سجل حضورك بمثال شعبي

[* عبد الجليل *]

انا نوصيك ياسعيد و انت في العمى تزيد.

[* عبد الجليل *]

يفنى مال الجدين و تبقى حرفة اليدين.

[* عبد الجليل *]

فوت على الواد الهايج وماتفوتش على الواد الساكت.

[* عبد الجليل *]

واش من مرقة حرقت شواربك.

[* عبد الجليل *]

قد ماتكبر العين الحاجب فوقها

[hanatendresse]

ma takhed lqerd 3la malou
yrouh lmal w yebqa lqard 3la halou

[* عبد الجليل *]

*اقصد الدار الكبيرة الا ماتعشيتش تبات دافي.

[* عبد الجليل *]

*قد ماتكبر العين الحاجب فوقها.

[رندة نهاد]

لا ترخص نفسك لمن يذلها ولا تشرب من النقيع تموووووت والدار لي ما تعجبك بدل غيرها ولو كان حجرها ياقوت

[رندة نهاد]

اللي يحبك يستر ذنوبك واللي يكرهك يفضح عيوبك

[رندة نهاد]

الرجلة بحر والعوامة قلال

[رندة نهاد]

يبات ياكل مع الذيب ويصبح يبكي مع السارح

[رندة نهاد]

تفهمني نفهمك ....... تغدرني ندمك

[رندة نهاد]

طول العشرة تعرفك الذهب من القشرة

[* عبد الجليل *]

لا تكثر على الملوك لا يملوك

[* عبد الجليل *]

الشركة هلكة لو كان في طريق مكة

[* عبد الجليل *]

من عندي ومن عندك تنطبع و من عندي وحدي تنقطع

[* عبد الجليل *]

سعد الزينة في الحما و سعد الشينة في السما

[زَيْنَب ♥●٠·˙]

الهدرة عليا و المعنى على جارتي :p

[رندة نهاد]

اللي فاتو الطعام يقول شبعت واللي فاتو الكلام يقول سمعت

[زَيْنَب ♥●٠·˙]

اللِّي صَاب رَاحْتُو فالهْبَال
مَا عَنْدُو ما يْدِير بالعقَل

[ou adem]

لي مافيه نفع فالواد دفع وكي كملتو الامثال الجزائرية نقولكم مثل سوري يقولو الطبل بحرستا والزمر ب دوما معنتها انانحكي علا حاجة ونتا فاهم حاجة اخرى

[dousfer]

وصلها لفمو وارتاح من همو

[زهرة لرضوان]

شكرا على الموضوع وأنا أشارك بقولي """" شعرة في عيني شافها أو خشبة في عينو ما شافهاش"""" تقال عن من يرى عيوب الناس ولا يرى عيبه سلام على الجميع

[dousfer]

حقرتني كل محقورة حتى كلبة منصورة

[Ayad3]

جا يكحلها اعماها هههههههههههههههههه

[عبد الرحيم80]

"لي عاير لملاح ما بردتلو كية " و يقال للانسان الذي يريد الطعن و التقليل من شان شخص يعرفه الجميع باخلاقه او تصرفاته او اصله فمهما تكلم عنه و قال فلن تبرد ناره لانه يعلم في قرارة نفسه انه يقول عكس الحقيقة

[بسمة نهال]

ما جا الخير فيها ما جا في حماتها تنهيها
يقال عندما يتفق اثنان على أمر سيئ

[djmokhtar]

شكرا على الموضوع

[همس الاحساس]

فوت على الواد السرسار ولا تفوت على الواد الصامت

[يسرى14]

انا نقولك سيدي وانت عرف قدري
يازينك يادعوة ومولاها ميت
نده الجايح يدبر عليك

[coeur alger]

لالة عدوة و حاجتها حلوة

[* عبد الجليل *]

الزهر ما شفتوش ,, نسمع غير عليه
و السعادة ما نعرفهاش ,, شايفها غير من بعيد

[* عبد الجليل *]

وصاني جدي .. نلبس قدي .. و نعيش بلي عندي

[* عبد الجليل *]

فوق راسي تاج ‘‘‘ خليت الريش للدجاج ..~

[* عبد الجليل *]

كآين لي خير مني و كآين لي قل مني~ بصح مكانش زوج مني ‘‘

[nihal fatima]

آبتسم ولآ تدع شيئاً يعكر مزآجك هي حيآةٌ وآحده آستمتع بكل لحظآتها

[hamiddeg]

طاح الكاف ردم الظل

[عابد لله]

دارولو إيد دار على نسابو

[said1988]

عمرلو فمو ينسى مو
على كرشو يخلي عرشو

[الباديسي]

يا عبد الجليل واش يخرج فيك في الليل

[عبد الرحمن باحو]

اللي عول على مرقة جار يبات خبز احدا راسو .

