ألف مبروك ..تهنيتو جماعة ايمالا عاونونا ...

[meryem achraf]

تحية طيبة من أختكم :
عندي عام كامل و انا نبحث على كتاب خارجي مفيد في اللغتين الفرنسية و الانجليزية يعني كفاه تخيلتو :
فيه دروس +وضعيات ادماجية و مواضيع مقترحة ....راني غير نتخيل الساعة هادي و لا واحد فادني في قسم الثانية ثانوي
و قلت نلتحق بأصحاب البكالوريا ممكن يفيدوني بعناوين معينة للكتب الخارجية ....
نشالله ما تخيبونيش و لي عندو ادنىىىىىىىى فكرة على موضوعي ...
موفقين طبعا بئذن الله بانتظار نتائجكم و الفرحة معكم .................كي نتفكر بلي نتوما خلصتو الباك شعوووووووووووووور بالغيرة هههههه نضحك برك

[meryem achraf]

فقط للتوضيح انا علوم تجريبية

[حميد.ص]

بالتوفيق ان شاء الله

[meryem achraf]

هههههههه أخي حميد شكرا لك يعني ما عندكش فكرة ........

[الاحـ زهرة ـبة]

صراحة انا ما اهتميتش خلاص باللغات
ما عنيش ادنى فكرة للاسف
ربي يوفقك واقراي مليح في العطلة
مادابيك تبداي حفظ التاريخ من ضك

[la belle sarah]

اهلين اختي مريم

انا اجتزت الباك مرتين ..هادي المرة التانية تاعي ..الاول ديتو ب 14 ..مش كيما كنت حابة ..العام هادا نامل باه نجيبو احسن ان شاء الله ..مي اليوم الفيزياء ...ماخدمتش مليح ..المهم واش اللي حبيت نقولهولك ..ادا كنت حابة تخدمي مليح في الباك ..في الصيف تاعك راجعي الدروس تاع السنة التانية مليييييييييح وخاصة الفيزياء ...ومادبيك تطلعي على الدروس تاع السنة الثالثة ..لكن بدون اجهاد لانو جايك عام صعيب في المجهود مي حلووو بزاااف في الخدمة ..ماكانش فرحة كيما الباك ..الفرحة الاولى كي تعقبيه ..والثانية كي تديه ان شاء الله

بخصوص اللغات ..اقراي مع الاستاد في الحصة مليح وافهمي الدرس ملييح ....باسكو في امتحان شهادة الباكالوريا اللي يفيدك هو انك تفهمي النص اللي يمدوهولك ...واللي عليك انك في هادا الصيف اقراي نصوص وحاولي تفهميهم

ربي يوفقك ان شاء وتديه بمعدل مليح ...ادعيلي انا تاني

[omar1994]

أذا كنت مقبلة على شهادة البكالوريا فأنا انصحك ان أفضل مرجع هو الكتاب المدرسي لان النص في البكالوريا مراحش يخرج عبى موضوع قريتوه أثناء الدروس املا انتبهي مليح وحالي تحفظي أكبر عدد من المصطلحات الاجنبية
بالتوفيـــــــــــــــــــــــــــق bac22014

[ali1994k]

السلام عليكم
انصحك بكتاب البيان في الفرنسية لمحمد ملاك
وكتاب باك كليك والمتميز في الانجليزية
--------------
انا في صيف العام الماضي قمت بتصحيح الباكالوريات واستفدت كثيرا
انصحك بدراسة الرياضيات في لانها هي الاهم
ولازم دائما ديري في بالك ممكن يجوك اساتذة سيئيين

[bella12]

ربي يوفقك و يكون معاك

[amalouphp]

اختي نصيحتي لك الدراسة الجدية تبدا بعد اسبوع على الاقل من الدخول المدرسي حتى تكوني في الصورة ايام الامتحان ...

