دبرو عليا بليييز

[مشكلتي]

السلام عليكم ....مشكلتي ان ماما ماتت عندها 6 أشهر من ماتت ماما ربي يرحمها والناس تقول لبابا تزوج تزوج وحنا مناش حابين تدخل لينا حتى وحدة للدار .... وهاذو الأيام بدات تدخلو الفكرة في راسو .. كيفاش ندير باش نحلو الفكرة ... رانا مناش ححوسو حتى وحدة تدخل للدار ....

[وفية زاد]

اختي العزيزة
ماشي المهم انت و اخواتك واش يحبو. لانه كل واحد فيكم راح يكونلو حياتو المستقلة في المستقبل.
لازم تخممو شوي في والدكم اللي اكيد راح يحتاج شريكة في الحياة. و مع تقدمو في العمر راح يحس بالوحدة و الفراغ.
ماشي شرط كل زوجات الاب يكونو سييئات. هو اكيد راح يعرف يختار. و انتم المفروض توقفو معاه و تساعدوه في الاختيار الصحيح.
هذا رأيي
و بالتوفيق

[z.abdo]

من المفروض انتم تحبحثلو على وحدة تكون طيبة ....مش تخلوه وحيد لأن الرجل كذالك يحب وحدة تكون بجنبو


وإذا تقولي مش راح تخلوه وحيد انا نقلك هناك امور لاتنفع فيها إلا الزوجة





والسلام عليكم ورحمة الله

[هدى الجيجلية]

السلام عليكم
من المفروض
لازم تكون هناك زوجة
يتكل عليها والدك
حتى تكون له السند
أنتم كل واحد راح يشوف
حاله ومستقبله
عليكم بتزويج والدكم

[sillin]

انا تاني بابا تزوج وابوك اكيد راح يتزوج مالا كونو فايقين علينا احنا وشوفولو وحدة تعرفوها خير وخير
ابداو حوسولو على وحدة تناسبكم خيرمن يجيبلكم وحدة متعرفوهاش وتوريلكم لعجب كينا صارلنا احنا
ربي معاكم والله ربي معاكم
نصيحة مني انتوما اللي تخايروهاااااااااااااااااااااااااااااااااااااااا

[nesrine sara]

Salam ma sœur que dieu yarham mimtak car moi aussi ma mère est morte ca fait un ans et 5 moins au deput comme tu dite il a rien mais par le temps il a changer car tout homme a besoin d'une femme mon père as 71 il le vaut une femme qui twansah moi je travail il as hante de moi quand il tombé malade mais se que je peu te dire c'est vous qui choisissiez la femme comme nous une grande et bien et dés le départ vous mette des paraitre

[wiwi la blande]

لازم تنوما تشوفولو باش تعرفو واش حيدخل لداركم يعني من المفروض تساعدوه ماشي توقفولو في الطريق

[ابتسام1999]

ايه كلامهم صح
باباك مع تقدم العمر لازم يلقى زوجه تعاونه ويول عليها في اي حاجا يديرها وانتوما كل واحد عنده مستقبله الخاص
هادا رايي انا باباك يتزوج بواحدة عاقلة وطيبة

[* الحلم سكر *]

انا تاني بابا تزوج وابوك اكيد راح يتزوج مالا كونو فايقين علينا احنا وشوفولو وحدة تعرفوها خير وخير
ابداو حوسولو على وحدة تناسبكم خيرمن يجيبلكم وحدة متعرفوهاش وتوريلكم لعجب كينا صارلنا احنا
ربي معاكم والله ربي معاكم
نصيحة مني انتوما اللي تخايروهاااااااااااااااااااااااااااااااااااااااا
هي فعلا صعيبة لكنها امر واقع و ما تقوليش الوقت مهما يطول تجيكم صعيبة امالا اخف الضررين ان صح اسعو انو لي راح يخايرها تكون على الاقل تخاف ربي
ربي معاكم

[doba]

ربي معاكم اختي

[ايمان نور الجزائر]

السلام عليكم
واش نقولك يا اختي....ماكانش لي يحب زوجة الاب وماكانش لي يتمنى تدخل للدار واحدة برانية
لكن؟؟؟ والدك رجل وعندو احتباجات مختلفة وان لم يفكر في الوقت الحالي سيفكر عن قريب
وسيتزوج لانه محال ان يظل ارمل هكذا
لازم واحدة تعاونو على متاعب الحياة وتوقف معاه
وانصحكم عوض قضاء الوقت في التحسر والمخططات لانها ستفشل بالتاكيد
عليكم بالبحث عن امراة طيبة الخلق والمعشر والوقوف معه وتزويجه بمن ترضون
قبل ان يفعلها بنفسه

[جمال المهاجر]

حابتو مايتزوجش ؟ بالاك حاباتو يضيع ؟ و لا ماعندوش الحق حتى هو يبدا حياتو من جديد ؟ ماتكونيش انانية .. و ماشي شرط تكون لمرا تاع بابك ماتشتيكمش و تكون متسلطة . .. . .. .. ربي يهديك

[TOKYO]

اولا الله يرحم امك ويوسعا عليها ان شاء الله و يرحم اموات مسلمين جميعا
اختي هناك مواقف و امور يلزم فيها الزوجة مهما كانت مثال فقط مثال ادا مرض من سيكشف عنه هو بالحد داته لن يكشف نفسه الا للزوجته و العيب ادا كشف امره للابناء الله غالب هده سنة حياة
احسن انتم دلوه على الزوجة صالحة كاين زوجات تبارك الله انتم سهلو امور و على اقل باش ربي يسهلك امور كي تتزوجو و تكبرو
لواحد تاني يكبر و حتى واحد ماهو ضامن واش يصير فيه في عقوبته
ربي يجبلكم الخير ان شاء الله

