محتارة في طريقة تعامل زوجي معي

[لمى يس]

اخواتي انا في حيرة و مشكل فسدلي حياتي. منذ 10 ايام تغيرت طريقة زوجي في التعامل معي كان عادي جدا و مبعد تبدل دورك كي نقولو حاجة يعمل عكسها و كي يشاورني في حاجة و نعطيه رايي يتعمد انو يدير العكس راح يهبلني

كيفاه ندير معاه :sdf:؟

[سجل أنا جزائري]

راجعي نفسك شوفي حاجة اللي خلاتو يتبدل

ماكاش منها الراجل يتبدل هكذاك برك بدون سبب

نقشيه نورمال قوليلو هذي ليمات مش نحسك مليح كيما عندك مشكل نعاونك فيه ؟ كيما غلطت معك ؟

بالنقاش الهادئ تتحل كل المشاكل

ربي يجعل خير و يرجع الهنا في دارك

[لمى يس]

راجعي نفسك شوفي حاجة اللي خلاتو يتبدل

ماكاش منها الراجل يتبدل هكذاك برك بدون سبب

نقشيه نورمال قوليلو هذي ليمات مش نحسك مليح كيما عندك مشكل نعاونك فيه ؟ كيما غلطت معك ؟

بالنقاش الهادئ تتحل كل المشاكل

ربي يجعل خير و يرجع الهنا في دارك

شكرا اخي على الرد و لكن ناقشتو و حكيت معاه قالي كلش عادي ماكان والو

[رحمة من المولى]

الرجال هاذو هوما لازم تساعفي ياك حكيتيلو قال مكان والو خليه على راحتو متكثريش عليه وربي يرجع الامور لمجاريها ان شا الله

[لمى يس]

الرجال هاذو هوما لازم تساعفي ياك حكيتيلو قال مكان والو خليه على راحتو متكثريش عليه وربي يرجع الامور لمجاريها ان شا الله



شكرا على النصيحة

[abdel02]

هي مقدمات الخيانة.

[مريم الصابرة]

هي مقدمات الخيانة.


السلام عليكم خويا فتحي
حبيت الاخت الويم تبات قاعدة لا ممكن هكذا تمرد برك وراك عارف إنتوما الرجال تجيكم أيام يركبوكم الجنون :1::1:

[مريم الصابرة]

السلام عليكم اختي
شوفي من رأي إنت إبداي تبعي حالتو بالسياسة ماشي بالعياط والدبزة لالا
ناقشيه وإختاري وقت مناسب تحكي فيه معاه ممكن راه يسمع للهدرة او يحكو قدامو صحابو على تعاملاتهم مع زوجاتهم تعرفي كاين اللي يغسل الماعن وقدام صحابو يقولهم راني نمشي فيها بالكف ممكن زوجك راه مصاحب هكذا انواع راه يتبدل وحب يدير رأيو إنت قوليلو معليش كلمتك هي الأولى ورضيه وشوفي وين يوصل وإن شاء الله ما يكون والو وما تنصايش السكانير لازم يكون دايما تحت حراستك موفقة

[ام نسمة]

هي مقدمات الخيانة.


اصبت فعلا تلك هي مقدمت الخيانة

[shanese hanane]

احسن حل هو المعاملة بالمثل غير ما تقيميهش احس بغلطة ديالو

[ammar_phys]

لا يمكن حمل الامر عى الظن ...ان بعض الظن اثم... لا تتسرعي أختي ربما طريقة تعاملك معه جعلته يعاملك بهذه الكيفية...من باب العقل ان يفتش الانسان ربما يكون أخطأ في طريقة معاملة ...وسلوكه ربما هو رد فعل لرد الاعتبار...لذلك لا داعي للتسرع فقط فتشي بهدوء عن سبب المشكلة ....واعلمي انه يستحيل ان يكون بيت زوجي دون مشاكل واختلافات...ربما عنده مشاكل خارج البيت العمل مثلا فتؤثر على سلوكه في البيت فقط وفري له الهدوء و ان شاء الله بقليل من الذكاء والصبر تجدين حلا للمشكلة البسيطة ...

