يلومني الناس عليها

[HICH26]

التقيت بطبيبة عمرها 31 سنة وانا ابلغ 30 سنة والكل يقولون انها كبيرة في العمر

أخلاقها نعمة جمالها معقول بنت ناس محترمين فبماذا تحكمون يا اصحاب المنتدى

[سجل أنا جزائري]

يا أخي اذا انت مقتنع بيها و هي ليس لها مانع فتقدم

لماذا تهتم بكلام هذي حياة مش حياتهم

[nouna l maghbouna]

تسمع لكلام الناس????!!! ربي يهديك
ارضاء الناس غاية لا تدرك

يا اخي اذا انت عجباتك و مرتاحلها و بنت ناس و هي قابلة و حابين بعضاكم
ازوج بيها و je suis sur ميش رايح تندم
دير اللي يريحك حياتك و انت حر
تبع كلام الناس تبقى لا زواج لا عمل

ربي معاك

[أسيرة ذكرياتي]

عادي يا اخي اذا كنت ترى فيها الزوجة الصالحة فلا تهتم لما يقال

[طائرة الشرق]

اجعل قدوتك سيدي الكريم بالرسول صلى الله عليه و سلم تزوج خديجة و هي تكبره بكثير و انت سنة واحدة
موش حاجة ربي يهنئك و كلام الناس نحيه عليك الهم الزوجة الصالحة راهي نعمة من عند الله

[زرابة]

وانت علاش تقةل لناس على عمرها ديها ومعلابالكش في الناس

[mouatez32]

وفقك الله
عليك بالإستخارة

[ayaamira666]

هذا ليس عائق 31 و 30 سنة انتما في نفس العمر و باذن الله سوف يكون توافق بينكما
اعرف الكثيرين من يتزوجون بنات اكبر منهم ب 3 او 4 او 5 .....سنوات و هم جد مرتاحين فما بالك بسنة واحدة
صلي الاستخارة و اتكل على ربي

[حميد.ص]

ربي يجمع بيناتكم في الحلال

[مريم الصابرة]

السلام عليكم اخي
إنت وهي متفاهمين واش دخل الناس وهذو الناس كيفاه عرفو على سنها
يا سيدي نفرضو عرفو وخلاص شكون راح يعيش معاها انا نراهنك هذو لو إنت تعدل على فكرة الزواج بها يروحو يجرو ليها
اخي المهم إنت راضي ومقتنع بها خلاص وعام بيناتكم راه حاجة والو عادي جدا تزوجو بيهم اكبر منهم ب 5 و 10 سنوات ماشي حتى سنة من رأي تكل على ربي وعادي موفق

[* الحلم سكر *]

وانت علاش تقةل لناس على عمرها ديها ومعلابالكش في الناس

السلام عليكم ..
فعلا أحيانا ليس عليك اخبار الجميع بامورك الخاصة ... شوف قناعتك و راحة وين و ربي يسهلك
ســـلام

[الرڨيڨ]

التقيت بطبيبة عمرها 31 سنة وانا ابلغ 30 سنة والكل يقولون انها كبيرة في العمر

أخلاقها نعمة جمالها معقول بنت ناس محترمين فبماذا تحكمون يا اصحاب المنتدى

يا اخي لا تهتم لاحد وزد الفرق صغير جدا لا يكاد يدكر توكل على الله و صلي استخارة المهم انك مقتنع بها و معجب بها هدا هو الاساس اما الناس فلن ترضيهم باي شكل و لا يهم رضاهم

[أمة الله 12]

سنة ليست بالشيء الكثير

اذا انت و هي مقتنعين بعضاكم, عادي جدا

صلى صلاة الاستخارة, و توكل على الله

[عبد الله 22]

السلام عليكم ، هي صح كبيرعليك، بصح انت لرياح تزوج متسمعش لكلام الناس ، إذا عجبك منها اخلاقها، وترى بانها اهل لتكون معها أسرة ، فالخير يعجل به دائما، إ ستخر الله، ثم إستشر الاهل وبحث عنها، لكن يجب أن يكون قرارك أنت هو الحاسم ، وتاكد بان الناس يتكلمو في النحيفة و السمينة و القصيرة و الطويلة ،والصغيرة و الكبيرة واختر انت ايهم تختار

[mitrochka]

إرضاء الناس غاية لا تدرك
لما لم يجدوا ما يتكلمون عنه حصلت عندهم في فارق العام؟؟؟؟؟؟)
و الله لو وجدوا مدخلا للكلام عليها لما تورعوا
لذا أنصحك اخي بالأستخارة و التقدم أن شاء الله

و كيما عاد المشكل في عام و احد
خلي يهدرو أن يشبعو

[TOKYO]

الاستخارة و ننصحك احسن ابعث والديك و ما تبقاش تسقسي في صحابك و اهلك وووتعمل اشهار مجاني للنفسك و تحط العين عليكم
خويا راك ناوى حلال ابعث والديك للدارهم وعادى المهم انتم اثنين راكم متفاهمين
ربي يكملك خويا و ببركه عليكم

[nouha nounous]

يعني كي تكبرو في طاعة ربي مثلا تولي نتا 70 وهي 71 تجي كيف كيف يخي و تبان لك كي 70 كي 71 هاكاك ضرك كي 30 كي 31 ربي يتمملكم على خير

[homme libre 05]

والله لاا ربي يهديك يا خويا اذا كانت المرأة التي تريدها فأنوي الحلال
اذا تبعت حديث الناس في مجتمعنا المعقد فلت تحقق شيئا
توكل على الله الاهم هو الاخلاق والتوافق بينكما و كما قال الاخ اجعل قدوتك رسول الله
سقسي عليها وسقسي على نسبها وربي يكمللكم لوكان جيت مكانك لما انتظرت دقيقة .
بالتوفيق اخي الفاضل .

[imene12]

أمورك الشخصية لا تقحم فيها أحدا ... هذه نصيحتي لك.... استخر المولى عز و جل و توكل عليه...

[maiar]

يا اخي مدام تقول بنت ناس و تشكر فيها و مرتاح من جهتها اتوكل على ربي و تزوجها و ما تسمعش لكلامالناس لاه تديها صغير يهدرو تديها كبيرة يهدرو و ديجا ياخي انت لي رايحة تعيش معاها مش الناس هذيك الساعة تذبح روحك بيدك ربي يجمع بيناتكم بالحلال

[libanarim]

اذا راك شايف فيها مواصفات الزوجة الصالحة ، خليك من كلام الناس
اتكل على ربي سبحانو
ومبروك عليك a l'avance

[Assouma 93]

الامر عادي جدا و لا تسمع لكلام الناس الذين اصبحوا يجيدون بما يسمى "التمنشير"

[hidayasoun]

حسب وصفك الإيجابيات غلبت السلبيات ، و الناس يعيبون اختيارك مهما كان ,خاصة إن كنت من الناس الذين يهتمون كثيا لرأي الآخرين هذه المرأة ستكون زوجة لك لا لغيرك ان كانت بنت حلال و متدينة فاطلب الحلال بالتوفيق

[منال مي12]

عليك بصلاة الاستخارة واذا كنت انت مقتنع كلام الناس لا راح يقدم ولا ياخر