عقدتي

[مشكلتي]

السلام عليكم و رحمة الله تعالى و بركاته

مشكلتي هي الباكالوريا خمس مرات و انا نفوت و كل عام ما ننجحش كنت تقني رياضي و درك شاركت ادبية و علابالي ما نديش خدمتي ما تفرحش نقرا و نتعب نروح نشوف الورقة تقول عمري ما قريت علابالي الخوف هو سبب فشلي في كل السنوات ولا ما كتوبوش ربي سبحانو
ضميري تعبني نقول لو تعبت روحي بزاف كنت نجحت و نقارن روحي مع صحاباتي اللي كنت نقرى عليهم اللي تخدم تخدم و اللي تقرا و كامل حاطين رواحهم حاجة عليا هاذا كامل كي ما عنديش الباك بالرغم من ثقافتي الواسعة و فصاحتي في اللغات الاجنبية نتكلم ثلاث لغات لكن تغيضني روحي بزاااااااااااااااااف نهر كامل و انا نحكي وحدي لوكان نحجت راني هكذا و هكذا تعبت نفسيا بالصح
هاذ المرة فوتو ممعايا جامعيات و شفت حكاياتهم و الله عفيتهم و كرهت كلمة جامعة لانها رجعت تدل على سوء الاخلاق هاذ الوقت قليل اللي تروح على جال القراية
انا الحمد لله متحجبة لباسي محترم متخلقة و كامل يشهدولي بهاذ الصفات خاوتي يكرهو نخرج يخلوني غير لضرورة فقط ما يحبوش الخدمة ولا التكوين خرجت و شفت المعاكسات اللي في البرا و فهمت علاش خاوتي يكرهوني نخرج خوفهم عليا هو السبب و كامل الناس يقولولي ضاعت حياتك علاش ما درتيش هكذا و هكذا خاصة اللي بناتهم يقراو و يحكيو معايا على اساس دارنا معقدين لوكان جات بيدي ندير ما نيش قادرة نعكس كلمتهم رضيت و خليتها لربي و منهم صحاباتي وحدة منهم اتخطبت و خبات عليا شكون خطبها كلش قالتهولي بالغالط خايفة لا نحسدها حقرتني كي شافتني في الدار و ما نقراش تعبوني بزاااااااااااااااااااااااااااف كرهت روحي نشوف في روحي وحدة فاشلة عمري 24 سنة و مش حاسة بالصغر عقدني الباك و الناس زادو عليا حتى اي واحد يخطب ما نقبلش خفت يعايرني بالنيفو
مش عارفة واش ندير انصحوني ربي يخليكم

[نورسين.داية]

السلام عليكم

ديري في بالك حاجة مهمة أختي .........أن قدر الإنسان هو إختيار من عند الله عز وجل و الأهم من ذلك هو خير لنا .....و عسى أن تكرهوا شيئا و هو خير لكم .......................إنتبهي لهذا جيدا

و من خلال حديثك يظهر لي تناقض ، لأنك في البداية أظهرتي تقبلك و رضاك لعدم دراستك في الجامعة ....إضافة الى الخروج أصلا ....في نفس الوقت .....أنتي غير راضية على واقعك

أختي .....بالنسبة لي العلم هو سلاح دو حدين و العلة الحقيقية في حامله ....يعني كيف سوف يستعمله ..و.في أي مكان و سواء كان ذكر او انثى ............................

الإنسان يسعى الى الأفضل ........................

أتمنى انكي فهمتي قصدي عزيزتي

[سماح 2]

والله اختااه فلتعلمي ان الدرااسة ليست كل شيء

هنااك أنااس نجحوا في حبااتهم من غير درااسه

لا تجعلبهاا عقدة لك

واصلي حيااتك

تعلمي حرفة واشتغلي فيهاا وأثبتي قدرااااتك وثقي بنفسك

سلاااااااااام

[naamane3]

يعني رب العالمين حابلك الخير وانت باغية لنفسك الشر
ديري ديبلوم في كاش معهد او تكوين مهني واتهناي
ورب العالمين يعرف امورك احسن منك

[ayaamira666]

الله يبارك عليك اختي راكي واصلا للباك و الف واحد يتمنا واحدة وصلت للباك و مكملتش لقراية في الجامعة
يعني انا نشوف ماشي الباك هو عقدتك و انما الناس
خليك من الناس و ديري الحاجة لي تساعدك

