حاجتي عندك يا طالب الباكالوريا .. فلنساعد بعض!!

[الصفاوالمروة]

السلام عليكم و رحمة الله و بركاته

من قسم السنة الثانية علوم تجريبية جئتكم .. موعدكم انتم طلاب الباكالوريا هذا العام و غدا .. اما موعدي فبعد عام من الان .. ما اريده و اطلبه منكم ليس صعب و لا مجهِد و انما سهل يسير عليكم .. اتمنى من كل عابر بهذا الموضوع ان لا يبخل علي و على كل من يريد النجاح لنفسه و غيره بنصائحه و ارشاداته حول تجربة الباكالوريا اقول عنها تجربة نعم و لكل خبرته فيها .... فارجو منكم ارشادي عما ينفعني و و يدفعني نحو النجاح و خاصة التفوق
مثلا :: يوجد من يقول ان الاجتهاد من الصيف ضروري يعني دروس خصوصة في مواد علمية مثلا .. فلا ادري اين الصواب و ان كانت هذه الخطوة مهمة و انها لا تؤثر على اجتهادي خلال العام ( من ناحية التعب ...)
هذا مثال فقط اتمنى اجد الاجابة ...

انصحوني ارجوكم

[youcef 16]

أخي الكريم أهم نصيحة أقدمها لك لا تجهد ذهنك في التفكير بالبكالوريا بل استفد من عطلتك

[Catal0ni]

استفد من عطلتك في الراحة ولابأس من تطوير المستوى في اللغات بالانظمام الى مدارس

أماَ ان تدرس البرنامج في العطلة فلن يسبب لك الا الارهاق فصدقني الوقت سيسعك في العام الدراسي بادن لله

[amel alg]

استمتعي بعطلتك قدر الامكان..اما في العام الدراسي راجعي دروسك يوميا و لا تهملي اللغات

[RiDS]

يا ختي اذا قدرتي تحفظي ف الصيف احفظي الشريعة + اجتماعيات صدقيني تلقاي روحك ا لاز في العام الدراسي

[DrIfTeRMeSsI]

يا ختي باقيلك سنـــــــــــــــــــــــــة و حنا غدا

[الصفاوالمروة]

يا ختي باقيلك سنـــــــــــــــــــــــــة و حنا غدا

اعلم و اقدر وضعيتكم و حالتكم الان ... و انا وضعت الموضوع لعل و عسى ان يراه احد و يجيبني على السريع

و سيبقى تساؤلي مطروح في انتظاركم بعد امتحانكم ... وفقكم الله اجمعين و يسر لكم كل عسير باذنه تعالى

[الصفاوالمروة]

افيدوووووووووووووووووووووووووني

[wiwii_rock]

اقضي عطلتك لانه لن يكون لديك عطل خلال العام الدراسي و رتبي اوقاتك بالمراجعة كل يوم وعسى الله ان يوفقك

[الاحـ زهرة ـبة]

من ناحية الدرس الخصوصية في المواد العلمية في الصيف ما ننصحكش بيها
خلاص السنة صح ديري بصح في الصيف غير تعيي روحك
اما الحفظ ابداي من ضك خاصة التاريخ المصطلحات

[فوزي الفايز]

روحي ترقدي اختي

اخطيك

[amilas]

akhi ana ansahoka ana tartah 9alila apré ki yb9alak 1 moi la dokhol madrassi 9ra les matiere sientific w stp yla rak hab tanjah b mo3adal chbab 9ra man bidayat sana psq ana ndamt li ma9ritch man bidayat sana madabik ta d3ili bah njib bac

[moh-16]

ماانصحك به هو تحميل دروس 3ثانوي وشرح وملخصات والاستمتاع بالعطلة لان وفي عام الدراسي اقرا نورمال مي في وقت العطلة دير مراجعة واش قريت واوصيك بالتمارين واستفد اكثر من شهر الاخير من العام قبل الباكالوريا
ورتب وقتك

[عودة امل]

اختي متفكريش درك ولا تروحي تقراي وانما استمتعي بالعطلة نتاعك باش كي يجيك الوقت متمليش وراهم ياسر جربوها و تعبو......

