أغبى طريقة ..... [الأرشيف] - منتديات الجلفة لكل الجزائريين و العرب

wahid_dz

2013-06-05, 20:22

و الله ماتفهم والو.... طريقة طبع مواضيع تاريخ و جغرافيا غبية و مربكة للطلاب الكثير وقع في خطأ حل جزء من كل موضوع بسبب ذالك.......................... الله لا تربحهم............................ على الأقل كون خصو ورقة لكل موضوع مع خريطة مرفقة لاكن.......................... مازال نحوس نفهم!!!!!

سلسبيل.

2013-06-05, 20:33

هي صح واش قلت
بصح الطالب الفطن يقرا ترقيم الصفحات مثال 1/8 ومبعد تجي وراها 2/8 مورها 3/8 لي يتبع الترقم ماتتخلطلوش

wahid_dz

2013-06-05, 20:46

نعم لاكن حتى مع ترقيم صراتلي وين لقيت روحي نحل في موضوع من كل جزء وليت موسوس بسبب ذالك كل مرة لازم نقلب أوراق ونتأكد من ترقيم عياونا...................

yasmine33

2013-06-05, 20:52

اغبياء حتى السوجي خروضولو مخو شفقو على الورق دوخونا شيطونا باش فهمناه الله لا يتربحهم ناقصين احنا تخمام

موح الحراشي

2013-06-06, 00:34

مفلروض يعرفو ان الطالب يكون في حالة نفسية،ويمكن يتشوش،ميزيدوش عليه،
لكن هادي هيا المنظومة التغبوية،لازم تكون غبية
+ يعني وش فيها كون يديرو الطالب يجاوب في الورقة لي تتمدلو؟

nibrasse 76

2013-06-06, 02:54

سبحان الله طلبة البلوتوث والزووووم ...والتوقعات ....يتكلمون عن الغباء ....؟؟؟

فعلا الحماقة اعيت من يداويها .... علاه ما تتخلطش عليكم في ارقام لاعبي البارصا والريال ـــ والله ما تشبهو للقراية خلاااااااه. تعيووووووو,

nibrasse 76

2013-06-06, 02:55

سبحان الله طلبة البلوتوث والزووووم ...والتوقعات ....يتكلمون عن الغباء ....؟؟؟

فعلا الحماقة اعيت من يداويها .... علاه ما تتخلطش عليكم في ارقام لاعبي البارصا والريال ـــ والله ما تشبهو للقراية خلاااااااه. تعيووووووو,

abdelka22

2013-06-06, 11:07

هههه أنا درت الموضوع الثاني و قعدت 15 دقيقة و أنا نحوس أيهما موضوع تاع الجغرافيا الثاني ....مي سلكت

homme mystérieux

2013-06-06, 12:00

الصفحات مرقمة و الفاهم يفهم

wahid_dz

2013-06-06, 12:27

سبحان الله طلبة البلوتوث والزووووم ...والتوقعات ....يتكلمون عن الغباء ....؟؟؟

فعلا الحماقة اعيت من يداويها .... علاه ما تتخلطش عليكم في ارقام لاعبي البارصا والريال ـــ والله ما تشبهو للقراية خلاااااااه. تعيووووووو,

باينا عليك نتا لي طبعت المواضيع......... حتى الغش يدخل في خانة الذكاء و الحيلة........ بصح الغباء في تعليقك ..... بارصا و ريال .......

MERIEMESC

2013-06-06, 12:45

خاوتي انا كنت دايخة مقريتش السؤال مليح قلنا في خريطة اوربا علم 2منالناتوو2 من وارسو انا علمت في ديال العالم صح ولالا؟؟؟؟؟؟؟؟

ابو عاطف

2013-06-06, 13:01

العام القادم يكون سؤال واحد اجباري فقط و بالتالي ما يكونش تخلاط

hana ba

2013-06-06, 17:25

ما تقولش اغبياء ياخويا انا بعد 20سنة نعقب الباك من حقي تخلتطلي الاوراق مافهمت والو جيت نسال الطلبة الي معايا ماحبتش الاستادة وفعلا جاوبت التاريخ من الموضوع الاول والجغرافيا من الموضوع الثاني مكثرين الورق باطل كيما الخرائط مش محتم يحطوهم في الباك كان لازم يقدرو بلي جميع الفئات تعقب الباك

ربيع البسكري

2013-06-06, 17:34

ياخاوتي كيفاه يعني 4سوايع ونص
متصقصي الحارس متعرف الارقام تاع الصفحات
امتميز بين كلمة الموضوع الاول والموضوع التاني
انا نقلكم الصراحة نحسن عونكم بصح طالب باكلوريا خدم مخك شوية

RELIZANE48

2013-06-06, 17:40

oui c vrais chaft wa7da maskina tkhaltolha 3aytat l ostada galtlha mafhamt walou hadou kirahom dayrin hak lOoOOl