[ميمي سمية]

ختي نقولك حاجة ديريها في بالك وماتنسايهاش

اللي يعيش للناس عمرو مايعيش

وزيد من فوق هذا كلشي مكتوب ربي

نعرف وحدة تدي تهاني في الليسي والباك 3 خطرات وهي تعقب فيه وراهي راضية بالقدر

مالا ماكالاه ديري في بالك ختي وش كتبلك ربي راح يلحقك

وماننساش اذا عقبتي السنة نقولك ربي ينجحك وان شاء الله يعوضك ربي خسارة لعوام لي فاتو

[كريم 2007]

صحيح ان للعلم مرتبة كبيرة عند الناس و لكن ليس المهم ان الانسان يملك شهادات عليا و راسه فارغ المهم هوا الاخلاق العاليا لانه بالاخلاق تحترمك الناس و تتعامل معكي
و هذا مكتوب ربي انه لم تنجحي في 5 مرات و ابتلاء من الله عزوجل ليختبر صبركي وفقكي الله في امور اخرى ان شاء الله

[أم الولدين]

اختي الكريمة الباك هو ماشي كل شيئ
كاين و ذكرتيها جامعيات و المستوى 00000 وتقول من المتوسطة مانعطيهم حتى نيفو
انت ماشاء الله كما راكي مستوى وبالزايدة متمكنة من باقي اللغات
شوفي فورماسيون ولا حاجة اخررى و توكلي على الله ربك هو الرزاااق
حرمت من الباك ولكن فضلك ربي بنعم جمة تدبريها و احمدي الله واشكريه عليها
واهمها نعمة الدين وكفى بها نعمه

[yacine-08]

هده الاشياء مكاااااتيب .وهي عبارة عن اختبارات يختبرنا بها الله تعالى

لدا لا تبتعدي عن الله سبحانه في اي وضع وضعت فيه

ودائما القول الحمد لله لانه هناك من هو اسوء حالة

المهم انصحك ان تتوجهه الى التكوين المهني .. يمكن الحصول على شهادةمحترمة

وهناك تخصصات رائعة ومطلوبة كتيرا و الدراسة هي لعامين فقط

ويمكن المشاركة دائما في الباك كـ مترشح حر ..

بالتوفيييييق لك .

[ما فهمت والو]

السلام عليكم
يا اختي انا نحسدك او نقولو نغير منك هناك ربي من بلاصة اسمها الجامعة يا اختي في الجزائر كاين نيفو واحد مكنش واحد خير من واحد انا نعرف ناس جامعيين تحكي معاهم تكره الجامعة من المستوى المنحط اللي يحكو بيه و العكس تحكي مع اخرين اللي ما راحوش للجامعة تلقاهم خير من الجامعيين و كيما قال الاخ قبلي القراية مش هي كلشي المهم التربية و الاخلاق و يكون قلبك ابيض و خلاص هديك عي الفايدة

[اسعى لرضى الله]

اختي راني حاسة بيك عقبت الباك ومديتش ودك راني مريحة في الدار بصح بغيت نقولك حاجة

المشكلة مشي في الناس المشكلة راها فيك كيعاد انتي اللي شفتي روحك بلي راكي اقل مستوى واقل شان وعقدت نفسك فلما تقابلي صحاباتك اللي داو من قبلك راح تشعري بالشعور هدا تاع النقص فيؤثر عليك ويخليك تحقري نفسك بحداهم وبطبيعة الحال راح تتلعثمي او ممكن تحشمي وتسكتي لانك تشوفي روحك اقل شان فهوما يحقروك ومشي هوما اللي شافو رواحهم عليك وخير منك ياكي انتي اللي شفتي روحك اقل مستوى منهم كيعاد شفتيهم هوما واش يخممو ؟ بالاك راهم حاسدينك كي راكي مريحة في الدار يقولك هي تهنات من التعب والندبة هههه وين شتي؟


مالا انا ثاني فوتت بهدا الامر وصراتلي كيفك

شوفي اختي مشي معناها كي مديتيش الباك يعني راكي اقل شان من حاملي الشهادات الجامعية لالا

