واش رايكم في حكايتي

[مشكلتي]

]]مشكلتي هي اني تعرفت على شخص بنية الزواج و بعد مرور مدة قتلو لازملك تكمل هدرتك و تجي لدارنا و بدا كل مرة يمدلي سبة و يقولي انا كون منيش حاب الحلال منبقش معاك
و بقيت انا معاه و كنت كل مرة نعود نفكرو بموضوع و بدا يمدلي يمات و ميجيش خترة يقلي سمانا هدي خترة الشهر الداخل اصبري عليا اسبوع ....
وانا صراحة كنت معاه و كيما يقولي نقولو معليش كيما تحب راني نستنا
و في اخر مرة مدلي موعد و مجاش تاني و هو تجيه عادي كي فوت هداك النهار ميبررليش سبب لي خليه ميجيش
و موعد الاخير كان اليوم قالي ليوم نقولك وينتا نجي ايا ستنيتو هو يهدر مهدرش جبتلو انا قالي انتي تاع مصلحتك راكي شيفتني زوج و تحبي غير روحك انساي بلي انا راني رايح نزوج هدي بعد مرور عامين ملي عرفتو
واش رايكم]

[/زهرة عصفور الجنة/]

رأيي أقوله لكي بكل صراحة أخطات كثيرا ولا تنتظري من شخص تواعدينه الزواج منكي هو جاب بيك الوقت كيما نقولو بالعامية
لوكان نيته صادقة لكان خطبكي منذ عامين
اختي بالله عليك الالاف القصص نسمعها يوميا على هذه الذئاب البشرية الم تتعظي من قصة واحدة
عجبا كيف تخنون ثقة اهلكم
والله رسالة أوجهها لكل بنت وشاب يخنون الثقة التي وضعها اوليائهم فيها
صدقوني ان فقدتموها ستبقون دائما موضع شك
اختي توبي الى الله ومن اراد الزواج بكي ياتي لبيتكم ولا يشوه سمعتكي
غيري شريحتكي ولا تحدثيه مجدد
تعلمين لماذا اصبحت نسبة الطلاق في بلادنا كبيرة
لأننا ابتعدنا عن شرع الله لان الخيانة غزت اسرنا
لان الشك دمر العائلات تعلمين حتى وان تزوجك سيبقى يشك فيكي ويقول لكي انك كنت تواعدين أشخاصا اخرين غير
ربي يسترك ويستر بناتنا وبنات المسلمين

[Assouma 93]

يا اختي من الاول كي شفتيه يعطيلك مواعيد كاذبة اعرفي انو نيتو الزعاقة و خلاص لانو الواحد كي يحب وحدة ميروطارديش عليها و يبقى عليها اليوم غدوة السمانة الجاية

[SKYALGERIA]

عليك بصلاة الإستخارة و الدعاء و الثقة التامة في قضاء الله و الرضا به .

[doba]

خليك منو اختي

[نسمة تفاؤل]

هذا باينة نيتو يجيب بيك الوقت اذا كنت مرا ماتزيديش تريبوندي عليه اكسبي كرامتك وادعي ربي يرزقك الزوج الصالح هذا راهو يزعق عليك اخيتي اجبدي روحك

[thawizat]

واش بيك يا ختي يعني راكي عمية او متشفيش بلي هذا راه حب يجيب الوقت ، مراهش ناوي لحلال
ماعندو كلمة، ما عندو شهامة يتمسخر ببنات الناس، في عامين ما دار حتى شيء يدل على صدق نيته
أخطيك منو يرحم والديك، ربي يجيبلك مكتوبك

[salouajijel]

صـلي صلاة الإستخارة و إن شاء الله يجيبلك ربي اللي فيه الخير , متقلقيش وربي يفرجها عليك إن شاء الله

[{مـشـاكـسـهـ}~]

عليك بصلاة الإستخارة و الدعاء
و إن شاء الله يجيبلك ربي اللي فيه الخير

[yousra14]

يوجد خطأ في التعامل مع الله ويقولون صلي صلاة الإستخارة ياإخواني العلاقة كلها محرمة يجب عليها أن تتوقف وتتوب فورا وتستغفر الله رب يغفرنا ويهدينا جميعا

[@ سنابل @]

السلام عليكم
أولا ربي سبحانو و ثانيا أهلك و من بعد نفسك
هانو عليك قاع هاذو؟!!!
الي يحوس يتزوج يجي لداركم من الباب
Alors ما تقبليش على روحك الشي الي ما يقبلو حتى واحد على ختو
سلام

[wiwi la blande]

صراحة انا ارى انه لا ينوي الزواج مطلقا يعني راهو يتلاعب بيك اجبدي روحك منو اختي او قوليلو جاو حيخطبكني و شوفي ردة الفعل ديالو تم تبان النية الحقيقية ديالوا

[سراب06]

