زريرة تشهي

[ام راضية]

السلام1

تحياتي اخواتي وان شاء الله تكونو بخير
عملتها فطور للاولاد حبيت نوريهالكم ونعرف بيها اللي ميعرفوهاش
http://im32.gulfup.com/ctJUR.jpg

هدا صحن زرير هدية لكل اخواتي
هده وصفة تقليدية اساسية وضرورية جدا تحضرها المراة لنفاسها لضيوفها
وكدلك اللي تحب تحضرو لاولادها لانه مفيد جدا للاطفال خاصة في مرحة النمو
واللي عندها بيبي راح نقلها كيفاه تعملو واكيد راح تتدعيلي
في تبسة كاين اللي يسميها زرير وهم الاغلبية وكاين اللي يسموها سويكة وانتم واش تقولولها كان تعرفوها
هي تحضر من القمح يتحمص في الطاجين ويترحي في للطاحونة نساء زمان كانو يرحوها في الدار
ها هو شكله
http://im32.gulfup.com/nOK7n.jpg

طريقته الشهية
ندوب الزبدة

http://im32.gulfup.com/y8bRE.jpg

كي تدوب نضيف العسل ونخليه يدوب معاها
ننزع الاناء من النار
http://im32.gulfup.com/APw1q.jpg

وبدا نضيف بالعقل السويكة

http://im32.gulfup.com/uVczo.jpg

ما لازمش تكون ناشفة ولا جارية وهدا شكلها التزيين باللي عندك جلجانية محمصة او مكسرات

http://im32.gulfup.com/ctJUR.jpg


http://im32.gulfup.com/CYZRQ.jpg

للامهات اللي عندهم بيبيات هده الوصفة نافعة جدا لنموهم تخلطي في بيبرون مغرفة مع الحليب لاطفالك مكان اللبنامين واتفكريني وادا كان ابنك تجاوز العام ديريهالو يفطر بيها بالحليب ومغرفة عسل
بدون ان انسي كبار السن راي مليحة ياسر خاصة لهشاشة العام
وهده عن تجارب امهاتنا واجدادنا
ادا عجبتم الوصفة ما تنسوش دعوة خير في قلوبكم تكفيني
الخاتمة1

[غزة في عيوني]

امممممممم هايلة حنا مانديروهاش بالعسل والزبدة نديروها بالماء الدافيء والسكر عادي انشاء الله نجرب طريقتك الله يعطيك الصحة

[leila-alger55]

ahna felasima asemha tamina laken na3amlouha bla semoul normal w befs tarika

[ام فريال]

هايلة ربي يحفضك

[أم سراج الدين]

نفس طريقتنا في قسنطينة
فقط الزبدة نديرو نص زبدة عادية و نص زبدة تاع البقرات و كذلك العسل نديرو نص عسل عادي و نص عسل حر
خصوصا للنافس اممممممممممم

[بشرى2008]

مشكووووووووورة صح تجي هايلة كاين اللي يسموها البسيسة وكاين اللي يسموها الروينة

[أم ياسين الزهراء]

اممممممممممم نحبها بزاف اهنا يسموها الروينة ويديرو معاها الحمص يحمصوه ويرحوه مع القمح اممممممممممممم سخفتيني مواضيعك دايما يسخفو وينوضولي السخفات ههههههههههههههههههه وانا سمينة لكان غير مشيانة ههههههههههههههه

[الصوامعية]

يعطيك الصحة عزيزتي ام راضيه يا صاحبة المواضيع المميزة دائما تعرفينا على أطباق تقليدية نابعة من التراث
في الأول كي شفت الصور معرفتهاش
بصح كي قلتي تحضر من القمح ويترحي في الطاحونة عرفتها
حنا نسموها الروينة نحظروها بالسكر والماء دافئ فقط
بارك الله فيك

[حياتي نبع امل]

يعطيك الصحة حنا نسموها الروينة وكيما قالت الاخت نحضروها بالماء الدافىء او الحليب الدافىء

[سحر الكلمات]

مممممممممممممم شهيتينيييييييييييييي روعة

[soriaalg]

مممممممممممممم يعطيك الصحة اختي ام راضية تختلف الاسماء علابالي ما نعرفهاش بصح من الصور راني عرفتها لكن الطريقة صح ما نعرفش كيفاش يخدموها كنت ناكلها وخلاص ههههه بارك الله فيك

[رنيم الجزائر]

جربوها و عمركم ماتندمو عليها

تجنننننننننننننننننننننننننننننننننننننننننن نمووووووووووووووت عليها عندها وحد البنة تلقي روحك كليتي عشرة صحونا بلا ماتفيقي ههههههههههههه

يعطيك الصحة أختي و ربي يوفقك
مواضيعك في القمة

[انمي]

شكرااااااااااااااا

[SAMAH SAMAH]

بارك الله فيك
وجعل ما تقدمه من موضوعات
في ميزان حسناتك
ويجمعنا بك والمسلمين في جنات النعيم
دمت بخير .. اللهم آمين

http://im37.gulfup.com/RzmMw.gif (http://www.gulfup.com/?usqesx)

[لمسة حنية]

يم يم شهتيني حنا تاني نعملوها بنفس طريقتك اختى والله خسارة معنديش القمح كنت درتها درك بصحتك

[oum rahma]

يعطيك الصحة ، لذيذة ومفييييدة ، وماكانش سينية تاع نافس تخلو منها ، لااازم تكون

ضرك ولوا يخلطو السويكة مع المكسرات المرحية ، ثاني تجي هايلة

بلرك الله فيك

[oum ibrahim]

يعطيك الصحة ام راضية شهيتيني نحبها و نديرها بنفس الطريقة

[saja safia]

العسل لو حبيت نخدمه بالسكر واش هي المقادير حتى ماتجينيش حلوة بزاف

[مفيدة الحلوة]

يعطيك الصحة اختي
حتى حنا نديروها ونزيدوها حمص محمص ومرحي وكاوكا وجلجلان محمصين ومرحين
او اي نوع من المكسرات

[lyzzabel]

مممممم رووووووعة حبيبتي فكرتيني في ايام الطفولة كانت جدتي و ماما الله يرحمهم يديروهالنا و لاااا أطعم و لاااا ألذ و حنا نقولولها الروينة
بارك الله فيك غاليتي

[lyzzabel]

salam hna nsamouha rwina f wilayat el bayadh ndirouha lnafsat w mandirouch l3sal ri sman lhor dyalna khater nhoto fiha soker w tawabil w hya nachfa

يعطيك الصحة حبيبة نفس طريقتنا

[توكل]

بارك الله فيك

[بشيرة 13]

نسموها روينة

[صدفات]

نسموها الروينة و نديروها بالماء الدافي و السكر و كاين لي يزيدلها التمر يعطيك الصحة فكرتينا بها

[اسمهان79]

شكرًا اختي ان نموت عليها وما تخلاصش من عندي في الدار
حنا نسميوها بسيسة حبيت
نبهك اختي برك راهو اللي يكثر منها تيبس الكرش خاصة للبيبيات
مشكورة مرة اخرى

[maryouma46]

يعطيك الصحة أختي انا تاني من تبسة مي كنت حاطة في بالي الولايات الاخرى يسموها طمينة ظهرت اسمها روينة وبطريقة اخرى تاني