يلا ادخل لتكتشف...

[زينب07]

السلام عليكم ورحمة الله تعالى وبركاته
الى جميع الخوة الكرام وخاصة الى طلاب البكالوريا هاهي البكالوريا انتهت وانتهت الدراسة ولم يبقى الا انتضار النتائج وبقى الى الفراغ الدي لم نجد كيف نستغله انا اليوم فكرت في فكرة نتمنى انو الجميع يوافقني فيها لكي نتخلص مي الفراغ ونشغل ارواحنا فيما يرضي الله وليكون طريقنا الى النجاح
انا قررت ان اضع موضوعي وهو انو نبداو نحفظو القران الكريم وكل واحد يدخل يقلنا وين راه واصل في الحفاظة وهكا نتحفزو كامل ونحفظو اكبر ممكن من القران انا واللله غير نعرف واحدة تقرا البكالوراي الله يبارك ختمت القران كريم وهي الله يبارك من الاوائل هيا نتنفاسو في حفظ كتاب الله من اجل القضاء على الفراغ خير منبقاو غير نهدرو في حوايج تافهة اللفات مات خمم دركا واش ترضو ربكم على الاقل يسرنا طريقنا وينجحنا يااااااااااااارب برك
وكل واحد عاجباتو فكرتي والا معارض يضع ردو ومشكورين ادا طبقتو هدي الفكرة وجزاكم الله كل خير وادعولي ينجحني وينجحكم يااااااااااااااااااارب وان شاء الله يكون حفظنا لكhttp://t3.gstatic.com/images?q=tbn:ANd9GcQ_4zB1ywRrEU2CcH1uiGLU2FZKn_joO tkG8JVIbo9tq275WQh1http://up.fr7.com/uploads/images/fr7-ae8c6afbd8.gifكتاب اللله طريقنا للنجاح امين

[sammi2015]

فكرة رائعة، انا حفظت سورة البينات أثناء التحضير الاخير و شعرت أني استطيع أن احفظ شيئا من الدروس و الحمد لله بعدما كنت قانطا من الحفظ .


شاهدو هذا المعاق الذي لا يستطيع حتى التكلم و هو يحفظ كتاب الله عن ظاهر قلب، حيث أبكى الجميع:

http://www.youtube.com/watch?v=E5_1VP1WErg&feature=share


نشيد يا حامل القرآن قد خصك الرحمن - مؤثر

http://www.youtube.com/watch?v=xao280T0JVc

[زينب07]

شكرا على الرد وان شاء الله نحفظو اكبر عدد ممكن انا البارح بديت نحفظ بديت من اول سورة وصلت انا تاني لسورة البينة وهكا نواصلو ميجي يخلاص الصيف نلقاو رواحنا درنا حفظنا اكبر عدد ممكن من السور مشكور اخي وربي يبارك فيك

[bella12]

انا حابة ندخل نحفظ في لمسجد نستنى في اختي تكمل تعدى البيام و ندخلوا كيف كيف
لو لربي يهدينا يارب

[زينب07]

وينكم وين ردودكم يلا نحفظ كتاب الله يلا

[زينب07]

والله غير فكرة مليحة انا قريت في جمعية تاع حفظ القران يعلمو بالاحكام التجويد ونعرف نقرا باحكام التجويد هو من الاحسن تتعلمي بالاحكام وان لم تجدي الامهم نحفطو ما تيسرا لنا لنيل رضا الله مشكورة على الرد

[صفا الروح ايمانوو]

وعليكم السلام ورحمة الله وبركاته بارك الله فيكي اختي الغالية جزاك الله خيرا هذا ما ناويته بعدما ارتاح لمدة اسبوع اباشر في حفظ كتاب الله نسأل الله ان يعيننا على حفظه وينجحنا هذا العام اميين ياارب

نحن للاسف لا يوجد مركز حفظ ساجتهد بنفسي

[زينب07]

مش مشكلة المهم تكون كاين ارادة باه نحفظو اللمهم لازمنا نبداو نحفطو وميجي يخلص الصيف لقو رواحنا درنا خطوة لقدام وياااااااااارب سهللنا نختمو ولبسو لوالدينا تاج ياااااااااااااربي برط ويكون نور يااااااااااااااارب ويسرلنا ومشكورة على المرور خيتي ولازم كل يوم ندخلو فيه للمنتدى كل واحدي قلنا واش حفظ حتى ولو سورة واحدة مش مشكلة اللمهم فتح المصحف وقرا بدل ميروح يتفرج مسلسل والا يروح يحفظ سور ة وانا راني ننتضر واش حفظتو وياااااااااااااااربي يكون لنا سبب في نجاحن في البكالوريا ياااااااااااارب

[دقّات قلب]

فكرة هايلة يعطيك الصحة

[زينب07]

مشكورين على الردود

[mohamedezel]

فكرة هايلة هذه
انشاء الله نعملو بيها كامل
ميغسييييييييي

[الحمامة المتفائلة]

شكرا اختي على الموضوع الاكثر من قيم
بارك الله فيك وجعله ان شاء الله في ميزان حسناتك
ان شاء الله ناوية على دلك بعد ايام
يارب سهل علينا حفظ كتابك واجعلنا اللهم من حملة القران
اللهم عطر السنتنا بتلاوة كتابك واجعله يارب لنا شفيعا يوم القيامة

[meryem achraf]

هل أحفظ معكم أم احضر للشهادة ؟؟
أظن أن الشهادة أولا اي احفظ دروس الشريعة و الاجتماعيات في هدا الصيف نعم ام لاااااااااااا؟؟؟؟؟؟؟؟؟؟؟؟