[الصفاوالمروة]

akhi ana ansahoka ana tartah 9alila apré ki yb9alak 1 moi la dokhol madrassi 9ra les matiere sientific w stp yla rak hab tanjah b mo3adal chbab 9ra man bidayat sana psq ana ndamt li ma9ritch man bidayat sana madabik ta d3ili bah njib bac

اللهم اجعل النجاح حليفكو جميع المنتظرين
ملاحظة : جميع الافعال ظيفلها حرف التاء الدال على الانثى هههه

[shy'n]

الحفيظة
الحفيظة
والحفيظة
ثم راجعععع كللللش حتا صغيرة ما تخليها

[Sadinne]

السلام عليكم

اول شيئ هو انه يجب التحكم في دروس السنة الثانية جيدا و خاصة في المواد العلمية لانه يمكن القول ان السنة الثالثة تكملة فقط
بالنسبة للدروس الخصوصية في الصيف فهذا الامر يعود اليك ان كنتي تستفيدين منها فلما لا و لكن ان كانت فقط اهدارا للوقت فانا لا انصحك بها و ان اتبعتي دروس خصوصية فاعيدي كل ما تفعلينه في البيت لكي لا تضطري لاعادة هذه الدروس من جديد في بداية السنة

لا ترهقي نفسك بالسهر في العطلة نامي و ارتاحي على قد ما تقدري درك تشتاقيلو النوم هذا ههههه

الامر الذي بالنسبة لي في غاية الاهمية هو اللغات اذا كنت ضعيفة فانصحك بمحاولة تحسين مستواك من الان و الا اصبح لديك مشكل عويص مع بداية السنة لا اقول دروس خصوصية فقط حاولي تعلم الامور الاساسية اعيدي ما فعلتوه هذه السنة تعلمي بعض الكلمات غير باه تسلكي روحك بركا

مع بداية العام ستحسين بالاحباط نوعا ما لانك ستريدين الدراسة لكن لن تجدي ما تفعلي و هو امر عادي لانكم لم تدرسوا شيئ بعد فما تقاقيش روحك مع يبداو الدروس درك تشوفيها بلي بسيطة جدا و ما فيها والو بالعكس حلوة و شيقة جدااااا

من بداية العام فهمي روحك كيفاه حابا تقراي تنودي صباح و لا تصهري و تبعي هداك البروغرام من البداية ما تقوليش الثلاثي الثاني اها السمانة الجاية لازم توالفي من اللول كي ما يكونوش عندك بزاف دروس باه كي تعودي صح محتاجة انك تسهري و لا تنودي بكري تلقاي روحك موالفة و ما عندكش مشكل

اهم شيئ التلخيص لخصي في كلش و بيدك ماشي نتع الانترنت و الفوتو كوبي اكتبي انت في ملخص خاص بك انت صدقيني رح يساعدوك بزاف خاصة لمل يقرب الامتحان درك نحط ملخصاتي هنافيهم حوايج ملاح في الرياضيات و الفيزياء هزي القوانين و البيانات و كي تلقاي فكرة جديدة في تمرين اكتبيها في ملخصاتك بش تشفاي عليها

الاجتماعيات انصحك تحفظي بطريقة الخائط الذهنية و الله ممتعة و تسهل عليك يعني درس في 2 وراقي في الكراس خريطة ذهنية وحدة و التواريخ ديريهم في بطاقات من جهة التاريخ و من الوراء الحدث اللي صرا فيه و دريها لعبة وين تقعدي اجبدي عاوديهم و اي حااجة تحفظيها من كتاب و لا كراس خاطيك عاودي اكتبيها بيدك و افظيها من كراسك و ما تقوليش نخلي الثلاثي الثاني اها الثلاثي الثالث عنذك فرض احفظي عندك اختبار احفظي راح تعاونك بززززاف مبعد و احضري في القسم حتى الشريعة و الاجتماعيات الحفظ الاعمى معندو حت معنى

