للاسف رااايح نعاود الباك ,,,,كل جهد راااح في باطل

[3ab2ou]

السلام عليكم اخواني

للاسف تحدد مصيري اليوم معدلي لن يكون بمثل طموحي انا كنت اريد معدل ب 14 و لكن للاسف كيما يقولو جات الرياح بما لاتشتهي السفن و لا العكس المهم:o المعدل لا اظنه سيصل حتى 12
,,,,قولولي يا جماعة اللي معاودين انا حاب نعاود الباك قولولي كيفاه رايح نكون و زعما نقدر نقرا كيما قريت المرة هادي
مخاطر و الله تعبت و لكن الله غالب و الحمد الله

[ضابط كبير]

ادا عدت سنة و بنفس قوية سوف تنجح بمعدل اعلى

[juniel]

كو غيل نربح بمعدل تاعك
pffffffffffffffffff
10 ومنعرت

[محفوظ البسكري]

تنجح باذن الله

وترسلي الباروك تهلا

[ضابط كبير]

فايدة والحاصول هلكونا هدا عام

[KHAWLA STAR]

تنجح ان شاء الله بربي ولكامل الطلاب ونفرحو بيكم

[RELIZANE48]

PFFF nass t7awes ghir tarba7 lmohim ykoun ismak fi resulta

[اَشْرَفْ اَنيِسْ]

rabi i3awad

[عواطف8]

salam rabi yofa9na bark meme ana 10 w bzhar

[manothebest]

لا أخي ، لم كل هذآ القلق و من منآ يعلم أهو على صوآب أم يخلط ؟؟
أنصحك أخي بأن تبعد هذآ التفكير عنك و تفكر في القآدم الأجمل ،
فكر في القآدم ، مآ مضى قد مضى ، و لكن القآدم سيأتي بسسرعةة
الآن انتظر النتيجة ، حققت طموحاتك صحآ ، إذآ لالا ، حضرلوووووو مليح مليح تاع 18 ولا ........سكارة برك
و ربي يوفقك

[farouk cataloni]

والله يا اخي كما قال الجميع
كانت بكالوريا 2013 غريبة
اتركها على المولى عز وجل
كلنا كنا معولين على معدل باهي
لكن الان سقف الطموحات تراجع
هي عند الله فقد اكثر من الدعاء لك ولغيرك

[3ab2ou]

شكرا لك على التشجيع و لله الحمد

[michaniq]

éw halkouna l3am héda allah latrabahom

[RiDS]

شريت الحوت في البحر مازل ان شاء الله يجيك المعدل لي بغيتو

[aiouaz]

mataghlatch a9ra fi univer matebloquich l3am psk makech ra7 ta9ra w vide bzf ana sena fewat condidat libre ma9rite 7ata 7aja 3am li fat jabte 14 MT had l3am inshallah nanje7ou bn courage

[Hind_dz]

مازااااال الحال على التخمام هذا. اصبر يخرجو النتائج قادر تجيب المعدل اللي حاب.. والله ماتدري.. واذا ماجبتوش هذا مكتوب ربي.. عاود العام الجاي و تجيك ساهلة ان شاء الله مادام ديجا قريت مليح السنة.. ربي يكون فالعون

[* عبد الجليل *]

لالا خويا ماتقولش هاكا راح ناجح من درك وان شاء الله مايكون غي الخير ربي يوفقك ويوفق الجميع

وساكون اول المهنئين لك

وجمعة مباركة على الجميع

[* عبد الجليل *]

وقاع اللي يتعب ينال تفاءل خيرا تجده وربي ماراحش ينساك سبحانو

[قدوتي رسولي]

مازال الحال على التخمام
هكا كانك ماكش واثق في ربي وفي قدراتكـ
ماكش عارف دجا راح يعاونوكم سيرتوفي المات
ماتحكمش قبل النتائج وربما طيحوا في اساتذة يخافوا ربي فيكم
وربي يوفقك
وماتنساش بلي ربي مايضيعش حق عبادو لي تعبوا
ربي يقول اسعى ياعبدي وانا نسعى معاك انت قريت ودرت لي كتبو ربي فيها باراكة

تحيتــي

[الأستاذ رمزي]

لافائدة من بكالوريا بمعدل منخفض
الا اذا كان عملك بجهدك سوف يوفقك الله ويبارك في معدلك

[Darine25]

تفاءلوا خيرا تجدوه

انا العام اللي فات جوزت الباك 2012 و قالو مانجحوش الادبيين النسبة تعهم ضعيفة انا قلت مانجيبش الباك مي كي خرجت résultat الحمد لله لقيتو 14.43

و درك راني فالجامعة و الحمد لله

ربي ينجحكم و يفرحكم ....... امين

[zakyass]

علاش راك تقول للأسف ماكان حتى داعي للأسف انا العام لي فات جبتو ب 13.77 و عاودت هاذ العام و مانيش متوقعة بزااف الفلسفة هلكتلي الصحة نقي العظم حرقاتو مالقري حفظت و كنت كل يوم نقرا ملتها.. مي كيما قلت لوالديا انا عاودتو و اذا ماجبتش مليح نعاودو ونعاود و نعاودو حتى يعطوني طب المهم حتى نحقق شتا راني باغية .. و كي تعاود يجيك كل شيء ساهل لازم برك تقرا كل يوم و خلاص ... بالتوفيق مام انا راني من ضروك نخمم نعاودو ان شاء الله .... ليس الفشل ان لا تنجح ....الفشل الذريع عندما نتوقف عن المحاولة

[أم عبد النور]

علاش راك تقول للأسف ماكان حتى داعي للأسف انا العام لي فات جبتو ب 13.77 و عاودت هاذ العام و مانيش متوقعة بزااف الفلسفة هلكتلي الصحة نقي العظم حرقاتو مالقري حفظت و كنت كل يوم نقرا ملتها.. مي كيما قلت لوالديا انا عاودتو و اذا ماجبتش مليح نعاودو ونعاود و نعاودو حتى يعطوني طب المهم حتى نحقق شتا راني باغية .. و كي تعاود يجيك كل شيء ساهل لازم برك تقرا كل يوم و خلاص ... بالتوفيق مام انا راني من ضروك نخمم نعاودو ان شاء الله .... ليس الفشل ان لا تنجح ....الفشل الذريع عندما نتوقف عن المحاولة



يعطيك صحة على كل كلمة هذا رايي انا ايضا

ومادام واحد عندو قدرات وتاكل على روحه

ربي ميضيعش جهودنا سدنا ربي يوفق الجميع


لا يأس مع الحياة ولا حياة مع اليأس

[thawizat]

نفس الكلام يقوله أخي
وعلاش هكا تقلقوا في رواحكم
إن شاء الله ما يكون غير الخير
ربي يوفقكم