انظرو كيف انتهت العلاقة....اعتبروا

[عبد النور مكي]

بسم الله الرحمن الرحيم
السلام عليكم و رحمة الله

لا اطيل الامر....تعرفت على فتاة عن طريق النت..تطورت العلاقة الى الهاتف ثم لقاءات...دامت العلاقة 4 سنوات....قبل 20 يوم تقدمت اليها لخطبتها فكان ردها انها مازال امامها عام دراسة ثم انها تريد العمل لمدة 3 سنوات او 4 لكي تكون نفسها بالاضافة الى قولها ( من حقي نشرط العمل في عقد النكاح) ثم لا استطيع ان اتنقل معك الى مكان عملك بحجة ان امها وحيدة ......

لا انكر انها اخبرتني بمثل هذه الامور من قبل من شرط العمل الخ..لكن ردي كان واضحا برفض مثل هذه الشروط. رغم ذلك بقيت العلاقة مستمرة الى ان تقدمت لها و كان ما كان....
فهل اذا تركتها اكون ظلمتها؟...و هل سيطبق علي كما تدين تدان؟....
بعد الخطبة كلمتها و قلت لها لما كان هذا ردك؟..قالت اخبرتك من قبل فلا تلمني...انت لا تريد ان تتنازل عن شروطك و انا لم اشترط عليك شيئ..فقلت لها وفقك الله و ان شاء الله ربي يجيبلك من يقبل بما تطلبين....
و انهيت العلاقة

فما رايكم؟

[مريم الصابرة]

السلام عليكم اخي
اولا انا ما نلومكش ونقولك وعلاش وعلاش كنت معاها في علاقة لالا راك كبير وواعي
انا نقولك إنت درت اللي عليك وإخترتها زوجة وقلتلها شروطك هي من المفروض تعرفك كل هذه المدة ما تتخلاش عليك على جال الخدمة واحلامهم
والله ما فهمت بنات اليوم واش يحبو ربي يعطيهم راجل يصونهم وبحفظهم وهوما يحوسو يخدمو
خويا إنت ربي يجيبلك اللي تقدر قيمتك وانا نظن المرا خدمتها الدار يسامحوني كل وحدة واش تحب وهي حبت تخدم ربي ما كتبش
إنت ما ظلمتها ما والو هي ظلمت نفسها موفق

[pharma-93]

لالا يا خويا ماشي هكا نتا حاول تتفهمها يعني سنواااااات وهي تقرا باش تحقق طموحها وتجي نتا في دقيقة تحطملها هدوك السنين نتاع التعب والقرايا والسهر وعلاه نتا ماتسيش تقبل وتخليها تكمل تعليمها+هي راهي راح تخدم في سللك التعليم ياعني عمل شريف ومراحش تخدم في بيروات وتخالط الرجال صراحة راك ظالمها في هاذي وكيفاه عطاك قلبك وسمحت في عشرة4 سنين أكيد هيا راها منهاره يعني خيرتها بين شيئن في اثنين صعاب مستقبلها وطموحها وشقاء سنين وبين حبيب قلبها والله صعيب جدا راهي في موقف لا تحسد عليه صح غاظتني ربي يفرج عليكم

[عبد النور مكي]

بارك الله فيك....ربي يصلح حالها ....المهم اني قد استخرت الله قبل التقدم....فالحمد لله على كل حال

[عبد النور مكي]

لالا يا خويا ماشي هكا نتا حاول تتفهمها يعني سنواااااات وهي تقرا باش تحقق طموحها وتجي نتا في دقيقة تحطملها هدوك السنين نتاع التعب والقرايا والسهر وعلاه نتا ماتسيش تقبل وتخليها تكمل تعليمها+هي راهي راح تخدم في سللك التعليم ياعني عمل شريف ومراحش تخدم في بيروات وتخالط الرجال صراحة راك ظالمها في هاذي وكيفاه عطاك قلبك وسمحت في عشرة4 سنين أكيد هيا راها منهاره يعني خيرتها بين شيئن في اثنين صعاب مستقبلها وطموحها وشقاء سنين وبين حبيب قلبها والله صعيب جدا راهي في موقف لا تحسد عليه صح غاظتني ربي يفرج عليكم

