اخيرا العلوم الطبيعية

[djalika]

اصدقائي صديقاتي ما رايكم في إمتحان العلوم الطبيعية
فحسب راي بالنسبة للموضوع الاول التمرين الاول كان في حد ذاته بداية سيئة ولم يسعفني الحظ
اما الموضوع الثاني التمرين الاخير كان ايضا في حدود المجهول نقص في المعطيات والتفاصيل بناء للمجهول
فكيف كان امتحانكم انتم .....وبالتوفيق على كل حال

[الملكة بلقيس 2]

انا درت الموضوع الاول لا ادري ارتحت له
اسئل الله توفيق لي ولكم
سلام

[fransoize-dz]

التمرين الاول في الموضوع الاول كان فيه بعض الغموض

[fraxn]

انا اخترت الموضوع الثاني ،

التمرين الأول والثاني كانا جيدين ، التمرين الثالث في جزئه الأول كان جيد بينما الجزء الخاص بالنمط التكرين و الظاهري كان سيئ نوعا ما

الله ينجحنا يا رب بالتوفيق

[fransoize-dz]

انا تاني درت الموضوع1

[ritadj ratoudja]

slm ana dert mawdou3 2mais makdemtch mlih wl ijabat kaml liderthom chaka fihom bzffffffffff

[hazaamy]

kifech dertou el namat takouini?mes amis

[kroudja]

ربي ينجحكم واش العلوم سهلة

[achraf kabouche]

ربي يكون في عونكم و تحققو ماش تحبو :)

[jihanne]

الله لا يتربحو الطلاب تاع وزير خلاه و جلاه

[سجودي لرب العالمين]

aaaaaaaaaaaaaay ya galbéééééééé ay 3yiiiiiiiiiiiit

[لجين93]

انا تاني اخترت الموضوع الثاني
صح التمرين الاول و الثاني لاباس لكن الثالث صامط

[djalika]

بخصوص الموضوع الاول هل كانت بدابتكم جيدة فالسؤال الاول لم يمر علي على الاطلاق على اي شيئ كان يرمي

[حلم شاعر]

التمرين الأول ساااهل اذا فهمتي التجرربة جيدا تسهل لك اجابة عن اسئلته

انا احترت الاول والحمد لله جاني ساهل نوعا ما
ربي يكتب لنا التوفييق يارب

[سمو امير الكلمات]

ممكن تحطونا مواضيع علوم من فضلكم اذا هذا ممكن ................

[ramoux]

كيف كان امتحان العلوم
إن شاء الله تنجح كامل ومعدلات تسمح لكم باختيار ما تريدون في الجامعة

[حلم شاعر]

يا جماعة مازاال هذا وين رانا في وسط الميداان ما كملناش المعركة ;) مع اجتماعيات وفيزياااااء وفلسفة ان شاء الله تكون ساهلة

[جمـــال الدين]

صحيح بداية سيئة ونهاية أسوء
المهم الواحد دار لي عليه والتوفيق من الله...

[Misty56]

انا قعدت كثر من ساعة و انا نحوس نخير الموضوع
قعدت نعاود في الورق
تعذبت باش خذيت قرار و حليت الموضوع الاول
الموضوع الثاني فيه المناعة صعيييييبة
على الاقل الاول نطيح و نوض فيه
مي كلاستي قاع خيروا الموضوع الثاني
نشالله ربي يكون معانا و خلاص
وهذا بابا حمد راه يحوس يبين برك
باللي اصلاحات بن بوزيد ماكانش منها
وشوفو العام الجاي كيفاش يسهلها

[ihsane gourari]

انا خيرت الموضوع الاول وربي يوفقنا ونجحنا

[badrawi]

سبحان الله اللى نساله واش اخدمت في الباك اقولى اشوية....الله اجيب الخير هذا العام

[kikitatite]

lمعليش تحطو الامتحان

[همساتْ المطرْ]

ربي يعاونكم كامل وجيبوامعدلات لي تحبوها

[thawizat]

rebbi ywafaq inchAllah

[chahrazed 96]

انا الحمد لله العلوم خدمت فيها او خيرت الموضوع الاول
او بالنسبة للتمرين الاول راهو ساهل مافيه والو والمحتوى تاعو ايدور على انو الجزء الذي يحتوي على نواة يمكنه ان ينمو ويتطور ويشكل قبعاة في كلا الحالتين اما الاجزاء التي لا تحتوي على نواة فهي تضمحل وتموت وترتفع كمية البروتينات لتعويض الجزء المقطوع والمنحنى الثاني راهو واضح

