ماهو تخطيطك لبكالوريا 2014 ؟؟؟

[AbdouGentleman]

ماهو تخطيطك لبكالوريا 2014 ؟؟؟...هل تريد الاستراحة الجيدة في العطلة والدخول بقوة في الموسم الدراسي
أم ...ستبدأ من العطلة بالتحضير ...على كل حال الاراء متضاربة ...وك ورأيه ..زأنا شخصيا حائر ما بين الاثنين شاركونا بارائكم كيف سيكون تخطيطكم لبكالوريا 2014 ؟؟؟؟؟؟ أرجو المشاركة

[نور الهدا]

الصراحة انا راح نحضر في عطلة و نحفظ مواد تاع حفاظة باش شهر اخير نرتاح ندير مراجعة خفيفة ما نكونش تحت ضغط

[KAMEL AT]

أوافق رأي الأخت نور الهدا

[اريج الاخلاق]

مام انا كيما ندوش الغالية

[AbdouGentleman]

الخاوة وقتاش راكم معولين تبداو ..وهل عندكم برنامج مثلااا؟؟؟؟و الدروس أيضا .....أرجو الرد من فضلكم الاخوة؟؟؟

[خولة 96]

ما تعبش روحك انا مش رايحة نتعب روحي من ذرك حقا تنسي تنسي خلاض خلي لبداية العام و اقراو ياسر لي قراو في الصيف و ندمو علا خاطر النسيان فيها فيها و الخوف و الظغط فيها

[kkiki]

انا نراجع مع الاول وش قرينا في الدوزيام و نحاول نفهم دروس تع المات و العلوم اما الحفيظة منحفظش لخطر ننسى في دقيقة و نقرا الفرنسية و الانجليزية لخطر ظعيفة فيهم و هما دايمن يهبطوني

[هاجر البرايجية]

مازال مقررتش psk لبرنامج لي نديرو يفلط
نخليها لربي ..............

[نورهان سالم]

انا نراجع مع الاول وش قرينا في الدوزيام و نحاول نفهم دروس تع المات و العلوم اما الحفيظة منحفظش لخطرش ننسى في دقيقة و نقرا الفرنسية و الانجليزية لخطرش ظعيفة فيهم و هما دايمن يهبطوني
نفس الفكرة :19::19::19:

[نور المستقبل]

ماعليش نقراو و نحضرو شوي فالصيف و لكن ماننصحكمش تحظو فالصيف
و الاساتذة كامل حذرونا
لان لها تأثيرات سلبية و الحفاظة كامل تنساوها
و تعاودوها
ربي يوفقنا

[حاملة القران سمية]

يعطيكم الصحة
انا من رايي نقراو شوية فرنسية وانجليزية نوجدوا كاش فقرات المتداولة نوجدوهم
نعاودو قوانين تاع المات وفيزياء
ونطالعو شوية مواد لحفاظة نتهناو منهم
انا والله نصحوني تاع الي جوزو الباك هذا العام قالولي عليك وعلى الصيف
وانا معاهم
ماذابيا نتهنى من مواد الادبية يخي كاينة نت
والمواد العلمية نخلوهم لعام لجاي ولا نحاولو الي اكبر منا يعاونونا
سلالالالالالالالام

[hanna25]

الاستراحة الجيدة في العطلة والدخول بقوة في الموسم الدراسي

[" سرحات "]

عندكم الصح أنـ كشمـ نراجع فقط كشمـ فيزيـاء والرياضيات
والحفيض منخزرهاش إطلاقـ علبالي ننساهـــــــــــــــــ
وزيد بزيادة أنـ مستويا ضعيف ضعيف جداا في الفرنسة والأنجليزية
منيش عـارف كيفاش ندير اعطولي رايكم

[hocine D]

يعطيكم الصحة
انا من رايي نقراو شوية فرنسية وانجليزية نوجدوا كاش فقرات المتداولة نوجدوهم
نعاودو قوانين تاع المات وفيزياء
ونطالعو شوية مواد لحفاظة نتهناو منهم
انا والله نصحوني تاع الي جوزو الباك هذا العام قالولي عليك وعلى الصيف
وانا معاهم
ماذابيا نتهنى من مواد الادبية يخي كاينة نت
والمواد العلمية نخلوهم لعام لجاي ولا نحاولو الي اكبر منا يعاونونا
سلالالالالالالالام
نفس الفكرة
نراجع الرياضيات و الفيزياء نتاع السنة 2 مبعدا نتهنى من المواد الأدبية
حبيت نسقسيكم قداه نساعة راح تقراو في اليوم ?