العلوم الدرس الدرس و ثم الدرس ما لازم تروحلك فيه حتى فكرة اذا ما فهمتيش حاجة صقصي ابدا ما تحشمي من السؤال هذا العام يقولو وش يحبو انت حاجة ما تفوتك ديري كناش صغير كي تقراي حطيه بحذاك وين ما تفهميش حاجة اكتبيها بش مل تنسايهش السؤال الي يبانلك تافه هو اللي يقدر يضيعك في الباك كي تدخلو المناعة حطي بالك مليح و ديما عاودي وش درتي في القسم و لا الدروس الخصوصية في الدار و كي تكمل الوحدة لخصيها و حلي اكبر عدد ممكن من التمارين فيها

الرياضيات و الفيزياء نفس الشيئ حلي بزاااااااف ااتمارين الفيزياء انصحك بالكتاب المدرسي تمارينه روعة اما الرياضيات فانا لم استعن الا بالدروس الخصوصية استاذنا رووووووووووووعة ساضع سلاسل تمارينه هنا هي جدددد مفيدة

و اهم شيئ ما تغطيش الشمس بالغربال اذا ما تعرفيش مادة اقرايها وحدك في الدار موش تفهمي في القسم ولا في الكور و تقولي انا فهمت خلاص و لا تقولي لوكان نقراها يطيحلي المورال وراها وراها حت ان شاء الله تولي ممتازة

الفلسفة...الكثير يهولها و يرجعها علم فلك و الله ما فيها حاجة المنهجية و ثم المنهجية اولا ثم هي ليست سوى علاض اراء اشخاص و نقدها و ما كي راح تكتاشفي ماكي راح تختارعي فقط تحفظي و تحطي لككككككككن مع الفهم
انصحك بالسامي و بالكتاب المدرسي لن تستعملوه في القسم لكنه مفييييد جداااا لا تحفظي المقالات احفظي حجج كل طرف في شكل نقاط + مقولات و اكتبي باسلوبك الخاص لا تريها كسبب للرسوب بل كفرصة للنجاح فهي مادة جديدة لا تحتاج مكتسبات قبلية و لا اي شيئ و صدقيني ما ان تفهميها في البداية ستتعودين عليها

من الان حملي ما تحتاجين من الانترنت اول شيئ بكالوريات الاعوام السابقة و في بداية الدراسة ما تكثريش من الاوراق و السلاسل و..... ما اديريش فوتو كوبي على سلسلة تمارين حتى تحلي الي راهي عندك من قبل هكا بش ما تكثريش الوراقي في الزهر

و اعيد و اكرر الملخصات و التمارين مهمة جدااااا لانه راح تساعدك بزاف خلاص و لانه ما علابالكش وش رح يصرى مبعد انا زعما كنت ممتازة نجيب 17 توفات ماما قبل الباك باسبوعين مي كي تحصرت لقيت ملخصاتي

و بش يعود يكفيك الوقت من البداية في الدار كي نحلي تمرين ديري ورقة حلي فيها على اساس ورقة اجابة و ورقة للمحاولات و هكذا بش تتعودي تجاوبي من البداية نحلي مباشرة في ورقة الاجابة و يكفيك الوقت صدقيني اذا والفتي تخدمي هكا يكفيك الوقت و يفضل يعني الحاجة الي تعرفيها يكفيك الوقت اديريها و الحاجة اللي ما تعرفيهاش يكون عندك شوية وقت تخمي فيها

المهم نحبس من الهدرة كثرت هههههه اذا لحتجتيني في اي حاجة راني هنا درس تمرين ملخص نصيحة.... تحبي حتى الفايسبوك و ال***** لاني مريت بهذه الفترة و مع اني كنت ممتازة كنت تبانلي صعيب و ما نقدرش و و و و و...

ان شاء الله ربي يوفقك

[Sadinne]

اريد اضافة شيئ القهوة و الشاي و وو و و و ....لا حاجة لها و خاصة مع بداية السنة ان اردتي السهر نامي من 18 حتى 20 تستطيعين السهر حتى 3 صباحا و انا شخصيا انصحك بالنوم باكرا و الاستيقاظ باكرا من بداية السنة هو احسن

و ارجو ان اكون قد افدتك بهذه النصائح

[الصفاوالمروة]