[غزة في عيوني]

انا خيرت الموضوع الثاني .ساعة باش خيرت اول مرة يصرالي تردد انا نحل في الموضوع2 و عيني تشوف للموضوع الاول امالا واش درت حطيت الموضوع الاول في الارض حتى جات ليا الاستادة قاللتلي واش ما تسحقيهش ؟؟؟؟؟؟؟ عللى العموم عجبني التمرين الثاللث مي راني عارفة بلي قعدت نخلط فيه

[M-belkheir]

انا الحمد لله العلوم خدمت فيها او خيرت الموضوع الاول
او بالنسبة للتمرين الاول راهو ساهل مافيه والو والمحتوى تاعو ايدور على انو الجزء الذي يحتوي على نواة يمكنه ان ينمو ويتطور ويشكل قبعاة في كلا الحالتين اما الاجزاء التي لا تحتوي على نواة فهي تضمحل وتموت وترتفع كمية البروتينات لتعويض الجزء المقطوع والمنحنى الثاني راهو واضح


معك حق يا الغالي ، لكن هل اجابتك تكون مقنعة للمصحح ؟ ؟ :o
انا خيرت السوجي الاول ، وحاس روحي فيزيت في قلب الموضوع ، لكن اجاباتي لم تكن اكاديمية ، جاوبت حسب الفهم و هذا ما يجعل مصير نقطتي بين يدي المصحح :mad:

[lynda swty]

انا عجبني الموضوع الثاني ف التمرين الأول و الثاني أما الثالث نسيت كيفاش نديرو النمط التكويني و ما شابهه أما الموضوع الأول ماعجبنيش التمرين الأول قعدت ساعة باش خيرت و ديت الأول لأنو الأول في البداية يخوف لكن كي تعرف الفكرة تقدر تجاوب على الأسئلة أنا درت فيه ساعتين حسيت روحي خدمت و الله اعلم لأنك لا تعلم كيفاش التنقيط و تاني كل أستاذ كيفاش يصحح..بالتوفيق

[mirou161]

namat takouini

(dirte ga3 les enfans bine (a,ab,b,a
ghir al akhid ou khtou1 dirthoum zomra O

walahou a3lam

[mhd]

لا يوجد شيء في منهاج الثالثة إسمه النمط التكويني المعبر عن الفصائل الدموية
(( لقد كان هذا موجودا في البرامج القديمة ))
لقد درست الثانوي لمدة تفوق 25 سنة
وهذه نسخة من المنهاج ( المعارف المستهدفة) فابحثوا عن النمط التكويني فيه
- تستطيع العضوية التمييز بين المكونات الخاصة بالذات والمكونات الغريبة عنها : اللاذات.
- تعرف الذات بمجموعة من الجزيئات الخاصة بالفرد و المحمولة على أغشية خلايا الجسم.
- يتكون الغشاء الهيولي من طبقتين
فوسفولبيديتين،تتخللهما بروتينات مختلفة الأحجام ومتباينة الأوضاع.
معظم العناصر المكونة للغشاء ليست مستقرة فهي قادرة على التنقل على جانبي الغشاءالهيولي.
- تتحدد جزيئات ألذات وراثيا وهي تمثل مؤشرات الهوية البيولوجيــة
وتعرف باسم:
أ ـ نظام معقد التوافق النسيجي الرئيسي complexe majeur d’histocompatibilité cmh
ب ـ نظاما ألـ aboو الريزوس rh
- تصنف جزيئات ألـ cmhإلى قسمين:-
الصنفi: يوجد على سطح ¨جميع خلايا العضوية ما عدا الكريات الحمراء.
الصنفii: يوجد بشكل أساسي على سطح بعض الخلايا المناعية (الخلايا العارضة للمستضد، الخلايا البائية )
- يملك كل فرد تركيبة خاصة لـcmh مرتبطة بالتعدد الصنو للمورثات المشفرة لهذه البروتينات.
- تتمثل اللاذات في مجموع الجزيئات الغريبة عن العضوية والقادرة على إثارة استجابة مناعية والتفاعل نوعيا مع ناتج الاستجابة قصد القضاء عليه.
- يسبب دخول جزيئات غريبة في بعض الحالات إلى العضوية (المستضد ) إنتاج مكثف لجزيئات تختص بالدفاع عن ألذات تدعى الأجسام المضادة.
- ترتبط الأجسام المضادة نوعيا مع المستضدات التي حرضت إنتاجها.
- الأجسام المضادة جزيئات ذات طبيعة بروتينية تنتمي إلى مجموعة الغلوبيلينات المناعية.
- يتكون الجسم المضاد من أربعة سلاسل ببتيدية، سلسلتين خفيفتين وسلسلتين ثقيلتين.تتصل السلاسل الثقيلة بالسلاسل الخفيفة عن طريق جسور ثنائية الكبريت،كما تتصل السلاسل الثقيلة فيما بينها بواسطة الجسور ثنائية الكبريت .
- تحوي كل سلسلة من سلاسل الجسم المضاد على منطقة متغيرة (موقع تثبيت المستضد) ومنطقة ثابتة( مسئولة عن وظائف التنفيذ )
- يملك الجسم المضاد موقعين لتثبيت المحددات المستضدية، تشكلاهما نهايات السلاسل الخفيفة والثقيلة للمناطق المتغيرة.
- يرتبط المستضد بالجسم المضاد ارتباطا نوعيا في موقع التثبيت،ويشكلان معا معقد مستضد ـ جسم مضاد يدعى المعقد المناعي.


