الطمع دمر حياتى وقتل احلامى

[ورد21]

جبيت نحكى قصتى ومانسنى غير مواسات وتعاونونى فى الدعاء ربى يخليكم
انا كان يتبعنى واحد من قبل عشر سنين وكان دائما يطلب منى نمشى معاه وانا كنت نرفض بسبب خجلى وتربيتى رغم انى اصبحت احبه وبشدة وجاء النهار بعد ما فضينا الجامعة قعد شوية حل فيها حانوت وحبوا دارهم يزوجوه وحبوا يجيبولوا واحدة تخدم مبصح هو رفض وقالهم عليا سيروه وجاوا احكاوا معيا وقالولى كان نطلبوك انا مصدقتش من الفرحة مسكينة وممبعد كى راحوا لدار خواتاتوا لبنات قنعوا امه بلى لازم يديها خدامة على هو ماعندوش خدمة ثابتة وكى وصلت الباباه ماحبش يجى يخطبنى وكان رفضوا قاطع
وانا بقيت نتعدب وبالك هو تانى او يتعدب كيفى واااااااااااااه يادنيا حسبى الله ونعم الوكيل ادعيولى ياجماعة والله محتاجة مازلت نحب ونتعدب عليه ولاحول ولاقوة الا بالله مازلت نسنى فىالمعجزة تاع ربى سبحانوا


فى رايكم باباه ويماه فى كاش يوم يبدلوا رايهم ويقبل بيا ولا لا انا كيما نشوف الام ممكن تحن على ولدها والاب ماشكيتش

والله ياجماعة محتاجة دعاء فى هدا الشهر الكريم والله راضية يقلبلى ربى قلبى وننساه مبصح انا معرفتش نبقى ندعى كان فبه خير يرجعهولى ربى ولا مندكرش اسموا خلاص بش ننساه والله حاصلة فى روحى هادو عشر سنين ياجماعة وهو متبع فيا ومنين ندور كنت نلقاه

[ikoo]

ان شاء الله يكون من نصيبـكـ حبيبتي

و ديري في بالك بلي ايلا ليك واحد مايقدر يبعدو عليك
و ايلا مش مكتوبك اقتنعي بلي ربي شافلك الخير في جهة أخرى
تمنياتي لكـ بالتوفيق ♥

[oumraouf]

إن شاء الله ينولك ربي مرادك ، وهم يتراجعوا على القرار اللي أخذوه .. هذا إن كان فيه خير لك ، وإن لم يكن نتمنى من الله أن يبدلك خير منه..
(... وعسى أن تحبو شيئا وهو شر لكم ..وعسى أن تكرهو شيئا وهو خير لكم ..= وفقك الله ورزقك بأن الحلال الذي يستهالك ..

[rma]

allah yakoune fi 3anike

[yousra14]

اصبري ما تعرفي الخير وين

[سدرةالمنتهى]

السلام عليكم و رحمة الله و بركته
ان شاء الله يرزقك بالزوج الصالح الذي تقر فيه عينك و يخرجك من هذا الهم و الغم الذي انت فيه
اصبري و صابري فلا تجعلي الحب هو الطريق اللى الزواج بل الزواج هو الطريق الى الحب
ان كنت تؤمني بالله و اليوم الاخر فامني بالقدر و المكتوب كما ان الموت حق فالزواج مكتوب في اللوح المحفوظ
سلام

[ورد21]

aشكرا ليكم كامل مى المشكل اى واحد يتقدملى طبعا انا ندير صلاة استخارة مبصح ماقدرت نقبل بحتى واحد والله صعيبة

[مجهوول]

ان شاء الله يكون من نصيبـكـ

[naamane3]

اكثري من هذا الدعاء
انا لله وانا اليه راجعون
اللهم اجرني في مصيبتي
واخلفني خيرا منها

[بثينة 123]

صلي وادعي الله ان يكون هذا الرجل من نصيبك يا اختي

[ورد21]

لاحول ولاقوة الا بالله

[knives.55]

عادتكم وطبايعكم


شكرا

[jihanne]

وعلاه قلتي الطمع دمرلك حياتك؟

ان شاء الله يكون من نصيبك

[zfarou]

تمنياتي لك بالتوفيق لما فيه الخير
ان شاء الله ولا تتعجلي الأمر ربما
الخير في التأخير

[hidayasoun]

زوجك الذي كتبه الله لك ينتظرك كل شيئ مكتوب ، اصبري و ادعي الله هو وحده مجيب الدعوات و الخير انت لا تعرفينه بل وحده ربي الحكيم يعرف

[بنت تاجنانت]

يحوسو عليها خدامة باش تخدم عليه وعليهم هوما
يخي جيعانين

[ورد21]

عادتكم وطبايعكم


شكرا




ربى يهديك واحد يتعدب واحد يضحك سبحان اله وبحمده

[ورد21]

وعلاه قلتي الطمع دمرلك حياتك؟

ان شاء الله يكون من نصيبك

مارسى اعطينا شوية تفاؤل من عندك صح ربى كبير مبصح كى يكون باباه عندوا رفض قاطع تكون صعيبة يا اختى

[ورد21]