[❀مَلِيْكَة❀]

يعطيكم الصحة
انا من رايي نقراو شوية فرنسية وانجليزية نوجدوا كاش فقرات المتداولة نوجدوهم
نعاودو قوانين تاع المات وفيزياء
ونطالعو شوية مواد لحفاظة نتهناو منهم
انا والله نصحوني تاع الي جوزو الباك هذا العام قالولي عليك وعلى الصيف
وانا معاهم
ماذابيا نتهنى من مواد الادبية يخي كاينة نت
والمواد العلمية نخلوهم لعام لجاي ولا نحاولو الي اكبر منا يعاونونا
سلالالالالالالالام

اختي مام انا نحوس نعقب الصيف هكذا ومنحفظش نطالع برك

[سحر الكلمات]

انا ناوية في هدا الصيف ان شاء الله نعاود دروس نتاع الاولى والثانيةةةةةةةةةة على خاطر قالوا هما لاباز اما دروس السنةة الثالثة نطلع عليهم تطليعة خفيفة بررررررررررك

ربي يوفقنا ان شاء الله

[chaima alae]

عهعععععععععععععععععععععع

[AbdouGentleman]

عهعععععععععععععععععععععع

ما فهمناش واقيا قلت حاجة تضحك .....ارجو الردود الجدية من فضلكم

[joy soma]

انا مخطة على مراجعة الرياضيات والفيزياء تاع الثانية وكي نكملهم ندخل نتاع الثالثة
وبالنسبة للمواد الادبية راجعهم
والمواد تاع لحفيظة نخليهم حتاااااااااا للدخول المدرسسي عادا نبدا نحفظ





وبالتوفيق وربي ينجحنا الكككككل
انشاء الله

[soumia bougaa]

اذا كتب ربي

ناوية نقرا المواد الادبية باش نحيهم مالطريق

المواد الاساسية مانيش خايفو منهم بزاف

رياضيات قالنا الاستاذ نبداو نقراو عندو في اوت ويبدالنا مـ 000

وفيزيا تقريبا فاهمة كلش

وعلوم فاهمة الاساسيات

نقرا فلسفة كونها حاجة جديدة ونتهنا ماالعربية وفرونسي واونجلي

ونطالع اجتماعيات وشوي علوم شرعية

تقبلوا مروري

[*أبرار*]

نبدا في العطلة نتعب عام كامل في الفايده خير على الندامه

[رانيا1995]

بالنسبة ليا انا فهاد العطلة راني رايحة نريفيزي دروس السنة الثانية باش نكون موجدة روحي ﻷباك و تاني راني رايحة نحفظ مواد الحفظ اما المواد العلمية نخليها ممبعد لأنا سوف ندرسهم طوال العام موفقين انشاء اﻷه

[nourgirl1]

والله اخوتي راكم حفزتوني
اناهاد العام ما حليتش كامل المواد الادبية يعني في هاد الصيف لازمني ندبر كراريس ونقرا بيهم المهم نقرا المواد الادبيو و اللغات ان شا الله
ونحاول مانتعبش روحي

[امال08]

السلام اخوتي

و الله برنامج اذا كتب المولى اني اجهز نفسي معنويا اول شيئ و ارتاح لان عقلنا الا ويحتاج راحة لندخل بقوة ان شاء الله و الامور لي ديناها و عندي التباس فيه نحاول نصلح الوضع خاصة بالمواد العلمية لكنم ليس الان تبانلي بعد رمضان هاكا تكون قربت الدخلة ونكون ريحت مليح و دركا نغتنم بقراءة كتب تنمية بشرية و حفظ القران و قبل الدخول المدرسي يكون نطام اخر كما اود ان اتعلم اللغات باذن الله و كيف اتعامل مع كل مادة فبراي اذا ادركنا كيف نتعامل مع كل مادة حتى و ان تركنا الدراسة لبداية السنة فلن نلقى صعوبة فالكيفية هي التي تحدد الجودة و تاني نصائح اساتذتي في الفزياء و الرياضيات و احاول جمع المراجع و اخطط لما سافعله في السنة لان التخطيط سر كل نجاح هذا كان رايي لدي كلام كثير لكن هذا اهم شيئ

دمتم في رعاية الله و حفظه

[حاملة القران سمية]

نفس الفكرة
نراجع الرياضيات و الفيزياء نتاع السنة 2 مبعدا نتهنى من المواد الأدبية
حبيت نسقسيكم قداه نساعة راح تقراو في اليوم ?
ساعتين تكفى فى العطلة وفى الدراسة 5 ساعات او 4 تقسمها بين المواد العلمية والادبية

[حاملة القران سمية]

اختي مام انا نحوس نعقب الصيف هكذا ومنحفظش نطالع برك

ربي يوفقنا برك موفقة:mh31::)