مبتدئة في الخياطة تطلب المساعدة

[O.o°• جُمَانَة •°o.O]

السلام عليكم

اود ان اشكركن لجهودكن المتواصلة في هذا المنتدى وتلبية رغبات كل العضوات جزاكن الله خيرا

اما بعد

انا حابا نتعلم الخياطة وعجبوني المواضيع اللي تحطوهم هنا و حابا نبدا من البداية انصحوني بالادوات اللي لازم نشريهم قصدي ضروريات الخياطة كيما لمقص وهكا بلي ديتاي واي شيئ لازم نبدا نتعلموا في الاول التفصيل ولا الكروشي ولا............. ومشكووووووورين مسبقا

[O.o°• جُمَانَة •°o.O]

اين انتن اخواتي

[نور المستقبل]

السلام عليك ياختاه
فيما يخص من اين تبداي انت وميولك الخياطة غير لكرروشي
اذا كنت تيلي للخياطة ابداي بيها حاولي
المشينة مش ضروري في البداية لانك تقدي تلصقي باليد حت تتمرني من بعد تقدري تشري مشينة
امقص لقص الماش النقابيات لمسك القماش
قطعة صابونة رقيقة لرسم الباترون على القماش
مسطرة حجم كبير
شريط للقياس
ورق جرائد لعمل الباترون تبعي كل الدروس المتعلقة بالتفصيل والخياطة وحاولي تبقي ولو في اشياء قديمة باش يروح الخوف من المقص لانو منخافوش قي نفصلو في القديم بعكس القماش الجديد راح يخلي الخوف يتسلل وبهذا نوليو منقدرو نخطيو اي خطوة واي سوؤال صادفك متتردديش كل الاعصاء اللي يقدرو يساعدوك راهم ميبخلوش رانا هنا في الخدمة
اما من ناحية الاشغال اليدوية اذا كنت قادرة تتعلمي قداش نحاجة بداي باللي تحبيه باش فيساع تستوعبي وتقدري تكملي بالتفيق عزيزتي

[F@tI OpTiMiStE]

انا يا اختي ما نعرفش في الخياطة والكروشي لكن اعشقهم من كل اعماق قلبي ان شاء الله تلقاي المساعدة من الاخوات وراح نستفيد معك ونتعلم مثلك وفي اقرب الآجال لأني متشوقهه

[ام امجد و انفال]

تعلمي الكروشي اولا

[stayfiya]

لي تحبيها اكيد رايحة تلقلي روحك تميلي ليها وكي تتعلمي مبادئ اي حاجة تلقائيا تنتقلي يعني درجة درجة و اللولزم راهي قاتلك عليهم نور