[catia]

حزميلي يا اما انعايرهم قبل ما ايعايروني تقال للذي يعمل عملة ثم يسارع لطمسها بمعايرة الاخرين

[عبد الرحمن باحو]

الدموع ما ينخزنو إلا للبكاء أي كن مع أخيك في الشدة والفرج

[* عبد الجليل *]

المقروط كي تزيدلو العسل يحسب روحو بقلاوة

[عبد الرحمن باحو]

جا يكحلها اعماها.

[عبد الرحمن باحو]

اللي بغاه الله يريه ماخصو يترك عيوب الناس ويحير في نفسو

[* عبد الجليل *]

السلام عليكم
لي بغاها قاع خلاها قاع

[عبد الرحمن باحو]

ابني و علي وامشي وخلي.

[Business.pro2100]

شكرا على الموضوع المفيد .

[* عبد الجليل *]

العفو اخي الكريم ... انتظر مشاركة الجميع ... الموضوع متجدد بإذن الله

[ابراهيم داود]

أضربو يعرف مضربوا

[nadia mimi]

لي يعرف عزو كلام الناس مايهزو.....................إلا كذبت الشيب تييق التكماش،وإلا شاب الراس وطاحو اضراس،غير توادع مع الناس

[الأمل القادمْ]

علمتو الصلاة سبقني للجامع

[جوهرة الإيمان31]

اللي باعك بالفول بيعوا بقشوروا

[wiss16]

فوت على واد دردوري و ما تفوتش على واد ساكوتي.
الي فاتك بليلة فاتك بحيلة..

[salim.salim]

سقساو العورة قالولها واش يخصك قالتلهم " لكحل"

انسى الهم ينساك

سقساو ليتيم: يماك خير ولا امراة باباك قالهم: امراة بابا خير و اللي فالقلب راهو فالقلب

جا يسعى ودر تسعى

[nihal fatima]

:1::1:البحر مالح والناس مصــــــــــــــــــــــــــــــــــــــــــــــــ ــــــــــــــــــــــــــــــــــــــالح

[ام هبة خليل]

السلام عليكم
من بسكرة نقوللكم
- حيط الرمل لاتعليه و ولد الناس لا تربيه.
- تهنات الفرطاس من حكان الراس.
-واحد محتاج حرف يصلي بيه وواحد كتاب الله يلعب بيه.
انتظروا المزيد انشاء الله

[nihal fatima]

المحسدة لهاطة والعين غلاطة

[nihal fatima]

بنين ومذموم كي لحم الرقبـــــــــــــــــــــــــــــــة

[عبد الرحمن باحو]

اللي فات الحجة يجاور.

[أريج لرجام]

كول لقمة كبيرة ولا تقول كلمة كبيرة

[charef mobile]

صاحبك الا صاحبك في الشدة اما الناس الاخرى كلهم بعروضهم

[عبد الرحمن باحو]

ما في الحنش مسلم غير سمي واقتل .

[safaa malak]

الفم الساكت ما تدخلو ذبانة.

[عبد الرحمن باحو]

اللي ماخلط نفس في النخالة ماينقبوه الدجاج .

[aymen hadj]

راحت النية وتبدلت العقلية

[صالحي وسيم]

الزين زين الفعايل

[نوال زهرة]

كثير الاصحاب يعشي بلا صاحب:mh31:

[mirna fadwa]

لُوكَانْ مَجِتْشْ نَعْرَفْ خَرُوبْ بْلاَدِي كَانْ حْسَبْتُو بَنَانْ
تحياتي
:):19::19::19:

[imane@alger]

لو كان صاحبك عسل ماتلحسوش كل

[Basketteuse]

ادعوكم لزيارة هذا الموضوع لاثرائه اكثر
http://www.djelfa.info/vb/showthread.php?t=924220

[القائدة]

كب البرمة على فمها تخرج الطفلة لامها
و كب الكسكاس على ذفاه يخرج الطفل لباباه

(( حكمة عجوز في الغابرين ��

[عائشة 88]

الطماع يبات ساري

[عائشة 88]

كل صبع بصنعة

[yacine1921]

كــــــاين لي يذوق و كاين لي مغلوق :p

[عبد الرحمن باحو]

الطماع يقتلو الكذاب .

[رهف هبة الرحمان]

ابكي يا قلبي على الي ماتو و متبكيش علي فارقك في حياتو

[cfpa36]

بارك الله فيك

[عبد الرحمن باحو]

السلهام والعمامة وقلة الفهامة .