راكي انتي اللي عقدتي روحك , راكي خذيتي فشل تاع لباك تاعك وقمتي بالتعميم على كل حياتك فحكمتي على روحك فاشلة

صح فشلتي في لباك مي مش معناها راكي فاشلة في حياتك كامل حاولي طوري روحك في مجال اخر واثبتي روحك ونقولك حاجة لا معطيتيش قيمة لنفسك مشي راح يمدوهالك الناس ولا حكمتي على نفسك باي حكم اعرفي الناس ثاني راح يحكمو عليك بنفس الحكم اللي حكمتي عليه على نفسك لا حكمتي بروحك انك فاشلة راح يشوفوك فاشلة لا حقرتي روحك راح يحقروك راح عطيتي قيمة لنفسك راح يعطيوهالك كوني اكيدة

وزيد هديك اللي خبات عليك بلي تخطبت وين شتيها انتي حقراتك هدي اي عقلية النسا متعرفيهمش اكيد اي خبات عليك وعلى صحاباتك وعلاه حكمتي بلي خبات عليك انتي كيعاد مديتيش الباك ؟ وزيد وين علابالك انتي بلي ربي راه مكتبلك خير من اللي داو لباك

وزيدي قلتي بلي مكيش حابة تقبلي الخطاب كيعاد تخافي يعايرك بالنيفو ؟

انعلي الشيطان
زيد ياخي قالو ناس بكري الفهامة في الراس مشي في الكراس

يعني راهم جامعيين وتلقايهم فارغين مشي كامل طبعا

وتلقايهم والله مقراو تحكي معاه تقولي قرا في جامعة منعرف واش

متحكميش على روحك بالشهادة احكمي على روحك باخلاقك وزيد هاكي ديحا قلتي تتقني 3 لغات هدي حاجة مليحة راهم يقراو في الجامعة لدك ميعرفوش يحكيو بالفرنسي والله ( مشي راني نقول تاع الجامعة ميسواوش حاشا ) احكمي على روحك بتربيتك

وزيذي ثقفي روحك في المجالات كامل باش كي تحاوري الناس متحقريش روحك وتلقاي واش تحكي

وزيدي الراجل اللي راح يجي يخطبك او مش يحوس على النيفو في القراية يحوس على النيفو في التربية وتكوني مرا تاع دار وتعرفي طيبي مالا انعلي الشيطان ختي وديتي لباك ديتي مديتيش مشي معناها راكي متصلحي لوالو
مالا كي تقراي ردي ان شاء الله حاولي تعطي ثقة في نفسك وكون تتلاقاي حتى مع اوباما ديري ثقة في نفسك ومتشوفيش روحك من زاوية مديتيش لباك شوفي روحك من زاوية اخرى يعني من ايجابياتك مثلا متخلقة تعرفي تهدري اللغات تعرفي طيبي


دك انتي اللي لازم تخرجي نفسك من هد العقدة وزيد بالاك ربي مشافلكش خير كي تروحي للجامعة بالاك كون تروحي للجامعة يفسدو اخلاقك بالاك بالاك منعرف حسابات ربي هو اللي علابالو ويعلم


وزيد من جهة انا منقولش الجامعة مش مليحة ونقولك راهم قراو وحاكمين الحيوط ومعلاباليش ياي حتى وكانت منعرف واش بالاك ربي مشافلكش فيها خير هكا افهميييييها وزيد ممكن هدا ابتلاء احمدي ربي وخلاص وفي الاخير سلام ونتمنى تقراي ردي مليييييح

[doba]

يا اختي العزيزة ما تأيسيش والله كاين ناس فوتت 10 مرات ودات وخدمت والحمد الله
واش راح نقلك تحلي بالشجاعة الكاملة وربي راح يعاونك وتمسكي بربي ونشالله تفرج عليك
الصبر والصبر وثم الصبر

[Hemal]

هذا كلشي مكتوب ربي

[NADJIB-90]

