السمراء ام البيضاء؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : السمراء ام البيضاء؟

لبيبة1

2013-05-27, 14:20

السلام عليكم
ان شاء الله راكم لاباس خاوتي انا بخير الحمد لله
اردت كتابة الموضوع في هذا القسم لانني اردته موضوع للنقاش و في نفس الوقت نشوف رايكم في حكايتي انا
اول حاجة عندي سؤال للرجال
هل تفضل البيضاء او السمراء او الخمرية او اللون لا يهمك و لماذا؟ و هل لديك استعداد لتغيير حبك للون معين (تغيير صادق و ليس مجاملة)
بصراحة هنا في بلادنا معظم الناس يحبو البيضا لدرجة اني نحسهم عنصريين ساعات

المهم انا خطبني واحد و شرطو انها تكون بيضاء و انا حنطية مايلة للسمورة بصراحة حرت انتم وش رايكم؟
الاحتمال الكبير نرفض و ما نحرجش نفسي لكن حبيت نفضفض معاكم
لي جابتلي لافار قاتلي اكي بيضا هي تشوفني بيضا ع خاطرها اغمق مني قلتلها لا الاسمر اسمر و لبيض ابيض و السيد طالب بيضااااااا كون عينو يقول المهم ما تكونش
سمرا بزاف و فرات ما تقولوليش يشوفك و يحكم راني مانتحملش اهانة كيما هك اصلا انا قلبي مجروح من حكاية مشابهة صراتلي و كانت مشكلة في لون البشرة ايضا اوووه حرت

علاش هكذا عقلية اغلبية الرجال والله تعبت
وش سمرا و وش بيضا
المشكلة ما قالش مليحة قال بيضا لمهم بيضا حاساتو عندو خلفية عنصرية و وش رايكم؟
انا خايفة يشوفني و يقول لا رح يجرحني كثير وخايفة اكثر يديني و مش مقتنع بيا و يبقى عينو في البيضا
ما تقولوليش كون ما يقتنعش ما يديكش لاني شفت حكايات مشابهة يتزوج بوحدة و يقولك مازلت نفضل صفة مش في زوجتي

المشكلة هو حطو شرط صريح على هذيك بانلي مستحيل يبدل ذوقو
وش رايكم انصحوني
اااه نسيت باه نقلكم انا عاجبتني السمورة و نحمد ربي ليل و نهار خاطرني سمرا
مش قصدي نطيح بالبيض حتى لبيض مليح لكن هك الانسان لاززم يقتنع بنفسو

الزيتون

2013-05-27, 14:59

عبد الرؤوف24

2013-05-27, 16:37

السلام عليكم
بيضاء ولون شعرها اسود وعيناها سواداء ورموشها سواداء طويلة رشيقة رقبة طويلة شعر طويل.......
بطبيعة الحال لو تفتحى المجال الى مايحب الرجال طبعا حورية من حورية الجنة وياربى نقنعوا
احسن حاجة جميلة الاخلاق ووصمعتها بيضاء وفقط
والكمال لله

النجمة القطبية

2013-05-27, 16:57

وانتى علاه تعقدى فى الامور المكاتيب مافيها لا بيضاء لا سمراء
ثم ما ادراك انك انتى راح تقبلى اصلا فكرى هذا الشخص مناسب ام لا متدين ام لا يناسب عائلتك ولا لا
يعنى هل انتى خلاص راكى موافقة ومتاكدة انو مناسب ورحتى تفكرى فى الالوان
المهم ربى يوفقك

albert45

2013-05-27, 17:00

شوفي المكتوب واش يقرر... البيضاء ولا السمراء

Dj BoBo

2013-05-27, 17:12

السلام عليكم

والله اختي الكريمة الرجال مختلفون

منهم من يريدها بيضاء و منهم من يريدها سمراء

و منهم من لا يهتم باللون أصلا

و لكل لون سحره و جماله الخاص

بارك الله فيك

إن شاء الله ربي يتمم الامور بخير و على خير و نسمع اخبار سعيدة

بالتوفيق

الفلة البيضاء

2013-05-27, 17:16

انا انصحكي بالاستخارة قبل كل شيء و اظن انه هذا يهمه الشكل فقط لماذا لم يبحث عن الاخلاق و الدين اولا

ابراهيم داود

2013-05-27, 18:19

هذه امور مرتبطة بعملية نفسية اسمها التعويض فالرجل الأسمر مثلا قد يفضل المراة البيضاء البشرة لانه لا يملك هذه البشرو و العكس صحيح

مريم الصابرة

2013-05-27, 18:24

السلام عليكم اختي
ضحكتيني اللي جابتلك لافير الزواج صح رجع آفير ههههههه
وثاني راهي بالألوان هذا وين عرفت حاجة جديدة هذي مرات نقول الرجال هذو مهابل ياخي المهم تكون متخلقة ونعرف ربي ومتحجبة زادو الالوان ثاني رانا غير نسمعو فالجديد واش نقولك إن شاء الله تلقاي القبول وعادي سمرا او بيضاء او خمرية المهم مرا نتاع الصح وإنت اللي يتشرط لونك هذا لو تنحرقي بعيد الشر لو تسماري لو ترقدي تنوضي كحلة يطلقك والكحلات إمالا ما يتزوجوش وإلا كيفاه والله تبدهيلة زعمى إحنا شعب مسلم ياخي حالة ربي يهدينا موفقة

sarl02

2013-05-27, 20:37

الراجل غير اقولك بيضاء ولا سمراء ولا خضراء ولا معمرة ولا فارغة اعرفي بلي هدرة امه او اخته او واحدة من اللواتي يستشيرهن في امر الزواج ...يا نساءالراجل مسكين وانتم الي اتخسرو لافار على بعضكم بعض.

