طلب عاجل

[حواء 19]

السلام عليكم عندى كمية كبيرة من الفلفل الحار حبيت نعملو مرقد اريد كيفية ناجحة و مضمونة:sdf:

[touta2010]

طريقة ترقاد الفلفل الحار :لام اياد


راح نعطيلك مقادير قارورة الماء نتاع 1 ل و نصف

**تاخذي الفلفل نتاعك أنا هنا مثلا أخذت قرن غزال القصير غسلتو مليح و قصيت القطامر نتاعو اللي يكونوا طوال

إضغط هنا لرؤية الصورة بحجمها الطبيعي.



**ثم تقسمي الوحدة على 2 طوليا هكذا

إضغط هنا لرؤية الصورة بحجمها الطبيعي.



**و ترصيه في القارورة حيث أن الكمية نتاع الفلفل حسب حجمو و قداش هزتلك القارورة

** ضعي 2 م ك ملح المائدة لكن من المستحسن الملح الخشن

**و 1 م ص كروية مرحية + 1 م ص كسبرة يابسة مرحية + 1 م ص كسبرة يابسة حب + 2 فصوص ثوم مقسومين على 2

إضغط هنا لرؤية الصورة بحجمها الطبيعي.




** ثم أفرغي الخل حتان توصلي قريب للنص حوالي 2 صباع أقل من نصف القارورة

** و اكملي الباقي بالماء خلي حوالي قدر فنجان باش تتمكني من رج القارورة لخلط المكونات

** رجي القارورة جيدا جيدا و أكملي بالماء


إضغط هنا لرؤية الصورة بحجمها الطبيعي.



**ضعيه بدرجة حرارة الغرفة في الشتاء مدة أسبوع إلى 10 أيام و تقدري تاكلي منو بعدها

**أما في الصيف خليه مدة يومين في الشرفة نتاع المطبخ و من بعد حطيه في الثلاجة مدة 10 أيام باش تقدري تاكلي منو


هنا بعد يومين شوفي كيفاش بدا يصفار و تتنحالو لخضورية

[img] إضغط هنا لرؤية الصورة بحجمها الطبيعي.

[حواء 19]

يعطيك الصحة اختي توتة دائما نشيطة و سريعة شكرا