**ثريدة** من مطبخي

[ladymillion]

http://im34.gulfup.com/4AkgR.gif (http://www.gulfup.com/?SVknPs)


أهلا أحبتي جمعة مباركة انشاء الله واش راكم كل وحدة تدخل لهاذ الموضوع تقولنا وش دارت غداها أو امها وش دارت ok!!؟؟ :19:
أما أنا راح نوريلكم غدايا من أ الى ي وممكن تستفادو من طريقتي في الطبخ غدايا اليوم (( ثريدة )) بالدجاج تبعوا معايا ;);)

أول حاجة أنا طبخت لعائلة 5 أفراد
(( حبة بصلة كبيرة ، حبة طماطم كبيرة ، 4 فصوص ثوم ، ملعقة كبيرة مارغارين ، 2 م ص ملح ، ملعقة صغيرة ونصف فلفل أسود ، م ص كسبر ، رشة جوزة الطيب ))
في طنجرة الضغط ( كوكوط ) حطي المارغارين تذوب
http://im35.gulfup.com/tdkgn.jpg (http://www.gulfup.com/?3XRvOG)

هاذو التوابل
http://im35.gulfup.com/DEG6N.jpg (http://www.gulfup.com/?jrHTdr)

قطعي البصل والطماطم والثوم قطع صغيرة وحطيهم يتقلاو شوي مع المارغارين
http://im35.gulfup.com/d8KID.jpg (http://www.gulfup.com/?8auXIa)

حطي الدجاج مفصل بعد ما تكوني نقيتيه ملييييح من الامعاء وتغسليه وتشوطيه فوق النار وزيدي اغسليه بالماء والخل هاكا يكون دجاج نتاعك نطيييييف 5/5 :19:;)
http://im35.gulfup.com/zHXbf.jpg (http://www.gulfup.com/?D2ZQRz)

اذا حبيتي تضيفي فلفل عكري حار + هريسة أنا نحب الحار
http://im35.gulfup.com/5uOtT.jpg (http://www.gulfup.com/?hhbwdp)

وزيدي الماء حتات يغطي الدجاج أنا درت لتر ماء وخليه حتان يغلي وغلقي الكوكوط كي تبدأ الكوكوط تصفر نقصي النار بعد 20 د طفي يكون الدجاج طاب
http://im35.gulfup.com/aIN4m.jpg (http://www.gulfup.com/?4Cj2ha)

من جهة حضري الكوسى أغسليها قطعيها على 2 وملحيها مليييح باش تخرج ماء لي فيها وخليها على جهة
http://im35.gulfup.com/u6ZI7.jpg (http://www.gulfup.com/?oORsAx)

http://im34.gulfup.com/oY7Q5.gif (http://www.gulfup.com/?XjAatY)
الان الثريدة ديري الكمية لي تشوفيها تكفي للعائلة ديريلها شوي زيت كمية صغيرة حاولي تخلي حبات الثريدة مزيتين شوي وحطيها في الكسكاس وخليها تفور لمدة 15د وخطيها بمنشفة نطيفة منديرش الغطاء لان راح يتندى ويهبطو قطرات الماء على الثريدة من بعد راح تتعجن
http://im35.gulfup.com/XBNck.jpg (http://www.gulfup.com/?iA8iA7)
http://im35.gulfup.com/EljXM.jpg (http://www.gulfup.com/?3gtIIc)
http://im41.gulfup.com/AyAG5.jpg (http://www.gulfup.com/?EAyvt4)

من بعد أسقيها بقليل من الماء وغطيها بمنشفة وخليها ترتاح شوي من بعد زيدي فوريها للمرة الثانية لمدة 10د وهي تفور وخليها في الوعاء وغطيها حتان كي تجبي تجمريها
http://im41.gulfup.com/WVRoe.jpg (http://www.gulfup.com/?pqgxuF)

الان بعد ما تفتحي الكوكوط نحي الدجاج حطيه في صينية باش يتحمر في الفرن
http://im41.gulfup.com/38bA3.jpg (http://www.gulfup.com/?vDyn0I)

