أرشدوني أنا أخوكم

[مشكلتي]

أنا شاب مقبل على إختيار شريكة حياتي ومن ضمن المواصفات التي اريدها ان تكون درست علوم إسلامية وعلى قدر من الأخلاق و الجمال سمعت بوجود أخوات بهذه المواصفات في الجامعة الإسلامية بقسنطينة وجامعة باتنة لكن كيف الوصول إليهم إخوتي هل توجد جمعيات خيرية تعمل وساطة خير أرشدوني لطريقة سليمة و آمنة للحصول على ما أتمنى من فتاة أحلامي

[الشلفاوية]

يا اخي ليست كل من درست في جامعة اسلامية او تخصص اسلامي جيدة هناك متدينات كثيرات درسنا اختصاصات اخرى فقط عليك بالبحث والتدقيق والسؤال على من تناسبك اكثر من جميع النواحي والسلام

[pharma-93]

والله غير ضحكتني هههههه يا عني في مخيلتك بنات الفاميلية والمتخلقات والمتدينات هن من درسن علوم اسلامية فقط؟؟؟مع كل احتراماتي مي تفكيرك جد سطحيي المهم في الفتاة لتتزوجها تكون ذات أخلاق ماشي قاريا شريعه pusk تقدرتلقاها دارسا شريعه وهي لاعلاقة تماماً معها غير تحتمت عليها تقراها ولا هدا واش عطاوها كي جابت الباك خمم مليح يا اخي والله يهديك عل هذ التفكير وربي يرزقك الزوجة الصالحه

[mina24j]

السلام عليكم و رحمة الله و بركاته أخــــــــــــــــــــــــي حط في بالك براهو ربي قال الطيبون للطيبات إذا كنت طيب ربي يرزقك ببنت الحلال على قد نيتك ماش لازم تكون قارية شريعة

[zaki4]

ادعوا ربك يرزقك الزوجة الصالحة

[سراب06]

أطلب رب يعطيك الطيبة الحقيقية وليست الطيبة في المظهر

[abdellah36]

روح للجامعة الاسلامية .....كيتلقى وحدة تعجبك ...روح لعندها و اقترح عليها الموضوع .............اذا قبلت ارسل والديك .............

كون راجل برك و ما تحشمش .... ..

[نسمة تفاؤل]

أنا شاب مقبل على إختيار شريكة حياتي ومن ضمن المواصفات التي اريدها ان تكون درست علوم إسلامية وعلى قدر من الأخلاق و الجمال سمعت بوجود أخوات بهذه المواصفات في الجامعة الإسلامية بقسنطينة وجامعة باتنة لكن كيف الوصول إليهم إخوتي هل توجد جمعيات خيرية تعمل وساطة خير أرشدوني لطريقة سليمة و آمنة للحصول على ما أتمنى من فتاة أحلامي
وهل تظن ان من درست العلوم الاسلامية فقط متخلقة والاخريات لالا خويا صحح افكارك شوية وربي يرزقك ببنت لحلال وين ماكانت قارية شريعة ولا غيرها

[ايمان ايمانو]

ان المقياس الذي اخترته لاختيار شريكة حياتك ليس مطلق بمعنى ليس كل من درست علوم اسلامية تكون بضرورة فتاة صالحة مع كامل التقدير و الاحترام لكن ، لانه في السنوات الاخيرة اصبحت الاختيارات في البكالوريا خبط عشوائي ، فابحث الموصفات التي تحبها في الفتاة بغض النظر عن دراستها ، فهذا يبقى مجرد رأيي ربي يسهلك و ينور طريقك .

[محمد جديدي التبسي]

صحيح في الجامعة الاسلامية هناك أخوات طيبات ما شاء الله والجلابيب منتشرة وهي مكان جيد للاختيار لمن يدرس هناك أو يعرف من يدله أما غير ذلك فالأمر صعب، هل ستذهب مثلا وتقف أمام الجامعة أو تدخلها وتختار فتاة؟؟!! الأمر ليس بهذه السهولة قل لوالدتك أو أختك أن يخترن لك فتاة بسيطة ممن يعرفون وهنّي راسك ما تصعبهاش على روحك .. ربي يرزقك

[z.abdo]

أنا شاب مقبل على إختيار شريكة حياتي ومن ضمن المواصفات التي اريدها ان تكون درست علوم إسلامية وعلى قدر من الأخلاق و الجمال سمعت بوجود أخوات بهذه المواصفات في الجامعة الإسلامية بقسنطينة وجامعة باتنة لكن كيف الوصول إليهم إخوتي هل توجد جمعيات خيرية تعمل وساطة خير أرشدوني لطريقة سليمة و آمنة للحصول على ما أتمنى من فتاة أحلامي