ماأنت فيه من هم هو نتيجة عصيانك لله بماذا خرجت من هذه العلاقة ؟
بالإهانة والعار والغم اسحبي نفسك فورا وتوبي لله واطلبي من الله أن يغفرلك ماتقدم من ذنبك ولا تعتقد من تفعل مثلك أنها قافزة وراح اطير بعريس راااااااهي غالطة تماما ماتجني غير الندامة طعن الله ورزقكن ياتي للبيت ولن تأخذه غيرك ثقن في الله واقتربن منه والسلام عليك ورب يفرج عليك

[الفاتحة]

أختي ألا تعلمين ان الاسلام كرم المرأة فلماذا أوصلت نفسك إلى هذه الاهانة ؟؟؟، أختي نتيجة المعصية كانت الاهانة ، توبي إلى الله ، ولا تبالي بذلك الذئب سينتقم الله منه قريبا ، ولا تخافي فانه سلف ودين ، اتركيه فهو لا يريد الزواج منك وانما يريد تقضية الوقت لا غير ولا تعودي له فانك بذلك تهينين نفسك أكثر ....ربي يرزق بنات وشباب المسلمين الازواج الصالحة

[SAHHI]

ألي يحبك ما فيه لف ما فيه دوران ،يحكي مع أهلك ، تيسر الامر مليح، تعقد كل واحد في طريقو ،غير يطول تولوا في حب و عشق و مصايب و ياما فيه حدوثات كثير ،على ذلك ،فالأسلم لكم تضعون النقاط و الحركــــــــــــــــــــــات على الحروف ليكون الكلام مفهوم جدا جدا
لا كذب و لا سينارهات و افلام هندية او ربما تركية ،،،،،،،،،،،مودة هذه الايام

[imi02i]

رغمًا أن طريقة تواصلك معه خاطئة لكن من حقك أن تمتحنيه ماإذا كان ينوي خطبتك أم لا....
أخطأت مرة أخرى حين فتحت له الموضوع أكثر من اللازم خاصة وأنه يتهرب منه ويحاول سده في كل مرة
أحكمي بعقلك ولا تجعلي العاطفة تسيطر عليه خاصة إن كنت متعلقة به كثيرًا واخبريه أنك ستقطعين اتصالك به ريثما يتقدم لك بصفة رسمية
يسر الله أمرك

[أبو فاروق]

الطمع ايخسر الطبع
هؤلاء ذئاب بشرية ، و أنتن نعاج غاقلة

[amine eco]

]]مشكلتي هي اني تعرفت على شخص بنية الزواج و بعد مرور مدة قتلو لازملك تكمل هدرتك و تجي لدارنا و بدا كل مرة يمدلي سبة و يقولي انا كون منيش حاب الحلال منبقش معاك
و بقيت انا معاه و كنت كل مرة نعود نفكرو بموضوع و بدا يمدلي يمات و ميجيش خترة يقلي سمانا هدي خترة الشهر الداخل اصبري عليا اسبوع ....
وانا صراحة كنت معاه و كيما يقولي نقولو معليش كيما تحب راني نستنا
و في اخر مرة مدلي موعد و مجاش تاني و هو تجيه عادي كي فوت هداك النهار ميبررليش سبب لي خليه ميجيش
و موعد الاخير كان اليوم قالي ليوم نقولك وينتا نجي ايا ستنيتو هو يهدر مهدرش جبتلو انا قالي انتي تاع مصلحتك راكي شيفتني زوج و تحبي غير روحك انساي بلي انا راني رايح نزوج هدي بعد مرور عامين ملي عرفتو
واش رايكم]

يا احتي انا راجل ونفهمك الرجال كيفاه يخمو
1- كاين رجال يقلك انا منقدرش نتزوج بوحدة كنت نواعد فيها لانه كيما دارت معايا قادر دير مع اخر
2- هذا الشخص كذاب و معندوش الكلمة ما تسناي منو والو ...لانه كان قادر يقلك الصراحة يا اختي مانيش واجد ما فيها والو الصراحة راحة ....معليش على الاقل يجي يعطي الكلمة لداركم للانه عامين راهم عشرة
3- انت درتي غلطة علاه راكي شادة فيه الوقت راه يجري وهدرة ناس مترحمش
4- ديرولو اختبار متزيديش تهدري معاه وقوليلو حتى تجي للدارنا ....مع الوقت اذا جا راه وليد حلال ونية صافية ....اما اذا مجاش راه وليد حرام وكان يتمسخر و مهوش مكتوبك وربي يعوضك...اتمنى ان تأخذي بنصيحة نتاعي
بتوفيق انشاء الله

[سماح 2]

حقيقة دعك منه فهو لا يرييد مصلحتك أبداا

أختاه خافي رباه ودعك من لا يطلبك للحلاال

وتحيااتي لك

ربي يرزقك بالزووج الصاالح ان شااء الله

[المنديل الابيض]

اذا احببت شخصاً بشده فاطلق سراحه
فان عاد فهو لك الى الابد
وان لم يعد فهو لم يكن لك من البدايه