للمقبلين علي الزواج .عرس باقل التكاليف

[ام راضية]

السلام1

كما نعلم كلنا ان مصاريف الزواج عائق كبير امام الشباب لاكمال نصف دينهم
انا اليوم كنت في عرس قريبة لي وعجبتني جدا الفكرة التي اعتدمتها هي وخطيبها لاتمام زواجهما فحبيت ننقلها ربما تفيد ولو اخ او اخت محتارة
هي تفاهمت هي وخطيبها طبعا عن طريق اهلهما ان يقلصو المصاريف الي ادني حد لان احوالهم لا تسمح
اشتري لها الضروري وهي حضرت الضروريات بدون تبدير
العرس تفاهمو وعملو العرس للمعازيم من اهله واهلها في قاعة حفلات وعملوا اليوم الغداء مشتركين في مصاريفه بعد الغداء اخد عروسه وسافر الي عنابة لامضاء اسبوع والعودة الي عشهم الزوجي ربي يهنيهم
واهله واهلها كل واحد روح لدارو
واش رايكم

[أمة الله 12]

كلشي ممكن بالتفاهم

[كوثر 20]

عندهم الصح mais ليكونوبعاد على بعضاهم هي من ولاية وهو من ولاية اخرى

[شوشو 11]

هدا نعم الراي
لابد من فرض لغة العقل مع غلاء المصاريف والتباهي والزوخ كلها تبدير
ايها الابناء والبنات .......خافو الله في انفسكم وابائكم
ارضو بالقليل حتى تحل البركة المنعدمة الان
وفقكم الله تعالى

[mouatez32]

ما شاء الله بارك الله لهما وبارك عليهما وجمع بينهما في خير وعلى خير
هذا هو الصواب وبطبيعة الحال الرجل سيوفر لها الباقي لأنه سيعمل ويشتري المستلزمات لبيته
والله ما أجمل العيشة البسيطة كل شيئ يكون حلـو
نسأل الله أن يهدينا

[أم ماجد]

اكيد فكرة هايلة نطبقها لماجد كي يزوج

[المستغفرة]

حنا في لغواط لعروسة دير تصديرة في لصال
وهو يدير لعرس في لصال
ومن بعد ولاو يتفاهمو اهل لعروسة و اهل لعريس
واحد يخلص لصال و هي تخدم القاطو ولا لعكس
ودوكا راهم نحاوها
فكرة رائعة و تنقص من تكاليف التي لا داعي لها
وريي يسجيلهم
سلام

[oum ibrahim]

ربي يهنيهم و يبعد عليهم العين كي يكونو متفاهمين هذاك هو الصح

[ام راضية]

كلشي ممكن بالتفاهم


عندهم الصم mais ليكونوبعاد على بعضاهم هي من ولاية وهو من ولاية اخرى
ليس المشكل في كل واحد من ولاية بالتفاهم والتواضع كل شيء ممكن

هدا نعم الراي
لابد من فرض لغة العقل مع غلاء المصاريف والتباهي والزوخ كلها تبدير
ايها الابناء والبنات .......خافو الله في انفسكم وابائكم
ارضو بالقليل حتى تحل البركة المنعدمة الان
وفقكم الله تعالى
شكرا لمروركن الجميل

[Le Procureur]

كل شئ بالمفاهمة للأسف أهل الزوجة عادة يكلفون الزوج ما فوق طاقاته وزيد هي تكمل عليه بعد الزواج
لذلك يعزف الكثير من الشباب عن الزواج ولا الومهم

[ام راضية]

ما شاء الله بارك الله لهما وبارك عليهما وجمع بينهما في خير وعلى خير
هذا هو الصواب وبطبيعة الحال الرجل سيوفر لها الباقي لأنه سيعمل ويشتري المستلزمات لبيته
والله ما أجمل العيشة البسيطة كل شيئ يكون حلـو
نسأل الله أن يهدينا


اكيد فكرة هايلة نطبقها لماجد كي يزوج
شوفي يا ام ماجد ربي يحفظو ويفرحك بيه لكن انت حسب ما عرفتك في المنتدي تعرضي العلمة لكل وعضوات المنتدي في عرس ماجد وما ترضيش
شوفي حبيبتي هده بنت سلفي وبقت مدة مخطوبة اكثر من اربع سنوات ونظرا للظروف عملت عرسها بهده الطريقة وانا احييها واؤيدها علي شجاعتها لان هنا الناس راح طير بالتباهي وبعد يبقي العريس والعروس في الدين وناقصين الف حاجة

