مشكلتي غريبة

[مشكلتي]

أنا فتاة تمت خطبتي وتم العقد الشرعي منذ شهر ولم أرى زوجي إلا مرة واحدة - يوم الرؤية الشرعية - ونظرا لأني لا أعرفه وهو أيضا لا يعرفني فهو لا يملك رقم هاتفي ولم يقم بطلبه حتى الآن لذلك فلا يوجد بيننا اي اتصال إلا أن أمه وامي يتصلان ببعضهما من الحين إلى الآخر، وأنا أستطيع الحصول على رقم هاتفه من أخي واريد التعرف عليه فهذا من حقي لكن أظن أن الرجل هو من يجب ان يتصل أولا ، ما رأيكم بتصرفه وما هي المشكلة وكيف الحل ، وهل سلوكه عادي ، وما هو تفسير تصرفه

[مشطوب]

تصرف غير عادي أختي

لا بد أن تسألي عن الرجل جيدا فلربما

به خطب ما

مريض نفسيا أو عقليا

[هند222]

الأمر غير عادي

ويجب أن تسالي اكثر فالعقد احسن من الزواج

[achwak crazy girl]

اكيد الامر غير طبيعي لانو بلاك تكون يماك ويمااه يهدروا مع بعضاهم ولكن لازم تهدري معاااه اخااااااااااااه لازم تتعرفي عليه من حقك ختي

[imma]

اصبري اختي قليلا ربما هو مشغول في التحضيرات للعرس لا تتسرعي وأكثري من الدعاء واالصلاة

[knives55]

هذي عندها حل ممتاز انكي تصبري عليه حتي يمكل ويعقد عليك وتزوجوا

هذ الوقت طلبي منه انوا يكلمك في الهاتف ساهلة

في عجلة ندامة

[خديجة13]

هي صح الامر غير عادي لكن ماجاياش تعيطيلو انت خلي خوك يهدر معاه و يشوف واش بيه اذا مريض نفسيا و لا عادي و زيدي سقسي مليح

[NADA 25]

عزيزتي مبروك عليك ربي يهنيك
الامر عادي جد عادي تمسكي بهدا الرجل لانه مثال الرجل العفيف المتدين الدي يقصد البيوت من ابوابها هو رجل يتقي الله لما صرنا نتعجب من الشيء البين الواضح الغير عادي هو ما يحدث اليوم بين ال رجل و خطيبته بحجة الخطبة يا لطيف لا تقولي انني فتاة متخلفة او معقدة بل انا فتاة متعلمة واعية و متفتحة لكن اجد ان هذا امر عادي بل و هو المفروض اتمنى ان اجد زوجا مثله اصبري عزيزتي ستتزوجين و تقرين عينا و لا تتسرعي حتى لا يفهمك خطا لان الامر عادي و من المفروض ان الرجل هو الدي يكلم المراة و ليس العكس و مادام هو تعفف فلا تتسرعي و اعلمي عزيزتي ان الطيبون للطيبات فلا تعتبري ان به عيبا يريد اخفاءه لهدا لا يكامك وكلي امرك لله و ستجدين كل الخير باذن الله
عجيب هذا الزمن صرنا نستغرب من الاصول

[naamane3]

ناس بكري كانو ما يتعارفوش حتى يوم العرس
ثانيا الاخوة اعلاه ادخلوا فيها امراض نفسية وعقلية
بدون ما يعلموا من الخاطب او ما هي ضروفه
ثالثا يا أختاه اصبري ولا تيأسي ولا تتعجلي
وأكثري من الدعاء والاستغفار وستجدين انك كنت مخطئة في حقه

[saadi-2008]

حُدُودُ العَلاقَةِ بَيْنَ المَخْطُوبِينَ .. (http://www.djelfa.info/vb/showthread.php?t=1255007)

طوبى للغرباء طوبى للغرباء طوبى للغرباء

[محمد جديدي التبسي]

الأمر عادي جدا وهذا هو الطبيعي وآبائنا كانوا هكذا
علاه واجب عليه يحكي معاك بالهاتف؟؟!!!
كاين ناس ما يستعملوش الهاتف بل إني أعرف أناس يرفضون فكرة الحديث هذه إلا بعد الزفاف
أتمنى أن أكون مثل هذا الشخص فالهاتف يدير غير المشاكل .. ما تقلقي روحك ما والو .. ربي يهنيكم