وميكسي المرق بالميكسور أو الرحاية اليدوية وصفي المرق كشما يكون فيه عظم ورجعيه في الكوكوط وأضيفي طماطم مصبرة والكوسى والحمص نص طياب
http://im41.gulfup.com/cJK9A.jpg (http://www.gulfup.com/?ce2313)
http://im41.gulfup.com/NzI2T.jpg (http://www.gulfup.com/?v7oGzB)
وشعلي النار خلي المرق يبدا يغلي وغلقي الكوكوط لمدة 10د الكوسى سهلة للطياب

حضري توابل الدجاج باش يتحمر
(( كمون ، ملح ، فلفل أسود ، فلفل عكري حار ،هريسة ، مايونيز ، زيت ))
http://im41.gulfup.com/BQXQF.jpg (http://www.gulfup.com/?U66lN7)
http://im41.gulfup.com/om0pB.jpg (http://www.gulfup.com/?nnx64I)
ندهنو الدجاج بالبانسو نحيلو الجلدة هاذيك وتبليه ودخليه الفرن شاعل من فوق يتحمر
http://im41.gulfup.com/0Qem7.jpg (http://www.gulfup.com/?ysfuwQ)
http://im41.gulfup.com/n1mTS.jpg (http://www.gulfup.com/?mJ3pEw)

بعد ما طيب الكوسى أضيفي الفلفل حار أذا تحبيه المرق حار شوي خليه يغلي شوي برك وطفي
http://im41.gulfup.com/Pakcf.jpg (http://www.gulfup.com/?8zx53Y)

http://im34.gulfup.com/oY7Q5.gif (http://www.gulfup.com/?XjAatY)
الان نوريلك 2 طرق تقديم البيض مع المعجنات التقليدية

1/ حطي شوي زعفران بودرة مع الماء وحطي البيضو مقشرة تتنقع في ماء الزعفران حوالي 20د راح تأخد طبقة رقيقة صفراء وهايلة للتقديم:19:
http://im34.gulfup.com/ak0f4.jpg (http://www.gulfup.com/?RTxOaM)
http://im34.gulfup.com/g3REN.jpg (http://www.gulfup.com/?yabdkE)
http://im34.gulfup.com/KHhmR.jpg (http://www.gulfup.com/?XbSSvx)

2/ خذي أداة تكون رقيقية شوي وغير حادة أنا أستعملت السباتولا ، و قطعة ورق الالمنيوم مطوية كما في الصورة
http://im34.gulfup.com/xKx20.jpg (http://www.gulfup.com/?uZwqEV)
http://im34.gulfup.com/AISPZ.jpg (http://www.gulfup.com/?77g1AN)

حطي الورق ما بين الابهام والسبابة ووضع البيضة أيضا والاداة من فوق مع الضغط بالراحة لمدة دقيقة
http://im34.gulfup.com/hvIFA.jpg (http://www.gulfup.com/?s75TCB)
http://im34.gulfup.com/4KKnN.jpg (http://www.gulfup.com/?PwQkfJ)
هاهي كيفاش تكون
http://im34.gulfup.com/RBast.jpg (http://www.gulfup.com/?ZFnxd0)
وهاذا شكلها النهائي على شكل قلب واش رايكم :rolleyes::rolleyes:
http://im34.gulfup.com/WcBCa.jpg (http://www.gulfup.com/?lKOJeV)

تحضير الثريدة في قدر حطي كمية الثريدة لي راح تجمريها وزيديلها المرق حتان تتحطي ونقصي النار تكون هاااادية تغلي شوي ومتحركيهاش باش ماتفسدش حبتها ومتكونش مفتتة كي تتشرب الرقة شوي طفي عليها وحطيلها ملعقة مارغاريت خليها ترتاح 10د ومن بعد تقدري تقدميها
http://im34.gulfup.com/kOaH1.jpg (http://www.gulfup.com/?g0dFmo)