حنا في لغواط لعروسة دير تصديرة في لصال
وهو يدير لعرس في لصال
ومن بعد ولاو يتفاهمو اهل لعروسة و اهل لعريس
واحد يخلص لصال و هي تخدم القاطو ولا لعكس
ودوكا راهم نحاوها
فكرة رائعة و تنقص من تكاليف التي لا داعي لها
وريي يسجيلهم
سلام
شكرا حبيبتي

ربي يهنيهم و يبعد عليهم العين كي يكونو متفاهمين هذاك هو الصح
ربي يهنيهم ولعقوبة لاولادنا ان شاء الله

[hallo77]

بارك الله فيك على الطرح المميز

[اميرة البيضاء]

انا يوم تزوجت في 2005 خسرت الكثير من الاموال في اشياء غبية و كذلك زوجي اسبوع كامل من التفاهات و بعد
العرس خرجنا بنتيجة 000000000 و حصلنا في الديون المتراكمة و فوتنا عام كامل و حنا نرد في الديون
انصح كل اتلمقبلات على الزواج يخمموا مليح و يقتصدو و يخلو القرش الابيض لليوم الاسود خاصة اللي ما عندهمش الدار
غاد
ي من بعد تسوفري و هذا عن تجربة ما درت الدار حتى عينيا حوالو خاصة مع الغلاء و الاطفال يزيدو المصاريف

[ام راضية]

انا يوم تزوجت في 2005 خسرت الكثير من الاموال في اشياء غبية و كذلك زوجي اسبوع كامل من التفاهات و بعد
العرس خرجنا بنتيجة 000000000 و حصلنا في الديون المتراكمة و فوتنا عام كامل و حنا نرد في الديون
انصح كل اتلمقبلات على الزواج يخمموا مليح و يقتصدو و يخلو القرش الابيض لليوم الاسود خاصة اللي ما عندهمش الدار
غاد
ي من بعد تسوفري و هذا عن تجربة ما درت الدار حتى عينيا حوالو خاصة مع الغلاء و الاطفال يزيدو المصاريف

هدا ما قصدته في موضوعي ربي يهنيك حبيبتي

[abdelhamid24]

مبروك عليهم كاين لي يدير لعرس ليه وكاين لي يدير العرس للناس

[ميرال النوي]

ربي يهنيهم انا ثاني معولة ندير هك لانو زوجي من ولاية اخرى وايضا لبركة الله عز وجل نسقسيك هي خرجت بسواري بيضا ولا لا لانو قلتي راحت لعنابة قصدي كيفاه ترجع الروبة للمحل هذا هو لي نخمم فيه

[ام راضية]

ربي يهنيهم انا ثاني معولة ندير هك لانو زوجي من ولاية اخرى وايضا لبركة الله عز وجل نسقسيك هي خرجت بسواري بيضا ولا لا لانو قلتي راحت لعنابة قصدي كيفاه ترجع الروبة للمحل هذا هو لي نخمم فيه
هي تصدرت عادي ومنبعد لبست الفستان الابيض اخدت صور هي وزوجها ومنبعد لبست طقم روز سروال وليكات طويله خاطر متحجبة وسهلت علي ربي لعقوبه ليك
الروبة رجعتها ام العريس للمحل

[اميرة البيضاء]

مبروك عليهم كاين لي يدير لعرس ليه وكاين لي يدير العرس للناس
صحيح هذا الشي اللي صرالي الناس عرست و انا و زوجي تهرسنا و الشي اللي غاضني بزاف الملابس اللي شريتها
بالملايين بعتها بربع سومة كيما الكراكو التلمساني شريته ب 7 ملايين و بعته ب 2.5 وهذا من اجل قطعة الارض اللي
بنيت عليها
و الحمد لله على كل حال راهي فاتت الغبينة بصح اللي يحسبلها صح هو الرابح في الاخيرالخاتمة1

[ilyas0206]

بارك الله فيك ،

[بلسم غرام2018]

كلشي ممكن بالتفاهم

[ام عبودة]

