هل هده المشكلة عند وحدة منكم

[k.takoum]

السلام عليكم ورحمة الله وبركاته
تعرفو وين مشكلتي انا قبل كنت كي ندخل المطبخ دارنا كامل يفرحو يعني لو ندير الماء والملح يطبخو يجيهم بنين والان والله اي حاجة نديرها يجي فيها مشكل يا اما مالحة سااااامطة حارة المطلوع تاعي كان يديرو عليه دوموند درك تقول راني خرفت حلويات والتارت كنت نتفنن درك موسكوتشو تخرج كارثة
واش ندير وعرسي قريب انصحوني

[اية الرحمن1988]

السلام عليكم
أختي الماكلة لازم كي تطبخيها براحة البال والقلب مرتاح
ضرك راكي مقلقة ممكن عليها مكيش تطبخي مليح
انا ثاني كي نكون مقلقة نعميها
الموهبة راهي متروحش متخافيش

[k.takoum]

والله يا اختي راهي مشكلة كما اليوم درت العشا لخالتي وخالتي ضياف عدنا درت طعام بالمرقا تقولي وحدة فيليبينة واول مرة يعطوها دير طعام طعام مالح والمرقة سامته ودرت فيها كل شي قبل كنت كي ضيف غفلة وما يكون حتى حاجة حاضرة غير نخلطلهم والكل يقولو شحال بنين الله يستر

[شوشو 11]

حنونتي رجعي الثقة تاعك في نفسك
وان شاء الله فترة وتروح
كل المخطوبات يتقلقو

[ام شرفو]

قولي باسم الله
كثري الاستغفار
راكي مقلقة شوفي واحدة قريبة منك فرغي قلبك
و تمتعي بالطبخ

[k.takoum]

شكرا ليكم بنات وانا نحس براحتي هنا في المنتدى بزاف

[oum shaima]

السلام عليكم باينة راكي مقلقة...أقراي القرآن فهو يريح النفس... وأرقي في الماء واشربي...

[kika85]

ما تخافيش اختى ما بيدك كنتي تطيبي مليح همال موهبتك ما راهيش حتروح باين راكي مشغولة بزاف وراكي مقلقة همال تزربي ديريه باش تروحي لشغل واحد اخر انا تان كي نزرب ما يجيش الطياب بنين
ربي يسهلك في كل شي ويبعتلك ايام هاااااااااااااااااااااااانية يا رب

[flora06]

بلاك فترة وتجوز حنونة ربي يهنيك ارقي روحك و اقراي قران ترتاحي

[زنجبيل11]

استغفري الله و تو كلي عليه
ما تنسايش العين حق
ربما الي كانوا ياكلو طبيخك و يعجبهم ما يقولوش ما شاء الله

[chaimouma]

ماتخافيش نتي دبوك بعين والله روحي رقي على روحك

[ام شرفو]

شوفي حطي في بالك اللي رايحتلهم ماراهومش من كوكب اخر كاين اللي بدلو بلاد و تاقلمو
راهو عندك باقاج و رانا كل دهشنا في اللول بصح المسالة مسالة تعود
انزيد انقلك كاين اللي عمرهم ما دخلوللكوزينة و كي اطخطبو ولاو يطيبو و هفو لعريس و مواليه وينك يا انتي متعودة و راح انتي اللي تعلميهم عفايس
كثري الاستغفار و اقراي ايات الكرسي و المعوذتين

[ام الطيب]

السلام عليكم
بلاك بيك الروتين
صومي وعملي فطور الله الله
ورديلي بالخبر

[tokio hotel]

اختى كامل نمرو بنفس المشكل كما قالو الاخوات استغفرى و رجعى الثقة فى نفسك و تاكدى بلى مرحلة و تفوت

[ssoul25]

اختي كي تكوني تطبخي ماتخمي في والوا سبحي وانتي طيبي ايجي طعامك هايل والله اني مجربتها

[ladymillion]

كي تكوني تطبخي أبداي بــ بسم الله وعلى الله توكلت وحاجة عادية كي تكوني مقلقة ومتوترة بلاك كيعاد قريب زواجك راكي متوترة شوي لكن هدي اعصابك وطبخي براحة بالك

[أم عبد الرحيم2]

و الله ممكن عين
حصني نفسك
و قولي بسم الله قبل الطهي
و كي تشكي في ودة جاتكم قولي اعوذ بكلمات الله التامات من شر ما خلق
و ارتاحي شوية و سمي بسم الله و بربي تستعيدي نشاطك

[k.takoum]

شكؤا بزاف خواتي كلامكم صحيح ا والحمد لله

[om djouhaina]

اختي ابثعدي عن القلق و اكثري من الاستغفار و التسبيح -الطبخ نفس