اراء مترشحي البكالوريا في موضوع الرياضيات لشعبة علوم تجريبية

[hind-algerie]

السلام عليكم :dj_17::dj_17:
اريد هنا معرفة اراء مترشحي البكالوريا في موضوع الرياضيات لشعبة علوم تجريبية
هل كان الامتحان في متناول التلميد المتوسط
هل يحتاج الموضوع الحجم الساعي المعطى ام وقتا اقلا او اكثر
كيف كانت اجواء الاختبار داخل القاعة خاصة ان الرياضيات مادة تتطلب التركيز
سلامي اليكم و اتمنى التوفيق في باقي المواد ان شاء الله

[lady sousou]

nn abadan mechi fi omotanawal telmid lmotawasiid fechlouna ta3 l3am li fet sahel bzeeeeeeeeeef 3la hada

[zizo-22]

Khoya wallah la trè difficile :/

[salimabdi]

ياو هذا انتقام مشي سيجي والله غير تاع العام لي فات اسهل 10 مرات من هذا العام و زيد الحجم الساعي ما كفاناش اصلا انا ماكملتش و كتبت 9 ورق و المشكل عندي خط رديييييييييييييييييييييييييئ
المهم لي فيها خير ربي يجيبها و اعلم يقينا ان معدلات القبول للجامعة هذا العام تهبط

[ضابط كبير]

ههههههههه هذاك راه 4 مواضيع و دالة فيها سطر هههههههههههه و اسئلة كبيرة

[mohamedph32]

أخي صراحة أن كنت أدرس الدروس الخصوصية في الرياضيات و جاني فيه شوية صعوبة ليمالا ما هوش في متناول التلميذ المتوسط و الحجم الساعي قليل اذ كنت سآخذ العلامة الكاملة لولا ضيق الوقت و لكن الحمد لله على كل حال راحلي سؤال واحد

[سجودي لرب العالمين]

s3iiiiiiiiiiiiiiiiiiiiiiiiiiiiiiib lmaths wlllh taya7lna lmoral

[RiDS]

الأول ليس في متناول الجميع
الثاني سهل لكن طويل بزاف أنا خيرتو
و لكن كي تشوف الموضوع الأول لاباس تحكمك الفشلة شوي بالتوفيق للجميع

[hind-algerie]

ماعليش المهم ربي يوفقكم قي الباقي و ماهوش الوقت ياه تزعفو انشاء الله تعوضوا في العلوم و بالتوفيق في الانجليزية و ماتدريوش ربما يرخفوا يديهم في التصحيح

[mekhlouf]

الحجم الساعي 3 ساعات ونصف قليل وفيه اربعة تمارينات


مادة العلوم الطبيعية 3 تمارين فيها 4 ساعات و الله شيء محير

ولكن الطالب لابد عليه ان يختار الموضوع 1 في اقل من20دقيقة من اجل محاولة استدراك بعض النقاط التي لم يدركها خاصة الخوف يلعب دور

اما الموضوعين فهما في متناول الطالب الجيد وله خبرة في حل مثل هاته التمارين لان المنظومة التربوية لم تعتمد في كتابها المدرسي على اعطاء نماذج مثل هاته


ان الوزارة المعنية اوهمت الطلبة في اعطائهم المواضيع المقترحة في بداية افريل ؟؟؟؟ وهل الوقت كان كافي في فهمها من جديد

انا اقترح منذ بداية الموسم اعطاء صافرة في وضع قدرممكن من المواضيعفي الجرائد وليس شهر افريل

وجهة نظر ومما راق لي

[bchr]

انا درت الموضوع الثاني بصح لقيت خطا في التمرين الاول السؤال الاخير تطلع بالناقص الا اذا درنا المقلوب

[فتاة العرب]

صعيب شوية .....................

[♠صفاء♠]

ماتقلقوش ان شاء الله يسهل ربي ويكون سوجي تاع العلوم والفيزياء سهة مثل الماء
ركزوا على الباقي

[ضابط كبير]

اصعب امتحان رياضيات منذ 2008
هلكونا والله ما حقهم
اعلاهه دارولنا فينا هاكذا ،و ايقولوا في مستوى التلميذ المتوسط وانا كنت معول على 20 في الرياضيات أو ذركا 10 ماعرف اذا راح انجيبها ولا ل

[الطريق نحو القمة]

من الخطأ التفكير والقول ان باك السنة أصعب من الاعوام الماضية
تقريبا المواضيع تكون متشابهة
+ ليس هذا وقت البكاء والنحيب على مافات
الوقت حساس ويحتاج تركيز
بالتوفيق

[minoustar01]

Oui premier s'émeut catastrophe mais 2 eme cava Sahel

[zakyass]

انا اجتزت بكالوريا العام الماضي بكالوريا هاذ العام اسهل من العام الماضي في كل المواد حتى الانجليوية بالنسبة لشعبتنا العلوم التجريبية .. و موضوع الرياضيات خاصة الثاني عجبني بزاااف و ساهل مليااااااااااار مرة على موضوع العام الماضي

[souhila bachir]

lmath allah yostor s3iiiib bzf inchalah radwa yechefkou bina chwiya..allah ysahel

[الإحترام]

وفقكم الله فيما بقي

[.زَيْنْ الْدِيِنْ.]