تمنياتي لك بالتوفيق لما فيه الخير
ان شاء الله ولا تتعجلي الأمر ربما
الخير في التأخير



عندك الحق ديما نقول بالك الخير فى التاخير ياربى ان شاء الله يرزقنى حسب ظنى امين

[achwak crazy girl]

اصبري حتااان يفرج ربي

[ميمي سمية]

اعرفي بلي كلشي بمكتوب ربي

اذا كتب يكون من نصييبك واحد مايوقف في طريقكم

واذا ماكتبش يكون من نصيبك ديرو واش ديروا ماكمش راح تجتمعوا

واعرفي بلي راهو كتبلك ربي الخير في بلاصة اخرى

[ورد21]

من جهة فرحانة على مانخدمش على الاقل نعرف بلى جانى على انا ماشى على خدمتى
لاحول ولاقوة الا بالله

[ورد21]

llمانعرف تصلح فيهم دعوة المظلوم ولا هدا اختيارهم الخاص

[spremshoot]

لا يأس مع الحياة
أكثري من الدعاء
و لا تنسي صلاة الاستخارة
وكان الله في عونك و أرشدك لما فيه صلاحك

[hakeem]

إن شاء الله ما تتزوجيش راجل مازالت يماه تحكم في قراراته و مزال باباه لا يحترم آرائه

ربي يرزقك ما خير منو


ما فهمتش هذ المجتمع كيفاش يمشي ؟؟؟ الطفلة تقرر بنفسها بحكم الحياة الخاصة و الخرطي و الراجل تقرر امه في مكانه بإسم الامومة و الجياحة و تجيه طاعة الوالدين غير مع بنات الناس

[ورد21]

إن شاء الله ما تتزوجيش راجل مازالت يماه تحكم في قراراته و مزال باباه لا يحترم آرائه

ربي يرزقك ما خير منو


ما فهمتش هذ المجتمع كيفاش يمشي ؟؟؟ الطفلة تقرر بنفسها بحكم الحياة الخاصة و الخرطي و الراجل تقرر امه في مكانه بإسم الامومة و الجياحة و تجيه طاعة الوالدين غير مع بنات الناس








شكرا لك خويا لعزيز على لكلام هدا مبصح حبيت نسقسيك كراجل وعايش فى المحيط تاع الرجالة زعما واحد تبع واحدة بالطريقة هده يعنى عشر سنين وهو ديما فى وجهى يكون يحبى ولا نتوهم برك وكى يكون باباه رافض واش رايح يدير

[hakeem]

يا أختي كل الإحتمالات واردة و المشكل هنا هل الحب يكفي ؟؟؟ الحب وحده لا يكفي و يجب ان ينعكس هذا الحب على أفعال إيجابية و في الحالة تاعك الرجل مقيد لا يستطيع فعل أي شيء .... يماه تقرر ؟؟؟؟ ثم راكي تقولي عشر سنين ؟؟؟ ما كفاتوش باش يدير كاش حاجة تفيدك و تفيدو ؟؟؟؟ عشر سنين في الكلام


يا أختي راكي تهدري على أمور مصيرية و على حياتك و في هذ الحالة لا يجوز اللعب و يجب ان تكوني واقعية و قراراتك صارمة
يا يجي يخطب و يسمع لشروطك و ينطلق في بناء أسرة ويا إما كل واحد في طريقو

ربي يعاونك

[ورد21]

يا أختي كل الإحتمالات واردة و المشكل هنا هل الحب يكفي ؟؟؟ الحب وحده لا يكفي و يجب ان ينعكس هذا الحب على أفعال إيجابية و في الحالة تاعك الرجل مقيد لا يستطيع فعل أي شيء .... يماه تقرر ؟؟؟؟ ثم راكي تقولي عشر سنين ؟؟؟ ما كفاتوش باش يدير كاش حاجة تفيدك و تفيدو ؟؟؟؟ عشر سنين في الكلام


يا أختي راكي تهدري على أمور مصيرية و على حياتك و في هذ الحالة لا يجوز اللعب و يجب ان تكوني واقعية و قراراتك صارمة
يا يجي يخطب و يسمع لشروطك و ينطلق في بناء أسرة ويا إما كل واحد في طريقو

ربي يعاونك







مارسى خويا مبصح عشر سنين من ايامات الليسى يعنى احنا اربع سنين ملى تخرجنا وهو عندوا عامين ملى حل حانوت وربى يعيشك على كلامك

[Angleeyes]

ربي يفرج همك ماتقنطيش من رحمة ربي لا راه مكتبولك تديه و لوكان الدنيا كامل ضدكم و لا راه ماهوش مكتوبك احمدي ربي و ابداي صفحة جديدة حنا مانعرفوش الخير وين راه؟؟؟؟

[الامل بالله]

اذا ربي كتبلك تتان دراهم مشي قابلين و اذا كان مشي من مكتوبك حتى و يكونو قابلين متديهش نصيحة اختي اللي ماهو ليك يعييك مالا عودي روحك على جميع الاحتمالات

[l'étoile]

ربي يهديهم
ولدهم ما عندوش خدامة ثابتة و يحوسوا على مرا تكون خدمتها ثابتة و الله عجب