مشكلة صديقتي و زوجة ابيها 2

[مشكلتي]

http://www.djelfa.info/vb/showthread.php?t=1312170

صديتي لي عندها مشكلة مع زوجة ابيها

راني نراقب في الردود نتعكم و ديت بزاف افكرا نقولهملها

و اصلا مزال متلقيتتش بيها

يا ناس خافو ربي ممتتمسخروش

حبيت نشكركم على الردود ربي يحفظكم

[ام عبد السلام]

لا شكر على نصيحة
لكن من ملاحظتي الردود الاخيرة
تفتقر للتربية و الوعي
عيب عيب عيب
النصح بالتي هي احسن
ليس بالأسوأ
مثلا اللي تقول زكري فيها
راهي تزكر في باباها
و روحها برك
هي تزكر و الاخرى تزكر
نتيجة حتمية
خراب بيوت
نقولها انت مازالك
طفلة في عقلك ما عندكش خبرة
في الحياة
........
نورمالمو الردود في قسم مشكلتي
تكون فقط للاعضاء اللي سنهم اكبر من
24
علاجال كاين لمسار حياتو يبدلو
على اساس ردود
لازم تكون ردود مهذبة
تنصح بالود و الرحمة
لا تحرض على الزكارة و قلة الحياء
الإنسان الطيب يمشي بنيتو ربي يخرجو
""كما تدين تدان""
""من يحفر حفرة لأخيه يقع فيها""

[rma]

لا شكر على نصيحة
لكن من ملاحظتي الردود الاخيرة
تفتقر للتربية و الوعي
عيب عيب عيب
النصح بالتي هي احسن
ليس بالأسوأ

إذا راكي تشوفي هذا الردود تفتقر للتربية والوعي واش راه ديره مرة بابها واش تسميه تعامل إنساني
مثلا اللي تقول زكري فيها
راهي تزكر في باباها
و روحها برك
هي تزكر و الاخرى تزكر
نتيجة حتمية
خراب بيوت
في بعض الحالات و مع وحد النسا هاذا ما يليق لأنه لو كان بابها عادل مايسمعش غير لمرتو و يشوف حتى لبنتوا و لكن بعض الرجال الله يهديهم

نقولها انت مازالك
طفلة في عقلك ما عندكش خبرة
في الحياة
........
نورمالمو الردود في قسم مشكلتي
تكون فقط للاعضاء اللي سنهم اكبر من
24
ما تأخديش هذه الردود كأنها موجهة ليك لأنك زوجة أب و حاولي تشوفي الموضوع بحيادة لأنه كاين زوجات أب شردوا عائلات و بنات بأفعالهم
علاجال كاين لمسار حياتو يبدلو
على اساس ردود
لازم تكون ردود مهذبة
تنصح بالود و الرحمة
لا تحرض على الزكارة و قلة الحياء
الإنسان الطيب يمشي بنيتو ربي يخرجو

هذا الموضوع هاذي مدة وأنا نتابع فيه و حاولت نرد على هذا البنت من نيتي لأني شفت واش يدير خراب زوجة الأب القاسية على أبناء زوجها و لازم الواحد يتقبل أراء و ردود الجميع حتى لعندهم قل من 24 سنة
""كما تدين تدان""
""من يحفر حفرة لأخيه يقع فيها""
سال لمجرب ولا تسال الطبيب

[ام عبد السلام]

و الله كون طبقتي كلامك عليك

و كنت حيادية في الرد

لأنك اخذتيه على محمل شخصي

كأني نعرفك؟؟؟



و زيد اذا رد صغير في منتدى

يتسم بحرية إبداء الرأي

مع إحترام آراء الآخرين

بدون قلة أدب

دارلك هكا

الله يكون في عون اللي

عايشين معاك

ربي يصبرهم

[rma]

لللأسف بدون تعليق

[بثينة 123]