انا اجتزت بكالوريا العام الماضي بكالوريا هاذ العام اسهل من العام الماضي في كل المواد حتى الانجليوية بالنسبة لشعبتنا العلوم التجريبية .. و موضوع الرياضيات خاصة الثاني عجبني بزاااف و ساهل مليااااااااااار مرة على موضوع العام الماضي

نظرا لهذه السهولة الكبيرة
ان شـــاء الله تفرحنا ب 18 أخــــي
:mh31::mh31::mh31:
بالتوفيق

[sarah milano]

كانت المواضيع أصعب بكثييييييييييييييير عن العام الماضي

الموضوع الاول مسكين اللذي اختاره


و الله داقتلي :1: حتى انني كذت اترك البكالوريا و لا أجتاز ثم فكرت في الباقي لا تعلم نفس ماتكسب غدا او في اي ارض تموت

على كل الاحوال خلاص فكروا في القادم لازا لت العلوم و الفرنسية و الفزياء و الفلسفة و التاريخ و الجغرافيا

و ادعوا الله ان يوفقنا و ييسر لنا امورنا

[ايمان06]

انساو الي فات وفكروا في ليجاي

[Misty56]

الموضوع الاول يحتوي على تمرين سهل وهوتمرين الهندسة لكن الباقي صعيييييييييييييييييب اما الموضوع الثاني في المستوى

[ام ريان]

بكالوريا هذا العام اسهل بكثير من العام الماضي ولولا ضيق الوقت لكانت العلامة الكاملة

[الاحـ زهرة ـبة]

االلي يقول امتحان العام اللي فات اصعب
مكانش منها العام هادا باينة عليهم يحبوا يخسروا
طيحوالي المورال
وزيد الوقت ماشي كافي
الموضوع الاول راح مجاهيل
والموضوع الثاني الدالة اللي ما فاقلهاش راحت عليه وزيد فيها بزاف اسئلة محال ينهيها التلميذ المتوسط

[زيتونة]

و الله انا عندى بنتى ممتازة فى الرياضيات و قاتلى هدا العام دارو ها موت الرياضيات و الله التلميد المتوسط ما يجيب روحو و كلاه نهدرو على الضعيف يشوفو ربى برحمتو و الله حرام هكدا طيحولهم المورال ربى يستر الفيزياء

[hinddd]

ممكن تحطو les sujet

[bac espoir]

انا اجتزت بكالوريا العام الماضي بكالوريا هاذ العام اسهل من العام الماضي في كل المواد حتى الانجليوية بالنسبة لشعبتنا العلوم التجريبية .. و موضوع الرياضيات خاصة الثاني عجبني بزاااف و ساهل مليااااااااااار مرة على موضوع العام الماضي

khouya ya 7alah ba3da wahdar wlh la 7salt prk maths dékalha wakt bach trakaz et ...

[moh 34]

السلام عليكم
ياجماعة هاذى هي طبيعة الاسئلة فى الباكالوريا الحقيقية وماتقارنوش العام لي فات ولا عوام فاتو بهذا العام
المهم مادم الرياضيات جات واعرة نورمالمون الفيزياء تكون فى المتناول هكذا كانت السياسة بكرى قبل مايفسدها بن بوزيد
ربي يكون فى العون وهكذا خير باش ميكونوش معدلات كبيرة بزاف ويكونو الجميع متقاربين واغلب التخصصات فى المتناول
مجلرد راي تقبلوه ومتحكموش على الاسئلة ممكن التصحيح يكون فى المتناول ويعاونكم ان شاء الله
اتمنى التوفيق لكل من تعب وجد.
سلام

[ميرنا الجزائرية]

ما تخافوش كامل تنجحوا
بصح نصارحكم بحاجة و ما تزعفوش ,الموضوع ساهل المستوى تاعكم هابط بزاف
شوفو المواضيع تاعنا في بداية الالفينات خاصة 2001 و 2003 تشوفو الموضوع لي صعب صح