سامحيني اختي نفهمك....ما قلتلهاش ما تخدميش بالعكس انا العبد الضعيفمن اخترت لها هذا الاختيار بعد ما ربحت الباك و طلبت منها العمل لكي نتعاون على الحياة..بالاضافة الى اني وعدتها اني لن احرمها من امها ....
لمعلوماتك....والدي من كان صاحب قرار ان لا يكون شرط العمل كتابيا في عقد النكاح....لكن العمل مقبول بالاضافة الى انه من نصحني بان اتزوج من عاملة...اخبرتها بالامر لكن رفضت و قالت ليس الامر بيدي

[sali-sali]

السلام عليكم

انا تبانلي من الايام لي حبيتها كنت تعرف شروطها و مع دلك استمرت العلاقة بينكما

لو من نهار لول ماعجبوكش الشروط كنت تتخلى عليها...مش تكمل

على العموم ربي يصلح الاحوال بيناتكم

[assia81]

ولماذا لم تستخر الله قبل ان تقدم على تلك العلاقة بالطبع لن تفعل لانك لا تستطيع ان تشهد الله على معصية لانك تعلم الحقيقة ان الله لايرضى بذلك ولكن تتبعون الشيطان حتى ان وقعتم في مشكلة لجاتم الى الله على كل اخي الكريم عليك ان تتوب الى الله حتى وان كنت قاصد الحلال وربي يرزقك من حيث لا تحتسب

[sarl02]

كل شيء بالمكتوب وانت درت الي عليك . نقطة الى السطر وابدا حياتك من جديد وربي اوفقك.

[حميد.ص]

اعتقد ان الحوار هو من سيخرجكم من هذه المشكلة........ليكن في علمك ان الزواج قسمة و نصيب...............ربي يجيبلكم الخير

[أم دارين]

السلام عليكم
يا أخي ضع نفسك في مكانها
تقول أنها يتيمة الأب وليس لها أخ وأمها مريضة
شرط العمل يعتبر حماية لها لأن الدنيا دوارة و لا أحد يستطيع أن يستأمن أحد فكيف بها وهي في هذه الوضعية الحساسة
ثانيا رفضها البعد عن أمها لا غبار عليه لأنها فقدت والدها وليس لها بعد الله غير أمها وليس لأمها بعد الله غير هي خصوصا وأن أمها مريضة يجب أن تتفهم أنت هذه الحالة ولما لا تحاول أنت تغيير عملك وتعيش بجنبها بدل أن تطلب منها العيش بعيدا عن آخر ما تبقى لها من والديها

استخر الله يا أخي
وهذه البنت لا أرى في شروطها ما هو خارج عن المعروف فهي لم تطلب حراما والعياذ بالله

وفقكم الله إلى ما يحبه ويرضاه والجميع يا رب العالمين
وصل اللهم وبارك وسلم على سيدنا وحبيبنا محمد عليه أفضل الصلاة وأزكى التسليم

[خديجة13]

انا في رايي راه ديرلك في شروط تعجيزية لكي تنسحب و تجي منك مشي منها لان شروطها غير منطقية ربي يهديها 4 سنوات ليست بالقليل

[nouna l maghbouna]

السلام عليكم
يا أخي ضع نفسك في مكانها
تقول أنها يتيمة الأب وليس لها أخ وأمها مريضة
شرط العمل يعتبر حماية لها لأن الدنيا دوارة و لا أحد يستطيع أن يستأمن أحد فكيف بها وهي في هذه الوضعية الحساسة
ثانيا رفضها البعد عن أمها لا غبار عليه لأنها فقدت والدها وليس لها بعد الله غير أمها وليس لأمها بعد الله غير هي خصوصا وأن أمها مريضة يجب أن تتفهم أنت هذه الحالة ولما لا تحاول أنت تغيير عملك وتعيش بجنبها بدل أن تطلب منها العيش بعيدا عن آخر ما تبقى لها من والديها

استخر الله يا أخي
وهذه البنت لا أرى في شروطها ما هو خارج عن المعروف فهي لم تطلب حراما والعياذ بالله