[meryem achraf]

الشكر الجزيل ليكم خاوتي :
صدقوني مروركم و محاولة اسداء النصائح منكم فرحني بزااااااااااااااااف نتمنى ربي سبحانو يوفقكم
[طبعا انا رايحة نحاول الصيف هدا بصح ما لقيتش روحي واحد يقولي احفظي الاجتماعيات و واحد يقولي لالا خلي العام لجاي بيسك تنساي
نشالله ربي يكتبلنا لي فيها الخير ليكم و لينا ..........

[amalouphp]

بخصوص مواد الحفظ لا أحبذ حفظها من الان لأن الوقت طويل نوعا ما عن البكالوريا ....... عند بداية الدراسة محاولة فهم كل وحدة تدرسونها في القسم وعند الاحساس بانك فهمتها عليك بالتمارين ..................... اتمنى لك النجاح ان شاء الله

[Emat Rahman]

سلام أختي...أنا بالنسبة للغات أجنبية نشوف تبديها من درك يكون خيرلك تعودي نفسك على حل المواضيع راكي تلقيهم بالتصحيح في ency-education و ديري لروحك بزاف كلمات سواء في الفرنسية،الإنجليزية أو الألمانية و ركزي تاني على كتابة الفقرات قادرة فقرة كتبتيها تجيك...أما مواد الحفظ مازال الحال عليها و لازم تقرايها مع الأستاذ باه ما يحدثش ليك خلط...ما تكثريش على روحك المراجع في المواد الأدبية لأنهم يذبذبوك،شخصيا اعتمدت على الأستاذ و على مواضيع الباكالوريا للسنوات السابقة فقط....بالتوفيق لينا و ليكم

[meryem achraf]

[جزيل الشكر http://www.bilal4success.net/wp-*******/uploads/ibrahim25-300x189.jpg

[Sadinne]

السلام عليكم

اختي انا راح نعاود وش قلت للاخت في موضوع اخر حرفيا و ان شاء الله تستفيدين من ردي

اول شيئ هو انه يجب التحكم في دروس السنة الثانية جيدا و خاصة في المواد العلمية لانه يمكن القول ان السنة الثالثة تكملة فقط
بالنسبة للدروس الخصوصية في الصيف فهذا الامر يعود اليك ان كنتي تستفيدين منها فلما لا و لكن ان كانت فقط اهدارا للوقت فانا لا انصحك بها و ان اتبعتي دروس خصوصية فاعيدي كل ما تفعلينه في البيت لكي لا تضطري لاعادة هذه الدروس من جديد في بداية السنة

لا ترهقي نفسك بالسهر في العطلة نامي و ارتاحي على قد ما تقدري درك تشتاقيلو النوم هذا ههههه

الامر الذي بالنسبة لي في غاية الاهمية هو اللغات اذا كنت ضعيفة فانصحك بمحاولة تحسين مستواك من الان و الا اصبح لديك مشكل عويص مع بداية السنة لا اقول دروس خصوصية فقط حاولي تعلم الامور الاساسية اعيدي ما فعلتوه هذه السنة تعلمي بعض الكلمات غير باه تسلكي روحك بركا

مع بداية العام ستحسين بالاحباط نوعا ما لانك ستريدين الدراسة لكن لن تجدي ما تفعلي و هو امر عادي لانكم لم تدرسوا شيئ بعد فما تقاقيش روحك مع يبداو الدروس درك تشوفيها بلي بسيطة جدا و ما فيها والو بالعكس حلوة و شيقة جدااااا

من بداية العام فهمي روحك كيفاه حابا تقراي تنودي صباح و لا تصهري و تبعي هداك البروغرام من البداية ما تقوليش الثلاثي الثاني اها السمانة الجاية لازم توالفي من اللول كي ما يكونوش عندك بزاف دروس باه كي تعودي صح محتاجة انك تسهري و لا تنودي بكري تلقاي روحك موالفة و ما عندكش مشكل

اهم شيئ التلخيص لخصي في كلش و بيدك ماشي نتع الانترنت و الفوتو كوبي اكتبي انت في ملخص خاص بك انت صدقيني رح يساعدوك بزاف خاصة لمل يقرب الامتحان درك نحط ملخصاتي هنافيهم حوايج ملاح في الرياضيات و الفيزياء هزي القوانين و البيانات و كي تلقاي فكرة جديدة في تمرين اكتبيها في ملخصاتك بش تشفاي عليها

