ايهما افضل الزواج التقليدي ام العاطفي

[salah-biochimie]

لسلام عليكم وعلى جميع اعضاء منتدى الجلفة
اما بعد مشكلتي انني انوي الزواج لكنني التي اريدها عندي مدة كبيرة لم اراها سنين وانا اراها الفتاة المناسبة لي فهي تدرس علوم اسلامية وجميلة و ذات عائلة طيبة فتحدثت لصديقي الذي اخبرني بانه سيتكلم مع قريبة لتفاتحها بالامر وقد اخبرني بن قريبته كلمتها وبانها ليست متفرغة الان بسبب دراستها وان لا شئ في مخيلتها االا دراستها وقد اخبرني ان انتضر فانتضرت لكن بعد مدة اصبحت اتكلم مع صديقي فلا يجيبني ولم افهم ما جرى
فماذا افعل هل اتكلم مع اخوها مباشرة دون معرفتها جيدا يعني الزواج التقليدي ااو احاول ان اصل اليها و اتعرف عليها بنية الزواج
فما رايكم و اجيبوني و بارك الله فيكم

[مريم الصابرة]

السلام عليكم اخي
من رأي خليك من صاحبك والطريق هذي روح ديركت لخوها وقول حابين نزورروكم فالدار والجواب تسمعو ثم وماكانش خير من الزواج التقليدي لأنك لو مشيت في طريق تحوس تتعرف عليها راح تخسرها وتدي عليك نظرة شباب اليوم إذن إتكل على ربي وروح تكلم مع خوها موفق

[أبو تقي الدين]

الاتصال بأهل الدار أفضل حتى يبارك ربي في الزواج

[SELMA.]

okhet meriem 3andeha lhak ana sratli m3a wahed ja 3la assas zwaj w a3da ja khtabni w makmletesh ahki m3a darhoum w la kan tagder ahki m3aha goulha rani hab netgdemlek lzwaj wash rayk w lagtlek oui rouh ldarhoum w rabi ybarleklek w ykemlek 3la khair inchalah

[sillin]

اهدر مع خوها وصلي استخارة وتوكل على الله ربي سهلك

[مراد الأمل]

وفقك الله اخي

[TOKYO]

خويا انوي و توكل على ربي و قول خوها و بعث الداركم لا صديق لا يديك
ربي يكملك

[imi02i]

وادخلوا البيوت من أبوابها..
مادمت أنك لاتربطك أي علاقة بها فاتصل بأخيها مباشرة حتى تكون مجريات الزواج قائمة على أساس صحيح
وبالرغم من أن الزواج العاطفي أصبح ناجحا في أوساطنا لكن تبقى فيه بعض الحساسيات وهذا من تجربة من أعرفهم
إلا أن الزواج التقليدي يبقى بحرمته والله تعالى أعلى وأعلم

[achwak crazy girl]

مكانش منهااا خويااا تبع صاااحبك روح للدار واهدر مع خوهاا ولا اهلها وانا راني مع الزوااج التقليدي مكاانش منهاا الزواج العاطفي هذااااا باسكو 00000000

[الرڨيڨ]

وادخلوا البيوت من أبوابها..
مادمت أنك لاتربطك أي علاقة بها فاتصل بأخيها مباشرة حتى تكون مجريات الزواج قائمة على أساس صحيح
وبالرغم من أن الزواج العاطفي أصبح ناجحا في أوساطنا لكن تبقى فيه بعض الحساسيات وهذا من تجربة من أعرفهم
إلا أن الزواج التقليدي يبقى بحرمته والله تعالى أعلى وأعلم

يا اختي حتى الزواج التقليدي اصبح يشبه العاطفي خطبة تعارف مكالمات نهار ليل لا تناهي دخلات و خرجات و حتى تجاوزات يعني ما الفرق

يعني في الحقيقة المشكلة في مبادئ الانسان و اخلاقه و ليس في طريقة الزواج

[هدى الجيجلية]

ربي ايوفقك يارب
وتكلم مع اخوها
هذا احسن شيء
إن شاء تكون من مكتوبك يارب

[thawizat]

يا أخي أنت قلت بلي جميلة و خلوقة و بنت عايلة، صلي الاستخارة و روح لخوها مباشرة خير لا صديق لا غير
يا خويا واش من تعرف، الوالدين نتاعنا تزوجو ما شفوش حتى بعض و الحمد لله واش خصهم
ربي يوفقك و لي فيها الخير يجيبها إن شاء الله

[الجزائرية 1995]

راني حالفة منهدرش معاه قبل الزواج يلوكان يبطل

[أمة الله مروة]

السلام عليكم
اخي الكريم
الزواج التقليدي = الشرعي
الزواج العاطفي = الحرام

ننصحك بالاستخارة ولا بد
ثم تسأل عنها وعن أهلها...
ثم إن وجدتهم صالحين...فاقصد الوالد أو كبير أهلها ووليها واخطبها

أخيرا نصيحة مهمة: لا يغرنك أنها تدرس العلوم الشرعية، أو تلبس لباسا شرعيا...فكل هذه شكليات بالتجربة...افحص ودقق ولا يغرك المظهر...لا جمال الشكل ولا التمظهر بالاستقامة...

[achwak crazy girl]

راني قتلك مكانش خرمن الزوااج التقليدي باسكو انا عندي وحدة من لافامي تتزوجت بالزواااجا لعاطفي يالكان تشوف كيفااه راهي عايشة تندم باسكو غير ميزيرية كاين وكاين خوياا ربي معاك

[amine eco]

افضل مزيج بين الزواج التقليدي و العاطفي

[achwak crazy girl]

انا راااني قتلك

[ميمي سمية]

روح لدارهم

لخاطر اذا تعرفت عليها ووصلت لها بنية الزواج راح يعتقدوا اولياؤها بلي راك من الشباب الطايش

[الفقيرة الى الله]

السلام عليكم
اخي الكريم
الزواج التقليدي = الشرعي
الزواج العاطفي = الحرام

ننصحك بالاستخارة ولا بد
ثم تسأل عنها وعن أهلها...
ثم إن وجدتهم صالحين...فاقصد الوالد أو كبير أهلها ووليها واخطبها

أخيرا نصيحة مهمة: لا يغرنك أنها تدرس العلوم الشرعية، أو تلبس لباسا شرعيا...فكل هذه شكليات بالتجربة...افحص ودقق ولا يغرك المظهر...لا جمال الشكل ولا التمظهر بالاستقامة...

السلام عليكم ورحمة الله وبركاته ....نحن مطلوب منا أن نحسن الظن بخلق الله عز وجل .والله وحده حسيبهم .

[أريج هبة الرحمن]

سلام عليكم ليس هناك شيء افضل من زواج تقليدي مدامك ناويها للحلال دق بابها ,,,,,,,,,ادخلو البيوت من ابوابها ربي يهنيك ان شاء الله

[z.abdo]

ممكن أنها لم تسمع أصلا بك أحيانا البنات يغارو من بعضهم


انصحك ان تتلكم مع اخوها اذا كنت جاد في الامر