اخر كلمة بخصوص الباااااك

[homme mystérieux]

يا جماعة الاسئلة والله غير كانت ساهلة .. والفلسفة مع اني والله جامي قريت العادة والارادة بانتلي نورمااال هاداك ديفو نتاعنا الدرس كاين ف البرنامج وهدا هو الامتحااان
واخييرا الباك ولا يبانلي جياحة وطاح قدرو عندي بكري كي كانت الرجالة تقرا صح مايعرفوش الكوبياج ودوك التنقال داااير حالة وانا وااحد من الناس عقبت حر ووالله مانقلت لأنو مايشرفنييش نجيو بالطريقة هاديك وفي أوروبا صاحبك كي يشوفك تنقل يضحك عليك على خاطر يعرفو قيمة العلم لصاحبه و روحي يا بلادي رحي بالسلامة
الباااااااك ولى سووووق ذر
وفي الاخير انا شفت دي جان يبكيييييو طاحلي المورال لل00 الرجااالة بكري في وقت عمر بن الخطااب يروحو للموت يضحكو ..و يدخل في معركة بالسيوف نورماال وضرك تطيحلو العادة والارادة يندب نيكره خخخخخخخخ
وفي الاخير انهيها بقوله صلى الله عليه وسلم «أزكى الأعمال كسب الرجل بيده»
الحمد لله قادر الواحد على شقاه وميش شرط نخدة بالقراية تاع نيفو دبدر جا الباك اهلا وسهلا بيه ماجاش يدبر راسو

[محمد الأمين الصادق]

والله صدقت،والله صدقت أنا تاني عقبت الباك حر،والله لم أستطع أن أتحمل ما رايته وأعتقد أنني لن اشارك مجددا في البكالوريا،لقد أصبح الباك لعبة كما قلت،وأصبحنا نطالب الوزارة ان تضع الاسئلة التي نريدها ،لان تلاميذنا الاعزاء يحبّون ان يدرسوا مايحبّون،ويريدون ان يمنطقوا الباك ويسيّسوه برؤيتهم،وأصبح الغش سيّد السبل،وصرنا لانتورع عن العبث وسرقة ماليس من حقنا،الثانوية تدفع والجامعة تبلع ،والمتخرّجون اشباه،شبعنا فضائحا واستهزاءا،ادخل لليوتيوب ترى أن كل العالم يضحك علينا،لا نستطيع حتى ان نستر اخطائنا،طوبى لامرئ صان نفسه وخاف الله حسبنا الله ونعم الوكيل،ربي ينجح كل من يستحق وكل من بذل جهده وسهر لياليه في التحصيل،ربي يهدينا ويهدي بينا سبحانك اللهم وبحمدك لا اله الا انت استغفرك واتوب اليك.

[homme mystérieux]

احسنت يا صديقي اللي زاد عقب الباك في ظروف كيما هادي موش رااااجل

[iman14]

اففففففففففففف لا لا يا خويا ما ديرش الغلطة فينا حنا العادة و الارادة جات 2011 و معلوم ان مواضيع لن تتكرر الا بعد مرور 4 سنوات و سقسي عليها هاذي اذا انت خدمت و راك تقول ساهل كاين الاف في ولايات مخدموش و لي خلاو اوراق فارغة و لي اغمى عليهم كيما حالتي انا العادة و الارادة مستبعدة بزاف و الحقيقة نورمالمو جي تحليل نص على خاطر تعودة في سنوات سايقة المحور الثالث جي تحليل نص حتى الاساتذة و تفاجؤؤ في موضوع و نتمنى يلقاو حل و الا .........

[sousou hz]

انا معك معندهمش الحق يقولو صعيبة ولا يركلامو على خاطر ماخرجوش على البرنامج مي انا فوت الباك 4 مررات حرة تنقل تخدم وحدك دير وش تحب مايهزوش الاحرار يحقروهم خاصة الاداب وربي يسهل لكل واحد

[homme mystérieux]

لالا انا ماقلتش خدمت قلت والله جامي قريت هاذ الدرس مي نورمال الشئ اللي في راسي حطيتو وخرجت سالما معافا مانطيح مانبكي ماني معمر راسي بالاموور هادو بسك علابالي مام الجامعة 00 و مكان والو ,, صح حاب نجيب الباك علاجال اسكات بعض الافوااه وخلاص واللي يحوس يدير لافونير ( التجارة ولا الهربة )