الاجتماعيات انصحك تحفظي بطريقة الخائط الذهنية و الله ممتعة و تسهل عليك يعني درس في 2 وراقي في الكراس خريطة ذهنية وحدة و التواريخ ديريهم في بطاقات من جهة التاريخ و من الوراء الحدث اللي صرا فيه و دريها لعبة وين تقعدي اجبدي عاوديهم و اي حااجة تحفظيها من كتاب و لا كراس خاطيك عاودي اكتبيها بيدك و افظيها من كراسك و ما تقوليش نخلي الثلاثي الثاني اها الثلاثي الثالث عنذك فرض احفظي عندك اختبار احفظي راح تعاونك بززززاف مبعد و احضري في القسم حتى الشريعة و الاجتماعيات الحفظ الاعمى معندو حت معنى

العلوم الدرس الدرس و ثم الدرس ما لازم تروحلك فيه حتى فكرة اذا ما فهمتيش حاجة صقصي ابدا ما تحشمي من السؤال هذا العام يقولو وش يحبو انت حاجة ما تفوتك ديري كناش صغير كي تقراي حطيه بحذاك وين ما تفهميش حاجة اكتبيها بش مل تنسايهش السؤال الي يبانلك تافه هو اللي يقدر يضيعك في الباك كي تدخلو المناعة حطي بالك مليح و ديما عاودي وش درتي في القسم و لا الدروس الخصوصية في الدار و كي تكمل الوحدة لخصيها و حلي اكبر عدد ممكن من التمارين فيها

الرياضيات و الفيزياء نفس الشيئ حلي بزاااااااف ااتمارين الفيزياء انصحك بالكتاب المدرسي تمارينه روعة اما الرياضيات فانا لم استعن الا بالدروس الخصوصية استاذنا رووووووووووووعة ساضع سلاسل تمارينه هنا هي جدددد مفيدة

و اهم شيئ ما تغطيش الشمس بالغربال اذا ما تعرفيش مادة اقرايها وحدك في الدار موش تفهمي في القسم ولا في الكور و تقولي انا فهمت خلاص و لا تقولي لوكان نقراها يطيحلي المورال وراها وراها حت ان شاء الله تولي ممتازة

الفلسفة...الكثير يهولها و يرجعها علم فلك و الله ما فيها حاجة المنهجية و ثم المنهجية اولا ثم هي ليست سوى علاض اراء اشخاص و نقدها و ما كي راح تكتاشفي ماكي راح تختارعي فقط تحفظي و تحطي لككككككككن مع الفهم
انصحك بالسامي و بالكتاب المدرسي لن تستعملوه في القسم لكنه مفييييد جداااا لا تحفظي المقالات احفظي حجج كل طرف في شكل نقاط + مقولات و اكتبي باسلوبك الخاص لا تريها كسبب للرسوب بل كفرصة للنجاح فهي مادة جديدة لا تحتاج مكتسبات قبلية و لا اي شيئ و صدقيني ما ان تفهميها في البداية ستتعودين عليها

من الان حملي ما تحتاجين من الانترنت اول شيئ بكالوريات الاعوام السابقة و في بداية الدراسة ما تكثريش من الاوراق و السلاسل و..... ما اديريش فوتو كوبي على سلسلة تمارين حتى تحلي الي راهي عندك من قبل هكا بش ما تكثريش الوراقي في الزهر

و اعيد و اكرر الملخصات و التمارين مهمة جدااااا لانه راح تساعدك بزاف خلاص و لانه ما علابالكش وش رح يصرى مبعد انا زعما كنت ممتازة نجيب 17 توفات ماما قبل الباك باسبوعين مي كي تحصرت لقيت ملخصاتي