ومن له رأي آخر فلينورنا جزاه الله خيرا

[lamia28]

namat takouini

(dirte ga3 les enfans bine (a,ab,b,a
ghir al akhid ou khtou1 dirthoum zomra O

walahou a3lam

zomra O!!!!!!!!
ana derthom zomra b
w lokhrin ma bin a ab
kifach kherjetlek l o ?

[ملاك الامل]

لا يوجد شيء في منهاج الثالثة إسمه النمط التكويني المعبر عن الفصائل الدموية
(( لقد كان هذا موجودا في البرامج القديمة ))
لقد درست الثانوي لمدة تفوق 25 سنة
وهذه نسخة من المنهاج ( المعارف المستهدفة) فابحثوا عن النمط التكويني فيه


ومن له رأي آخر فلينورنا جزاه الله خيرا

انا شخصيا قريتو في الثانوية وفي دروس الدعم

[M-belkheir]

[color="red"]
ومن له رأي آخر فلينورنا جزاه الله خيرا

مالا سابوطاونا ؟:mad:

[ملاك الامل]

zomra O!!!!!!!!
ana derthom zomra b
w lokhrin ma bin a ab
kifach kherjetlek l o ?

حتى انا جاتني الزمرة b
والباقي بين a ; ab

[aminananana]

oooh baba vraiment namat takwini hadak rahj enfin lazem nesta3arfo beli l bac nta3 sna etait le plus difficile rebi yostor w mazal ba9i physiques !!!!!!!!!!!!!!!!!!!!!!!!!!!!!!!!

[ملاك الامل]

مالا سابوطاونا ؟:mad:

انا لي نعرفهم كامل عرفو يديرو النمط التكويني

[lamia28]

انا لي نعرفهم كامل عرفو يديرو النمط التكويني

حنا درنــاه معا الدروس كي كملنا الزمر مدتلنا الأستاذة جدول و درنا النمط التكويني
ماشي حاجة كبيرة غير من العام لي فات نورمال

بصح التمرين معقد شوية أجوبة ماهومش باينيين
بانلي راني نخلط برك
مي مزيا لقتي زمرة الاخذ كيما أنا

[mahdi04]

انا موضوع الثاني بصح لباس الحمد الله ربي ايوفقكم

[sousou nossa]

مام انا درت الموضوع الثاني و كان صافا على كل حال
لقيت الزمرة الشخص الاخد كما اختو 1 بي يالنمط رغم انو ما درناهوش فالكلاصة
مي شوي هداك الانزيم تخلطلي فالرسم
و الحمد الله على كل حال

[ابتسام18]

السلام
في البداية كان اختيار الموضوع صعب
بالرغم من المقارنة و التركيز
وبعد مرور ساعة كاملة
قررت اختيار الثاني .....

