abou hithem
2009-05-07, 03:17
اعرف الشعر النبطي واعرف حامد زيد ولكني لست مستمعا جيدا لهذا النوع من الشعر مع انه يعجبني كثيرا لما فيه من تصوير وخيال ، وقد نقلت لك هذه القصائد من مواقع اخرى اتمنى ان تعجب كل من قراها مع شكري لك على هذه المشاركة
" الجمهرة "
إي بالله أخطو والخطا اللي جابهم عين الصواب,,,,,,,,,,,
,,,,,,,,,,, مبطي وأنا أشوف الطمع يكشف زادهم وأستره
مايملي عيون الحسود بهالزمن غير التراب,,,,,,,,,,
,,,,,,,,,,,,ومن لايتوب من الخطا تحرم عليه المعذرة
اللي من أولها خراب أكيد تاليها خراب,,,,,,,,,,
,,,,,,,,,,والبندق اللي ماتثور بهدفها تذعره
ودك ليا من جاتك الغلطة من الناس القراب,,,,,,,,,,
,,,,,,,,,,الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب,,,,,,,,,,
,,,,,,,,,,قلطتهم صدري على ذكرى قصيد وحنجرة
صوتٍ يصول منبره وخطاب مامثله خطاب,,,,,,,,,,
,,,,,,,,,,والطيبة اللي زعزعت صوت الخطيب ومنبره
مافي دمعٍ صوبوه أحبابي بوجهي وخاب,,,,,,,,,,
,,,,,,,,,,ولا زرق حزني على غالي ولا فج أنحره
كل الزهاب اللي معي ذكرى من أصحاب الزهاب,,,,,,,,,,
,,,,,,,,,,واللي بقا لي من عذاب أشرس طريقي وأخطره
لأني تجنبت الغرق, عديت من فوق السحاب,,,,,,,,,,
,,,,,,,,,,لأن أكثر أصحابي ورق ماشفت للطيب ثمره
والله ماحطيت بين الحقد والخوة حجاب,,,,,,,,,,
,,,,,,,,,,حتى غدو ربعي يحدوني على الضيق أشكره
البارحة ثارت علي أرقاب و آوتني أرقاب,,,,,,,,,,
,,,,,,,,,,البارحة وياثقل دم البارح ويامحقره
أثر المصايب ماتجيك إلا من الناس القراب,,,,,,,,,,
,,,,,,,,,,وبهالزمن حتى الخوي اللي تثق فيه إحذره
هٌب ياوجه الحسد وشلون جمعهم وغاب,,,,,,,,,,
,,,,,,,,,,كيف السنين اللي عطتني بعثرتهم بعثره
لابارك الله في رقيقٍ تزعله كلمة عتاب,,,,,,,,,,
,,,,,,,,,,ولاجمع الله الرجال اللي تفرقهم مره
الصاحب اللي مايجي من صحبته غير العذاب,,,,,,,,,,
,,,,,,,,,,نذرٍ علي إن ماهجرني ولا أنا اللي بهجره
من يفتح لفرقاي باب أفك له عشرين باب,,,,,,,,,,
,,,,,,,,,,وإذا خويي مايقدر خوتي ما أقٌدره
عودت نفسي كل ماشددت لليمه ركاب,,,,,,,,,,
,,,,,,,,,,ماصدد وجهي عن طموح إلا لياجبت خبره
إن روٌحو فأنا بريء منهم ليوم الحساب,,,,,,,,,,
وإن جرٌحو قولو لهم ماحركو فيٌ شعره
شفهم لهم حول السنة ولا خذو مني جواب,,,,,,,,,,
,,,,,,,,,,أحسن دوا للي يستفزك تحقره
ماكنت أحاتيهم صغير, عاد أحاتيهم شباب,,,,,,,,,,
,,,,,,,,,,الصاحب اللي مأذخره لليوم الأسود ما أذخره
شفني جمٌعت أوراقهم بكتاب وأغلقت الكتاب,,,,,,,,,,
,,,,,,,,,,ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب,,,,,,,,,,
,,,,,,,,,,واللي ماهو بقد الظلام و وحشته لايسهره
عقب إكتئاب البارحة ماعاد أنا حمل إكتئاب,,,,,,,,,,
,,,,,,,,,,الطيب جرجرني وأنا ماني بناقص جرجره
أنا تجرعت الظما لين إحترق وجهي وذاب,,,,,,,,,,
,,,,,,,,,,أنا كسرت بخاطري قبل الصداقة تكسره
أنا خسرت اللي غيابه غير عن كل الغياب,,,,,,,,,,
,,,,,,,,,,أنا غفرت لعالم ماتستحق المغفرة
أنا أكثر إنسان تعلم من كثر ما أخطا وصاب,,,,,,,,,,
,,,,,,,,,,أنا آخر لسان يتكلم في زمان الثرثرة
أنا القصيد اللي فزع من دفتره مليون ناب,,,,,,,,,,
,,,,,,,,,,وأنا الوحيد اللي جمع مليون ناب بدفتره
جفني وجرٌحه السهر وحيلي هدته الصعاب,,,,,,,,,,
,,,,,,,,,,دمعي هدر, ضحكي ندر, عمري وضيعت أكثره
شيٌبت بعقول العرب, هيبت روسٍ ماتهاب,,,,,,,,,,
,,,,,,,,,,جمخرة ناسٍ عمرهم مايعرفون الجمهرة
ماصرت ذيب إلا لأن اللي تحدوني ذياب,,,,,,,,,,
