار ونشعل من فوق تحمار وخلاص

[إلهام07]

يعطيك الصحة يا ام الافكاران شاء الله نجربو هدا اللحم المرحي المجمد يتباع عند الجزارة كانل ولا كاين واحد سبيسيال باه نوصي الراجل يشريهلي

لالا ماشي كل الجزارة كاين جزارة اللي يبيعو اللحوم والأسماك المجمدة هذوك تلقايهم حاطين les congélateurs فيهم هاذو لحوايج ، في المارشي نتاع 1014 الجزارة اللي على في الواجهة كامل عندهم
بصح عن خبرة جربت كل شيء مجمد تقريبا فيهم غير اللحم المفروم بصح لازم داويه مليح باش يجي بنين و2 أنواع نتاع سمك فقط ، الباقي والله غير خاطي خسارة دراهم فيهم ، مافيهم حتى طعم حاشى النعمة يعيفو

[الأمنيات]

http://img51.imageshack.us/img51/5996/01317829752.gif

[linat]

يعطيك الصحة حبيبتي وربي يحفظك من كل سوء

[soriaalg]

ربي يجازيك يا عبقورة المنتدى
شوفي نقولك حاجة ديري فينا مزية والفي كتاب سميه اختراعات الشاف الهام 07 من مختبرها الخاص
والله نحكي بالصح جبتيلنا الكثير من الافكار الرائعة والاقتصادية والاهم من كل هذا اللذيذة
ربي يرزقك ما تتمنين يااااااااااااااااااااااااااااااااااااااااااااااااا ااااااااارب جعلها في ميزان حسناتك استفدت كثيرا كثيرا

[ليلى اماني]

شكرا لك الهام دائما تفيدينا بأفكارك الرائعة و الاقتصادية جعلها الله في ميزان حسناتك

[مونيا غنية]

شكرااااااااااااااااااااااااااااااااااااااااا

[بثينة 123]

شكرا جزيلا بارك الله فيك

[rofia.sarah]

شكرا الهام ربي يعطيك ما تتمناي

[إلهام07]

http://img51.imageshack.us/img51/5996/01317829752.gif
يسعدني مرورك دائما حبيبتي :1:

يعطيك الصحة حبيبتي وربي يحفظك من كل سوء
لله يسلمك بنت بلادي :mh31:

ربي يجازيك يا عبقورة المنتدى
شوفي نقولك حاجة ديري فينا مزية والفي كتاب سميه اختراعات الشاف الهام 07 من مختبرها الخاص
والله نحكي بالصح جبتيلنا الكثير من الافكار الرائعة والاقتصادية والاهم من كل هذا اللذيذة
ربي يرزقك ما تتمنين يااااااااااااااااااااااااااااااااااااااااااااااااا ااااااااارب جعلها في ميزان حسناتك استفدت كثيرا كثيرا
هههههههه خلاص رجعتيني شاف ، فكرتيني في ماما قاتلي علاه ماديريش كتاب نتاع طبخ واش يها هذي :confused:
شكرا حبيبتي على الدعوة ، تحياتي :mh31:

شكرا لك الهام دائما تفيدينا بأفكارك الرائعة و الاقتصادية جعلها الله في ميزان حسناتك

شكرااااااااااااااااااااااااااااااااااااااااا

شكرا جزيلا بارك الله فيك

شكرا الهام ربي يعطيك ما تتمناي
شكرا حبيباتي مممممممممواح :mh31:

[*بيتي مملكتي*]

يميمي باين بنين مع كل الأطباق اللي درتيه فيها أنا ولولة ندي من كل بستان زهرة نقصد من كل طبق قطعة

[إلهام07]

يميمي باين بنين مع كل الأطباق اللي درتيه فيها أنا ولولة ندي من كل بستان زهرة نقصد من كل طبق قطعة
ههههههههههه راكي داخلة على طمع ههههههههههه :D جاية تشوفي الموضوع ولا تسرقي لماكلة :rolleyes:

[w05]

يعطيك الصحة

[إلهام07]

يعطيك الصحة
الله يسلمك اختي ، شكرا على المرور

[سارةالتلمسانية]

مممممممممممممممممممممممم روعة يعطيك الصحة

[nounoudjs]

بارك الله فيك

[salam dolli]

http://www.samysoft.net/fmm/fimnew/shokr/3/dbd44007a4.gif (http://[URL]http://www.samygames.com/)

[biks]

السلام عليكم

أختي الفاضلة أنت قمة في العطاء، و الحيل نتاعك رايحين نجربوهم و ربي يحفظك للمنتدى

بارك الله فيك

جزاك الله خيرا

[كريمة كوكة]