[وارث المحب]

شوفي اختي دبروله وحدة تتميز بخوف الله قبل ان يختار هو لان في الاخير سيتزوج مستحيل ان يبقى هكذا :mh31:الحل بين يديك واحذري ان تتركوا اباكم بدون زواج او تمنعوه في بادئ الامر لا تتقبلين الفكرة لكن مع مرور الوقت ستفهمين انه من الواجب تزويجه فانا امي توفت ولم نجد سبيلا اخر سوى تزويجه لانه من البر :mh31:فاكسبي ابك وحاولي ان تختاري له المراة الانسب وعكس ذلك سيؤدي الى كرهه لكم ويكون اختياره عشوائي وبعدها تكون النتائج وخيمة عليكم موفقة

[مرام مريومة]

اختي العزيزة ماتضلميش باباك هو تاني عندو الحق باش يتزوج و يعيش حياتو المهم ما تخليوهاش تنسيكم في ماماكم:)

[basma09]

ربي يرحم امك ان شاء الله و ربي يصبركم اختي
واش نقلك مادام باباك دار في بالو الفكرة تاع الزواج راح يتزوج برضاكم و لا بلا
انا نصيحتي ليك مادام هو اصلا راح يتزوج اكسبوه لصفكم و انتومما اللي شوفولو وحدة اللي تكون بنت فاميليا و تعرف ربي ياك اختي و ماتنسايش انت انوي و صلي صلاه الاستخارة ربي يبينلك الصح وين
ربي يهني بالكم حنونة

[سماح 2]

يآآآ اختااه دعي أبااك يتزوج فهداا حقه

لانكم ستحرموونه لدة الحيااااة

فان انتم تزوجتم وبقى هوو وحيييد ستندمووا اليس كدلك

سلام

[أسيرة ذكرياتي]

اختي العزيزة باباك من حقو يعاود الزواج والله حرام عليكم كون تمنعوه من حقو المشرووع

من خير انو باباك يعاود يستقر من امراة في الحلال او يروح يدير الحرام من وراكم,,يا اختي ربي سبحانه

خلق الرجل بهاذ الصفات والانسان عندو شهوة وغريزة والزواج هو الحل

نصيحة مني انكم تحوسو على امراة طيبة وصالحة ترعى اموركم وامور باباكم وتصون اسم عايلتكم

لشتا يطول الوقت حوسو نتوما معاه مليييح وادعي ربي يرزقكم بامراة صالحة

وربي مايضيعكمش ان شاء الله

[Mustapha93]

لما الانانية
ابوك من حقه ان يتزوج فهو انسان له مشاعر يحتاج من يهتم به
انتم غدا كل له حياته وهو ...........لمن يبقى .... للوحدة
وانا اوافق الاخوة ابحثوا له على المراة الصالحة

[♥منسّه♥]

~السّــــــــلام~
الله يرحمـها و يُسكنُها فسيح جنانه
-اختي راني حاسة بيك صح تجيك حاجة ماشي مليحة أنّو وحدة تحتل مكان يمّأك الله يرحمها ،و مُستحيل راح تتقبلي الفكرة ،لكن خمّي شويا أنتم أقصد أنت و أخوتك كل واحد راح يبني مستقبلو و كل واحد فيكُم راح يشوف حياتو لكن باباك راح تخلاص عليه وحدو شكون راح ينظفلو و شكون راح يطيبلو...من االمفروض تصيبولو وحدة متخلقة و صالحة و طيبة و تقبلكم هكا و تكمل معاكم و مع باباكم حياتها ...إن شاء الله تلقاو حل في أقرب وقت .

[الممتحنة]

السلام عليكم، رحمة الله على والدتكم واسكنها فسيح جنانه، اختي هداك الله انت واخوتك، ابوك رجل اصيل انه بقي 6 اشهر ولم يتزوج خالتي ماتت مند شهر و4 ايام تزوج زوجها قبل 4 ايام فقط ، ابوك له الحق الشرعي في الزواج ، انت واخوتك سارعوا في البحث عن زوجة لابيكم تكون بنت حلال وتخاف الله وان كان لك اخوة صغار ترتاحي ان تزوجت انت وتعرفين انك تركتهم في ايد امينة، اقسم اني لو كنت مكانك لسارعت في تزويج ابي ، اختي الرجل محتاج لامراة خاصة مع تقدم العمر، ابوك مهما كان قويا امامكم فهو ضعيف من الداخل فهو يحتاج الى من يسانده طبعا هي زوجته، قومي انت واخوتك باختيار امراة صالحة تقوم بالحفاظ على بيت امكم وتلم عائلتكم، مهما بقيتم مع والدكم فلن تستطيعوا حلول مكان الزوجة ، رمضان على الابواب ، ومن الاحسن ان تقوموا بدلك في اقرب وقت ، وتدعوا والدكم يفرح ببقية حياته ان كان للعمر بقية ، طبعا هو لن ينسى عشرة عمره والدتكم رحمة الله عليها، لكن هدا قدر الله والامر في ايديكم لربما احضر والدكم امراة لا تعرفونها لا سمح ، ادن ما عليك الا ان تختاروا له انتم، ربي يسهللكم اختي ويفرج عليكم موفقين ان شاء الله

[حميد.ص]

لا مشكل اذا تزوج ابوك...........نتمنى فقط ان يختار امراة طيبة..........ربي يعطيك الخير