ساعدوني رايحة نبكي

[miinoucha25]

سلام عليكم

جاوبوني انا سقسيت الاستاذة للي كانت تحرس فينا قالتلي تقدري تكتبي بالازرق و الاسود

و رحت درت هكاك

و درك قالولي لالا ممكن يلغيولك الورقة تاعك لازم لون واحد


شكون سمع بواحد دار كيما انا و كيفاش تعاملو معاه؟؟؟؟؟؟

[MERIEMESC]

نورمااااااااال

[somsom1515]

عادي ماكان والو على جال اسود و أزرق يلغيو ورقة؟ أنا عام ليفات كتبت بيهم لزوج و مالغاو ما والو

[miinoucha25]

ربي ينجحكم و يوفقكم شكرا والله طمنتوني

[saadi-2008]

////////////////////////////////////////////////

[Hassene Jijel]

راهيم يخصموا من نقاطك وشكرا....أخي...ربي يوفق كل جزائري ....في اختبرات البكلوريا....
وانشاء الله كل ناجحين قلوا أمين.......أمين

[wahid_dz]

نورمال أنا تاني كتبت بأزرق و أسود حتى في قانون على ورقة إستدعاء دايرينهاااااااااااااا

[abderaouf1992]

عادي جدا
حتى انا العام الماضي كتبت في كل اوراقي بالاسود والازرق .. عادي ماكان حتى اشكال

[miinoucha25]

ربي يحفظكم و ينجحكم

[حمومان عزالدين]

لا والله غير عادي وحدا نعرفها العامل لي فات عمرت الورقت هديك الي اعمرها واحد كي امد الورقة بيضاء ونورمال الي فارغة ونورمال

[homme mystérieux]

نوووووووووووووورمال ممكن كي يديرولك مشكل وي يباصيوك
ينقصولك نقطة ولا زوج ع الاكثر ونزيدك حاجة
والله مايديرولك حاجة
ههههههههههههههه

[الاستاذ يوسف]

ربي ينجحكم و يوفقك

[البنت الجلفاوية]

لا حرج في ذلك..............يعني شيئ عادي جدا بالتوفيق ان شاء الله

[RELIZANE48]

normal ana tani ktabt kifek

[nejcom1]

الخاتمة لاتقلقي فأنا صححت العام الماضي أوراقا كتبت باللونين معا و لابأس غهتمي فقط بمواضيع الغد و تمنياتنا لكم بالنجاح جميعا

[miinoucha25]

ربي يعطيكم ماتتمناو شكلاا جزيلااااااااااااااااااا

[nadamohammad]

اختيي لعزيزة متقلقيش روحك قاع انا والله صاحبتي كتبت بثو ليكولاغ وقلولها عادي وبالزياده قبل البكاك الاستاد قالنا تقدرو تكتبو بلكحل ولزرق .....وربي ينجحنا

[LOBNA.T]

المهم ماتزديش تغلطي هدي الغلطة

و الاحسن تكتبي بلون واحد في الاختبارات الجاين

و ربي يوفقك

[إكليل]

ما تقلقيش روحك أختي على امور تافهة

و أنسي ما حدث لك اليوم و أبدأي يوما جديدا أخر بإذن الله تعالى
و ربي يوفقك في إنتظار خبر نجاحك

[القلم الكاتب]

أنا كتبت حتى با الأخضر

[اسامة مسلم]

السلام عليكم و رحمة الله وبركاته
عادي اختي لا داعي للبكاء
ووفري طاقتك للامتحانات المقبلة
وكوني واثقة بنفسك
ربي ينجحكم كككككككككامل ♥

[kader.ch]

Awadi normale hanouna
talgu rou7ak fi blad miki di
maydiro walooo

[ايلول20]

عادي ما يلغوها لا والو راكي حاسبة غير ارواح والغي ورقة تاع باك ما تخلعي روحك لا والو وربي ينجحك

[سرور]

انا عام لي فات كتبت بالازرق والاسود وهدا عام كيفف غير هاك يقول عام لي فات عقب زميلي معي كتب بلون الاوردي ودا باك مهم اجوبة غير احمر ممنوع

[khaledchadi]

عادي جدا أختي إجابتك صحيحة100%

وفقكم الله

[hakou501]

كاش ما بان على اللغات

[hakou501]

جاوبوني ربي خليكم وين هي الأسئلة نتاع اللغات

[AYITO]

wlj maban walou

[imene guenifi]

شوفي اختي مكان والو عادي انا العالم لي فات كتبت بيهم ف 2وضرك اني فالجامعة ماتخلطيش روحك بهاد الامور التافهة ربي يوفقك وتلحقيني للجامعة انشالله