[ابتسام18]

اصعب تمرين جاني في الموضوع 2
الاخير ...
ممكن جاوبت عن نصه
والباقي جبتو من راسي
ههههههه

[chahrazed 96]

معك حق يا الغالي ، لكن هل اجابتك تكون مقنعة للمصحح ؟ ؟ :o
انا خيرت السوجي الاول ، وحاس روحي فيزيت في قلب الموضوع ، لكن اجاباتي لم تكن اكاديمية ، جاوبت حسب الفهم و هذا ما يجعل مصير نقطتي بين يدي المصحح :mad:
هاد الموضوع كان فات عليا من قبل او راهو تمرين تاع النظام القديم نورمالمو راني جاوبت امليح او درت اللي عليا او الباقي على ربي

[hicham347]

ana dert 2eme mais vraiment rasi hbas fa temrin lakher

[compositeur]

namat takouini

(dirte ga3 les enfans bine (a,ab,b,a
ghir al akhid ou khtou1 dirthoum zomra O

walahou a3lam


kifkif lol

malgré nrmlm 'O' matoukhrejch mais dertha b siif psq lazem tkoun kayna O bech taatih dem

[ramaemily]

تقدرو تحطونا الموضوع نستفادو معاكم،، والله ينجحكم

[عبدالوحيدم]

تلاميذ آخر زمان .
عليكم المطالبة بالحل قبل الإمتحان .أحفظوه جيدا قبل الإمتحان م هكذا ربما تستطيعون الإجابة عن مواضيع البكالوريا .

أين هم تلاميذ زمان . ’’’’’’’’’’’’’’’’’’’’’’’’’’’

[taydar]

nn rak galath yakhoo ana dit BAC bakrii nhar kan 3ziiiz mais kol wact w wactoo, zid les profs hacha di mayassahlouch walaw ydiro tijara kima kayahkiw ycariiw foc foc bach ydiro andham les cours w di ma3andouch maskin walla yasskan b3iiid zagat aliiih RABII YAHDIham

[يوسف2008]

التمرين الأول من الموضوع الأول هو نسخة كاملة لموضوع بكالوريا 1995 جنوب ....فكيف ندرس منهاجا جديدا لتلامذتنا ونمتحنهم ببقايا منهاج قديم؟ التمرين الثالث للموضوع الأول...الوثيقة 2 تسجيلات لكمونات عمل وكمونات بعد مشبكية ...فكيف يعقل ان تعطى تسجيلات بدون تدريجات حتى يفرق التلميذ بين ما هو كمون عمل و ماهو pps؟ .... وهل يحتوي pps فرط في الإستقطاب ؟ الرجاء ان يتدخل المعنيون لإيقاف هذه المهزلة المتكررة وان يقول أساتذة العلوم كلمتهم دون تردد...وشكرا...

[aboujabli]

التمرين الأول من الموضوع الأول هو نسخة كاملة لموضوع بكالوريا 1995 جنوب ....فكيف ندرس منهاجا جديدا لتلامذتنا ونمتحنهم ببقايا منهاج قديم؟ التمرين الثالث للموضوع الأول...الوثيقة 2 تسجيلات لكمونات عمل وكمونات بعد مشبكية ...فكيف يعقل ان تعطى تسجيلات بدون تدريجات حتى يفرق التلميذ بين ما هو كمون عمل و ماهو pps؟ .... وهل يحتوي pps فرط في الإستقطاب ؟ الرجاء ان يتدخل المعنيون لإيقاف هذه المهزلة المتكررة وان يقول أساتذة العلوم كلمتهم دون تردد...وشكرا...

اشاطرك اخي الكريم يوسف , يعتبر امتحان العلوم الطبيعية 2013 من اسوء مواضيع البكالوريا من جميع الجوانب منها :
- بناء المواضيع به خلل كبير , حيث تم ادراج تمرينين في المناعة , كما ان الموضوع الاول يشمل تمرينين لوحدتين ممتابعتين هم الوحدة4 والوحدة5
غياب التدرج في صعوبة الاسئلة
- عدم الدقة في بعض الاسئلة : وجود تأويل
- واكبر كارثة هو زبر للمنهاج , الا تلاحظ اخي الكريم لا يوجد اي تمرين حول التنفس (تحويل الطاقة الكيميائية الكامنة الى طاقة قابلة للاستعمال ) , فكيف للوزارة ان توافق على العتبة , ثم تضيف عتبة اخرى تحدف وحدة التنفس كاملة.
- اخي الكريم التعليم في بلادنا متجه نحو الهاوية ان لم يتدارك المعنيون الامر واصلاح ما يمكن اصلاحه , والا الكارثة