[زينب07]

واللله انتي مش راح تحفظي الصيف كل والا راح تقراي الصف كل نتي خصي وقت تحفضي فيه دوروسك وخصي حتى ساعة تحفظي فيها كتاب الله حتى ولو سورة كل يوم مش مشكلة وربي يوفق ويسهل ومشكورين على الردود بوكتم جميعا

[زينب07]

مشكورة اختي الحمامة المتفائلة على الرد والكل مشكورين

[THE GREAT GIRL]

السلام عليكم و رحمة الله و بركاته

بارك الله فيك على الطرح المفيد

انصحكم بالبدا بسورة الكهف لان فضلها كبير كما انها سهلة الحفظ انا اتبعت طريقة خاصة و ممتعة و هذه هي :

اولا حملوا السورة التي تريدون البدا في حفظها على الموبايل و هكذا عند القيام باشغال البيت او غيره لا نضيع الوقت بل نعمل و نستمع الى القران استمعوا اليها مرارا و تكرارا (خاصة قبل النوم )، حاولوا ان تقراوا مع المقرئ ... اما التلاوة من الكتاب فافضل وقت هو بعد صلاة الفجر و هكذا ستجدون انكم قد حفظتموها بكل سهولة و لم تضيعوا الوقت او الجهد في ذلك

[مسوس ب.أ]

أنا تاني بديت بالحفظة البارح حفظت سورة الرحمان و اليوم حفظت سورة الواقعة نتمى ربي يعيني في حفظ القرآن كله و يعين كل واحد لديه نية في الحفظ.

[Catal0ni]

ربي يبارك فيكم ، ويثبتكم ، ادعولي نلتحق بيكم

[عاشق الاله]

هذا أفضل شيئ في الصيف ليس لملئ الفراغ لكن لملئ القلوب و تغذية العقول خاصة في وقتنا هذا

نحتاج لحجاج بن يوسف أو خالد بن الوليد لأعادة هذه الامة الى رشدها و ايقاظها من نومها العميق

كما أن زيادة الايمان لن يكون في القران فقط بل يكون أيضا في ترك كل ما هو فاسد وعمل ما هو فيه خير

أما عن هذا الاقتراح فهو جيد أنا تعلمت أحكام التجويد منذ 3 سنوات و بدأت حفظ القران لكن مع مغادرة الامام و اقتراب موعد

البكالوريا توقفت عن الحفظ لكن لم أتوقف عن سماعه

[زينب07]

والله بوركتم جميعا وان شاء الله كامل نحفظو وان شاء اله ربي يسرلنا ونحفظو كتاب الله يااااااااااارب ربي يبارك يعطيكم الصحة كاااااامل وربي يسرلكم ويسرلي

[زينب07]

http://files.fatakat.com/signaturepics/sigpic302250_6.gif

[**ابتسام**]

بوركت اختي زينب موضوع في القمة .................................................. ....يتبع

[قدوتي رسولي]

السلام عليكم
فكرة رائعة
ربي يوفقكم
انا سمعت بلي لي يختم القرآن ويدعي ربي دعوة يستجيبلو والله اعلم
اخت زينب انت اي شعبة ان كنتي رياضيات ارجو منك النصح
وشكرا

[mohamedph32]

الله يبارك و يوفق الجميع كتاب الله هو الصح الباك غير زيادة و كي يحطوك في قبرك راح يسقسوك على دينك ماهوش الباك ديته ولا والو

[souhmed]

طرح مميز جوزيت خيرا ان شاء الله

[زينب07]

مشكورين على الرد والله انا خيتي شعبة تقني رياضي علاه نتي اي شعبة وهل عقبتي الباك والا مزال ربي يوفق واي شيء انا هنا ربي ينجح ويسر واس بديتو والا مزال

[sammi2015]

شاهدو هذا المعاق الذي لا يستطيع حتى التكلم و هو يحفظ كتاب الله عن ظاهر قلب، حيث أبكى الجميع:

http://www.youtube.com/watch?v=E5_1VP1WErg&feature=share



نشيد يا حامل القرآن قد خصك الرحمن - مؤثر

http://www.youtube.com/watch?v=xao280T0JVc

[زينب07]

مشكورين وجزاك الله كل خيرعلى هدا الفيديو الاكتر من رائع وانا انتظر اين وصلتم في الحفظ

[زينب07]

وينكم واش درتو فيها وين راكم واصلن واللا مزال مبدييتوش

[nano-7]

بسم الله الرحمان الرحيم و الصلاة والسلام على اشرف المرسلين سيدنا محمد وعلى اله و اصحابه
فشكرا جزيلا على هذا الموضوع الرائع
فانا معكم وهذا افضل شيء لقتل الفراغ
http://forum.sedty.com/t230963.html
وان شاء الله ربي يوفقنا

[zineb.alg]

بارك الله فيك اختي فكرررة هااايلة

والله لفيييد ملينا منه

[قدوتي رسولي]

مشكورين على الرد والله انا خيتي شعبة تقني رياضي علاه نتي اي شعبة وهل عقبتي الباك والا مزال ربي يوفق واي شيء انا هنا ربي ينجح ويسر واس بديتو والا مزال

أأأأأأ ربي ينجحك
خدمتي ولالا ربي يوفقك
خسارة حطيتك مات هههههههه معليهش انا كيفكيف انا ماتيلام
ربي يخليك

[عادل الكتالوني]

ان شاء الله