وفقكم الله إلى ما يحبه ويرضاه والجميع يا رب العالمين
وصل اللهم وبارك وسلم على سيدنا وحبيبنا محمد عليه أفضل الصلاة وأزكى التسليم

نفس راي الاخت
وفقك الله اخي

[imene12]

يا اخي العمل ليس عيبا و خصوصا التعليم فهو من أنسب المهن و أشرفها للمرأة.. و أن تشترط ذكر شرط العمل في عقد الزواج أيضا ليس عيبا ... أخبرني فقط بماذا ستتضرر لو وافقت على شرطها في العقد.. إسأأل نفسك هل سيلحقك ضرر مباشر من هذا التصرف؟؟ أكيد لا..
ضف إلى ذلك أن الفتاة لها أم مريضة و هي وحيدتها بعد أختها المتزوجة و ترى أنها مسؤولة عن رعاية والداتها ماديا و معنويا...
شروطها مقبولة و تستطيع التغاضي عنها ان كنت فعلا تحبها .. في حين أنها لا تستطيع التخلي عن والدتها رغم كونها تحبك.

[knives55]

هوما نساء ديما سباب المشاكل براسهم لخشين لا اخي انت كنت صادق معها ونيت صافية

ولنيتوا صافيا ما عندو من واش يخاف

وسلام عليكم

[Algerious]

العناد له آثاره و كل ما يمكن اصلاحه هو دعاء الهداية من الله عز جل لعدول العلاقة لأن المال أمور عديدة تهز الواقع

[yousra14]

نيتك كانت صافية لكن المفروض من البداية تتفاهمان وليس بعد أربع سنوات إذا أردتما استمرار المشوار على أحدكما التنازل رب يصلح الأحوال

[حمدا لله كثير]

اللهم ان امي قد نزلت عندك ضيفة و انت اكرم المنزلين فاللهم اكرم نزلها و وسع مدخلها و ابدلها دارا خيرا من دارها و اهلا خيرا من اهلها....رحمك الله يا اماه

امين
اخي يعني انت قابل بالعمل و قابل انها تكمل دراستها

فاين مشكلتها لما تختلق الاسباب


انضحك بصلاه الاستخارة و الا فيها خير ربي يكتبلهالك و لا مافيهاش ربي يبعدها عليك

[homme libre 05]

السلام عليكم
اخي ربما هي عقوبة من الله بسبب علاقتكما لانه حرم مثل هته العلاقات ، وعليكما بالتوبة
و للعودة للموضوع اظن اذا راك صح تشوفها مرا وقادرة على تحمل مسؤوليتها زيد اهدر معاها وحاول تقنعها
واذا ماحبتش الله غالب نتا راجل وغدوة تقدر تزيد تلقا وحدة
وفقك الله اخي
سلام

[sillin]

4سنين واش كونتو تخمو سيرتو هي

[jihanne]

و علاه حطيت المعلومات هاذو كامل عليها

خص غير تكتب اسمها و نقمتها

[msam3i2010]

يا اخي ماراكش غالط و ماراكش ظالمها .... لكنها حبت تسيطر عليك من البداية و لوكان تنازلت كنت راح تعيش حياة كلها اهمال و تعاسة معاها

الحمد لله لجات هاك

[الفاتحة]

راك غالط لا وحسب ما نشوف دير في الأسباب باش تتملص منها، حرام عليك 4 سنوات وهي معاك وطبعا حكاتلك على كلش وظروفها وكون جيت تخاف ربي راك حطيت النقاط على الحروف من اليوم الاول موش تخليها لدوركى ومبعد ديرلها السبايب وتخليها، طبعا راك راح تلقى وحدة أخرى وبكل سهولة كيما قالولك أنت راجل لكن صدقني راح تخرج فيك هاذيك الطفلة وموش راح تتهنى في حياتك وراح تدعي عليك ودعوة المظلوم مكانش بينها وبين ربي حجاب، اتق الله في نفسك وراجع روحك واتخلى عن انانيتك ، وانت تقدر تلقى حل كيما قدرت تقعد معاها 4 سنوات وأنت تعصي في ربي ودوكى جاي باش تظلم طفلة مسكينة تشف وتكسر القلب حراااااااااام عليك...