هاهي ثريدة من مطبخي نتمنى تكون عجبتكم :mh31::mh31::mh31:
http://im34.gulfup.com/JsHHH.jpg (http://www.gulfup.com/?0oaNor)
http://im34.gulfup.com/u4fAc.jpg (http://www.gulfup.com/?a91cr2)


كيفية صنع الثريدة في بيتك :

الثريدة أمي لي خدمتها هاهي الوصفة

-- كيلو سميد رقيق
-- ملح حسب الحاجة
-- بيضة واحدة مخفوقة بالشوكة مع شويييي ماء باش ما تتكعبرش كي تخلطيها مع السميد
ولمي بالماء حتان تكون عجينة طرية وكوريها كويرات وخليها ترتاح ســـــــــــــــاعة وغطيها بكيس بلاستيكي

الان حضري النشا حلي بالمكينة اول خطوة حليها في 1 لثلاث مرات وحطي النشا شوي ماشي بزاف
ثم في 3 واذا جاتك كبيرة بزاف قطعيها بالسكين
ثم في 6 المكينة لي عندنا أخر رقم فيها 6 وحطيها فوق منشفة نطيفة وتكون كبيرة ومرشوش عليها شوي نشا وخليها تشيح شوي متخليهاش تشيييح بزاف وقطعيها بالسكين شرائط ماشي عريضة وحطيهم فوق بعضاهم ورشي النشا وزيدي قطعيها مربعات تكون صغيرة الان بعد ما تفور وتتجمر راح تكبار الحبة لذلك لازن تصغريها
وخليها تشيح على مهاها كي تشزفيها شاحت خلاص وحركيها مرة على مرة بيديك باش تشيح كامل كيف كيف

ان شاء الله نكون افدتكم
http://im34.gulfup.com/aPTfE.png (http://www.gulfup.com/?VhOsPs)

[فايزة44]

انا اول رد ندي الصحن كامل ، شكرا على كل ماتقدمينه من واصفات رائئئئئئئئئئئئئئئئئئئئئئعة

[ام اجياد]

يعطيك الصحة سخفتيني

[HADIL2044]

اممممممممممممم
ابعثيلي شويا
يعطيك الصحة

[ladymillion]

بارك الله فيكم هههههه كولو بصحتكم

[mitrochka]

واااااااااااااااااااااااو
بارك الله فيك

[oum rahma]

هاااااااايلة ، يعطيك الصحة وبارك الله فيك

[ساندي 28]

يعطيك الصحة

[ladymillion]

وفيكم بركةأخواتي شكراااا

[Oum yousra]

يا الحبيبة أنا ثاني راني من باتنة باه كي نجي راكي توجديلي صحن نتاع الصح ماتهفنيش بالتصاور برك راكي شهتيني و زيديلي صحن نتاع les crêpes نتاعك رآهم يهبلو كيما لي ناكلهم في فرانسا

[جوهر دعوة]

واو يعطيك الصحة اختي والله سخفتيني شكرًا علي الوصفة

[بشرى2008]

أممممممممممممممممممممممممممممممممممممممممممممممممم ممممممممممممممممممممممم

[rofia.sarah]

هايلة و باينة بنينة يعطيك الصحة

[ladymillion]

يا الحبيبة أنا ثاني راني من باتنة باه كي نجي راكي توجديلي صحن نتاع الصح ماتهفنيش بالتصاور برك راكي شهتيني و زيديلي صحن نتاع les crêpes نتاعك رآهم يهبلو كيما لي ناكلهم في فرانسا
ههههههههه شفتي لوكان نقدر نبعتلك علاش لالا بارك الله فيك ولك جزييييل الشكر

[Oum Aness Bba]

هااايل أختي بارك الله طبق و عليه الكلام و الشرح وافي و كافي ..فقط أختي أحب أن أنبهك إلى أن جوزة الطيب أفتى فيها الكثير من علمائنا الأجلاء على أن إستعمالها حرام لأنها من المسكرات

[منى 22]

