مشكلتي مع زوجة أخي

[مشكلتي]

أخي مغترب منذ مدة وهو أحسن أخوتي في الهدوء والإحسان و الأحب لوالديه. لكن ابتلاه الله بزوجة سيئة أبعدته عنا .. . يوم زواجها قدمت إلينا غاضبة و متكبرة و كل من رآها يتساءل لماذا. حتى سأمت من تعليقات الناس الساخرة و الكل يقول أنها تظهر في سن والدته فمن المؤكد أنها صاحبة جنسية مزدوجة أو ثرية لذا قبل الزواج بها.... لكن في الحقيقة العكس تماما فهي لا تضاهيه لا في دينه و لا في خلقه و لا في ماله و لا حتى في جماله و تكبره في السن. و الشيء الذي يخيفني أنها منافقة و تمكنت من كسب محبة والداي اللذان لم يتفطنا لألاعيبها. فمنذ زواجهما لم نسمع عنهما أي خبر، حتى عاد أخي للخارج و هي بقيت في منزله و كل أسبوع أمي المسكينة تذهب لزيارتها و تملأ لها القفة وتتركنا نحن نتدبر أمرنا و حين أسأل أمي تقول لي أن المسكينة وحيدة و بعيدة عن أهلها، لكنني متأكدة أن أخي ترك لها معيشتها لأنها لم تعد لعملها بعد. أما خاتمتها فهو رجوع أخي من فرنسا و عدم إخبارنا بالأمر، عاد لزوجته فأخذته لأهلها و بقيا هناك عدة أيام و نحن لا علم لنا بالأمر، بعد عودتهما من بيت أهلها قام هو بزيارتنا لنكتشف عودته و أنها بكل وقاحة تهدده بالطلاق بسبب مللها من البقاء وحيدة. يالها من امرأة متعجرفة و شريرة فمنذ أن تعرف عليها تغيرت تصرفاته و معاملاته لنا، يجب عليها أن تشكر خالقها أنها وجدت رجلا و لم تبقى كأخواتها العوانس و فوق كل هذا تتحكم فيه كما تشاء و تسلطه علينا و تهدده بالطلاق. أما أنا عكس كل الآخرين شجعت أخي على هذا الطلاق ووعده بإيجاد أحسن فتاة ليه صغيرة طيبة جميلة و محتشمة خاصة ليس مثل زوجته المتبرجة التي تحسب نفسا فرنسية، لكنه للأسف متعلق بها ولا يريد الانفصال عنها. من الواضح أنها سحرته و الا فما تعلق بها و تركها تتصرف بحرية و ما تجرأت عن تهديده بالطلاق. يا حسرتاه على أخي حبيبي، نوكل عليها ربي.

[nouna l maghbouna]

ارقي لخوك
و هي وكلي عليها ربي

ربي معاك

[basma09]

من الواضح اخي انو مسحور و الله اعلم
حاول تاخذو للراقي يرقيلو و باذن الله لما يشفي يبان كل شيء ان شاء الله ربي يهديها المخلوقة هاذيك

[* الحلم سكر *]