السلام عليكم ورحمة الله تعالى وبركاته
هذه البنت عندما توفت امها رحمها الله كان هذا الشيء صعبا عليها كثيرا وعندما تزوج ابوها على امها المتوفية كان هاذا اصعب من ذلك فما بالك ان كان يضربها دائما بسبب هذه المراة ما كفاش سرقتلها بابها وتزيد تعذبها هكذا وتشتكي منها لباباها وهذا الاب شفق على بنتو ؟ وخلاها معاه على جال كي يماها ماتت والله حرام وعيب عليه باباها يصدق مارتو ويكذب بنتو هذي الحاجة غير عادية ذرك الرجال راهم والعياذ بالله يعبدوا زوجاتهم اعوذ بالله

[السيدة كرمين]

إذا فرضنا أن كلام البنت صحيح لاه تحشم تقول لباباها ؟
أي شئ يحشم أكثر الهرب من البيت ولا أنها تتكلم مع باباها؟
كيف تقولي الأب يخاف من أولاده إذا كان يخاف ، تحكيلهم يحلوا
المشكل لكن بشرط يكونوا هاديين مع بابهم وزوجتوا
أو تشوف واحد باباها يحشم منوا وتقلوا كالجد أو العم أو إمام المسجد لي يصلي فيه
المهم فكرة الهربة قلها راح تثبت كلام زوجة باباك فيك وزيد
الشارع في ذئاب تقول ساعتها الرحمة يا زوجة الأب

* قلها تحكي معها وتحاول كيفاه تكسبها وتقفز شوية
مشي حاكمة زاوية وتبكي وتفكر في الهربة

[مريم الصابرة]

السلام عليكم اختي
اولا هذا وين قرت مشكل صديقتك وانا نقولها ربي معاك وربي وكيل مرت باباها هذي حرام عليها كاين ربي ما تخافوش واش نقولك قوليلها غنساي كامل الناس إنساي اللي راهي ديرو فيك معليش وكلي ربي كل ما باباها يضربها هي تدعي وتصلي وتروح تشد صلاتها وربي راح ينصرها اما الشارع فقلها محال محال محال لانو ثم الناس يقولو عندها الحق مرت باباها تتحمل وتعامل مرت باباها بعكس ما راهي هي تعامل فيها وشتفو ممكن قلبها يحن
انا نحس بها ولاد اخي راهم يمرو بالتجربة هذي مع مرت باباهم نقولهم وكيلكم الله
كان الامر إستمر هكذا وما رحموهاش وقلبهم ما لانش وربي يستجيبلها تكثر الدعاء من راي خير من تروح للشارع تروح تقدم شكوى في زوجة باباها وباباها صراحة لأانو ما يرحمش بنتو وما تدخلش للشرطة لالا تروح مباشرة لرئيس النيابة تكتب رسالة بخط اليد تحكي فيها كل شي ويستقبل نظن بالثلاثاء وتدخل عندو وتزيد تحكيلو وهي كان عندها جداها او خوالها يشدوها تقولو نقعد عندهم وراح يتخذ إجراءات صارمة انا نظن هذا حل خير من الشارع الف مرة وراهي قاصر يعني القانون يعاقب زوجة الأب وباباها أيضا قولها ربي معاك
اما الردود السخيفة نقولهم يا ناس ما تعزفوش على جراح الناس قل خيرا او لتصمت شكرا موفقة وإبقاي واقفة معاها وما تخليهاش تروح لطريق الشارع

[حمدا لله كثير]

يا اختي حنايا رانا مع والدتنا و نخدموا كلش في الدار

ياو قلها غير اخطيني و الخدمة قلها اخدمي تلقايها لولادك و لدارك غدوة هي الي كي تزوجي تخلا عليها

و اما المشاكل و الضرب والله خرام


و لازمها تقول لباباها و الصبر تم الصبر

ربي يجيبلها ولد لحلال الي يعوضها هدا ما ندعيلهها

[Assouma 93]

الله يخليك اختي طمنينا عليها مسكينة و انت متتخلايش عليها و جزاك الله الف خير