دبرو عليا بليييز 2

[مشكلتي]

شكراا على الردود نتاوعكم http://www.djelfa.info/vb/showthread.php?t=1318540
لكن راني خايفة لنروحو نخيرولو المرة الاولى تبان عاقلة ومبعد تخرجلنا خرجة ..... و انا عندي ختي كبيرة عليا 1 جامعي وانا 2 ثانوي وخاوتي صغار نخاف تولي تضربهم تعافرهم وانا منحبش خاوتي يتحقرو .... المهم اللي فيها الخير و خلاص ادعوللنا ....

[العهد الرائع]

راني حاسو بيك يا اختي
انششالله الاب تاعكم ما يفكرش نو يتزوج ’ حاولو تفهمومه انك انتي و اختك الي اكبر منك قادرين تقومو بالدار و ماكمش محتاجين مراة اب
ربي يكون معاكم

[جمال المهاجر]

خلي باباك هو اللي يخير .. انشاء الله تكون امراة صالحة و تكون بمثابة ام لاخوتك الصغار و لك ... . . .. . التلفاز هو الذي يصور زوجة الاب بتلك الصورة المتصلطة . ... .... .. . قادر تكون امراة صالحة .. نتي خمي في الدراسة تاعك .. انساي شويا ..

[جمال المهاجر]

راني حاسو بيك يا اختي
انششالله الاب تاعكم ما يفكرش نو يتزوج ’ حاولو تفهمومه انك انتي و اختك الي اكبر منك قادرين تقومو بالدار و ماكمش محتاجين مراة اب
ربي يكون معاكم



و كيما يزوجو بناتو .. شكون لي يكون مع الاب الذي يكون في عمرو فوق الستين .. ؟؟ علاش تبخلو السيد يزوج و يعيش حياتو ... علاش .. .. ؟

[العهد الرائع]

و كيما يزوجو بناتو .. شكون لي يكون مع الاب الذي يكون في عمرو فوق الستين .. ؟؟ علاش تبخلو السيد يزوج و يعيش حياتو ... علاش .. .. ؟

مش قصدي نحرم الاب من حيانو و لكن كاين اباء يتزوجو فقط على جال اولادهم كي يكونو صغار
انا نعرف لي الاب و الام ملي يولو اولياء مابقاتش يخمو في حياتهم الخاصة
الاولاد دايما اولا
و بناتو اكيد ماراحش يخلوه و الاوتو كي يكبرو يجيبولو كنات يخدموه

[نور الايمان7]

شوفي الامر صعيب شوية لكن انت خلي ثقتك في ربي كبيرة وصلي صلاةالاستخارة

وتوكلي على الله واطلبي ربي يجيب اللي فيه الخير ليكم..وهو يرضيكم.

[doba]

ربي يفرج عليكم

[karim dido]

خلي باباك هو اللي يخير محسوب هو رايح يتزوج على جالكم فيها فايدة ليكم

[سلامي مرادي]

يا اختي . باباك من حقو يعيش ويكمل حياتو وانتم من حقكم تعيش مرتاحين فداركم . وقصة انو يمات الاب ديما شريرة مكانش منها مزال فالدنيا ناس ملاح .خليوو الناس الكبار هوما الي يخيرو العروس ولا هو بالذات ماشي انتم . خطرش المظاهر غدارة ماشي قادرين تعرفو فيمن اطيحو .

[alaa ritadj]

إذا كان هكدا..... أمالا ياخي الفاميلية ديالك تعرفها مليح..... و علاش ما تنصحوش بوحدة تكون م لافامي ديالكم ولا تكون جارتكم .... المهم تكونو تعرفوها مليح و تعرفوها باللي تتهلى في خاوتك الصغار......

[خديجة13]

شوفو عماتك و لا خالاتك كبار يشوفولو وحدة يعرفوها مليييح بلي عاقلة مثلا و حدة من لواساتهم و لا لانو هما كبار عليكم و يخالطو نتاجاتهم و عرضوها على باباكم و هو يقرر المهم نشاء الله تطيحو في بنت الحلال اللي تعيشو معاها هانيين و تعوضكم

[ابتغي الجنة]

خلوه يتزوج بالاك يطيح في بنت لحلال
ونتوما كونو فايقين ماتقبلوش الاهانة و ديروها وحدة منكم ماتعادوهاش

[ليندة حورية]