[عبد النور مكي]

أحترم آراء جميع الاخوة.....ربي شاهد على نيتي واش كانت....كنا متفاهمين على كلشي...الخدمة انا اخترتلها هذي الخدمة بعد الباك...بالنسبة لامها اتفقت معاها على طريقة العيش بحيث لا احرمها من امها و لا احرمها مني....كان كل شيئ متفق عليه ..لا ادري ماذا حدث ......المهم ادعو الله ان يغفر لي و لها و ادعوه ان يصلح حالي و حالها و ان يجمعنا في الحلال ....سانتظرها تكمل دراستها و من ثم اعود و باذن الله تكون الامور قد تغيرت
لا تنسونا من صالح دعائكم

[عبد النور مكي]

السلام عليكم
يا أخي ضع نفسك في مكانها
تقول أنها يتيمة الأب وليس لها أخ وأمها مريضة
شرط العمل يعتبر حماية لها لأن الدنيا دوارة و لا أحد يستطيع أن يستأمن أحد فكيف بها وهي في هذه الوضعية الحساسة
ثانيا رفضها البعد عن أمها لا غبار عليه لأنها فقدت والدها وليس لها بعد الله غير أمها وليس لأمها بعد الله غير هي خصوصا وأن أمها مريضة يجب أن تتفهم أنت هذه الحالة ولما لا تحاول أنت تغيير عملك وتعيش بجنبها بدل أن تطلب منها العيش بعيدا عن آخر ما تبقى لها من والديها

استخر الله يا أخي
وهذه البنت لا أرى في شروطها ما هو خارج عن المعروف فهي لم تطلب حراما والعياذ بالله

وفقكم الله إلى ما يحبه ويرضاه والجميع يا رب العالمين
وصل اللهم وبارك وسلم على سيدنا وحبيبنا محمد عليه أفضل الصلاة وأزكى التسليم
1-اذا لم تكن هناك ثقة كيف لها ان تعيش معي؟
2-حتى انا لم يتبقى لي غير ابي و مع ذلك ظروف العمل ابعدتني عنه..فهل ابتعد عنه و نزيد نبعد عليها هي ثاني؟ و من بعد اولادي كيفاش نشوفهه و انا كل شهرين او 3 نروح لدار؟

شكرا على الرد اختي الكريمة:)

[عبد النور مكي]

راك غالط لا وحسب ما نشوف دير في الأسباب باش تتملص منها، حرام عليك 4 سنوات وهي معاك وطبعا حكاتلك على كلش وظروفها وكون جيت تخاف ربي راك حطيت النقاط على الحروف من اليوم الاول موش تخليها لدوركى ومبعد ديرلها السبايب وتخليها، طبعا راك راح تلقى وحدة أخرى وبكل سهولة كيما قالولك أنت راجل لكن صدقني راح تخرج فيك هاذيك الطفلة وموش راح تتهنى في حياتك وراح تدعي عليك ودعوة المظلوم مكانش بينها وبين ربي حجاب، اتق الله في نفسك وراجع روحك واتخلى عن انانيتك ، وانت تقدر تلقى حل كيما قدرت تقعد معاها 4 سنوات وأنت تعصي في ربي ودوكى جاي باش تظلم طفلة مسكينة تشف وتكسر القلب حراااااااااام عليك...

ربي يعلم بلي ماكنت ناوي غير الحلال...من اجل ذلك تقدمتلها ماحبيتش نطول اكثر في العلاقة ..لكن ردها كان مازالني صغيرة و راني حابة نخدم 3 سنوات على الاقل كي أكون نفسي.
نعرف واحد يحيب واحد..يتمنى يكون معاه اليوم قبل غدوة..لمعلوماتك ماكنتش حاب ندير العرس هذا العام قلتلها معليش اخدمي عام و نكملو..قاتلي لالا ماتقدنيش لازملي اكثر...
علاش تخرج فيا هذي البنت؟؟...واش درتلها؟...تقدمتلها و هي تتقلش..واش نديرلها؟؟انت لو انك في مكانها...نتقدملك تكون هذي الاجابة تاعك؟..جاوبيني بصراحة
بارك الله فيك:)