السلام عليكم

اول شيئ هو انه يجب التحكم في دروس السنة الثانية جيدا و خاصة في المواد العلمية لانه يمكن القول ان السنة الثالثة تكملة فقط
بالنسبة للدروس الخصوصية في الصيف فهذا الامر يعود اليك ان كنتي تستفيدين منها فلما لا و لكن ان كانت فقط اهدارا للوقت فانا لا انصحك بها و ان اتبعتي دروس خصوصية فاعيدي كل ما تفعلينه في البيت لكي لا تضطري لاعادة هذه الدروس من جديد في بداية السنة

لا ترهقي نفسك بالسهر في العطلة نامي و ارتاحي على قد ما تقدري درك تشتاقيلو النوم هذا ههههه

الامر الذي بالنسبة لي في غاية الاهمية هو اللغات اذا كنت ضعيفة فانصحك بمحاولة تحسين مستواك من الان و الا اصبح لديك مشكل عويص مع بداية السنة لا اقول دروس خصوصية فقط حاولي تعلم الامور الاساسية اعيدي ما فعلتوه هذه السنة تعلمي بعض الكلمات غير باه تسلكي روحك بركا

مع بداية العام ستحسين بالاحباط نوعا ما لانك ستريدين الدراسة لكن لن تجدي ما تفعلي و هو امر عادي لانكم لم تدرسوا شيئ بعد فما تقاقيش روحك مع يبداو الدروس درك تشوفيها بلي بسيطة جدا و ما فيها والو بالعكس حلوة و شيقة جدااااا

من بداية العام فهمي روحك كيفاه حابا تقراي تنودي صباح و لا تصهري و تبعي هداك البروغرام من البداية ما تقوليش الثلاثي الثاني اها السمانة الجاية لازم توالفي من اللول كي ما يكونوش عندك بزاف دروس باه كي تعودي صح محتاجة انك تسهري و لا تنودي بكري تلقاي روحك موالفة و ما عندكش مشكل

اهم شيئ التلخيص لخصي في كلش و بيدك ماشي نتع الانترنت و الفوتو كوبي اكتبي انت في ملخص خاص بك انت صدقيني رح يساعدوك بزاف خاصة لمل يقرب الامتحان درك نحط ملخصاتي هنافيهم حوايج ملاح في الرياضيات و الفيزياء هزي القوانين و البيانات و كي تلقاي فكرة جديدة في تمرين اكتبيها في ملخصاتك بش تشفاي عليها

الاجتماعيات انصحك تحفظي بطريقة الخائط الذهنية و الله ممتعة و تسهل عليك يعني درس في 2 وراقي في الكراس خريطة ذهنية وحدة و التواريخ ديريهم في بطاقات من جهة التاريخ و من الوراء الحدث اللي صرا فيه و دريها لعبة وين تقعدي اجبدي عاوديهم و اي حااجة تحفظيها من كتاب و لا كراس خاطيك عاودي اكتبيها بيدك و افظيها من كراسك و ما تقوليش نخلي الثلاثي الثاني اها الثلاثي الثالث عنذك فرض احفظي عندك اختبار احفظي راح تعاونك بززززاف مبعد و احضري في القسم حتى الشريعة و الاجتماعيات الحفظ الاعمى معندو حت معنى

العلوم الدرس الدرس و ثم الدرس ما لازم تروحلك فيه حتى فكرة اذا ما فهمتيش حاجة صقصي ابدا ما تحشمي من السؤال هذا العام يقولو وش يحبو انت حاجة ما تفوتك ديري كناش صغير كي تقراي حطيه بحذاك وين ما تفهميش حاجة اكتبيها بش مل تنسايهش السؤال الي يبانلك تافه هو اللي يقدر يضيعك في الباك كي تدخلو المناعة حطي بالك مليح و ديما عاودي وش درتي في القسم و لا الدروس الخصوصية في الدار و كي تكمل الوحدة لخصيها و حلي اكبر عدد ممكن من التمارين فيها

الرياضيات و الفيزياء نفس الشيئ حلي بزاااااااف ااتمارين الفيزياء انصحك بالكتاب المدرسي تمارينه روعة اما الرياضيات فانا لم استعن الا بالدروس الخصوصية استاذنا رووووووووووووعة ساضع سلاسل تمارينه هنا هي جدددد مفيدة

و اهم شيئ ما تغطيش الشمس بالغربال اذا ما تعرفيش مادة اقرايها وحدك في الدار موش تفهمي في القسم ولا في الكور و تقولي انا فهمت خلاص و لا تقولي لوكان نقراها يطيحلي المورال وراها وراها حت ان شاء الله تولي ممتازة

الفلسفة...الكثير يهولها و يرجعها علم فلك و الله ما فيها حاجة المنهجية و ثم المنهجية اولا ثم هي ليست سوى علاض اراء اشخاص و نقدها و ما كي راح تكتاشفي ماكي راح تختارعي فقط تحفظي و تحطي لككككككككن مع الفهم
انصحك بالسامي و بالكتاب المدرسي لن تستعملوه في القسم لكنه مفييييد جداااا لا تحفظي المقالات احفظي حجج كل طرف في شكل نقاط + مقولات و اكتبي باسلوبك الخاص لا تريها كسبب للرسوب بل كفرصة للنجاح فهي مادة جديدة لا تحتاج مكتسبات قبلية و لا اي شيئ و صدقيني ما ان تفهميها في البداية ستتعودين عليها

من الان حملي ما تحتاجين من الانترنت اول شيئ بكالوريات الاعوام السابقة و في بداية الدراسة ما تكثريش من الاوراق و السلاسل و..... ما اديريش فوتو كوبي على سلسلة تمارين حتى تحلي الي راهي عندك من قبل هكا بش ما تكثريش الوراقي في الزهر

و اعيد و اكرر الملخصات و التمارين مهمة جدااااا لانه راح تساعدك بزاف خلاص و لانه ما علابالكش وش رح يصرى مبعد انا زعما كنت ممتازة نجيب 17 توفات ماما قبل الباك باسبوعين مي كي تحصرت لقيت ملخصاتي

و بش يعود يكفيك الوقت من البداية في الدار كي نحلي تمرين ديري ورقة حلي فيها على اساس ورقة اجابة و ورقة للمحاولات و هكذا بش تتعودي تجاوبي من البداية نحلي مباشرة في ورقة الاجابة و يكفيك الوقت صدقيني اذا والفتي تخدمي هكا يكفيك الوقت و يفضل يعني الحاجة الي تعرفيها يكفيك الوقت اديريها و الحاجة اللي ما تعرفيهاش يكون عندك شوية وقت تخمي فيها

المهم نحبس من الهدرة كثرت هههههه اذا لحتجتيني في اي حاجة راني هنا درس تمرين ملخص نصيحة.... تحبي حتى الفايسبوك و ال***** لاني مريت بهذه الفترة و مع اني كنت ممتازة كنت تبانلي صعيب و ما نقدرش و و و و و...

ان شاء الله ربي يوفقك

ربي يخليك اختي و الله ستفيدني نصائحك و اسعدني ردك يعني باينة حابة تعاوني و ربي يجازيك خير و عظم الله اجرك في والدتك "اللهم ارحمها و اسكنها فسيح جناتك" ... شكرا كثيرا و الله اعطيتني طاقة من اجل الدراسة باطمئنان ... انا كذاك معدلي 17 و اريد ان اتميز في الباك .. و ان شا الله ستكونين لي المرجع ان لم يظايقك هذا الامر
اجدد شكري لك .. وفقك الله

[الصفاوالمروة]

اريد اضافة شيئ القهوة و الشاي و وو و و و ....لا حاجة لها و خاصة مع بداية السنة ان اردتي السهر نامي من 18 حتى 20 تستطيعين السهر حتى 3 صباحا و انا شخصيا انصحك بالنوم باكرا و الاستيقاظ باكرا من بداية السنة هو احسن

و ارجو ان اكون قد افدتك بهذه النصائح

في هذه ماتخافيش اصلا اعشق النوم ههه نقبل نرقد و ماناكلش نعيش عادي ( اكيد مش ممكنة نضحك برك )
بصح وش تقترحي المراجع المفيدة في المواد الاساسية ؟؟؟؟؟؟
رحت للمكتبة لقيت وشحال من عنوان و مش عارفة شكون الي فيه الفايدة ممن هو تجاري ؟

[mohamed jsk]

choufi doka f sif rayhi rouhak 1 tik apri ki tadokhlo ta9raw apday balmawad nta3 fhama rakzi 3lihom w ki yab9awlak 2 mois abday tahafdi tkon ba9yatlak ghir lahfiiida et rabi ywaf9ak

[ماروكو رورو]

صاحبة الموضوع ...والله طليتيلي على قلبي بموضوعك هذا..كنت راح نكتب واحد كيفو و لمزية شفت تاعك قبل..بارك الله فيك...راني كيفك بعد

و الاخت سادين ربي يجازيك كل خير راني استفدت بزاف من النصائح تاعك بارك الله فيك...و شكرا جزيييييييييييييلا لك (و عظم الله اجرك في امك ..اللهم ارحمها و اغفر لها)

[الصفاوالمروة]

صاحبة الموضوع ...والله طليتيلي على قلبي بموضوعك هذا..كنت راح نكتب واحد كيفو و لمزية شفت تاعك قبل..بارك الله فيك...راني كيفك بعد

و الاخت سادين ربي يجازيك كل خير راني استفدت بزاف من النصائح تاعك بارك الله فيك...و شكرا جزيييييييييييييلا لك (و عظم الله اجرك في امك ..اللهم ارحمها و اغفر لها)

القلوب عند بعضاها اختي الملقبة بماروكو ههه .. هانا نشتركوا في نفس الهدف ... و الاخت هاهي نفعتنا

[Sadinne]

السلام عليكم

الحمد لله اني نفعتكم شوية و ارجو اني نكون اجبت على بعض تساؤلاتكم

و الله يا اختي انا في الخدمة 24/24 و شرف ليا اني نعاونكم و لو بنصيحة لاني انا تاني مريي بهذه المرحلة و كنت محتاجة لمن يرشدني فانا اعرف هذا الشعور فاذا كان عندك اي تساؤل انا هنا :19:

اما بالنسبة للمراجع فساذكر التي اعتمدت عليها انا و التي اعتمد عليها زملائي كذلك

اول مرجع هو البكالوريات السابقة لازم تحلوها و تفهموا الافكار الي فيها و ما تقلقوش رواحكم و تقولوا بدلوا المنهجية و يمشي و يصعاب بكالوريا السنة صعبة نوعا ما لكنها ليست تعجيزية الي يقرا يسلك روحو يعني باك وش تحبوه اجب اربط الاجابة مع السؤال الموافق لها -____-

الفلسفة انا مثلما قلت سابقا اعتمدت على السامي عاوني بزاااااااف راهو كاين زوج واحد قديم و صغير شوية و واحد جديد حجمو كبير انا اعتمدت على القديم كنت نتعلم منو كيفاه نكتب و نهز منو الحجج و المقولات من المقالات الي فيه و الكتاب المدرشي حت هو مفيييييد جداااا يشرح الدرس و فيه امثلة و مقولات تقدري توظفيها ان شاء الله كي تبداو تقراو و نعتلكم كيفاه اديرو معاها بش تفهموني

الاحتماعيات اعتمدت على محمودي عادل كتاب الدروس و كتاب المصطلحات و الشخصيات الدروس حفظت من الكراس اكني استفدت منو في المصطلحات الشخصيات و التواريخ...انت زيدي شوفي كشما يمدلك الاستاذ خير ولا في الانترنت لانه في الموضوع 2 السنة وردت شخصية غير موجودة في محمودي عادل...يعني الواحد يحتاط

اللغة العربية عانيت معاها موش لانها صعبة لكن جاتنا مستخلفة لو كان قرانا كاش طلاب موش هكا لكن كنت ساعتمد على الموجه في اللغة العربية عجبني بزااااف لكن مع شريتو مرضت ماما فيعني ما قريتش منو ذرك نطل عليه مليح و نردلك بالخبر

