أرجو الدخول من جميع الأعضاء والدعوة للأساتذة

[piérre de lumiére]

السلام عليكم المهم في هاد الأيام رانا غير نشوفو في الحملات تع التحضير للباكالوريا بين مؤيد ومعارض وصراحة انا تاني تخلطتلي فمن رأيي ان يقوم الاساتذة الكرام بتوجيهنا ونصحنا وخاصة في هاد المنتدى كاين اساتذة بزاف وتع مواد مختلفة يعني كل استاذ ينصحنا في المادة تيعو ولا بأس انو يمدلنا نصيحة شاملة وخصوصا مثلا اصحاب معدل 15 واقل يعني رانا ناقصين المهم نتمنى انو موضوعي يكون في مصلحة الجميع ولي يعرف اي استاذ في المنتدى مادابينا يقولو يشارك ف:mh92::mh92:ي الموضوع ولا بأس انو الاعضاء يقولولنا وش نصحوهم تع الثانوية ومن هنا نفهمو ساسنا من راسنا كيما يقولو

نتمنى يكون تفاااااااااعل تقبلو مروري

[~°safsaf sweet°~]

مام انا اني معاك في هادي وانا قررت اني نراجع وحدي ناس جايبة 18 و17 بلا حملات
تزيد تديلي وقتي وتخلطني بركـ

موفقــة

[amine 1995]

نعم انا ايضا معك

[ranou1995]

oui 3andak a9 fi hadéé mais matdarakch lou sa3a sa3a raja3té chwya mathématique wela.. s bah matansach!

[piérre de lumiére]

نعم شكرا لمروركم بانتظار البقية سيرتو حنا حكمنا عطلة غير السمانة الي فاتت ومزال عيانين شوية ربي يوفقنا ان شاء الله

[piérre de lumiére]

ماشاء الله 79 مشاهدة و3 ردود اجماعة شاركو نسحقو تفاعل ماشي علاجال موضوعي اصلا هو في مصلحة الجميع

[هاجر البرايجية]

سلام انا قررت نراجع وحدي psk كثرو الحملات بلا فايدة لكني سأبقى على إطلاع

[hanna25]

والله اختي انا منظميتش لهذه الحملات لاني ارى لا فائدة منها
وانا ضد المراجعة في العطلة والبدأ بدراسة برنامج العام المقبل
راكم محال تفهموا بلا أساتذة
ولراحم يقولوا نحفطوا نظمنلكم بلي تنساو
بالنسبة للاساتذة استاذ الرياضيات تع ليكور قالنا متمسوا والوا في العطلة نهار ندخلوا نقراو الاسبوع الاول قبل منبداو الدروس نراجعوا شوي دوال كيما انا نراجع من كراس ليكور وشوي اكسدة ارجاع هادي هي
وليبدا من الصيف ميجي يوصل مارس حتى يموت بالغلبة ويروح كلش هكاك
هذا رأيي وكل واحد حر

[piérre de lumiére]

صح عندكم حق شوية دعوة تخلطت في المنتدى وكثرت المواضيع ان شاء الله تفرج برك بانتظار الاراء الاخرى بلاك نغيرو رأينااااااااااااااااااااااااااااا

[afrahe]

السلام عليكم
شكرا على الطرح المميز ا
انا راني معاك ففي فكرة انو الحملات خلطت علينا امورنا
انا حابة ندي عطلة تاع الصح نريح فيها شوية من السنة الثانية لانها جاتني شويا صعيبة سوغتو كيما عدت نقرا هندسة
انا منكذبش عليك حابة نريفيزي بصح مهيش بهذي الطريقة
نحوس نقرا شوي عربية ونضرب طلة على الفلسفة واللغتين
مي باش المواد العلمية من ضك مشكيتش
و شكرا وقيلا طولت اسفة

[salah salilou]

السلام عليكم
شكرا على الطرح المميز ا
انا راني معاك ففي فكرة انو الحملات خلطت علينا امورنا
انا حابة ندي عطلة تاع الصح نريح فيها شوية من السنة الثانية لانها جاتني شويا صعيبة سوغتو كيما عدت نقرا هندسة
انا منكذبش عليك حابة نريفيزي بصح مهيش بهذي الطريقة
نحوس نقرا شوي عربية ونضرب طلة على الفلسفة واللغتين
مي باش المواد العلمية من ضك مشكيتش
و شكرا وقيلا طولت اسفة

أنأ اتفق مع الأخت سأستغله لمراجعة المواد ألأادبية و طلة خفيفة على الرياضيات فقط

[❀مَلِيْكَة❀]

شكرا اختي راني معاك في هذه الحاجة مهيش المشكل في الحملات المشكل في التنظيم والتنسيق
وان شاء الله تدخل الادارة والاساتذة باه يرgلو الحالة

[piérre de lumiére]

ان شاء الله ربي يوفقنا ونلقاو الحلول وتكون في مصلحتنا بانتظار البقية

[عبد الرؤوف_2]

السلام عليكم
اوافقك الراي ارى انه من الافضل وضع برنامج يومي لفصل الصيف مع التركيز على المواد الادبية خاصة اللغات .. اما بالنسبة للمواد العلمية ارى ان دراستها الان سيزيد من اختلاط الامور خاصة وان الدروس جديدة ...بالتوفيق

[ميمي سمية]

رتحي سمانة ولا سمانتين

ومبعدة ابداي توجدي روحك

مي ماتعبيش روحك بزاف مثال تبقاي سهرانة الليالي وتنوضي بكري وماتشبعيش الرقاد

لالا راهو قدامك قريب 4 شهر باه ترجعي والباك بقالو عام

وربي ينجحك حنونتي

وينجح التلاميذ كامل اللي راح يعقبو:mh31:

[سحر الكلمات]

ايه صح عندك الحق مي لازم نغتنموا فرصة عطلة ونراجعوا شوية.

[sail away]

Salém
Okhti ana 7séb rayi Héd el 7amlét Rahom fél fàyda Ou ali Mà9derCh ytaba3 fihom yokhroj menhom ou koun kachma yahtaj Maray7inech Yabokhlouh
Ou ta3 lo9raya f les vacances Hadik Koul wahed ou niveau ta3ou kayen ali na9es fi hwayaj ou hab Ya3delhom
Ana kayen Men les profs ali 9aloulna ab9aw en contacte m3a lo9raya surtt Làhwayaj ali dernahom Sna
Rabi Ykoun m3ana kamel ou yjib ali fih alkheir

[piérre de lumiére]

نعم بارك الله فيكم على هذه الردود والاراء الجديدة وان شاء الله ربي معانا مش رح يخيبنااااااااااااااا

[amelmimi94]

السلام عليكم و رحمة الله و بركاته
اما بعد
كيف الحال ؟ ارجو ان تكونوا جميعا بخير
بالنسبة لهذه القضية الشائكة ههههه فانا مؤيدة لها
اما بالنسبة لمواد الحفاظة فانا احبذ ان لا يكون الحفظ آلي ( اعطيني الكلمة الاولى ونكمل ) يجب ان يكون حفظ تاع فهامة
ارجو ان تفهموا قصدي
و لكل شخص رايه و قدراته التي يتميز بها

[amelmimi94]

سلام انا قررت نراجع وحدي psk كثرو الحملات بلا فايدة لكني سأبقى على إطلاع
قرار صائب اختي انا ايضا قررت ان اراجع وحدي مع الاطلاع على جديد المنتدى