اخي ما يخلعوك اللي درسو شريعة ما والو .........مع إحترامي للأخوات

أنا كنت ندرس هناك في قسنطينة وكنت ازور الجامعة الإسلامية

كاين بنات ما شاء الله وكاين لاحولا ولا قوة إلا بالله


المهم الفكرة اللي حاب نقلهك لاتضع ابدا مقياس انها درست الشريعة كأنها ستدخلك الجنة

جميع النسوة سواسية انت فقط اختار اللي تخرج عليك وذات الدين طبعا لكن ليس بشهادتها لأن الدين طاعات وأعمال ومعاملة وحسن خلق وليس ليسانس شريعة

والله اعلم اخي

[z.abdo]

تذكرت قصة اريد ان احكيها لك

كان لدي صديق يدرس شريعة وقانون في الجامعة الإسلامية وكانت تعجبه كثيرا وحدة تدرس معاه

لكن ليس بمقدوره ان يخطبها او يتزوجها لأنه لا يزال في الدراسة

واثناء الدراسة خطب صيدلي هذه البنت وتزوجها وهي لا تزال تدرس

بعد مرور شهر من زوجهما طلقها .......... السبب الله اعلم

خذ العبرة من هذه القصة ولا تنبهر


وفقك الله اخي

[nadoouuch]

يا اخي ، انا من باتنة و نقولك ان 90 بالمئة لي يقراو شريعة داروها على خاطر هاذا ماجابلهم الباك نتاعهم، ونزيد نحكيلك حكاية نتاع وحدة قريبتي مسكينة تزوجت بواحد الي يشوفو يقول الله يبارك امام يصلي بالناس و استاذ في الجامعة يقري شريعة و هذي الحاجة الي خلاتها تتزوجو،وراحت معاه لمصر يكمل الدراسات العليا في الشريعة، واش نقولك اخي 15 سنة زواج .ضرب وسب و شتم و اهانات و كلام فاحش و كل مرة تجي وحدة عندها تقولها انت زوجة فلان ، راهو يتحرش بيا و لا راه خطبني ولا راهو يساوم فيا على جال النقاط........... و النتيجة طلاق مع و لدين تعقدو نفسيا، و منذ الطلاق ماسقساش عليهم و ماحوسش عليهم و مازال لحد اليوم يجيو النساء للدار يقولولها راه خطبني راجلك و يسقسيو علاه طلقو....؟؟؟؟؟؟؟


توكل على ربي و شوف امك او اختك تخيرلك لان النسا يعرفو بعضاهم مليح و ربي يطحك في بنت الحلال

[محفوظ البسكري]

لا تغرنك المظاهر

[**د لا ل**]

اعتقد انك تبحث عن من درست الشريعة لانها متفقة في الدين اكثر من الاخريات وتفرق بين الحلال والحرام اكثر بما انه تخصصها ولم تقصد المظهر والله اعلم

ربي يرزقك بالزوجة الصالحة التي تعينك في هاته الدنيا

موفق اخي

[موج و صخر]

البنات الصالحات ممن ترضون دينهن في كل بيت في الجزائر
ليس فقط دارسات الشريعة
يمكن تكون بنت امية و هي زوجة صالحة احسن من الي عندها ليسانس شريعة
يوجد في النهر ما لا يوجد في البحر...

[dahbi01]

أخي الكريم انت تريد شريكة حياتك تكون على قدر من الاخلاق والجمال ..............وتكون قارية شريعة..............كاين وين تلقى الشريعة في جهة وهي في جهة
انصحك لوكان راك حاب الدين تقدر تشوف كاش وحدة حافظة كتاب الله احسن
ونزيد لك حاجة الشريعة راهي ولات موضى للبعض وحتى الامامة ولم تسلم من الشريعة المهفوفة ،تجد امام يصلي بالناس وهو يتناول السيجارة؟؟؟؟؟؟؟؟؟؟؟؟؟؟

[ابراهيم داود]

عليك أن تدرك أنها أمور نسبية فقد تكون عكس ما تتوقع

[الجواهر]

ردود الاعضاء كافية ...اعرف فتيات يلبسن الجلباب و لكنهن سافرات امام الاجانب وفتيات بحجاب و يضعن الخمار امام كل اجنبي فالعبرة بالفتاة و ليس بدراستها

[المنديل الابيض]

ربي يرزقك بالزوجة الصالحة

[عبد الله 22]

العبرة بالتطبيق و ليس بالقرية