[linda 9ata]

a3arfe kifach tahkiw

[حبة سكر]

من فضلكم انا درت الموضوع 1.في الموقف 1.درت العدة تساعد .... و2 درت الارادة تحقق......جاوبوني مورال راه ف 0000000000000000000 راني صح

[homme mystérieux]

في الموقف الاول ماتحكيش على الارادة خلاص ديري بلي العادة هي اللي تحقق التكيف مع الواقع
وفي االموقف الثاني ماتحكيش على العادة خلاص وديري بلي الارادة هي اللي تحقق التكيف مع الواقع
والتركيب ديري بلي في زوج يساهمو في هادا التكيف
والخاتمة تحطي شغل نتيجة للهدرة اللي هدرتيها وخلاص

[abdelka22]

من فضلكم انا درت الموضوع 1.في الموقف 1.درت العدة تساعد .... و2 درت الارادة تحقق......جاوبوني مورال راه ف 0000000000000000000 راني صح
..
..
إيييه نييشان ..ياك في السؤال بداولك بالعادة

[homme mystérieux]

a3arfe kifach tahkiw

واش القطة نورمالمون رانا نحكيو بطريقة لبقة و عادية وماتقلقيش روحك على بالي القلقة تاع الباك اللي راها مدوخاتك
المهم ربي ينجحك بسك كاينين حوايج بسبتك جاوبت عليهم في الباك وانت اللي حطيتيهم هنا

[riadb1993]

لالا انا ماقلتش خدمت قلت والله جامي قريت هاذ الدرس مي نورمال الشئ اللي في راسي حطيتو وخرجت سالما معافا مانطيح مانبكي ماني معمر راسي بالاموور هادو بسك علابالي مام الجامعة 00 و مكان والو ,, صح حاب نجيب الباك علاجال اسكات بعض الافوااه وخلاص واللي يحوس يدير لافونير ( التجارة ولا الهربة )
هادي هي لي عجبتني خويا ...لاه طيح و لاه تبكي و لاه تعمر راسك .....مع أنو سؤال في متناول الجميع .أنا واحد من الناس لي كيما نتا عقبت و الوحيد الذي خرج سليما معافى أغلبية الملاحظين كي خرجت نشرب قالولي الوحيد لي ما قلقش في قاع لكلايص نتا و 5 و لا 6 من الناس .قلتهم الأسئلة تحطت و الواحد كان مراجع العادة و ماهوش متكل على التوقعات 100/100 و الإرادة حطيت شوية مراجعو باسكو طاح في اختبار الفصل الثاني و الباقي من راسي ....صدقني الفلسفة مادة فهم قبل حفظ لا أقل و لا أكثر.

[محفوظ البسكري]

اففففففففففففف لا لا يا خويا ما ديرش الغلطة فينا حنا العادة و الارادة جات 2011 و معلوم ان مواضيع لن تتكرر الا بعد مرور 4 سنوات و سقسي عليها هاذي اذا انت خدمت و راك تقول ساهل كاين الاف في ولايات مخدموش و لي خلاو اوراق فارغة و لي اغمى عليهم كيما حالتي انا العادة و الارادة مستبعدة بزاف و الحقيقة نورمالمو جي تحليل نص على خاطر تعودة في سنوات سايقة المحور الثالث جي تحليل نص حتى الاساتذة و تفاجؤؤ في موضوع و نتمنى يلقاو حل و الا .........

من قال بان اسئلة الباكالوريا لا تعاد الى كل 4 سنوات

معلومة غالطة
البكاء و الاغماء هذه ليست اول مرة

فياما بكوا و اغمي عليها في باك 2011 و 2012

صدقيني اختي انا نحن في الكلاصة نسمعوا فيه يشهقوا باعلى صوت

لماذا في رايك

لان المقال التي حفظوها ماجاتش

و هذا اكبر خطئ الاعتماد على التوقعات

[صفاء الروح]

صح الباك راحت هيبتو بكري بصح الله غالب عاودولناااا المقال متصلحش جامي صرات

[homme mystérieux]

صح الباك راحت هيبتو بكري بصح الله غالب عاودولناااا المقال متصلحش جامي صرات
يقدر يصير اختي واللي يقرى نظامي ماعندو حتى حجة يديرها عذر.. نحكيلاك على نفسي طاحتلي العادة ف الباك 2011 و والله غير قبل 20 يوم طاحتلي العادة ف الباك بلان وزادت طاحتلي العادة 02 جوان
انا أصلا كرهت جد العادة هادي مي واش راه ندير مولاها ربي سبحانو