يا ربي يلق بنت لحلال وتلم شمل العائلة من حقه يتزوج هذه الدنيا واحوالها وتستمر الحياة

[مريم الصابرة]

ابسلام عليكم اختي
اولا ربي يرحم امك يا رب ويسكنها فسيح جناته
ثانيا قريت موضوعك الأول وانا نقولك إسمحيلي صح صعيبة عليكم تتقبلو زوجة اب لكن ما تخميش من هذا الباب خمي في باباك يعني لما ديرو حياتكم وهو كيفاه من حقو هذا الشرع ربي حللهولو ويماكم حية ماشي حتى ميتة يعني حقو قادر يتزو جبلاما يشروكم من رأي اختي زوجوه عادي وقلت كاينة اختي الكبيرة عاونوها في خواتكم وراكم في دار وحدة منها باباكم ما يروحش للحرام ومنها تهنو ضميركم قدام ربي شكرا وموفقين

[habibaissa]

باباك رايح يتزوج رايح لانو مكانش راجل يقعد بلا مرا وان شاء الله تكون مرا زينة ونتيا خمي في قرايتك برك نتي وختك تكبري وتتزوجو وباباك يقعد وحدو من حقو يزوج

[السيدة كرمين]

السلام عليكم

مادام باباك حب يزوج ما عليكم غير ما تعاندوهش لأن لذلك عواقب وخيمة
لما تفترضين أن تكون زوجة الأب سيئة قد تكون سيدة فاضلة خاصة أن والدتكم متوفاه
رحمة الله عليها فما عليكم غير الحديث مع والدكم و تخبروه أنكم موافقين فقط
يشترط على زوجة المستقبل التعامل الحسن مع أبناءه وتكلموه باللين وبحب
عن مخاوفكم و الدعاء بيقين ساعتها خليوها على الله

[* الحلم سكر *]

السلام عليكم .. ما تخافي ما والو حبيبتي ربي كريم ما فيه غير الخير ادعي ربي دايما و تذكري عسى ان تكرهو شيئا و هو خير لكم
و نحب نحكيلك على قربتي صغيرة ماتت امها و هي الوحيدة عندها و تعرف عمر المراهقة و كانت فكرة زواج الوالد رعب بالنسبة ليها حنتى بعد عامين تزوج وصلتن خرجت من الدار - هروبا من الموقف * لكن
أقسم بالله لما تعرفن على زوجة والدها عن قرب مع انو كانت كل يوم تبكي اليوم الحمد الله تشكر فيها و حتى نفسيا هي ارتاحت من هم مسؤولية أكبر منها
ما اتخليش العاطفة تعمي بصيرتك
ربي يرحم الوالدة و يسعدكم دنيا و آخرة و ربي يهدي بالكم يا رب
ســلام

[بلسم غرام2018]

اختي العزيزة
ماشي المهم انت و اخواتك واش يحبو. لانه كل واحد فيكم راح يكونلو حياتو المستقلة في المستقبل.
لازم تخممو شوي في والدكم اللي اكيد راح يحتاج شريكة في الحياة. و مع تقدمو في العمر راح يحس بالوحدة و الفراغ.
ماشي شرط كل زوجات الاب يكونو سييئات. هو اكيد راح يعرف يختار. و انتم المفروض توقفو معاه و تساعدوه في الاختيار الصحيح.
هذا رأيي

[abdelhak495]

بارك الله فيك

[ana hia]

قولو لبيييييكم ما يزوجج حتان تكبرو وتزوجو ...... حااااااولو معااااااااااااه بأي طريقة ...... صدقيني ما تجيبوهاش خير ... تجربت أبي في اليتم ...... راح لالمان من الغييض على جااال سروااااال ....... صدقيني منيش نحرد فيك و إنما حابة نكون صريحة ..... و منقعدش نصبر فيك .... أهدرو معاااااه نتوما لكباااار .

[Assouma 93]

يا اختي والله راني حاسة بشعورك حتى وحدة ما تحب وحدة اخرى تجي في مكان ماماها و تجي زوجة اب لكن يا حنونة فكري شوي بباباك لازمو يتزوج باش تقضيلو مرتو حوايجو متقدروش تقضوهالو انتوما و اذا تزوج انتوما ما عليكم غير تتجنبوها و متكثروش معاها الهدرة و خاوتك الصغار انت و اختك لبيولهم حوايجهم متخليوهاش هي تخدملهم هي واجبها خدمة باباك فقط و ربي يهون عليكم ان شاء الله