أخي مغترب منذ مدة وهو أحسن أخوتي في الهدوء والإحسان و الأحب لوالديه. لكن ابتلاه الله بزوجة سيئة أبعدته عنا .. . يوم زواجها قدمت إلينا غاضبة و متكبرة و كل من رآها يتساءل لماذا. حتى سأمت من تعليقات الناس الساخرة و الكل يقول أنها تظهر في سن والدته فمن المؤكد أنها صاحبة جنسية مزدوجة أو ثرية لذا قبل الزواج بها.... لكن في الحقيقة العكس تماما فهي لا تضاهيه لا في دينه و لا في خلقه و لا في ماله و لا حتى في جماله و تكبره في السن. و الشيء الذي يخيفني أنها منافقة و تمكنت من كسب محبة والداي اللذان لم يتفطنا لألاعيبها. فمنذ زواجهما لم نسمع عنهما أي خبر، حتى عاد أخي للخارج و هي بقيت في منزله و كل أسبوع أمي المسكينة تذهب لزيارتها و تملأ لها القفة وتتركنا نحن نتدبر أمرنا و حين أسأل أمي تقول لي أن المسكينة وحيدة و بعيدة عن أهلها، لكنني متأكدة أن أخي ترك لها معيشتها لأنها لم تعد لعملها بعد. أما خاتمتها فهو رجوع أخي من فرنسا و عدم إخبارنا بالأمر، عاد لزوجته فأخذته لأهلها و بقيا هناك عدة أيام و نحن لا علم لنا بالأمر، بعد عودتهما من بيت أهلها قام هو بزيارتنا لنكتشف عودته و أنها بكل وقاحة تهدده بالطلاق بسبب مللها من البقاء وحيدة. يالها من امرأة متعجرفة و شريرة فمنذ أن تعرف عليها تغيرت تصرفاته و معاملاته لنا، يجب عليها أن تشكر خالقها أنها وجدت رجلا و لم تبقى كأخواتها العوانس و فوق كل هذا تتحكم فيه كما تشاء و تسلطه علينا و تهدده بالطلاق. أما أنا عكس كل الآخرين شجعت أخي على هذا الطلاق ووعده بإيجاد أحسن فتاة ليه صغيرة طيبة جميلة و محتشمة خاصة ليس مثل زوجته المتبرجة التي تحسب نفسا فرنسية، لكنه للأسف متعلق بها ولا يريد الانفصال عنها. من الواضح أنها سحرته و الا فما تعلق بها و تركها تتصرف بحرية و ما تجرأت عن تهديده بالطلاق. يا حسرتاه على أخي حبيبي، نوكل عليها ربي.

الحمد لله على نعمة العنوسة و أهلا بها ان كان الزواج يجلب العار و كأنك تمني عليها بزواجها ... ** يا اختي الوحدة كي تتزوج يعني دايرين فيها مزية ؟؟؟؟ **
بالنبة لخوك ممكن و أقول ممكن حالو مثل الكثير تــزوج بالــجنــسية التي يعتبرها حـــل ...؟؟؟
أو مقتــنع بزوجته و عاجــباتو مثل الجميع كما قبل
يعني بصراحة ما فهمتش وينو المشكل يعني هي خادعة الناس الكل الا أنت ؟؟؟
يبقـــى احتــمال و الاحــتمال الآخـــر انك انتي تشــوفي اللي ماكانش
خلي خوك يختار و يعيش و يقولك اللي ضرباتو يدي ما توجــعو
ربـــي يهـديـك ان شــاء اللـه
.. ســـــــــــــلام ...

[nina32]

اختي اكيد انك راكي تبالغي بزاف هذه زوجة اخيك هو الي اختارها خليه يعيش حياتو مدام راكي تقولي بلي هو متمسك بها اكيد راهي عاجباتو وهو راه يعرف اكيد خير منك

وعلاش راكي تقولي هاذ الكلام عليها عيب وعار عليك انت تقبلي غدوة تتزوجي اخت زوجك تقول عليك هاذ الكلام اكيد ما تقبليش لذا بعدي روحك عليهم وخليهم حتى هي ماهيش تسكن معاكم

وربي يجيب الخير

في الختام اتمنى ان ردي ما يكونش قاسي عليك رانا كامل النسا ومانحبوش لي يهدر علينا بالسوء في الختام سلام

[أم دارين]

السلام عليكم

والله ما راني فاهمة أنتي واش دخلك فيهم راجل ومرتو أنتي واش حشرك
وزيد راهي حسب ما فهمت عايشة فدارها وحدها أنتي واش دخلك فيها
وزيد تحرضي خوك على الطلاق حابة تخربي بيت متخافيش من ربي

وتعايري أخوات زوجة أخوك بالعنوسة هذا عيب يا طفلة اللي راكي تقولي فيه

خلي الراجل يعيش حياته مع زوجته ويقرر بنفسه أنتي علاه راكي تتدخلي

وإذا هي ملت العيش لوحدها عندها الحق هل أنتي تقبلي تتزوجي باه تعيشي وحدك بعيد عن زوجك