يعطيك الصحة يا الفحلة

[لمسة حنية]

الله الله انا نخدم بنفس طريقتك صح يجي هااااااايل وتاني نديره مع البوراك راهو يجي رووعه
صحييتي لهوومة

[إلهام07]

مممممممممممممممممممممممم روعة يعطيك الصحة
الله يسلمة
بارك الله فيك

http://www.samysoft.net/fmm/fimnew/shokr/3/dbd44007a4.gif (http://[url]http://www.samygames.com/)
شكرا
السلام عليكم

أختي الفاضلة أنت قمة في العطاء، و الحيل نتاعك رايحين نجربوهم و ربي يحفظك للمنتدى

بارك الله فيك

جزاك الله خيرا
وفيك البركة حبيبتي
يعطيك الصحة يا الفحلة
شكرا

الله الله انا نخدم بنفس طريقتك صح يجي هااااااايل وتاني نديره مع البوراك راهو يجي رووعه

صحييتي لهوومة

على بالي بية فحلو الفحلات ;)

[غزة في عيوني]

افكار في القمة دائما ودوما تبقاي فحلة ونص الله يعطيك الصحة :19::19::19::19::19::19::19::19::19:

[dania_ess]

بارك الله فيك

[إلهام07]

افكار في القمة دائما ودوما تبقاي فحلة ونص الله يعطيك الصحة :19::19::19::19::19::19::19::19::19:
ربي يخليك هذي مدة ماحكيناش توحشتك بزاف مممممممممممممواح
بارك الله فيك
وفيك البركة شكرا

[ام عبودة]

تسلميييييي يا فحلة الفحلات

[leila-alger55]

3andak afkar machaallah

[ladymillion]

مممممممم شهيتيني يعطيك الصحة الهام تاكلو بصحتكم واللحم حتى أنا نديرو هاك ويجي كي المرقاز بوركتي يالفحلة

[إلهام07]

تسلميييييي يا فحلة الفحلات
ربي يخليك ام عبودة ، قبلاتي :mh31:
3andak afkar machaallah
شكرا عزيزتي :)
مممممممم شهيتيني يعطيك الصحة الهام تاكلو بصحتكم واللحم حتى أنا نديرو هاك ويجي كي المرقاز بوركتي يالفحلة
ladymillion فى موضوعي يادي الهناء اللي انا فيه :1::1:

[merry_mora]

يعجبوني مواضيعك التفسير والاسعار والله نتي فوور فالشخصية ديالك وحتى طيابك ماشاء الله

شكرا ليك يامبدعة

[إلهام07]

يعجبوني مواضيعك التفسير والاسعار والله نتي فوور فالشخصية ديالك وحتى طيابك ماشاء الله

شكرا ليك يامبدعة
ربي يخليك حبيبتي شكرا ، تحياتي ليك :mh31:

[صابرة2013]

ما شاء الله مرا ساجيا
أفكار رووووعة

[إلهام07]

ما شاء الله مرا ساجيا
أفكار رووووعة


ربي يخليك صابرة هذا من ذوقك حبيبتي

[zarra duff]

رووووووووووووعة

[إلهام07]

رووووووووووووعة
مشكورة :) :)

[semouha]

ya3tik saha okhti

[سنوم 33]

ماما مالفا ديرهولنا بنفس الطريقة غير تكمل تعمر المصران الرقيق تاع الخروف بهذاك اللحم وتقفلو وتحطو في الكونجيلاتور وقت مانحتاجو مرقاز يكون واجد

[إلهام07]

ya3tik saha okhti
الله يسلمك
ماما مالفا ديرهولنا بنفس الطريقة غير تكمل تعمر المصران الرقيق تاع الخروف بهذاك اللحم وتقفلو وتحطو في الكونجيلاتور وقت مانحتاجو مرقاز يكون واجد
شكرا على المرور :)

[ام انصاف]

يعطيك الصحة الاخت الهام لازم لحم مرحي مجمد?من فضلك ان في انتضار الرد صح فطورك ورمضان كريم

[إلهام07]

يعطيك الصحة الاخت الهام لازم لحم مرحي مجمد?من فضلك ان في انتضار الرد صح فطورك ورمضان كريم
لالا حبيبتي ماشي شرط لحم مرحي مجمد ممكن استعمال الطازج ، أنا فقط حبيت نقتصد
صحة فطورك

[عطوفة]

يا الهام وراك وراك
رائعة اختي دائما
بارك الله فيك .....مواح مواح عليك....