[mitrochka]

السلام عليكم
قناعتي ان السبب ليس ماديا أو والدتها او العمل
أظن ان الخطأ تشتركان به
لكن هذه نتيجة علاقة لا ترضي الله تعالى
و أحسن ما في الأمر أنك متفطن لمربط الفرس
و قناعتي ان في مواضيع الزواج خاصة إذا بدأ احد الطرفين أو كلاهما بالخروج عن الحد الذي رسمه الله تعالى فانتظر نتيجة سيئة

على كل عفا الله تعالى عنك اخي و عنا و عن سائر المؤمنين

[عبد النور مكي]

يا اخي ماراكش غالط و ماراكش ظالمها .... لكنها حبت تسيطر عليك من البداية و لوكان تنازلت كنت راح تعيش حياة كلها اهمال و تعاسة معاها

الحمد لله لجات هاك

شكرا..هذا كان راي والدي

[عبد النور مكي]

و علاه حطيت المعلومات هاذو كامل عليها

خص غير تكتب اسمها و نقمتها

بارك الله فيك على التنبيه..راني محيت المعلومات

[ميسون 1997]

انا جابلي ربي وعلى حساب ردها هي كانت باغيا تنهي العلاقة باسكو شرطتلك شروط انت كنت رافضهملها من قبل لكنها لقات حجة للانفصال وانت راك تعرف

[achwak crazy girl]

انا جابلي ربي وعلى حساب ردها هي كانت باغيا تنهي العلاقة باسكو شرطتلك شروط انت كنت رافضهملها من قبل لكنها لقات حجة للانفصال وانت راك تعرف
انا كنشااارك ختي ميسون 100/100

[دموع تائبة]

اهم الاشياء اللي يتناقش فيها كل امراة ورجل ناويين الحلال هيا حياتهم الزوجية كيفاش راح تكون
سواءا داخل البيت او خارجه
وانت وهيا 4 سنوات واش كنتو تحكو ؟؟؟؟؟؟؟؟
دركا وين عرفتو بلي هناك نقطة ماكمش متفاهمين عليها ؟؟؟؟؟؟
شفتي طريق المعصية وين يوصل ؟
انت راجل راح تلقى غيرها بسهولة
لكن هيا بنت ربي يهديها ولازم تطلب ربي يغفر ليها
4 سنوات من المعصية شيء كبير
ربي يهديكم ويجيبلكم لي فيه الخير

[رقيوع]

جابت بيك الوقت ههههههههههههههههههههههه حسنا ما فعلت مايش سيرو شوف غيرها كثير ولا تكرر نفس الخطا
المراة ادا بدات جيبلك حجج هكدا يا راهي في عينها واحد خلاف وما لقاتش كيفاش تليكيديك يا راهي جاتبت الوقت بيك الوقت وخلاص لانو المراة بنت الفامليا السيريو كي يجيها مكتوبها تفرح لانها رايحة تستر خاصة ادا جاها وليد فاميلية يحوس على الستيرة هو ثاني
امبصح راني نغلطك في حاجة كيفاش وانت معاها 4 سنين اتقي الله لا يجوز المرة الجاية حوس على الحلال وخليك من هادو العلاقات لي يوجعوا القلب وخلاص وراهو شر تهنيت منو ادعي الله راه يجيبلك الخير وين ما كان وهي نطلبولها الهداية والصلاح انشاء الله

[bouzidsaido]

اعتقد ان الحوار هو من سيخرجكم من هذه المشكلة........ليكن في علمك ان الزواج قسمة و نصيب...............ربي يجيبلكم الخير

[ما فهمت والو]

الغلطة تاعك اخي بكل صراحة من المفروض من الاول تقول شروطك و هي تقول شروطها توافقتو و قبلتو اللهم بارك ما قبلتوش كل واحد يحكم طريق من الاول مش بعد 4 سنين وزيد ترفض

[knives.55]

عادي جدا شوف اخري عادوا هربين من زواج حبين غير شارع وعلاقة حميمية