,,,,,,,,,,ماكنت أغيب إلا لأن العفو عند المقدرة
ترا حلاتك لاحملت لصاحبك كلمة عتاب,,,,,,,,,,
,,,,,,,,,,إن مانطقت بها بوجهه, ماتذمه بظهره
ودك اليامن جاتك الغلطة من الناس القراب,,,,,,,,
,,,,,,,,,,الصاحب اللي ماكسبت محبته ماتخسره
القصيدة الثانية
أهل الجنوب
وعيني اللي كل ما ذعذع من الغرب هبوب
يحلا لها لون الغروب اللي يذوب قبالها
ويا ويل حالي كل ما يحلالها لون الغروب
تطري لي الريم اللعوب وسالفة ترحالها
وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها
من سافرت ريم الفلا صديت عن كل الدروب
ما هو قصور بالعذارى بس ذيك لحالها
من فارقتني ما خطف قلبي من الحور محبوب
ولا لقيت الجادل اللي تستحق احيالها
لأن القلوب ان ما وفت لأحبابها ما هي قلوب
والعشره اللي ما ترد الروح ما نسعى لها
إما الوفى اللي يستر الرجّال من كل العيوب
والا الجفى اللي يستر عيوب العرب في رجالها
ما اقسى من فراق الجنوب الا فراق اهل الجنوب
ويلي على اللي كل ما تزعل تشد رحالها
اللي مذيره العتب لا شبت بصدري شبوب
عييت اراضيها وهي عيت تطول بالها
كانت معي مثل النصيب يحدني من كل صوب
كانت دروبي من متاهات الظلل لظلالها
كانت هروبي لا شعرت اني بحاجه للهروب
كانت سماي اللي ليا ضاقت علي ألجالها
ليه اتحداني وانا في كل الاحوال مغلوب
ليه حرمتني من قهر عذالي وعذالها
ليه اتجاهلني وانا لاني جبان ولا كذوب
ليه ارخصت دمعي وانا اللي ما بكيت الا لها
ما ترحم اللي له سنه كأنه على النار محطوب
ما هزها دمع الفقيد اللي بكته أطلالها
ما خافت تهدم السنين اللي بنتنا طوب..طوب
ما فكرت تشفق على حالي وترحم حالها
قولوا لها لو ما تذوب انا بخليها تذوب
قولوا لها لو ما عنت لي مستعد اعنالها
إليا ادمحت لي هالخطا بدمح لها كل الذنوب
وإن جابت الحسنى معي تبشر بعشر أمثالها
أفرش لها صدري وطن وأجمع لها ضلوعي شعوب
وأرقى لها المكانه اللي ما حد(ن) يرقى لها
إن كاني مخطي فأنا ماني خليّ من العيوب
الذنب يغفر والبشر تجزى بقدر أعمالها
البعد قاسي والفراق يضيق الصدر الرحوب
وانا تعبت ادور الحيله وارد احتالها
قولولها ترجع ترا ماني على الحزن مغصوب
وإلا ترا نذر(ن) علي انه ماهو ب أشوالها
إما تجنب هالهبال وتترك البعد وتتوب
والا بتبشر بالهبال اللي ما هو بهبالها
كافي زعل ترا الظروف مقفله من كل صوب
وأنا حملت من الهموم انواعها واشكالها
يكفيني اني كل ما هبت على صدري هبوب
تحن عيني للجنوب وتلتفت بلحالها
والمشكلة اني كل ما حنت عيوني للجنوب
تطري لي الريم اللعوب وسالفة ترحالها
وعز الله اني كل ما تطري لي الريم اللعوب
حرمت امد ايدي على حاجة وانا ما اقوالها
القصيدة الثالثة وجدتها بعنوان (على الميعاد ما جاني )
واعتقد انها هي ( غداره )
احب اكتب في ظلام الليل وسراره
واطرِي صاحب قاسي على الميعاد ماجاني.
امره في حلول الليل ولا القاه في داره
واهل الدمع من عيني على من كان ينساني.
احب انه يدورني واحب اعرف اخباره
واظنه لو يدورني على العنوان يلقاني.
امر بيوت جيرانه وأكلم بالوفا جاره
يصك الباب في وجهي وكني في هله جاني.
انشد كل من شفته يمر بجانب الحاره
ولا واحد يجاوبني ولا يعطيه عنواني.
حياتي في حياتك من سواة الظلم محتارة
اذوق الظلم من حبك علي اشكال وألواني.
صفاتك ياحبيب الروح مع الخلان غداره
غدرت بواحد لجلك يبيع العمر مجاني.
وأنا بطلب من المولى رفيع جل مقداره
عزيز الشان سبحانه إله الحي والفاني.
يبدلي حبيبي أو يبدل شدة أفكاره
اناوياه في وادي وأعيش بعالم ثاني.
فعلا قصائد رائعة جدا بارك الله فيك