[سماح 2]

ألم يتشوق ليعرف خطيبته

أكيد تصرفه غيير عاادي

اصبري عليه ربماا سيحاول الاتصاال بك

والله أعلم

ربي يكملك ع خيييييير

سلاااااااااام

[المنديل الابيض]

اذا كان متدين هذا عادي ما تزربيش روحك او يمكن هو من النوع الخجول
لكن انا من راى الاخوة انك تخلي خوك يتأكد اذا مابيه والو او مريض

[TOKYO]

نشوف فيه الراجل و نص و عنده عقلية شابه لانه ما نسمع واش يصير في علاقة خطوبة و في العقد وما كان سببه الا هاتف
اغلبية المشاكل التى تقع بعد الزواج سببها هاتف
اغلب البرودة الزوجية سببها هاتف
يالناس بعد كثرة طلاق و المشاكل عاد في جوامع امام يدرس عليه و ينصح شباب مقبل على الزواج بابتعاد عن هاتف قد مستطاع
هاتف صار فيروس قاتل و هدام
اختي ننصحك راجلك عادي وهو عنده نيه خالصة باش يتزوج الزواج تقليدي كيما جدودنا و والدينا اصبري شوي وعادي
ربي يهنيكم مع البعض

[♡folla♡]

السلام عليكم. ..
اختي من راي امر عادي لانو الهدرة بزاف تجيب المشاكل،من الاحسن خليه على راحتو و ماتوسوسيش روحك كي قالولك بالك مريض لانو مستحيل عائلتك تقبل بيه هم اولى بمصلحتك.
اصبري بلاك يكون موعد العرس قريب انشاء الله صلي صلاتك و ادعي ربي يتمملك بخير..
خلي المبادرة تجي من عندو ...ربي يفرحكم انشاء الله. ...;)

[هدى الجيجلية]

السلام عليكم
اختي
لازم تحكي امعاه
حتى تعرفي
عقليته
حتى لا توقع الفاس فراس
ومنبعد كيتزوجي
تنصدمي
على الاقل تهدري
مرة واحدة في الاسبوع
هذا رايي الشخصي
والرأي الاول والاخير
يرجع ليك

[AMINA.Z]

مادام ان العقد الشرعي تم

فلا توجد هناك مخالفات اذا تحدثتما مع بعض

الخطبه هدفها ليس تجهيز الملابس و البيت و الحلويات وو و و و

الخطبة هدفها معرفة مدى تجانس الشخصيتين مع بعض

و لا داعي للمقارنة بين زمان ابائنا و زماننا فالاختلاف واضح و كبييييييييير

صح اذا زاد الشئ عن حده انقلب الى ضده و لكن من حقك التعرف عليه

و اخبري والدتك لتعرف السبب الامر مقلق صراحة انا مكانك نخاااف

[abdellah36]

هو زوجك تستطيغين الحديث معه ..........و في كل شيئ...............

[jouri adel]

اختي هاذا امر ماهوش عادي في رايي و نورمالمو يعيطلك باش تتعرفو على بعضاكم و لاكان مدين اكيد ماراحش يغلط معاك في الهدرة و زيد كفاش تعرفي بلي راهو باغيك

[ام عبد السلام]

في رايي موش طبيعي
لاننا نتحدث على الخطبة الآن
و ليس في زمان ما يهدرش نورمال
مي وقتنا تاع دكا لالا
علاش لازم تهدر ياك مفتحين
يهدرو في حدود الله
بالاك يماه خطبتهالو ماشي هو
....
و كاين اللي مدين بزاف ما يحبش
يهدر
....
و كاين اللي ما يعرفش يهدر
يحشم
......
مي ما لازمش انت تجبدي هاد موضوع
بالاك يماك كون تهدر مع يماه خير
تفهم واش كاين
قبل ما تتزوج
هذا زوااااااااج
عمر كامل
....
و ربي يهنيك حنونة

[Assouma 93]

tu ne doit pas lui appeler puisque c'est pas votre mission et peut etre il a des travaux