ساعدوني أنا في ورطة

[مشكلتي]

مثل أي شاب في هذه الدنيا أحلم بفتاة طيبة تملئ عني حياتي وتؤنسني مؤخرا زرت إحدى المدن المحافضة للترفيه عن نفسي صليت في مسجد ماشاء الله تحفة معمارية إسلامية وماميزه كذلك خروج أخوات ماشاء الله من ناحية الإحتشام و الجمال في الحقيقة انبهرت ولم استطع فعل شيء لا يمكنني الكلام مع فتاة وسؤالها ان كانت غير مرتبطة يعتبر ذلك خارج عن المألوف ووقاحة عند عودتي ركبت مع سائق سيارة أجرة يبدو على محياه الطيبة و البساطة أخبرته بإعجابي بالمدينة وجود أخوات ماشاء الله مباشرة قال لي مرحبا بك عندي اختي أزوجها لك وقلبي ارتاح لك بصراحة حشمت واحسست بثقل الأمانة وشكرته على جميل ثقته وقلت له نتركها لمكتوب ربي أعطاني رقم هاتفه حتى نبقى على اتصال اتصلت به عند عودتي واخبرته عن ظروفي الصعبة حتى امهد له كل الإحتمالات وأضعه في عين الواقع ولا يخدعه مظهري لأنني لما التقيته كنت بالمحفضة ولباس انيق ولحية خفيفة يبدو انني أستاذ أعطوني رايكم يا خاوتي

[نورسين.داية]

أنا لم افهم أين هو الإشكال ................؟؟؟؟

الجانب المادي أم تخوفك من الإقدام ....عما كنت تبحث عنه أصلا ؟؟؟؟

أخي أطلب الرؤية الشرعية ...............و إشرح وضعيتك المادية ......................قبلوا بك هذا هو المطلوب ....رفضوا ....ليست خيرا لك ...و السلام

وفقك الله ...............لكن لم تعرفنا عن الولاية لربما تكون مقصد ......للبعض ..........

[abdel02]

ليس بهذه السهولة
يجد الرجل شريكة حياته.

[مريم الصابرة]

السلام عليكم اخي
وين المشكل راك دخلت بنية وطالب الحلال وحكيتلو ظروفك واش دخل مظهرك إنت في بالك لأنو شافك لاباس تبان استاذ وإنت ما راكش أستاظ او واش انا ما نزنش قالك مرحبا بيك على جال مظهرك هذي ماكانش منها الاخ ما فيها والو إنت ابديت إعجابك ببنات المنطقة قالك اختي كاينة وراك حكيتول ظروفك خلاص من رأي حدد موعد الرؤية الشرعية وروح شوف وممكن ذهابك لتلك المنطقة هو مكتوب ومقدر موفق وننصحك ما تسبقش الأحداث وتخمم في بلاصت خوها خلي الأمر لله شكرا موفق

[محبة عبد الرحمان]

ربي يسهلك يا أخي اسأل عنها جيدا و استخر الله وربي يكتب لي فيه الخير

[نسمة تفاؤل]

مثل أي شاب في هذه الدنيا أحلم بفتاة طيبة تملئ عني حياتي وتؤنسني مؤخرا زرت إحدى المدن المحافضة للترفيه عن نفسي صليت في مسجد ماشاء الله تحفة معمارية إسلامية وماميزه كذلك خروج أخوات ماشاء الله من ناحية الإحتشام و الجمال في الحقيقة انبهرت ولم استطع فعل شيء لا يمكنني الكلام مع فتاة وسؤالها ان كانت غير مرتبطة يعتبر ذلك خارج عن المألوف ووقاحة عند عودتي ركبت مع سائق سيارة أجرة يبدو على محياه الطيبة و البساطة أخبرته بإعجابي بالمدينة وجود أخوات ماشاء الله مباشرة قال لي مرحبا بك عندي اختي أزوجها لك وقلبي ارتاح لك بصراحة حشمت واحسست بثقل الأمانة وشكرته على جميل ثقته وقلت له نتركها لمكتوب ربي أعطاني رقم هاتفه حتى نبقى على اتصال اتصلت به عند عودتي واخبرته عن ظروفي الصعبة حتى امهد له كل الإحتمالات وأضعه في عين الواقع ولا يخدعه مظهري لأنني لما التقيته كنت بالمحفضة ولباس انيق ولحية خفيفة يبدو انني أستاذ أعطوني رايكم يا خاوتي
المهم انك تسقسي على الطفلة مليييييييييييييييييييييح المهم تكون بنت حلال بقات من مدينتك او من مدينة اخرى المهم فالمهم الزوجة الصالحة ربي يوفقك

[صُبح الأندلس]

هذا الكلام سابق لأوانه و من يدري ربما يوافقون على ظروفك الصعبة و أنت لا تعجبك الفتاة

[موج و صخر]

لازم تسال جيدا عن العائلة عامة و الفتاة خاصة
و بعدها اعملوا رؤية شرعية ....بعد ذلك تاتي التفاصيل الاخرى

[أمير جزائر الخالدات]

ربي يقدم لي فيه الخير

[sali-sali]

السلام عليكم

اخي قبل كل شي اسال عن العائلة
وتقدم رسميا لها و بعد لقاء شرعي..و ان شاء الله يكون قبول

ربي يكملك ان شاء الله

[abdellah36]

و هل هذا رجل ام ماذا كيف يعرض عليك اخته في الشارع .........ارى ان هذه المدينة غير محافظة و لو كنت مكانك ما دخلتها ثانية ....اعوذ بالله .................على الاقل لو كنى .................