اعتقد ان عدم نجاحك في البكالوريا راجع لصدماتك السابقة في الامتحان اكثر من مما هو راجع للضعف الاكاديمي عندما نريد شيئا ونطرق الباب وناخذ بالاسباب ثم لا يتحقق احيانا يجب علينا ان نبتعد قليلا عن المشكلة لعلنا نراها بطريقة مختلف لو جربتي ان تتعلمي حرفة او تكوين في شئ ما ربما اذا حققت نفسك في مجال معين او عملتي تعود الثقة في النفس وعندها يمكنك التجريب مجددا اذا اردت
احيانا تصبر ساعة فقط تتبدل حياتك كاملة اما الذين يعيرونك ونقصون من قيمتك فقط لانك لست جامعية فهناك الكثر ممن ذهب للجامعة وتخرج منها وهو صفر اخلاقيا واكاديميا تمسكي بالله لعل هذه المشكلة تفرج

[achwak crazy girl]

كل شىء بالمكتوب

[بثينة 123]

السلام عليكم
هذا قدر كي انتي ما جبتيش الباك هذا يسمى مكتوب ربي كتبهولك مثل ما قال تعالى عسى ان تكرهوا شيئا وهو خير لكم وعسى ان تحبوا شيئا وهو شر لكم صدق الله العظيم
اما بالنبة للبنات اللي يحتاقروك هذوا قوليلهم بلللي ربي دار المراة تقعد فالدار والراجل يخدم بصح ذرك ما ولاوش يطبقوا الاسلام وكان الجزائر هي فرنسا وكل ما يطبق في فرنسا تطبقه الجزائر الله يستر

[AMINA.Z]

حطي هاد الشهادة بين عينيك

و بربي ان شاء الله راح تديها

و اللي كان يقول ماكانتش قادرة تديه راح يعود يضرب بيك المثل

و يقولو شوفو ما ياستش و دات واش كانت حابة

نصيحتي ليك لا تياسي

لازم تطفي هاد النار اللي في قلبك

جيبي الباك حتى و لو ما رحتيش للجامعة

و ربي ان شاء الله يوفقك

[aminabmb]

okhti walah raki ghalta fi tafkirat .anti t9oli bali wsalti l bac ma3natha haja mliha.tot9inin 3 loghat ana kamalt ljami3a wala ot9in 3 loghat raki khir 3liya bazaf. tha9afa 3andak wasi3a lhmd ya3ni 3andak zad kafi li mowajahat lhayat.okhti n9olak la9raya mahich kolach fi had danya kaynin 1000 makamloch 9rayathoum wnajhin khir mali kamal koul wahad wach madlo rabi fa danya hadi wlazam nardaw bwach 3tana.ama 3an kalam nass fa layahoum fi chay wkouni 3ala thi9a bali nass hadrin hadrinn kamalti wala makamaltich .kaynin nass farghin chghoul khadmathoum yahkiw fal ghayr.klam nass nahih man rassak okhti l3aziza wthi9i fi rabi. wbanissba li t9oli yjiw ykhatbouk wmat9ablich tkhafi man niveau n9olak raki ghalta ki tkouno matfahmin watkouni inssana salha wmatrabiya hada rass malak ok okhti .wnatmanalak tawfi9

[سمسار92]

والله اللوم كامل على الجامعة ياخوتي صح الجامعة مش مليحة في هاذوك لحوايج مي كاين بزاف ناس والله تتمنى الجامعة في بلاصتهم يا اختي متحكميش على الجامعة من الناس لان كل واحد و شخصيته انت مثلا كي تدخلي للجامعة كوني مختلفة على لاخرين و الجامعة تتعلمي فيها حوايج بزاف انا والله سنتي الاولى و الله تعلمت من اساتذة وتمنيت الجامعة كانت غير قاية ومكش امتحانات وكون غير مخلصناهاش لانو استفدت بزاف و الحمد لله انا كي نقعد مع جماعة نجكيو على السياسة و اردوغان ههه والله تلقاي سنة اولى و سياسيون و دبلوماسيين ههه مي تلقاي اغلبهم و خاصة البنات متسمعيش نجيبو كتاب ولا تسمعي غير هيا نروحو للبيتزيريا وتسمعي غير التلفون والزواج سلام

[alaa ritadj]

لا أختي أنت مخطئة الخوف لايِثر إلى هذه الدرجة إذا كنت تدرسين و تجتهدين
احدى صديقاتي لها نفس المشكل و هي قد عرفت السبب و هو أنه هناك من قام بسحرها
لكن أرجو من كل قلبي أن لا تكوني أنت كذلك و أتمنى لك التوفيق