[سهيلة جنا]

لي راه يقول الباك نتاع الفلسفة ساهل يسكر فمو خير حنايا العادة معطاهالناش خلاص استادنا ومفهمناهاش فيها والحقيقة قالنا تحليل النص ونتم دكا راكم تقولو ساهل ولي راه يقول الفلسفة ساهلة اكيد نقل فيها وعلى هادي سكرو فامكم خير لخطريكش وجعتولي قلبي حاشا لي ميستاهلش اسمحولي بصح قلبي راهو معمر يرحم باباكم متزيدوش علينا

[homme mystérieux]

لي راه يقول الباك نتاع الفلسفة ساهل يسكر فمو خير حنايا العادة معطاهالناش خلاص استادنا ومفهمناهاش فيها والحقيقة قالنا تحليل النص ونتم دكا راكم تقولو ساهل ولي راه يقول الفلسفة ساهلة اكيد نقل فيها وعلى هادي سكرو فامكم خير لخطريكش وجعتولي قلبي حاشا لي ميستاهلش اسمحولي بصح قلبي راهو معمر يرحم باباكم متزيدوش علينا

اول حاجة لازم ديريها انت اتعلمي تهدري بلباقة مع الناس وثاني حاجة راكي كبيرة وعندك مستوى ثالثة ثانوي نورمالمون ماتهدريش مع واحد مد رايو بالاسلوب هاذا (يسكر فمو) وثالث حاجة كامل عندنا قلوب ورانا مقلقين و مانيش نديفوندي على وزارة التربية بصح المشكل فالاستاذ اللي ماقراكش ومافهمكش في العادة ورابع حاجة انا على الاقل احترمتك ورجعتلك ريبونس نورمالمون ماعندي مانهدر معاك
وربي يكون في العون والله المستعان

[سهيلة جنا]

انا راني محترمة روحي بصح نتوما ديرتولي قنطة هدا شي اكل وتزيدو ديرو لوم على التلاميد حسبنا الله ونعم الوكيل خسارة الهدرة معاكم

[homme mystérieux]

hhhhhhhhhhhhhhhhhhhhhhhh
merci rabi yahefdhek

[سهيلة جنا]

اسمحلي ادا قلقتك مي مدرش عليا مرانيش مليحا ربي يحفضك خويا

[homme mystérieux]

wlh wallo khti wa3lach n9ale9 rouhi w rabi ywaf9ek w nchalah l'anné prochain raki f l'université a sidi
mais 9teltini b khssara lhadra m3akom hhhhhhhhh

[الوفي غزة]

ههههههههههههههههههههههههههههههههه
من اراد العلى سهر الليالي
ومن زرع حصد
وليس من نقل انتقل ومن حددوا لع العتبة والدروس واحتمالها سينجح
فاين الله في كل ذلك ام انكم نسيتم القضاء والقدر وان الله هو من يوزع
الارزاق ويقسمها ولا غالب الا الله
ولا حول ولا قوة الا بالله

[mira best]

makanch manha as'ila tih kol 4 ans ana les langues 3awdona as'ila ta3 ihistoire geo 2011 mais nrml

[nibrasse 76]

اجمل ما في بكالوريا الفلسفة هذه السنة انها غير قابلة للغش = anti coupiage ...والاجمل اني كنت احرس يوم الفلسفة وكنت ارى كيف ينقلون مقالات

خاطئة وخارجة عن الموضوع وهم في لهفة شديدة .. كالعميان لا يفهمون شيئ ...مع ان علامتهم لن تتجاوز 4 من 20

السبب في انفعال الكثير وبكائهم ليس صعوبة الاسئلة وعدم دراستها او فهمها ...بل هو انهم لم يحضروا تلك المقالات معهم مع ملفات الزوم

...كما انه من الصعب جدا العثور عليها في الكتب الخارجية حتى وان استعانوا بصديق في الخارج ....فقط الذين يستحقون النجاح ومن

تعبوا فعليا وتابعوا دروسهم في القسم هم الفائزون .