و بش يعود يكفيك الوقت من البداية في الدار كي نحلي تمرين ديري ورقة حلي فيها على اساس ورقة اجابة و ورقة للمحاولات و هكذا بش تتعودي تجاوبي من البداية نحلي مباشرة في ورقة الاجابة و يكفيك الوقت صدقيني اذا والفتي تخدمي هكا يكفيك الوقت و يفضل يعني الحاجة الي تعرفيها يكفيك الوقت اديريها و الحاجة اللي ما تعرفيهاش يكون عندك شوية وقت تخمي فيها

المهم نحبس من الهدرة كثرت هههههه اذا لحتجتيني في اي حاجة راني هنا درس تمرين ملخص نصيحة.... تحبي حتى الفايسبوك و ال***** لاني مريت بهذه الفترة و مع اني كنت ممتازة كنت تبانلي صعيب و ما نقدرش و و و و و...

ان شاء الله ربي يوفقك

اريد اضافة شيئ القهوة و الشاي و وو و و و ....لا حاجة لها و خاصة مع بداية السنة ان اردتي السهر نامي من 18 حتى 20 تستطيعين السهر حتى 3 صباحا و انا شخصيا انصحك بالنوم باكرا و الاستيقاظ باكرا من بداية السنة هو احسن

و ارجو ان اكون قد افدتك بهذه النصائح

اما بالنسبة للمراجع فساذكر التي اعتمدت عليها انا و التي اعتمد عليها زملائي كذلك

اول مرجع هو البكالوريات السابقة لازم تحلوها و تفهموا الافكار الي فيها و ما تقلقوش رواحكم و تقولوا بدلوا المنهجية و يمشي و يصعاب بكالوريا السنة صعبة نوعا ما لكنها ليست تعجيزية الي يقرا يسلك روحو يعني باك وش تحبوه اجب اربط الاجابة مع السؤال الموافق لها -____-

الفلسفة انا مثلما قلت سابقا اعتمدت على السامي عاوني بزاااااااف راهو كاين زوج واحد قديم و صغير شوية و واحد جديد حجمو كبير انا اعتمدت على القديم كنت نتعلم منو كيفاه نكتب و نهز منو الحجج و المقولات من المقالات الي فيه و الكتاب المدرشي حت هو مفيييييد جداااا يشرح الدرس و فيه امثلة و مقولات تقدري توظفيها ان شاء الله كي تبداو تقراو و نعتلكم كيفاه اديرو معاها بش تفهموني

الاحتماعيات اعتمدت على محمودي عادل كتاب الدروس و كتاب المصطلحات و الشخصيات الدروس حفظت من الكراس اكني استفدت منو في المصطلحات الشخصيات و التواريخ...انت زيدي شوفي كشما يمدلك الاستاذ خير ولا في الانترنت لانه في الموضوع 2 السنة وردت شخصية غير موجودة في محمودي عادل...يعني الواحد يحتاط

اللغة العربية عانيت معاها موش لانها صعبة لكن جاتنا مستخلفة لو كان قرانا كاش طلاب موش هكا لكن كنت ساعتمد على الموجه في اللغة العربية عجبني بزااااف لكن مع شريتو مرضت ماما فيعني ما قريتش منو ذرك نطل عليه مليح و نردلك بالخبر

الفيزياء صدقوني راهو ما فيها والووووو و حلوة اخر و الوحدات يتشابهو ابتداءا من التحولات النووية نفس الخدمة غير يتبدلو الاسماء انا حقيقة لم اعتمد على مرجع خارجي اعتمدت على الكتاب المدرسي و نقول و نعاود الفيزياء الكتاب المدرسي راهو يطير و ينزل تمرين الباك منو بالعكس اسهل اشتريت الهباج كذلك لكن لم اعتمد عليه كذلك اختي يقولو فيه غلطات لكن انا لا انفي و لا اثبت هههه ان شاء الله كي تبدا القراية صقصي الاستاذ تاعك و كذلك اعتمدت على تمارين استاذ الدروس الخصوصية سارفعها هنا ان شاء الله و حوليات بها حلول بكالوريات الرياضيات و التقني رياضي سارفع غلافها الخارجي مفيييييييييييييييييدة جداااا الكثير اعتمدوا على الزاد كذلك و قالوا انه مفيد و تمارينه هادفة و الله اعلم و الوحدات و الحسابات الصحيحة مهممممممممممممممممممممممممممممة جداااااا قد تجيبين بطريقة صحيحة و تغلطي فالحساب و لا في الوحدة تولي كلي ما درتي والو من البداية تعلمي تستعملي الحاسبة و اذا ما عرفتيش صقصي الاستاذ ما تحشميش