[حميد.ص]

ناس بكري يقولو مول النية ديما يربح.....انت نوي الخير تلقى الخير ان شاء الله

[~~ أغيلاس ~~]

عادي جدا،

أنت حدثه عن وضعك المادي،

إن قبل فلا تذهب أنت للنظرة الشرعية أولا، أرسل أمك أو إحدى أخواتك لتتعرف على الفتاة و على نساء العائلة،

إن حصلت موافقة مبدئية فتوجه أنت للنظرة الشرعية،

إن أعجبتك فاللهم بارك،

و إن لم تعجبك فلا حرج في ذلك،

ـــــــــــــــــــــــ

إن اعجبتك أي فتاة سواء في العمل أو المسجد أو الجامعة أو الشارع فأرسل أمك أو أختك لتكلمها،،،،،،،،،،،،،، و لا تفعل كما يفعل الشباب ( الفاهمين ) تع ضرك،،،،،،

يعصي ربي بالدرشة مع فتاة أجنبية و هي كذلك تخون أهلها و تعصي ربي بالدردشة مع شاب أجنبي و في الأخير يقولك تعارف ههه، و زيد يحسب روحو و تحسب روحها شريف و شريفة و من عائلة محافظة ايضا :1:،

ــــــــــــــــــــــــــــــــ

بالتوفيق .

[nouna l maghbouna]

و هل هذا رجل ام ماذا كيف يعرض عليك اخته في الشارع .........ارى ان هذه المدينة غير محافظة و لو كنت مكانك ما دخلتها ثانية ....اعوذ بالله .................على الاقل لو كنى .................

واش فيها هاذي??

ربي يهديك و يهدي امثالك
موسوسين من كل شي

[koukou23]

أنا من رأيي دير صلاة الاستخارة أفضل ليك
خاطر فيها تشاور ربي سبحانه إذا تروح تخطب من هذه الولاية أم لا
كما قال الرسول صلى الله عليه وسلم ...ما ندم من إستخار...

[AMINA.Z]

انا الشيء اللي استغربتو

هو الراجل ما يعرفكش خلاااااااااااااااااص و عرض عليك اختو ???????????????

ما فيها لا راك تبان ناس ملاح لا والو

و الله عيش تشوف صح

ربي يهدينا

باينا عليك حتى انت استغربت الطلب و ما حبيتش تحشمو

كمل معاه

و روح شوف الطفلة اذا تعجبك و لا لا و زيد سقسي على العايلة
اذا ما كتبش ربي ماراح تربح حتى عيب و زيد راك من ولاية اخرى

ربي يعينك اخي

[sousou hz]

شكون ليضمنلك راهي اختو فيها الصفات المناسبة ليك ولا اختو مثل البنات الي شفتهم خارجين من المسجد راك ماتعرف عليهم والو اخوها قلك عندي اختي مي انت وش تعرف عليهم

[مراد الأمل]

موفق أخي..لابأس أن تحدد موعد معه و تذهب للرؤية الشرعية..إن خيرا فخير و إن لم تتفقا كل واحد ربي يسهله..موفق أخي

[سدرةالمنتهى]

وين راه المشكل انت خفت من راجل دلك الى البيت مباشرة و انت واش ضمنلك هذوك البنات اللي خارجين من المسجد قع ملتزمات انا نعرف بنت غير متحجبة حجب شرعي تلبس تريكو و بنطلون و خمار و كي تروح للمسجد تصلي تلبس حجاب شرعي كامل اذا ليس كل مايلمع ذهب يجب ان تعير هذا الذهب جيدا
انت ناوي الخير اكيد ربي مايخيبكش

[سجل أنا جزائري]

و هل هذا رجل ام ماذا كيف يعرض عليك اخته في الشارع .........ارى ان هذه المدينة غير محافظة و لو كنت مكانك ما دخلتها ثانية ....اعوذ بالله .................على الاقل لو كنى .................


و اين المشكل يا أخي

هو شافو انسان طيب و يظهر عليه علامة الصلاح بعد الحديث معه أراد مصاهرته لنبل أخلاقه

ياخي ما قولوش كاينة أختي روح اخرج معها !!!!!!!!!!!!!!

[sirin_25]

يا أخي علاه خايف ما يقبلوش , هدا الراجل شاف عندك أخلاق و ضرافة أكيد عجبتو بصح نصيحتي ليك سقسي مليح على هاد العايلة و خصوووووووصا الفتاة لانك من ولاية أخرى و ما تخليش طيبتكـ و نيتك الصافية يديوك للهلاك , أنا سمعت بحكاية كيما هادي و في اللخر ظهرت الطفلة مريضة نفسيا :( ,, و و و
المهم أنت توكل على ربي ... أستخر الله سبحانو و هو يوجهك للطريق السليم ممكن تكون هاد الطفلة مكتوبك و تعيش معاها هاني و علاش لا :)




حبيت نضيف حاجة انت كي شفت المتدينات (لي ربي يكتر من امثالهم ان شاء الله) عجبوك و قلت نخطب من هاد الولاية !!! ,,,,,, لا يا أخي بنات عايلة وحدة ممكن يكونو ماش كيف كيف فما بالك بنات ولاية كاملة ,,,,,,,,,, ربي يرزقك و يرزق شبابنا واش يتمناو ,,,,, اميـــن يا رب

[{مـشـاكـسـهـ}~]

ربي يقدم لي فيه الخير

[**د لا ل**]

لماذا تظون سووءا بالناس ؟؟؟

لست افهم ابدا

انا ارى بانك اردت خيرااا فرزقك الله بزوجة قبل ان تخرج من تلك المدينة

لذا فالأمر بيدك الآن

وفقك الله