[إلهام07]

يا الهام وراك وراك
رائعة اختي دائما
بارك الله فيك .....مواح مواح عليك....
ههههههههههههه ربي يخليك عطوفة
تحياتي ليك وشكرا على الرد المميز :mh31:

[سلسبيل11]

شكرااااااااااااااا:D

[إلهام07]

شكرااااااااااااااا:d

العفو سلسبيل :)

[merry_mora]

رايحة نهببببببببببببببببببببببببببل هبلتوووووووووووووني مانجي نلقى واش نطيب يعجبني كلش مانطيب واااااااااااااالو هههههههههههههههه

شكرا ليييييييييييييييييييك على ابداعك المتميز

[.1....2....1.]

روووووووووووووووووعة يسلموووووووووووووووووو

[mounia hse]

merciiiiiiiiiiiiiiiiiiiiiiiiiiiiiiii biennnnnnnnnnnnnnnnnnnn

[ام محمد78]

يعطيك الصحة

[إلهام07]

رايحة نهببببببببببببببببببببببببببل هبلتوووووووووووووني مانجي نلقى واش نطيب يعجبني كلش مانطيب واااااااااااااالو هههههههههههههههه

شكرا ليييييييييييييييييييك على ابداعك المتميز
ههههههههههههه رانا كامل كيف كيف ههههههههههههههههه
عادي انا كل يوم او 2 نجرب حاجة مانخليهاش في خاطري

روووووووووووووووووعة يسلموووووووووووووووووو

merciiiiiiiiiiiiiiiiiiiiiiiiiiiiiiii biennnnnnnnnnnnnnnnnnnn

يعطيك الصحة
شكرا حبيباتي على المرور العطر :mh31:

[nina nawel]

تحية أختي كبيرة لكل نساء الشرق الشاطرات ماشاء الله عليكم بنات بلادي الله يعطيك الصحة .

[om mehdi]

يا ختي الهام تعجبيني كي تحكي قبل ما تحطي الوصفة نحب وصفاتك ربي يحفظك

[malek nour hane]

سلااااااااااااااااااااااام لهووووووومة ..اطباقك كلها روعة و طريقة السرد اروع راكي تشوفي راني عضو جديدة هنا بصح في الصح راني قدييييييييييمة هنا هههههههههههههههههه و انا نمووووووووووت و نتابعك راكي fort زعما حطيت روحي فهيمة راح نراسلك مي لقيت لازاملي 1000 مشاركة الحقيقة ماني فاهمة فيها والو ااااااااااااااااااااااااا بصح ماعليش نتعلم و نعلم هههههههههه لكي كل الشكر يا فنااااااااااانة

[أم إناس]

روووووووعه يعطيك الصحه مرقزات هيلين. بارك الله فيك

[/زهرة عصفور الجنة/]

حفظك الله يا الهام

[منى العلم نور]

يعطيك العاغية

[منى العلم نور]

يعطيك الصحة

[ام قسوم]

جزاك الله كل خير على هذا المجهود وكلهم هاااااااااااااااااااااااااااااااااايل

[إلهام07]

تحية أختي كبيرة لكل نساء الشرق الشاطرات ماشاء الله عليكم بنات بلادي الله يعطيك الصحة .
وألف تحية مني إليك عزيزتي شكرا :mh31::mh31::mh31::mh31::mh31:

يا ختي الهام تعجبيني كي تحكي قبل ما تحطي الوصفة نحب وصفاتك ربي يحفظك
هههههههه نموت على الحكايات هههههههه:D:D:D:D:D شكرا :)

سلااااااااااااااااااااااام لهووووووومة ..اطباقك كلها روعة و طريقة السرد اروع راكي تشوفي راني عضو جديدة هنا بصح في الصح راني قدييييييييييمة هنا هههههههههههههههههه و انا نمووووووووووت و نتابعك راكي fort زعما حطيت روحي فهيمة راح نراسلك مي لقيت لازاملي 1000 مشاركة الحقيقة ماني فاهمة فيها والو ااااااااااااااااااااااااا بصح ماعليش نتعلم و نعلم هههههههههه لكي كل الشكر يا فنااااااااااانة
هههههههه ماعليش هكذا كي كنت جديدة كانت تبانلي 100 رد مهمة مستحيلة بصح كي رجعت ندخل للمنتدى بزاف في شهر جبتها :D:cool:;)
بصح حبيبتي فنانة هذي كبيرة عليا شوية مازالني نتعلم ;)