العلوم اول شيء الدرس لازم تفخميه مليون بالمئة حاجة ما تفوتك ثم احمد امين ال خليفة فيه الكثيييييير من التمارين اول تمرين شوية يخوف لكن لا تتراجعي مثل ما فعلت بانتلي معقدة وووو....حلي و اغلطي و ابزي حتى تشبعي مع الوقت تعودي ان شاء الله تحلي كل تمارينه صحيحة و في الدروس الخصوصية ابحثي عن استاذ يعطي منهجية الاجابة المشكل في العلوم ليس المعلومة لكن فهم السؤال و كيفية تقديم الاجابة للمصحح و كذلك يجب ان تعرفي الاجابة عن الاسئلة المطروحة في الكتاب على شكل انشطة و ان تستطيعي التعرف على جميع الوثائق المقدمة بالمجهر الالكتروني و تحليلها و ان شاء الله ساضع نصائح استاذي هنا فهي مفيدة جداا

الرياضيات مثل ما قلت استاذ الدروس الخصوصية كان....رووووووووووووووووعة كنت لا علاقة وليت الله يبارك ههههه افهمي مليح الدرس و حلي البكالوريات السابقة اولا ثم سارفع سلاسل تمارينه فيها افكار كثيييرة و مفيدة ااعتمدت عليها و على البكالوريات فقط اما الكتب الخارجية فلا دراية لي بها حتى نشوف مع صحاباتي اذا استعملوها

العلوم الاسلامية اشتريت الوافي من اجل شرح الايات نصحتنا به الاستاذة لكن لم استعمله لانني موفقة في شرح الايات باسلوبي بناءا على ما فهمت من شرح الاستاذة عليها نقولك احضري و تبعي الاستاذ

اللغات و الله لا علم لي بالكتب الخارجية فانا و الحمد لله ممتازة فيها و لم احنج يوما اليها لذلك ان شاء الله ساقوم بوضع شرح جميع الكلمات التي ستحتاجونها و الفقرات....يعني الي قدرت نعاون بيه راني ما نبخلش عليكم خاصة العطلة عندي الوقت الي تحتاجوه ما تحشموش

نصيحتي ليك ما تشري حتى كتاب ذرك و ما تبدايش تحفظي من درك و ما تخلعيش كي تحفظي للامتحانات مبعد ساهل باش تحفظي للباك انا الشريعة بسبب ضروفي و الله حفظت قبل ما نروح نعقب كي كملت العربية رحت نخفظ الشريعة و الحمد لله معولة على الاقل على 16 ان شاء الله

انا شريت الكتب الخارجية اول اسبوع في الدراسة شريت السامي ظهر السامي جديد شريت احمد امين ال خليفة ظهر واحد جديد....و هكذا اصبري شوية حتى يجيبو المكاتب كتب جدد و لا يديرو معارض الكتاب و اشري على الاقل تكون كتب جديدة و تكوني عمبالك بواش كاين في البرنامج و واش تحتاجي يعني ما تشؤيش هكاك عاى عمى

هذه هي نصيحتي ليكم نتمني تكونوا استفدتو منها مع اني نهدر بزاف مي نحب الديتاي هههههه و اكرر اي سؤال او استفسار راني حاضرة ما كان حتى مشكل

[narimane16]

بارك الله فيييييييييييييييييييييييك اختي انا نحتاجك بزاااااااااااااااااااااااااااااااااااااااااااااااا ااف
l3am ljay BAC MDAYRA gestion rabi ykhalik ogo3di m3ana nasaii7 ta3ak haya bezaaaaaaf ta9adri tkhalili ******** ta3ak we mrc bezaaaaaf
we rabi yarham mamak nchallah we yaj3alha men ahl ljana nchalllah