تسلم الايادي وشكرا كثيرا على الشرح الممتاز

[oum anas 69]

الله يبارك لادي طيابك يشهي صحيتي يا الفحلة ربي يرزقك الزوج الصالح حنونة

[ladymillion]

الله يبارك لادي طيابك يشهي صحيتي يا الفحلة ربي يرزقك الزوج الصالح حنونة
بارك الله فيك أم أنس الحبيبة

[الأمنيات]

http://img265.imageshack.us/img265/1703/m6b510.gif

[سؤدد الجنة]

جاتك هاايلة
مشكورة كل وصفاتك رائعة ماشاء الله

[أم هاجر البسامية]

بارك الله فيك أختي ربي يحفضك طبق يشهي

[soriaalg]

يعطيك الصحة شرح كافي ووافي مع الصور الله الله ري يبارك اختي يعطيك الصحة

[SAMAH SAMAH]

جزاك الله خيراً
وجعله في ميزان حسناتك
ورزقك جنةً عرضها السموات والأرض

[ورد21]

مارسى تعيشى ولا تقدرى تقوليلى مكونات العجينة تاع التريدة وهل عند العجن تعجنى وتقطعى ولا لا وقوليلى على الارقام التى تخدمى بيهم انا المشينة تاعى من واحج الى سبعة

[ladymillion]

الثريدة أمي لي خدمتها هاهي الوصفة
كيلو سميد رقيق
ملح حسب الحاجة
بيضة واحدة مخفوقة بالشوكة مع شويييي ماء باش ما تتكعبرش كي تخلطيها مع السميد
ولمي بالماء حتان تكون عجينة طرية وكوريها كويرات وخليها ترتاح ساعة

الان حضري النشا حلي بالمكينة اول خطوة حليها في 1 لثلاث مرات وحطي النشا شوي ماشي بزاف
ثم في 3 واذا جاتك كبيرة بزاف قطعيها بالسكين
ثم في 6 المكينة لي عندنا أخر رقم فيها 6 وحطيها فوق منشفة نطيفة وتكون كبيرة ومرشوش عليها شوي نشا وخليها تشيح شوي متخليهاش تشيييح بزاف وقطعيها بالسكين شرائط ماشي عريضة وحطيهم فوق بعضاهم ورشي النشا وزيدي قطعيها مربعات تكون صغيرة الان بعد ما تفور وتتجمر راح تكبار الحبة لذلك لازن تصغريها
وخليها تشيح على مهاها كي تشزفيها شاحت خلاص وحركيها مرة على مرة بيديك باش تشيح كامل كيف كيف

نتمنى نكون أفدتك وفهمتي عليا

[amina sellam]

شهيتيني اختي مشكورة على الوصفة

[ام دعاء ومارية]

يعطيك الصحة اختاه


ربي ايجازيك خير

[faty bell]

روعة بارك الله فيك

[دموع تائبة]

رووووعة اختي سخفتيني
قوليلي الثريدة فورتيها على المرق او على الماء

[ladymillion]

رووووعة اختي سخفتيني
قوليلي الثريدة فورتيها على المرق او على الماء
فورتها على الماء أختي

[ورد21]

الثريدة أمي لي خدمتها هاهي الوصفة
كيلو سميد رقيق
ملح حسب الحاجة
بيضة واحدة مخفوقة بالشوكة مع شويييي ماء باش ما تتكعبرش كي تخلطيها مع السميد
ولمي بالماء حتان تكون عجينة طرية وكوريها كويرات وخليها ترتاح ساعة

الان حضري النشا حلي بالمكينة اول خطوة حليها في 1 لثلاث مرات وحطي النشا شوي ماشي بزاف
ثم في 3 واذا جاتك كبيرة بزاف قطعيها بالسكين
ثم في 6 المكينة لي عندنا أخر رقم فيها 6 وحطيها فوق منشفة نطيفة وتكون كبيرة ومرشوش عليها شوي نشا وخليها تشيح شوي متخليهاش تشيييح بزاف وقطعيها بالسكين شرائط ماشي عريضة وحطيهم فوق بعضاهم ورشي النشا وزيدي قطعيها مربعات تكون صغيرة الان بعد ما تفور وتتجمر راح تكبار الحبة لذلك لازن تصغريها
وخليها تشيح على مهاها كي تشزفيها شاحت خلاص وحركيها مرة على مرة بيديك باش تشيح كامل كيف كيف