الله يجازيك كل خير حبيبتي
المصاريف غلات والناس ولات تعاند في بعضها البعض حتى الخواتات
يا خويا كل واحد يدير قدو اللى عندو ربي يهنيه واللى معندوش واااش يطير
يروح واحد قليل ولو بمستوى جامعي وادب و اخلاق وزين
يقولو لازم الدار والخدمة يا سيدي علاه ما تعشيش مع مو وباباه ولا انت خير منهم خلي على الطول بلاك يحن ربي عليه ويديرلك قصر مش دار
الخدمة كي يدخل 50دج في النهار ياك تجيب خبزة و شكارة حليب والفايدة في الصحة وشمري على يديك انت وعاونيه
الفيدة في السترة راه زمان يخوف لا يدوم لا اب ولا ام
راني داخلتها مواضع اسمحولي راه قلبي وجعني يديرو عرس. في صالة فلان بسعر كذا والحلوي لازم غير بلالوز والجوز والبندق ولابات داموند هههه وتروح وتخلي الين في باباها ويماها يخلصو فيه
والمشكل العرس نهار والعرب هاذو لوكان ديري واش ديري يقولو وااااش دارت قدام الناس
الناس قتلتها المظاهر والبنات بارت
اتقووووا الله اتقووووا الله

[lynoor]

انا يوجعني قلبي كي نسمع بالملايين تصرف بلا تخمام هذا كامل على جال الناس و الزوخ و النفوخ

[نسيم الإيمان]

فكرة هااااايلة ربي يهنيها ان شاء الله
يعطيك الصحة ام راضية يا لوكان تعاودي ديري هذ الموضوع في قسم العرائس

[sarrazine]

ana tzaouejt en 2006 ou ma dert din la le baba la lya ou ma ketertch houayedj ou ma dertch grand chose ou mazal ennass yahkiou 3la 3ersi, ou ma dertch même pas dhab ma yhemnich, il mohim nekhtiouna men hadret ennass le annou rayhin yelkaou 3la ouach yahadrou alors ana ndir elli youkhredj 3leya parce que nhar li nesthak hadja ouahed ma rayeh y3aouenni

[أسامة الزمالة]

ماكانش قد لعرس لي في الدار بنتو هذي هي

[هبة الله اريج]

احسن شيء عملوه

[biks]

السلام1


اشتري لها الضروري وهي حضرت الضروريات بدون تبدير



السلام عليكم

نعم يا أختي الضروريات هما اللي يمشيو العرس أما الكماليات هوما اللي يزيدو على العريس و العروس و يدخلوا في متاهات الله أعلم بهم

لوكان كل عائلة تفهم بللي العرس ماهوش فوخ و زوخ و و و و و إنما العرس هو للفرحة و لإعلام الناس بزواج فلان من فلانة و بقتديو بسنة المصطفى - صلى الله عليه و سلم - ما نوصلوش للمناكر اللي راهي تصرا في أعراسنا


بارك الله فيك

[الأمنيات]

كي يكون التفاهم من الطرفين كل يهون وكل المشاكل تزاح
.ربي يهنيهم

[alisaad]

اكبر حاجز هو تكاليف العرس والمهر
نحكي قصه خفيفه في احدى بلديات البيض
شاب اراد ان يقيم عرس باقل التكاليف
لما سمع والد الزوجه
اتعلمون ماذا فعل ..
قال للشاب
لازم ادير لبنتي عرس كما الناس ...!!!

واقع مر.
اللهم ارزقنا الزوجه الصالحه
شكرا على الموضوع

[SKYALGERIA]

قال تعالى : "و لا تبذر تبذيرا ان المبذرين كانوا اخوان الشياطين و كان الشيطان لربه كفورا ".

[سيرين شوب]

فكره جميله جدا والاجمل
تفهم الاهل
للاسف توجد عائلات كثيره لا تتفهم
وتحب التعالي وكثرة المصاريف

[بشرى أميرة والديها]

hna fi l garabe maghnia takalife bababab ya3ti la femme 20million bla s walah lokhrine + lamlake

[FellaD]

مبروك عليهم و الله غير تحيري. تروحي للعراس او تشوفي. فلانة دارت حلوة خمس نواع زكارة ف فلانة دارت ربعة نواع ههههه

اصبحت الأعراس كحلبة المصارعة

ربي يهدينا و الفكرة جد رائعة. عرس خفيف. انا دايما نقولهمم دراهم الصالة نروح نحوس بيهنم مع راجلي.