وأمك إذا راحت كل أسبوع لعند زوجة أخوك فهذا من طيبها وكرمها وأنتي ماعندو مادخلك ما تفسدبش بيناتهم

اتقي الله لأنو أي حد يعمل شر أو خير يرد إليه

خليك محضر خير

زوجته أكبر منه أولا هذا ليس شأنك فهو لا عيب ولا حرام والناس اللي يسخروا منكم ويقولو عنها في سن والدته هم للأسف جهال
لأن هذا ليس عيبا ولا حراما والرسول عليه الصلاة والسلام تزوج بأمنا خديجة رضي الله عنها وهي تكبره ب 15 عام وجمعهما حب ومودة

من وجهة نظري اخرجي من الموضوع أحسن لك واتقي الله اتقي الله اتقي الله

هدانا الله جميعا

[المدينة البيضاء]

افرضي انك انت مكانها...تقبلي تجي اخت زوجك وتقول عليك كلام كيما هذا؟؟؟؟؟؟؟؟؟؟؟؟؟؟؟؟؟؟؟
قلتي بلي زوجة اخيك متبرجة ومتعجرفة وشريرة ..عامليها باخلاقك اخلاق الاسلام ميشي باخلاقها
قادرة من المعاملة الطيبة تغيريها 180 درجة
على العموم اجبدي روحك من القصة نتاع الطلاق
ما تخليش روحك تكوني سبب في خراب عائلة
الطلاق راهو يتهزلو عرش الرحمان وكما تدين تدان

[ام عبد السلام]

هذي موش مشكلتك
جابلي ربي راكي مضخمة
القصة
خوك كبير و يعرف صلاحو
ما تزوج بيها و شاد فيها غير راهي
عجباتو
...............
و زيد علاش راكي لاهية بيهم
عيشي حياتك ما توقبيش عليهم
...........
و تزيد تعايريها بالعنوسة
شكون قالك انت تكبري
ما تديش راجل صغير
عليك
و الزمان مكيش عارفة واش
مخبيلك
..............
انت اخرتك لزوجك ليس
لأخوك و الا باباك و الا يماك
..................
خوك اخرتو لمرتو و اولادو
.............
و شوفي نصيحة
الراجل ما تهدريلوش على مرتوو الا
لبستوو الا طونوبيلو

[loulou02]

يوجد مثل شعبي يقول : " الخو خو مرته و الحمقاء أخته "
لذلك أنا ننصحك ما تعمريش راسك بمشاكلهم ، و إدعي ربي يرزقك زوج صالح .

[Assouma 93]

لا يا اختي متحرضيهش على الطلاق انه ابغض الحلال عند الله و اذا طلقها صدقيني رايحة تحملي كامل ذنوبها فوق ظهرك لذا انصحك بالابتعاد عنهما و تركهما يعيشان كما يحلو لهما و هي نطلبولها الهداية و خلاص

[Rihanna]

جابلي ربي سامعة بيها هاذ القصة

[Rihanna]