نتمنى نكون أفدتك وفهمتي عليا


مارسى ربى يعطيك ماتتمناى انت وكل من قالك امين

[ام عبودة]

رووووعة تسلميً

[meriama13]

يعطيك الصحة

انا نبغي التريد

[malak assia]

baraka allahou fik macha allah

[soha1987]

تشهي ليدي
بصح ماشي هي شخشوخة الظفر؟
كيفاه نفرقهم وتاني كيفاه نخدموها في المنزل لا تعرفي عاونيني لانو الرشتة صايي فهمت كيفاه نخدمها وتاني شخشوخة الظفر بقات هادي مانعرفهاش ؟

[أم ياسين الزهراء]

اممممممممممممم هايلة يعطيك الصحة نحبها بزاف امممممممممممممم

[بريق أمل]

barak allah fik oukheti

[أم ماجد]

:19::19:دخلت قلبي دون استئذان:rolleyes::confused::confused:يا مولات الفستان الابيض ههههههههه
المهم رغم اني مانحبهاش كثير لكن من يديك اكيد نلحس الطبق:19::19::19:

[صابرة2013]

هايلة يعطيك الصحة

[أمّ عبد الله]

جزاك الله خيرا
اللهم صل و سلم على نبينا محمد

[أم يحي صهيب]

الله الله على التريدة
ما شااء الله
ولكن قوليلي هادي كيفاه تنصنع؟

[morad123]

هايلة و باينة بنينة يعطيك الصحة

[islam1aya]

ليدي اتشهي يعطيك الصحة شهية اممممم
ممكن طريقة صنع التريدة حبيت نتعلمها من فضلك

[ladymillion]

راني عدلت الموضوع وكتبت طريقة صنع الثريدة في البيت

[مقدسية]

واااااااااااااااااااااو وااااااااااااااااااااااااااو وااااااااااااااااااااااااااااااااااو
ليدي ياليدي حرة بنت حرة ماشاء الله طبخاتك كلها قمة الروووووووووووووووووووووعة
فن واتقان وحرفية فعلا انت مكسب كبير لمنتدى الجلفة
لاعدمنا اعمالك المميزة حبيبتي
الف الف شكر

[سليلة ذات النطاقين]

امممممممممممممممم شهيتيني
روووووووووووووووووووووعة

[bissan.sousou]

رووعه شكراااااا

[moslihe29]

رووووووووووعة شفتها فى السيبار مارشى يبيعو فيها ما عرفتش كيف تحضر ربيى يجازيك حبيبتى ويعطيك ماتتمنى

[hanine22]

شي رائع تسلم ايدك

[موني السطايفية]

يعطيك الصحـــــة بارك الله فيكي

[○•ميسون•○]

يعطيك الصحة هايلة

[أم سراج الدين]

نتمنى حبيبتي تصوريلنا مراحل التريدة كي تعاودها الوالدة الكريمة
لانه نموت عليها و مش ديما تصحلي نكمونديها ايمالا نتعلمها خير ههههه

لكي مني اجمل تحية لكي و للوالدة الكريمة ربي يحفظها ان شاء الله

[~ خُلُودْ ~]

جزاك الله خيرا على الوصفة الرائعة و الشهية

[أم يحي صهيب]

الله يبارك شاطرة

[faizarbh]

مممممممممممممممم جاتك بزاف بنينة عزيزتي روعة برك طلب كاش نهار حطيلنا طريقة الصنع بالصور باش نفهم مليح شكرا

[نبيلة الاسود]

الله ابارك تتتتسلم يديك