موضوعك رائع

[naima40]

Hadi fikra mliha mais loukane yetfahmou les 2 familles !

[الشهبندر]

السلام عليكم
جيت فايت عجبني الموضوع حبست عندو ههه
جازاك الله كل خير الاخت أم راضية ...فكرة مليحة لوكان يقتدو بيها الشباب الكل لكن للاسف الوقت هذا لي رانا فيه صعيب و أهل العروس صعبو علينا الحالة بزاااف نظراا للمغالاة تعهم في المصاريف و تبذير الاموال فيما يصلح ولا مالا يصلح
العريس يقرى و يشقى ممبعد يخبطوه ب عامين يفوت العسكر ممبعد يخرج يزيد يحرث و يجري و يحاول بش يلقى خدمة و يخدم و يلم دراهمو ...هو يلم قرشين و هوما يجو ينفظولو جيبو و يستقاملوا لعرس بـ 70 مليون ولا اكثر

ناس بكري قالو شوي من الحنة و شوي من رطابة اليدين....أهل العروس يخففو شوي و العريس يزير شوي روحو و هي فرات..........حاولو تنحو علينا الزوخ و الفوخ هادا تع فلانة دارت ندير اكثر منها و فلانة خرجت من دار باباها بـ 20 مليون..

لوكان تصيبو زيدو نحيو علينا عفسة التصديرة هادي لي فيها تبذير كبير ..تشري روب ب 7 ملاين تلبسها ليلة و ترميها

[selma mona]

عن تجربة اللي مقبلة عل الزواج لها إختيارين إما تقلل في المصاريف بصح من بعد تعيش في راحة هي وزوجها أو تدير عرس هايل وكبير وتديها عيون و الغضبان اكثر من الراضي و تعيش في الديون هي و راجلها العوض تروح تحوس فس شي كاش بلاصة تعود تزير في السنتورة هذا إدا ما خلاتش دارهم ثاني مديونين وارسول قال أقلهن مهرا اكثرهن بركة

[~أمة الله~]

وعليكم السلام ورحمةُ الله وبركاته
بارك الله لهما وبارك عليهما وجمع بينهما في خير ، جميل جدا التفاهم من أجل الاقتصاد والحدّ من المصاريف التي لا لزوم لها.
وأنا أيضا أعرف مَن صنع مثل ذلك :
أخت في الله صديقتي ، تزوج أخوا زوجِها في نفس اليوم ( وكلاهما صغير في السن اللهم بارك الأكبر ربما من مواليد 87 ) تفاهموا مع الأهل ، فكانوا ثلاث عائلات ،قاموا بكراء مطعم ، وفي نفس اليوم قاموا بعمل وليمة للكل ،بلا غناء أو ما يغضب الله (خصوصا الكُلّ مستقيم بحمد الله ) وذهب بعدها كلٌّ إلى بيته ،قالت لي صديقتي أنّ المصاريف تنقص بشكل كبييييييييييير جدا جدا.
فإذا كانت العائلتين متألفتين ومتفاهمتين فالعديد من الأمور تُحلُّ بيُسر.
أسأل الله أن يرزقنا الهدى والتقى والعفاف والغنى وأن يجنبنا ما لايرضى.
جزاك الله خيرا على الموضوع الطيِّب

[غربة أهل السنّة]

السلام عليكم و رحمة الله و بركاته

شكرا لك أختي ,,, أعجبتني الفكرة
ما أجمل ان يكون العرس بدون تبذير حتّى يكون زواجا مباركا

اسأل الله أن يبارك لهما و يجمع بينهما في خير إن شاء الله

آمين

[مدارج السّالكين]

السّلام عليكم ورحمة الله وبركاته
الحمد لله ، عندما تتفاهم العائلتان إن شاء الله تعالى
ستتيّسر كل الأمور بحول الله تعالى لأنهم بالتأكيد يريدون
سعادة أبناءهم وأفلاذ أكبادهم ، و سيعملون على إسعادهم
و أن تسير أمورهم بالخير إن شاء الله تعالى
لذلك سيحرصون إن شاء الله على توفير الجوّ المناسب لذلك إن شاء الله
نسأل الله تعالى لنا وللمؤمنين التّيسير والتّوفيق لذلك قريباً عاجلاً بحول الله تعالى (: