مشكلتي

[مشكلتي]

السلام عليكووم


حبيت تنصحوني واش ندير مع حكايتي لي ما لقيتلها حتى حل


شوفو أنا وخطيبي نتعارفو هادوا 7 سنين ملي كنت نقرا ف ليسي كان يحبني هبال وأنا ثان نحبو هبال من بعد كمل قرايتو وراح لصحراء يخدم ملتم تبدل معايا هو طبيعتو كان غيور بصح كي راح ولا يغير كثر وكثر ولغيرة تاعو وصلت إلا حد لا يحتمل نمدلكوم أمثلة على لغيرة تاعو
كملت قرايتي وكنت حابة نكمل لماستر ماخلانيش رغم انو الوالد تاعي كان حاب نكمل ماستر وشجعني بزاف باش نكملو مي خطيبي مخلانيش
كي يكون عدنا عرس نقولوا نروح مع ماما ما يخلنيش وكي رحت الخطرة لي فاتت عند عرس تاع فاملتي مخلالعيش وأنا ما قدرتش نقول لماما لالا مسكينة شحال وهي تحلل فيا من بعد كي رحنا جابو مغني راجل كي كلمني سمعوا يغني ماخلاليش نتوما كفار فاميليا تاع كفار يماك ما تحشمش تدعيكوم للعرس أنا ما نكذبش زعفت ورجعتلو قلتلو وذا حنا كفار مام نتوما كفار لخاترش مام يماك راحت لعراس غناو فيهم رجال
نقلوا نخرج مع ختي مايخلينيش يقولي ماهيش متحجبات ماتخرجيش معاها وإذا تكلمني فتلعيفون يزعف يقلي واش تهدري معها
كي كنت نقرا ولازم ندير أستاذ مشرف للميموار قالي لازم مرا سينو ما ديريش رغم أني لقيت صعوبات باش ندير استاذة مرا
نخرج مع ماما غير بسيف باش يخليني
قلتلو خليني نخرج مع ماما وختي باش نبدا نشاور لخاترش لعرس قريب قالي روحي مع باباك قلتلو بابا مايحبش نهار كامل في سواق قالي مالا ما تروحيش كامل
وهذا كامل وكامل واش ندير على جالو وفي الأخير يقولي ماشي شابة لوكان ماشي أنا تبقاي بايرة ماتوسليش لخياتي كامل هوما خير منك وحاجات بزاف يجرحوا بزاف من بعد كي يروحلو زعاف ويولي نورمال يقولي سمحلي بصح أنا يكون جرحني خلاص
ومن جهة أخرى علا بالي بلي يحبني ويحب يفرحني وحاجة ما يحب يخليهالي في قلبي أي حاجة نحبها ويقدر عليها يديرهالي
والله وليت برك باش نخرج حتى نخاف من خيالي راني مغمومة ومكاش معامن نهدر لخاترش لوكان نحكي لماما تقولي حبسي معاه
صح أنا عقلي يقلي ميستاهلكش حبسي معاه تستحلي خير منو مي قلبي ميخلينعيش نقوم بهاذ الخطوة نموت عليه وعلى بالي مانقدرش نعيش بلا بيه
اسكوا مور زواج يتبدل وذا يبقا هاكا والله ماعلابالي واش ندير لعرس راح غير يقرب وقلبي دوك يخرج ملخوف
ساعدوني بليز واش ندير

[sirin_25]

صحيح يقولو أنو الغيرة الزايدة تسبب مشاكل في العلاقة بين الخطيب و الخطيبة

و نظن بلي البعد هو السبب عاد يخاف عليك بزاف ..... بصح تجاوز حدودو كي هدر بالطريقة هاديك كي رحتي للعرس و خصوصا على أمك كان لازم يفهمك و يوصلك وش راهو حاس بطريقة أخرى ممكن تكون طول مدة الخطوبة "7 سنين ماهيش قليلة راهي عشرة " صافي ماكانش حدود بيناتكم و انت تعرفيه مليح بلاك كي يتنارفا يولي ما يكونطروليش واش يهدر ... لا أدري

أما احتمال أنو يتبدل من ورا العرس و يرجع كيما كان ممكن جدا على خاطر راحا تولي مرتو و مام يبعد ما يخافش عليك بزاف بصح نصيحتي ليك لازمك تخلى الثقة العمياء بيناتكم جامي تشكي فيه ولا تخليه يشك فيك

ربي يهنيكم و يرزقكم الذرية الصالحة ان شا الله

[raja2388]

انا اضن انو المسافة اللي بيناتكم بحكم عملو هي اللي خلات غيرتو تزيد و في الاخير انتي قلتي انك تحبيه و تموتي عليه مالا استحملي غيرتو يا اختي و حاولي تخففيها و تحسسه انها من غير سبب لاني قاعدة نشوف انك قاعدة تعملي في العكس اللي يخليه يغير اكتر كمتال العرس اللي رحتيلو و راجل يغني اي راجل ميعجبوش الحال

[{ حديث الوجدان }]

أنصحك باستخارة ربك في هذا الرجل

أعانك الله على ذلك

[سراب06]

السلام عليكم .
أختي هل بينكما عقد شرعي حتى تطيعي ذلك الخطيب إلى
درجة أنك تعصين والدك ولا تكملي دراستك؟
إذا الإجابة لا فأنت من عوده التدخل فيك إلى أبعد درجة
وإذا كان هناك عقد شرعي فله حق الطاعة في غير معصية الله طبعا .
ألم تلاحظي معي أن الحب المحترم والحقيقي لايكون إلا بعد الزواج وأن ماعدا ذلك مجرد أوهام والنتيجة هي هي
على الأقل يكون في مرضاة الله عسى أن تكون المشاكل أقل .
بالنسبة لسؤالك حول هل يغير أم لا بعد الزواج الأغلبية تقول نعم سيتغير وتقل حدة الغيرة لديه لانك أمام عينيه
رب يهنيك ويتمملك بخير

[الأميرة ميمي]

نصيحتي اليك الاولى والتانية والاخيــــــــرة صلي صلاة الاستخارة ,,,,,,, فربي صبحانو هو لي يبيلك طريقك
وقومي ليل ودعي ربي يبيلك طريقك

[imi02i]

أختي : الغيرة الزائدة على حدها تؤدي إلى الشكوك
فإذا لم يكن يشك في أمرك فلا داعي لإعطاء الموضوع أكثر مما يستحق، لربما بحكم المسافة البعيدة هو يتصرف هكذا، أو بسبب مخالطته للفرد الصحراوي (المتحفظ كثيرا)
والله تعالى أعلى وأعلم

[عائشة07]

اولا انصحك بالاستخارة ولا تتوقفي عنها حتى يتم الزواج او العكس
حسب ما تكلمتي عنه فرايي انه لا يثق في النساء بصفة عامة يعني لا يثق فيك انتي كذالك فبتالي ليست (غيرة زائدة )
الثقة=الاحترام وهما اساس الحياة الزوجية فيجب ان تتاكدي من ثقته فيك جيدا
وفقك الله

[amine eco]

انت درتي روحك في سجن كل هذه المدة انا لا اعتبرها غيرة اعتبرها فقدان الثقة واشك في مشاعره اتجاهك لانه لو كان يحبك هبال كيما راكي تقولي يدير فيك ثقة عمياء اما بعد الزواج انا غير متفائل تحسن الاحوال صراحة .....لكن مع وقت ممكن يتفهم الامور شوية ...ربي يقدرك انشاء الله

[أمة الله 12]

أختي وشي الهانة هاذي!!!!!!!!!!!!!!!!!!

شوفي أنا من الشوك تاع كون ميشو هو تبقي بايرة, نسيت واش كتبتي لكل,

و كون في بلاصتك نرميلو خاتمو في وجهو و قليل فيه

الغلطة غلطتك انتي و فاميلتك اللي قبلتو بخطبة 7سنين

[حفيظة 1]

أنصحك باستخارة ربك في هذا الرجل

أعانك الله على ذلك




نفس الكلام:19:

[wafa16]

"ماشي شابة لوكان ماشي أنا تبقاي بايرة ماتوسليش لخياتي كامل هوما خير منك وحاجات بزاف يجرحوا بزاف"
c'est grave 7anouna !!!!!

[imanewafa]

صراحة انا مندهشة لقولك ان خطيبك يحبك كثيرا ما هذا الحب الذي يطيح من قيمة المراة و الذي يمحو كرامتها
الزواج اساسه الاحترام المودة و الحب الطاهر الذي يزداد مع العشرة
انا فعلا محتارة لما اقراه عن علاقة الخطيب بخطيبته فهناك من يشتمها و يشتم عائلتها و تقول انا راني صابرة
انا اتذكر فترة خطوبتي لم اعطي فرصة لخطيبي حتى لا يتجاوز حدوده في الكلام معي و بعد الزواج بقي ذلك الاحترام سائدا بيننا و حتى بعد 12سنة زواج لم ينقص حيائي امام زوجي مما يجعل حديثه معي دائما باحترام و هدوء

[رزان حياة]

ادا خيروك بين زوج يحبك ولا يقدرك وزوج يحترمك ولا يحبك فاختاري الثاني لان العشرة الطيبة تولد الحب ولكن عدم الاحترام والتقدير سيقضي حتما عن الحب

[Assouma 93]

ecoute moi ma soeur ida mazel ma3kadtich m3ah machi men 7a9ah yeddakhal fik mazalek 3and ahlek w la jalousie ki tzid 3la 7adha tan9leb l dhadha mais malgré ça sa3fih wach diri yak 9olti n7abeh hbal