[sara2012]

بارك الله فيك الاخت saddine
مهما شكرتك و مهما و مهما ....لن أوفيك حقك بوركت و بوركت و بوركت.....
نصااااااائح قيمة و لا أروع مشاركتك هنا رائعة
أرجو ان تفيديني بأهم المواقع هنا في الأنترنيت التي أفادتك

[Sadinne]

السلام عليكم

الحمد لله انكم انتفعتم و ان احتجتم اي شيئ فانا هنا لن ابخل عليكم

بالنسبة للمواقع فانا اعتمدت اساسا على منتديات الجلفة يعني فيها كل ما تحتاجون فالاعضاء يعطيهم الصحة جمعوا جميع الاشياء التي تحتاجونها من مصادر مختلفة في المنتدى و منه فيمكنك الاعتماد على هذا الرابط للاخت زيزو فيه كل ما تحتاجون و اكثر

http://www.djelfa.info/vb/showthread.php?t=1042260

و هذا الموقع فقط استعملته من اجل البكالوريات السابقة و حلولها
http://www.ency-education.com/

يوجذ الكثير من المواقع و المنتديات لكن انا اعتمدت على منتديات الجلفة انا افضل انه لما تحملون ملف او وثيقة تقومون لطباعتها فانا لا اؤمن بالدراسة بالحاسوب و الله تعيي و تضيع بزاف الوقت

Pour mon S-Kype c'est xXSunshineXxLight & mon Fa-cebook c'est https://www.********.com/sunshine.light.148

Si vous avez besoin d'aide ou que vous avez des questions vous pouvez m'ajouter, inchallah je vais répondre a toutes vos questions & vous donnez quelques conseils utiles
^^

[meryem achraf]

يا أختي واش نقولك :
شكرت جميل صنعك بدمعي ***********و دمع العين مقياس الشعور
لأول مرة قد داق جفني ***************** على ما داقه دمع السرور
أه قد سهوت أن أترحم على الوالدة أسكنها الله فسيح جنانه و ألحقنا بها
اختي تكاد تضيع مني الكلمات و يعجز لساني عن لفظ الحروف و الله انا لا ابالغ ابدا لكن أعجبتني طريقتك في المساعدة لم تبخلي بما تمتلكينه و مر الكثيرون عن موضوعي لكن مرورك انتي ترك قالبا من نوع فريد في قلبي و ما زادني اعجابا و انبهارا لا بل تدميرا ان وفات الوالدة لم يمنعك من المشاركة و اسداء النصائح بصدر رحب فابشري خيرا اختاه صبرا ثم صبرا ثم صبرا

[meryem achraf]

طبعا كلامي موجه لك يا sadinne
رغم اني لم افهم هدا الاسم +++كم ساعة نوم كنتي تنامين ؟؟و اهم اهم اهم سؤال هل اقوم بالحفظ من الأن فصاعدا و الكثير نصحني بهدا ام اكتفي بدراسة اللغات فقط

[Sadinne]

السلام عليكم

و الله يا اختي انا لا ارى المانع من النصح و الافادة فانا كذلك مريت بهذه المرحلة و لم افهم كيف اتصرف ماذا ادرس....و ان اساعد غيري و يدعوا بالمغفرة لامي خير لي من ابكي و اصيح فلن يفيدها ذلك بشيئ

بالنسبة لساعات النوم كنت في الثلاثي الاول انام على 10 و استيقظ على 5 صباحا ثو غيرت و صرت اسهر في الثلاثي الثاني حتى 4 صباحا اما بعد وفاة امي فكنت انام على 10 و استيقظ على 3 صباحا نظرا لضيق الوقت و كثرة الامور التي كنت اريد القيام بها

