رايكم يا بنات

[wissal79]

انا فتاة متخرجة من الجامعة والحمد لله تعرفت علئ شخص منذ مدة منعرف عليه اي حاجة حكيت معاه
وانا منيش مرتاحة لانو هذا واش فرضو علينا المجتمع لازم قبل ما يخطبك يحكي معاك بعد مدة حسيت انو بخيل ميتصلش بحجة انو مجاتش الشهرية مع العلم هو يعمل في الصحراء دائما عندما نسالوعلئ حياتو ، اما يتهرب من الاجابة او يجاوب لكن راني حاسة بلي يكذب مع العلم لم يكمل دراسته وهو يقول بلي راني ندرس بالمراسلة، وديمة يعاودفي نفس الهدرة بلي البنت اذا فاتت 26 سنة لازم تحوس على عريس و تأجل كل مشريعها لانها لازم تزوج ومنذ هذاك الوقت وان منيش مرتحتلو مليقتش حتى شخص نسألو عليه وديمة ندعي ربي يقدملي لي فيه الخير ان شاء الله خفت انا راح نقطع علاقتي بيه لاكن خفت نكون ظلمتو وهو اخر مرة قالي راو ناوي يخطبني و راو تعلق بيا بزاف بهاذ الطرقة نكون ضلمتو ولا لا افيدوني جزاكم الله خيرا

[محبة عبد الرحمان]

يا أختي اذا كان ناويك صح راح يجي يخطبك و ما يستناش أنا من رايي قوليلو يا تجي تخطبني و الا كل واحد يروح لحالو و لازم تعرفي باللي الشي اللي راكي ديري فيه حرام و عيب

[naamane3]

يا أختي استخيري لله
واتركي هذه العلاقة
واذا كان يريدك سيأتيك
ولن يكون من نصيبك الا ماكان مقدرك لك

[AMINA.Z]

اذا حاستو غير يدوووور

اخطيك منو شايفك نية

ماتزيدي تحوسي عليه ما والو و شوفي

و انا شخصيا اذا جاني واحد و قالي لازم نتعرفو قبل

نقولو طريق السلامة يا محترم و كون يبقى هو الاخر ما نديهش

انا ما نيش نشوف فيه راجل تاع مسؤولية

[نسمة تفاؤل]

قوليلو يجي يخطب والا كل واحد يروح لطريقو واذا كان ناوي لحلال صح راه رايح يجي يجري ربي يوفقك

[yousra14]

أتركي عنك هاته العلاقة

[sarah1424]

اخطيييييييييييك منو ومن هذه العلاقة مكتوب ربي يجيك يجيك
وزيد لا تعصي من خلقك من اجل من احببت لان قلب من احببت بيد من عصيت
والي مكتبوهلك ربي تديه خير من يكدب ووووووو
ومتقوليش المجتمع والواقع فرض علينا لانو هذه ليست بحجة يوم الحساب

[wissal79]

شكرا وجزاكم الله خيرا

[مريم الصابرة]

السلام عليكم اختي
والله يا اختي لما قريت قصتك بلاما نعرفو راه يلعب برك راه كل شي تمسخير وإنت كون قالك راكي فت 26 لازمك إنت تحوسي على عريس ولازم المتجعم فرض عليك ديري علاقة فالتلفون ربي يهديك وشكون قالهالك هذي يا اختي شوفي راهم بنات بزاف فاتو ال 30 وراهم في بيوتهم معززات مكرمات وما يحكوش لا في تلفون ولا دارو علاقات هل هذا يعني قطعو رحمة ربي وحت نفرضو بعيد الشر ما تزوجتيش منا لل 30 تخرجي للشارع تحوسي على راجل ربي يهديك
شوفي انا ننصحك تقطعي عليه التلفون وقال كلمة وحدة باب دارنا كاين حبيت تجي او لا وصدقيني ما يجيش لأانو الإنسان اللي يكذب يخبي عليك كل شي وماشي محال يكون متزوج ردي بالك انا نصحتك وربي شاهد أقطعي علاقتك معاك ومازالك صغيرة وربي يجيبلك مكتوبك حد باب داركم الصبر والدعاء

[imi02i]

يا أختي لا تجبري نفسك على أمر لست مرتاحة لــــه
واحذري من هؤلاء الصنف من الشباب خاصة وأنك لا تعرفينه
إذا زعم على خطبتك فليتقدم لأهلك، ثم سيتولى أهلك السُؤْل عنه
وإذا أصبح يتحجج بالأدلة، فما عليك إلا أن تبتعدي عنه

[sirin_25]

واااضحة وضوح الشمس أنو غير يجيــــــب في الوقت و للأسف الشديد هادي الظاهرة كترت بزاف في وقتنا
لازمك تكوني أذكى منو أختي ما تخليهش يأتر عليكـ قالك المرأة كي تفوت 26 لازملها تحوس على راجل باش انت تولي تشوفي فيه كنز ولا عملة نادرة لا أدري o.O
أعطيه فرصة أخيرة وأطلبي منو يجيك للدار اذا جا مرحبا بيه اذا ما جاكش كل واحد يروح في طريقو لأنو يخدم و انت قابلة بيه واش لي يعطلو على الخطوبة و الاستمرار في علاقة محرمة
و ما تنسايش ,,, من ترك شيء لله عوضه الله خيرا منه

[jihanne]

ما يعجبونيش لحكايات هاذو

[wissal79]

شكرا..................................... جزيلا ليكم على هذه النصائح وربي يهدينا انا اول خطوة بديتها اني عندي 3ايام مرديتش على اتصلاتو وربي يفرج علينا كامل ان شاء الله .

[achwak crazy girl]

ختي انا نقلك رايي انو اخطيك منو لانو هاد الشخص كان غادي قادر يضرك ولكان صح يحبك وتعلق بيك بزااف كيما قلتي لازم يجي يخطبك وباسرع وقت تااني وربي يوفقك ختي ونتمى تاخذي بكل نصيحة الاخوات لي غادي عاونوك وانت حرة

[البنت الجلفاوية]

ما بني على باطل فهو باطل ...............لا نتحجج بالمجتمع ولا حتى بالعصر او التطور لان الاسلام دين من الله صالح لكل زمان و مكان وقد أجمعن البنات على ان تتركي هاته العلاقة والله يسرلك امرك فلو رغب فيك لخطبك وتقدم لك ....موفقة بحول الله
الله يثبتنا على الحق.ففتنن عظيمة كثرت

[loulou02]

الإستخارة هي الحل ، إن شاء الله ربي يقدملك لي فيه الخير .

[أمة الله 12]

فكيك منو,

اصبري ضرك يجيك مكتوبك لعندك بالحرمة و القدر