[homme mystérieux]

والله غير كاينة منها خاصة السؤال الاول والله غير اللي نقلوه 90/ غالط
انا درت من راسي والسلام

[riadb1993]

والله غير كاينة منها خاصة السؤال الاول والله غير اللي نقلوه 90/ غالط
انا درت من راسي والسلام
لي درتو نتا خويا صحيح .شوف التصحيح النموذجي لي طلقوه العادة تجي في موقف و الإرادة في الموقف 2 .....معلاباليش اسكو الغاشي لي قرى فلسفة قرى هاذي المقولة و لا لا ...الدولة جهاز قمع...

[homme mystérieux]

لي درتو نتا خويا صحيح .شوف التصحيح النموذجي لي طلقوه العادة تجي في موقف و الإرادة في الموقف 2 .....معلاباليش اسكو الغاشي لي قرى فلسفة قرى هاذي المقولة و لا لا ...الدولة جهاز قمع...

راك تشوف ياخويا وقيلا ظهرت بلي المقالة اللي درتها انا صحيحة جامي زهرت ووقيلا بدات تدور لينا الدنيا هههههه

[rehab-dz]

على العككس ، اسئلة في المتناول ومراعية لكل انواع التلاميذ هاد العام ..متوسط وممتاز وضعيف..
وزيد الفلسفة ممكن صح العادة والارادة كارثة مي الحقيقة جدّ عادي وزيد من الموااضيع المُرشحة وش بيكم ..
والنص سهل مايكون لي ميعرفشي العادة والارادة ولا الحقيقة يروح للنص .. هكذا دارو هما كل الإحتمالات ..وراعاونا صراحة وفي كلّ المواد علاش الكذب ..
الحمدُ لله

[homme mystérieux]

صح عادي برك اللي مايقراش ومايتعبش بالذراع يجيه صعيب
اون+ انا ليبر ونراجع غير من المنتدى ولا من نيت لكرارس ماعنديش وبانلي نورمال

[alilo021]

ntoma jabli rebi matefahmo fiha walo nebda nahko 3la el machaki el mochkil al awel howa el assatda kayen li may9aroch omba3d y9olek rani khales o kayen li khatih ga3 le9raya weli y9oli hadi makanch menha balak ykon 9ra felmerikh machi fedzair

[riadb1993]

راك تشوف ياخويا وقيلا ظهرت بلي المقالة اللي درتها انا صحيحة جامي زهرت ووقيلا بدات تدور لينا الدنيا هههههه
هههه عندك الحق.......بصح أنا مانلوم حتى واحد غير لمقراش و أصلا موضوع ساهل للفهامة العادة و الإرادة والحقيقية مخلطة شوية في بعضاها تستاهل وقت كبير باش تتفهم مليح ...أنا كاينين لي نعرفهم مقراوش عام كامل و جابوا عادي جدا من ريسانهم .....نفس السؤال طاحلنا في اختبار الفصل الثاني .ما يجيب ربي غير الخير إن شاء الله.

[fatalim]

واقيلا حبيتو يعطوكم الاسئلة ويقولولكم روحو حلوها في داركم ورجعوها ياخي جيل وشكون قال بلي موضوع مالازمش يتعاود هذا درس باش ماتحقروا حتى حاجة

[mira best]

oui c'est vrai

[sarahswira]

جامي في حياتي كوبييت مي نوري نخاف نكوبيي تو سامبلومو مي لوكان يروحلي هذاك الخوف نكوبيي نورمال يرحم بابك البروغرام شارجي واش تقرى واش تخلي تعيا شاد مي تنسى واش دير ما ينفع غير الكوبياج

[gheislam]

مليح 4

[homme mystérieux]

جامي في حياتي كوبييت مي نوري نخاف نكوبيي تو سامبلومو مي لوكان يروحلي هذاك الخوف نكوبيي نورمال يرحم بابك البروغرام شارجي واش تقرى واش تخلي تعيا شاد مي تنسى واش دير ما ينفع غير الكوبياج

شوفي اختي والله غير حبست ثانية ثانوي وسجلت ديراكت باك والله جامي حضرت حصة ف القسم وماقريت والو مي كيما راه ماكانش نيفو يقدر يجيبو اي واحد واون+ والله غير تغيضني عمري نجيبو بالتنقال وكي نجيبو والاسئله ساهلين والله غير يجي سامط ... ماذا بيا يديروه واعر وننجح خير وفي الاخير انا حاب نقرى و نتعلم ونثقف في حوايج بزاف مانيش حاب نقرى باه نخدم ولا باه يقولو طالب جامعي هههههه