التخربيط هذا اثر عليا سليا بزاااف خلاص و تعبني لذلك قلت من بداية الاسبوع 2 اختاروا توقيت للنوم و لا تغيروه عاما كاملا الا في نهاية الثلاثي الثاني ربما ان اقتضت الظروف لكن صدقوني الذي يعرف كيفية تقسيم وقته سيستفيد كثيرااا و لن يحتاج لارهاق نفسه مع الاخير و استفيدوا من الشتاء الليل طويييييييييييل تقراو فيه البرنامج و تعاودوه حتى تشبعوا ههههه الوقت كافي اديوها من عندي فقط عند الخروج من القسم او الدرس الخصوصي الشيئ اللي قريتوه يكون مفهوووووم مئة بالمئة هكذا كي تروحوا مراجعة خفيفة + تلخيص ثم مباشرة التطبيق لكن اذا اتبعت سياسة اها سؤال تافه اها كي نروح ذرك نفهم معاتش تفرا تولي تروح الناس تطبق و انت حاصل في الدرس و الله اعلم تفهموا و لا لا

اختي اللي قالك احفظي من ذرك ربي يشفيه ان شاء الله لانو تلفلو عقلو يا اختي لوكان رح تحفظوا كتاب ربي ماشي تبداي من ذركة
احفظي للامتحانات لا اقول اختبارات بل امتحانات يعني حتى الفروض و حتى لاوكان يحددلكم الاستاذ وش تحفظوا انت عاودي كلشي وشي هو الدرس اللي يتمدلك في نهارو لخصيه بش مبعد تلقاي كلشي واجد تحفظي بركة انا الشؤيعة و الله حفظتها بعد ما عقبت العربية و خدمت عادي لاني من بكري حافظة من الثلاثيات ففوتيك من اللي يهدر هدرة الزهر كي تبداو القراية و احفظي كيما الناس و الله صدقيني كاين حوايج من شدة يتعاودوا في القسم يتحفظوا تلقائيا

اما اللغات فان كنت ضعيفة انصحكي دراستها من الان لانها مع تبداو تقراو و انت ماكي فاهمة والو و مع الخوف و الضغط تعود تبانلك علم فلك و هي ما فيها والو و ما تتقلقي حتى من مادة راهو كلشي بسيط و سهل فقط اعرفي اختيار اساتذة الدروس الخصوصية و ما دريش 2 في مادة واحدة و اعرفي كيفاه تقسمي وقتك بش ما يرهقوكش انا كنت مدايرتهم كامل في نهاية الاسبوع بانتلي روحي قافزة و لكن قتلوني ما ندير والو في هذوك الايام فاعرفي تقسمي وقتك النظام هو كلشي و صدقيني حتى هذا الخوف و الابهام مع تمشيو في الدروس يروح لانك رح تعرفي وش كاين في البرنامج و كيفية التعامل مع المواد

و هذي هي اختي نتمنى اني نكون اجبت على سؤالك و تحاسبكم جميعا اللي يحتاج اي شيئ و ما يسانيش ما نتفاهمش معاه هههه

[meryem achraf]

شوووووووووووكرا
لم تشرحي لي اسمك هههه
سوف ادرس اللغات و كفى طبعا انطلاقا من نصائحك قررت هدا
+++++++++++++++++++
راني جبت كتاب الفرنسية و الانجليزية و اي حاجة ما فهمتهاش نحطها هنا تجاوبني عليها ختي ياك ؟؟؟

[Sadinne]

هههههه اختي ان ابنة بنت عمي اسمها سدين و انا اعجبني هذا الاسم و ربيت قطة و كنت حابة نسميها هكذا لكن ظهرت ذكر ثم سجلت في المنتديات و لم اجد اسم مناسب فكتبت هذا هكاك ههههههه

و اكيد اختي راني قتلك اي حاجة تحتاجيها و في اي مادة و ان شاء الله حتى كي تبداي الدروس الخصوصية و الدروس في الثانوية راني راني هنا طاحلك المرال نطلعوه و هكذا ههههههه

[meryem achraf]

الاخت سدين انا كي جيت نحمل الملفات تاع زيزو رحت طول ملف تاع فرنسية ما حبش يمشيلي ؟؟؟؟؟؟؟؟ بصح تاع الانجليزية مشاتلي عادي ؟؟؟؟؟؟؟؟؟؟
مام تاع الادب العربي ماحبش يمشيييييييي؟؟؟؟؟؟؟؟؟