الفيزياء صدقوني راهو ما فيها والووووو و حلوة اخر و الوحدات يتشابهو ابتداءا من التحولات النووية نفس الخدمة غير يتبدلو الاسماء انا حقيقة لم اعتمد على مرجع خارجي اعتمدت على الكتاب المدرسي و نقول و نعاود الفيزياء الكتاب المدرسي راهو يطير و ينزل تمرين الباك منو بالعكس اسهل اشتريت الهباج كذلك لكن لم اعتمد عليه كذلك اختي يقولو فيه غلطات لكن انا لا انفي و لا اثبت هههه ان شاء الله كي تبدا القراية صقصي الاستاذ تاعك و كذلك اعتمدت على تمارين استاذ الدروس الخصوصية سارفعها هنا ان شاء الله و حوليات بها حلول بكالوريات الرياضيات و التقني رياضي سارفع غلافها الخارجي مفيييييييييييييييييدة جداااا الكثير اعتمدوا على الزاد كذلك و قالوا انه مفيد و تمارينه هادفة و الله اعلم و الوحدات و الحسابات الصحيحة مهممممممممممممممممممممممممممممة جداااااا قد تجيبين بطريقة صحيحة و تغلطي فالحساب و لا في الوحدة تولي كلي ما درتي والو من البداية تعلمي تستعملي الحاسبة و اذا ما عرفتيش صقصي الاستاذ ما تحشميش

العلوم اول شيء الدرس لازم تفخميه مليون بالمئة حاجة ما تفوتك ثم احمد امين ال خليفة فيه الكثيييييير من التمارين اول تمرين شوية يخوف لكن لا تتراجعي مثل ما فعلت بانتلي معقدة وووو....حلي و اغلطي و ابزي حتى تشبعي مع الوقت تعودي ان شاء الله تحلي كل تمارينه صحيحة و في الدروس الخصوصية ابحثي عن استاذ يعطي منهجية الاجابة المشكل في العلوم ليس المعلومة لكن فهم السؤال و كيفية تقديم الاجابة للمصحح و كذلك يجب ان تعرفي الاجابة عن الاسئلة المطروحة في الكتاب على شكل انشطة و ان تستطيعي التعرف على جميع الوثائق المقدمة بالمجهر الالكتروني و تحليلها و ان شاء الله ساضع نصائح استاذي هنا فهي مفيدة جداا

الرياضيات مثل ما قلت استاذ الدروس الخصوصية كان....رووووووووووووووووعة كنت لا علاقة وليت الله يبارك ههههه افهمي مليح الدرس و حلي البكالوريات السابقة اولا ثم سارفع سلاسل تمارينه فيها افكار كثيييرة و مفيدة ااعتمدت عليها و على البكالوريات فقط اما الكتب الخارجية فلا دراية لي بها حتى نشوف مع صحاباتي اذا استعملوها

العلوم الاسلامية اشتريت الوافي من اجل شرح الايات نصحتنا به الاستاذة لكن لم استعمله لانني موفقة في شرح الايات باسلوبي بناءا على ما فهمت من شرح الاستاذة عليها نقولك احضري و تبعي الاستاذ

اللغات و الله لا علم لي بالكتب الخارجية فانا و الحمد لله ممتازة فيها و لم احنج يوما اليها لذلك ان شاء الله ساقوم بوضع شرح جميع الكلمات التي ستحتاجونها و الفقرات....يعني الي قدرت نعاون بيه راني ما نبخلش عليكم خاصة العطلة عندي الوقت الي تحتاجوه ما تحشموش

نصيحتي ليك ما تشري حتى كتاب ذرك و ما تبدايش تحفظي من درك و ما تخلعيش كي تحفظي للامتحانات مبعد ساهل باش تحفظي للباك انا الشريعة بسبب ضروفي و الله حفظت قبل ما نروح نعقب كي كملت العربية رحت نخفظ الشريعة و الحمد لله معولة على الاقل على 16 ان شاء الله

انا شريت الكتب الخارجية اول اسبوع في الدراسة شريت السامي ظهر السامي جديد شريت احمد امين ال خليفة ظهر واحد جديد....و هكذا اصبري شوية حتى يجيبو المكاتب كتب جدد و لا يديرو معارض الكتاب و اشري على الاقل تكون كتب جديدة و تكوني عمبالك بواش كاين في البرنامج و واش تحتاجي يعني ما تشؤيش هكاك عاى عمى

هذه هي نصيحتي ليكم نتمني تكونوا استفدتو منها مع اني نهدر بزاف مي نحب الديتاي هههههه و اكرر اي سؤال او استفسار راني حاضرة ما كان حتى مشكل

[الصفاوالمروة]

شكرا اختي Sadinne ربي ينجحك ان شا الله