أخي مغترب منذ مدة وهو أحسن أخوتي في الهدوء والإحسان و الأحب لوالديه. لكن ابتلاه الله بزوجة سيئة أبعدته عنا .. . يوم زواجها قدمت إلينا غاضبة و متكبرة و كل من رآها يتساءل لماذا. حتى سأمت من تعليقات الناس الساخرة و الكل يقول أنها تظهر في سن والدته فمن المؤكد أنها صاحبة جنسية مزدوجة أو ثرية لذا قبل الزواج بها.... لكن في الحقيقة العكس تماما فهي لا تضاهيه لا في دينه و لا في خلقه و لا في ماله و لا حتى في جماله و تكبره في السن. و الشيء الذي يخيفني أنها منافقة و تمكنت من كسب محبة والداي اللذان لم يتفطنا لألاعيبها. فمنذ زواجهما لم نسمع عنهما أي خبر، حتى عاد أخي للخارج و هي بقيت في منزله و كل أسبوع أمي المسكينة تذهب لزيارتها و تملأ لها القفة وتتركنا نحن نتدبر أمرنا و حين أسأل أمي تقول لي أن المسكينة وحيدة و بعيدة عن أهلها، لكنني متأكدة أن أخي ترك لها معيشتها لأنها لم تعد لعملها بعد. أما خاتمتها فهو رجوع أخي من فرنسا و عدم إخبارنا بالأمر، عاد لزوجته فأخذته لأهلها و بقيا هناك عدة أيام و نحن لا علم لنا بالأمر، بعد عودتهما من بيت أهلها قام هو بزيارتنا لنكتشف عودته و أنها بكل وقاحة تهدده بالطلاق بسبب مللها من البقاء وحيدة. يالها من امرأة متعجرفة و شريرة فمنذ أن تعرف عليها تغيرت تصرفاته و معاملاته لنا، يجب عليها أن تشكر خالقها أنها وجدت رجلا و لم تبقى كأخواتها العوانس و فوق كل هذا تتحكم فيه كما تشاء و تسلطه علينا و تهدده بالطلاق. أما أنا عكس كل الآخرين شجعت أخي على هذا الطلاق ووعده بإيجاد أحسن فتاة ليه صغيرة طيبة جميلة و محتشمة خاصة ليس مثل زوجته المتبرجة التي تحسب نفسا فرنسية، لكنه للأسف متعلق بها ولا يريد الانفصال عنها. من الواضح أنها سحرته و الا فما تعلق بها و تركها تتصرف بحرية و ما تجرأت عن تهديده بالطلاق. يا حسرتاه على أخي حبيبي، نوكل عليها ربي.



أنا متأكدة بلي كاتبة الموضوع هي نفسها اللي كتبت موضوع اكتشفت أن زوجي مريض
أخوها طيب مغترب تزوج ثم سافر و ترك زوجته و أمه تزورها دائما و بعدها يعود ولا يخبر أهله و يذهب لأهل زوجته التي تطلب الطلاق
حابة تجيب بينا الوقت هادي

[nina32]

الله يهدي ما خلق كاين لي يحبو ولا يعشقو يعيشو في المشاكل يحوسو غير على سبة صغيرة باش يدير بها ضجة ومشكل كيما هذي صاحبة الموضوع

وانا نقول هذا كامل من عامل الغيرة راهي ميتة بالغبرة على زوجة اخيها ربي يهديها


كيما يقول المثل المعروف من حبة يديرو قبة سلام اللله يهديك ياطفلةهذي زوجة اخيك العزيز والي راكي تقولي خويا حنوني امالا الى كان صح تحبي خوك ما دخليش روحك في حياتو اجبدي روحك اذا تقدري ديري حاجة مليحة ديري يصينو شدي بلاصةوبلعي فمك

[بثينة 123]

السلام عليكم
من المستحيل انو خوك ما يكونش مسحور اولا هي كبيرة عليه وثانية راهي متبرجة وماراهيش محتشمة كيفاه خوك ما يكونش مسحور ذرك النساء وراهم يديروا السحور باش يزوجوا بواحد كبير عليهم بالبزاف على الاقل وفقير المهم يتزوجوا ويتهاناو منهم ماليهم كيفاش هذي كبيرة وتزوجت بواحد عندو الدراهم ومرفه وماليه ملاح سور دارتلو السحور الافضل انو ترقولو

[farouk55]

يا الاسف لا اعرف كيف اساعدك
من السوء ان يختبىء المنافق وراء قناع الرقة
واقول ربي يعاونك الخاتمة1

[rma]

إذا كان المشكل حقيقي نصيحة من إمرأة ما تدخليش روحك في خوك و زوجته و حطي روحك في بلاصتها ولأنه تواحد ما ضربوا على يدو باش يتزوج بها مع كل الصفات الي دكرت عليها

[Rihanna]

يا أختي إدا منك بالصح
اقراي هاد المشكلة و شوفي إلا تعنيلك شيئ معين


http://www.djelfa.info/vb/showthread.php?t=1305035

http://www.djelfa.info/vb/showthread.php?t=1306043

http://www.djelfa.info/vb/showthread.php?t=1308055

http://www.djelfa.info/vb/showthread.php?t=1309050

http://www.djelfa.info/vb/showthread.php?t=1309826

[raja2388]

