مــــساعدة بلييييزززز .... خاصني وصفة الهريسة / الشامية ...

[wsl style]

سلام عليكم البنات و الأمهات ..


انا راني حابة ندير الهريسة / الشامية و ما عنديش وصفات ناجحة و أيضا مقروط الكوشة


الله يرزقكم بحجة و زيارة لمقم النبي ان شاء الله .. أفيدوني




انا راني جديدة .. و شكرا على الوصفات راهم معضمها ناجحين

انا في الانتظار ما تخيبونيش
..

[لميس حواء]

عندي وصفة نتاع هريسة تجي هايلة و وصفة مقروط في الكوشة روعة صبري علي شوي و نحطهم لك و يلا عندك وقت اصبري غادي ندير الهريسة انشاء الله في هذو اليومين باذن الله و راني ناوية نصور المراحل و نحطهم

[oum ibrahim]

اختي واش تقصدي بالهريسة قلب اللوز؟

[oum tesnime]

http://www.djelfa.info/vb/showthread.php?t=1316172

:dj_17:

[لميس حواء]

مقروط في الكوشة
المقادير
عبار (انا نعبر بغرفية ) سميد متوسط
2 عبار فرينة
2 صفار بيض
ملعقة صغيرة خمارة نتاع الحلوى
2 ملاعق كبار ماء الزهر
2 ملاعق كبار زيت
200 غ زبدة ذايبة
70 غ سكر رطب (sucre glace)
ماء
عسل
العقدة
تمر معجون + شوية زبدة +شوية ماء الزهر + توابل لي تحبيهم ( انا ندير كبابة و قرفة )


التحضير
بالنسبة للعقدة نخلط جميع المقادير و نشكل كرات صغيرة و كل كرة نديرها حربوش و نخليها و مبعد نمشي للمقادير الاخرى

نخلط السميد و الفرينة و السكر و الخمارة و مبعد نزيد الزبدة و نخلط مليح (نخلط ماشي نعجن) ثم بقية السوائل ( ماء الزهر و الزيت و صفار البيض) و نخلط خلط ما نعجنش و نغربل هذا الخليط في غربال (فتحاته كبيرة )
نترك الخليط و نبدا ناخذ منو شوية برك و نرون بقليل من الماء (نحاول نكون سريعة و دايما ما نعجنش فقط نلم الخليط بالماء ) نسرحو بشكل حربوش نضع فيه حربوش من التمر و نغلق و نقص بشكل معين و ندخلو للفرن و كي يطيب نعسله مباشرة و شهية طيبة
نتمنى يكون الشرح نتاعي واضح