[nad_78]

ممكن تكوني غلطتي معاه في حاجة و ما حسيتيش بحجم الخطا انتاعك. راجعي نفسك و قوليلو بالاك راني غلطت معاك بلا ما نحس سامحني

[ام عبد السلام]

عادي هادو هوما الرجال يتقلبو ساعة و يولوا ساعة
بالاك عندو مشاكل برا تبان في الدار على هاد الشكل
.......................
بالاك واحد من صحابو محرشو و صراتلي هادي
كي يشوفو متفاهم معاك و لاباس بيكم
يقولو واش تحكم فيك مرا كون جات مرتي
نعطيها كف و تبلع فمها مي هاد شي خرطي
غير هف هكاك غيرة و خلاص
هو رجولتو تحز فيه يجسدها بهاد
التصرفات
..............................
و ممكن تاني منك انت ديري رايك
و رايك هو الصحيح دايما يمل يحب يدير
رايو حتى كون غالط غير عناد فيك
على هادي خليه يدير رايو حتى كون
ماشي عاجبك على خاطرو هو برك
و زيد شهر و الا شهرين يولي كيما كان
...................
تاخدي رايي اهدري معاه
قولو كاش ما درتلك تبدلت هكا
مي خيري وقت يكون مرتاح
و هادي باش ما تزيديش تكملي
ما تطلعي ما تهبطي
ماكانش زواج بلا ملل
بلا معاندة

[ام عبد السلام]

احسن حل هو المعاملة بالمثل غير ما تقيميهش احس بغلطة ديالو

في رأيي راكي غالطة هذا زوجها ما تبدل غير ادا حس بشيء متغير
لازم تفهم علاش
بطريقتك هادي تزيد الهوة اللي بيناتهم
و تتفاقم علاقتهم على سبب ماكانش

[ام عبد السلام]

احسن حل هو المعاملة بالمثل غير ما تقيميهش احس بغلطة ديالو

إن بعض الظن إثم
ما تحكموش هكاك
تدخلو المرا هادي في متاهات
الخيانة
و ديجا ما حكات والو
غير تبدل
كيفاش و علاش
غير هكاك خيانة؟؟؟
ربي يهديكم
حطو الرحمة
الشك يؤدي الى عواقب
وخيمة في الزواج
لازم الصدق و الأمانة بين
الزوجين
هي تمشي بنيتها تخلصها
ادا يخون فيها
وكيلو ربي
ما توسوسش روحها و تمرضها باطل
هكا ادا ما هو داير والو
تخليه يدير
.......
حطو الرحمة ما حطت مشكلها
الا راهي حاسة

[shanese hanane]

هادا هو دواهم منين تقعد غير تساعف فيه وهو ما دايرلها خاطر حتي هو يحسب في روحو

اليق تحسسه بالدنب

[السيدة كرمين]

زوجك ينبهك لأمر ما انتي مقصرة فيه لايجد إلا هذه الطريقة

راجعي نفسك ولا تهملي أي شئ

ربي يسعدك

[ammar_phys]

مثل ما أشرت وأشارت الكثير من الاخوات كام عبد السلام....بارك الله فيهن على النظرة العميقة ...أقترح أن تلقي نظرة على كتاب ألفه الكاتب د. جون جراي تحت عنوان لماذا يتصادم المريخ والزهرة....مترجم للغة العربية يمكنك البحث عن الكتاب من المكتبات او تحميله من الانترنت مجانا...
اليك الرابط :
http://www.ibtesama.com/vb/urls.php?ref=http://books.ibtesama.com/dldngi01442.pdf.html
سلام

[imi02i]

ضعي في حسبانك كل التوقعات
لكن لا تتسرعي في الحكم على كل أمر تشكين فيه، إلا بعد أن تتأكدي منه
لربما يعاني من حالة نفسية صعبة
لربما ضغوطات العمل جعلته يفرغ شحنته فيك
وهناك عدة أمور تجعل الزوج يتغير في معاملته
لكن أنصحك أن لاتشكي في الأمور السلبية لأنها بطريقة أو بأخرى تجعلك تفقدين التفكير السليم الذي تحاولين به أن تتفهمي زوجك
كوني هادئة معه مهما كان تعصبه، وحاوريه بالتي هي أحسن، وإياك والتعنت والعناد
ضاعفي من إهتمامك بنفسك ولا تكثري الحديث معه بشأن هذا الأمر واختاري وقتا مناسبا لمحادثته

[Assouma 93]

يا اختي هاذو هوما الرجال خطرة هاك خطرة هاك ما عندك ما تدري اصبري و ساعفيه ضرك وحده ترجعله لاميموار

[مناد بوفلجة]

أنت فقط مصابة بالوسوسة

عليك بالتفكير في طريقة تغيير طريقة تفكيرك إتجاه زوجك