ربي يهدي .....كاين ناس كي ما تلقاش مشكلة في حياتها تولي تفركت على اي حاجة تعمل منها مشكلة.....كل اللي ممكن نقولهولك ""واش دخلك"

[نسمة تفاؤل]

يا اختي انا كي قريت العنوان قلت راهي ساكنة معاكم ودايرة فيكم الكحلة خوك مقتنع بيها وانت علاه مقلقة روحك خليهم يعيشو حياتهم وعيشي حياتك المثل يقول من راقب الناس مات هما ثم انك تقولين انك قلت له طلقها وسآتي لك ببنت صغيرة في السن وجميلة ومامصير كبيرة السن يااختي حابتها ماتتزوجش الله يهديك من المفرووض تعملي على تماسك العائلة ماشي على تفريقها اخيتي هذه ليست من شيمنا نحن المسلمون قاع لو كان جااااا خوك حاب يطلق نورمالمو تقوليلو لالا ماتطلقش وماتخربش دارك اختي حاولي تكسبي زوجة خوك تكسبي خوك ويماك اذا داتلها القفة هذي كنتها زوجة وليدها حابتها تعاديها واقيلة لازم عليها تروح تشوفها وتتفقدها انا يبالي حسني معاملتك معاها وتشوفي كيفاه تكسبيها

[gazala-dz]

بدون تعلــــــــــــيــــــــــــــق

[sarl02]

لا ادري يا معشر النساء لما ثارت ثائرتكن من موقف هذه البنت اتجاه اخوها .....هناك بزاف رجال اداو نساء ما يستهلوهمش ومرمدوهم فالدنيا ورجعوهم ما يسواوش بعد ان كانو رجال ونص قبل الزواج ....لذا من حق هذه البنت اغيضها الحال على اخوها ان كانت هاته الزوجة من هذا النوع من النساء وكيما قالها وحد الشيخ بكري ..اغيضني الحال كي انشوف الورد في افواه الحمير...والحديث قياس.

[* الحلم سكر *]

لا ادري يا معشر النساء لما ثارت ثائرتكن من موقف هذه البنت اتجاه اخوها .....هناك بزاف رجال اداو نساء ما يستهلوهمش ومرمدوهم فالدنيا ورجعوهم ما يسواوش بعد ان كانو رجال ونص قبل الزواج ....لذا من حق هذه البنت اغيضها الحال على اخوها ان كانت هاته الزوجة من هذا النوع من النساء وكيما قالها وحد الشيخ بكري ..اغيضني الحال كي انشوف الورد في افواه الحمير...والحديث قياس.

السلام عليكم .. عن نفسي ثارت ثائرتي لما يلي

يجب عليها أن تشكر خالقها أنها وجدت رجلا و لم تبقى كأخواتها العوانس:mad: و فوق كل هذا تتحكم فيه كما تشاء و تسلطه علينا و تهدده بالطلاق. أما أنا ** عكس كل الآخرين**:confused: شجعت أخي على هذا الطلاق ووعده بإيجاد أحسن فتاة ليه صغيرة طيبة جميلة و محتشمة خاصة ليس مثل زوجته المتبرجة التي** تحسب نفسا فرنسية**:confused::confused:، لكنه للأسف متعلق بها ولا يريد الانفصال عنها. من الواضح أنها سحرته و الا فما تعلق بها و تركها تتصرف بحرية و ما تجرأت عن تهديده بالطلاق..


بعض الكلمات تجعل تـدرك و لو القليل عن تفكير صاحبها ....
كيف لمن تمن على أخرى بقدر الله - و تعيب أخواتها -أن تكون نظرتها للأمور صائبة ؟؟؟

عن نفسي لو لم أكن أرفض الأحكام المبنية على تكهنات لقلت الواقع يجعلني أفكر أن الأخ ان كانت الامور كما ترويها صاحبة الموضوع لا مسحور لا هم يحزنون حالو حال الكثير أعطيه جنسية فرنسية و ما يهمش شكون راح يتزوج هـــذا " إن " .........