[meryem achraf]

يا ترى ما سر غيابك يا سدين

[kao08]

Sadinne
أنامحتاجتك من فضلك أريد حسابك على الفايس بووك

[Sadinne]

السلام عليكم

انا جد ااااااااسفة على تاخري في الرد عليكم و الله ليست قلة اهتمام لكن كنت مشغووولة جدا في الايام السابقة لكن الان الحمد الله انا هنا و مستعدة للرد على تساؤلاتكم

بالنسبة للاخت مريم فانا لم احمل ملفات زيزو في اللغات لانني لم اكن بحاجة اليها لكن اظن انني حملت ملفات الادب و لم اجد فيها مشكل على كل حال بامكانك تاجوتيني في الس***** و نبعتلك الملفات اللي عندي اذا بغيتي :19:

اما بالنسبة للاخت الخرى فهذه هي حساباتي
Faceeebook : https://www.********.com/Scarlet.Letter.x3

Skyype : xXSunshineXxLight

و اكرر اسفة على التاخير

[meryem achraf]

الأخت ***** ما عنديش عندي فيس بوك اذا ممكن نضيفك ثم و الحمد لله عدتي الينا

[sara2012]

أينننننننن
انتي
ارجو ان تعطيني حسابك على الفيس بوووووووك

[kenza boucetta]

السلام عليكم

واش ننصح خيتي انا فوت هذا العام الباك وعلوم تجريبية بكل صراحة ما اعتمدت حتى على كتاب خارجي في اللغات فتحت كل

البكالوريات السابقة وتابعت مليح مع الاساتذة في القسم وحاولت نرفد كلش من تم والحمد لله ما واجهتني حتى صعوبة في ما يخص

اللغات في الباك ما تجهديش روحك بزااااف والقلقة من ضركا ماشي مليحة مازال عام طويل وعريض صدقيني غير ديري فيه كلش اعرفي

برك كفاه تنظمي وقتك نتمنالك اخيتي وكل صحاب باك 2014 النجاح والتوفيق وان شاء الله يفوت عليكم الباك بردا وسلاما يا رب

[sara2012]

شكرا جزيلا الاخت كنزة بوستة ........
الاخت سدسن اين انتي
نجحتي .....ان شاء الله ..............ضعي معدلك هنا

[meryem achraf]

سلام ما سر غيابك يا سدين ؟؟كيف هي الاحوال ؟؟ كم معدلك

[latifa1996]

شكرا على النصائح

[zineb.alg]

الحق انا اللغات كنت نقراهم فلا كلاص بررك .. ومدرتليهمش اهمية مي لازم لواحد يقراهم باش ميضيعولهش لينوت فلباطل ...بالتوفيق

[meryem achraf]

الحق انا اللغات كنت نقراهم فلا كلاص بررك .. ومدرتليهمش اهمية مي لازم لواحد يقراهم باش ميضيعولهش لينوت فلباطل ...بالتوفيق

شكرا على المرور

[meryem achraf]

الحق انا اللغات كنت نقراهم فلا كلاص بررك .. ومدرتليهمش اهمية مي لازم لواحد يقراهم باش ميضيعولهش لينوت فلباطل ...بالتوفيق

مبروك النجاح ....المعدل ...

[meryem achraf]

ااااااااااه لو اعرف اين ذهبتي يا سدين تركتيني وحييييييدة

[*نسيم الفجر*]

ركزي اكثر على المواد العلمية لا تهمليها ابدا و الباقي يبقى ساهل ..........................الماد العلمية هي مفتاح الحصول على تقدير ممتاز في البكالوريا صدقيني

[meryem achraf]

لمن يعرف سدييييييييييييين يخبرني هل هي بخير نجحت في الشهادة ام لا ارجوووووووووكم

[الجـَرَاح ْ]

انصحكم من الان باضافة موقع www.dzbac.com في مفضلة مواقعكم :)