روووووووعه يعطيك الصحه مرقزات هيلين. بارك الله فيك
هههههههههههه :D:D:D:D:D:D

حفظك الله يا الهام
وااااااااااو واش نفرح كي نلقى ردودك في مواضيعي :1::1::1::1:

يعطيك العاغية

يعطيك الصحة

جزاك الله كل خير على هذا المجهود وكلهم هاااااااااااااااااااااااااااااااااايل
شكرا حبيباتي :mh31::mh31::mh31::mh31::mh31:

[nadira12]

يعطك الصحة روعة كما انت ربي يعطك ماتتمني

[عطرالذهب]

ماشاءالله لهلوبة دائما مبدعة

[sirina mouh]

chokran tarika jdida 3liya chokran

[umhadjer]

توابل المرقاز تتباع ’واجدة?

[طهراوي ياسين]

روووووعة
يعطيك الصحة ....

[R I A D]

يعطيك الصحة الهام

[iaman.fr]

جزاك الله خيرا

[فـرح]

ممممممممممممممممممم هايل يعطيبك الصحة الهام

[ام عمراني]

ماشاءعليك الله

[idron0]

يعطيك الصحة بارك الله فيك

[hayette82]

444444444444444444444444444444444444

[ام رنا]

شكرا اختي يعطيك الصحة

[أم أسماء 2]

اممممممممممممممممممممممممممممممممممم روعه يعطيك الصحة

[إلهام07]

نورتو الموضوع بردودكن عزيزاتي ....شكرا :mh31::mh31::mh31::mh31::mh31:

توابل المرقاز تتباع ’واجدة?
نعم تتباع واجدة كاينة ماركة " الذواقة " بصح أنا هنا حطيتلكم التوابل نتاع المرقاز في الموضوع غذا مالقيتيش ديري كيفي ;)

[حمودية]

يعطيك الصحة

[ايمان ايمانو]

بارك الله فيك الهام دايما متميزة بمواضعك الجميلة .

[oum malek]

بارك الله فيك ان شاء الله مأجورة

[*ام ادم*]

روووووعة ربي يجازيك الخير وكل ماتتمناي

[sandra didou]

مشكووووووووووووووورة

[lamia28]

جاك هاايل

مي ما فهمتش كيفاش شكلتييه .؟؟
ربما راكي موضحة في الصور مي ماهومش يبانو

[خيط الروح]

شكراااااااااا

ربي يجازيك كل خير

[lalola lamia]

يعطك الصحة

[ماريا.م]

بارك الله فيك
نقدرو كذلك نديروه في اسياخ ونشووه يجي كباب هايل

[sandie belle]

مشكووورة حبيبتي ديما عندك الجديد.

[nadiatlemcenia]

الله يبارك يشهي
يعطيك الصحة

[أم رقية نسرين]

يعطيك الصحة يا حرة الحراير
راني ديما نتبع الوصفات تاعك بكل هايلين
ربي يعطيك ماتتمناي

[بقلاوة]

4444444444

[كريمة الجزائرية 48]

باينة يجي بنين يعطيك الصحة اختي

[dif.hanane]

هذا واش راني محتاجة اليوم
ربي يجازيكم و الله منتدى رائع و طبخ ولا أروع :19:

[fatima3131]

دائما متألقة بوصفاتك
بارك الله فيك

[sousou52]

Merciiiiiiiiiiiiiii

[manoulamarina]

ربي يجازيك كل خير.متألق و دائم ا

[شمس بريكة]

http://montada.rasoulallah.net/uploads/monthly_07_2011/post-25052-0-67290800-1311503393.gif

[برينسس لى لى]

جزاك الله خيرا

[عطر و مطر]

جزاك الله خيرا
راائع

[فاطمة 2018]

الله يعطيك ماتتمناي راءع

[fetouha2705]

والله غير شهيتيني يعطيك الصحة

[سمر أحمد 2019]

جميلة بارك الله في مجهودك
الله ينور
تسلم ايدك

[سمر أحمد 2019]

مجهود رائع
موضوع مميز
لايك

[cooman]

ربي يجازيك

[الرفاعي مريم]

جزالك الله خيرا على هذا الطبق

[leila-alger55]

:dj_17::dj_17::dj_17::dj_17::dj_17::mh92::mh92::mh 92::mh92::mh92:raw"aaaaaaaaaaaaaaaaaaaaaaaaaaaaaaaaaaaaaaaa

[أم ميرال و آرال]

جوعتيني في نص الليل :(
يعطيك الصحة

[malika_bout]

شكرا بارك الله فيك