شاملة لينة

2013-05-27, 23:43

عليك ب fair and lovely
كنت أمزح.............. استخيري قبل أن يراك كي تكوني مرتاحة
وحتى إن رفضك من مبدأ اللون فبعد الاستخارة لن تشعري بالضيق.
وفقك الله

ام عبد السلام

2013-05-28, 19:42

ختي الدنيا هادي مكاتيب
و زهور
لا بيضا لا سمرة انت و زهرك
تلقايها بيضا شمعة و الزهر
مسكينة مسود
و تلقايها سمرة و الله يبارك
زهرها في السما
و الراجل كل واحد و ذوقو
...............
ماكانش منها كامل بيضا
غير اللي معقد من لونو يركز على بيضا
كي يكون هو سمر
قليل تاني
.................
الراجل ادا عجبتيه تعجبيه
كامل كلك على بعضك
موش صفة
كاين داوهم واش من زين
واش من بيوضية
من لسانهم و الا طبايعهم
طلقوهم
الصح في المرا و انا
نقولك اديها نصيحة مني
اللسان الحلو و اللسان الحلو
تكسبي بيه الراجل
و ماليه

سرور

2013-05-28, 20:41

ختي انا سمراء في هدا وقت كل واحد دوقو درك قيلي وين تشوفي يبحتو علا اخلاق كامل يجرو مور لطاي وجمال هداك زمان درك لالا كلش بمكتوب

~~ أغيلاس ~~

2013-05-29, 03:52

هناك من يظن الجمال في البياض فقط و هذا خطأ،

الشخصيات تختلف،

لا أدري لمذا كلما يكون الرجل أقل وسامة يبحث عن فائقة الجمال و في المقابل رجال وسيمون جدا يرضون بفتيات في نظر غيرهم أنهن لسن جميلات ؟؟؟

أحد الهولنديين اسلم و تزوج مسلمة سوداء و هو سعيد جدا، و غيره كثييييييييييييييير،

لكن !!!!!!

wafa16

2013-05-30, 17:52

الزواج مكتوب
و ايظا الهدرة هادي و الا الاختيار تع هاد الشاب ترسخ عندو من المحيط تاعو يعني الام و الاخوات
لانو الرجل حسب علمي يهمو تكون جميلة حتى لو كانت سوداء
لكن الجزائريين مازالت عندهم عقدة من الابيض
يعني ادا كنت ابيض انت جميل (كي القاوري ههههه)و ادا كنت اسمر فانت قبيح

mitrochka

2013-05-30, 18:05

من منظوري الشخصي للأمر
فقط توافه الناس من يجعلون من حكاية الألوان عقدة للزواج
وفقك الله إلى ما يحب و يرضى

yacine-08

2013-05-31, 21:42

اكديلي على لافار بصح هههههههه

كما قال الاعضاء الرجال يختلفون في رؤية الاشياء التي تتير اهتمامهم نظرا للمراحل الدي مروا بها

كاين لي تبانله الجمال يتمتل في البياض حتى لو لم تكن جميلة ..وكاين من يرى جمال الشخصية و الروح وكاين وكاين لي يحب السمرا

المهم ان الشخص ادا رأك واعجب بك فالله يكمل بالخييييير

لكن معرفة ادا كان عنصري ام لا ، ههه الله اعلم ما بي النفووووووس .

هدى الجيجلية

2013-06-01, 11:47

بما اني
بيضاء البشرة
أفضل الرجل اسمر

doudou17

2013-06-01, 12:07

هدى الجيجلية راكي كيما انا... للرجل الأسمر جاذبية لن يفهمها كل أبيض مصفار حاسب روحو بوقوص
الفتاة السمراء عبارھہ عن سحر ۈ انوثہ ۈ نعومہ هَ وخقه لن تفہمہا كل فتاه بيضاء ..هذي في خاطرك ليبية1

enseignant fiévreux

2013-06-01, 12:12

السلام عليكم
.
.
تختلف المقايس باختلاف الرجال و شخصياتهم و البيئة لي تربى فيها كل واحد
كاين ليبغي البيضا و واحد اخر سمرا و ثالت يحوس عليها تعرف تطبخ و ... و....و....و اخيرا تكون مدينة و ذات اخلاق
و بعد الزواج مباشرة اول حاجة راح ما تكونش عندها اهمية هي السمراء و البيضاء لانو راح تبان للزوج امور اخرى اكثر اهمية تودي الى تغير في المقايس
و انا اتكلم عن معرفة ........نتيجة تجربة زواج فاشل :o ربي يعوض عليا
.
.
.
عليك بالاستخارة و الدعاء

amine eco

2013-06-01, 14:51

انا ابيض من حقي ومن البديهي اطلب واحد بيضاء اظن انه لا اشكال ذلك ومنبداوش نلعبو فيها قاع نحبو اخلاق والدين اكيد ان الجمال عندو دور ( مع علم ليس انها سمراء ليست جميلة)

هدى الجيجلية

2013-06-03, 22:05

أمة الله 12

2013-06-04, 10:38

السلام عليكم

اختي لبيبة 1 ننصحك ما تستقبليشو الانسان هذا

لأن الزواج و بناء أسرة مسؤولية, و نجاحها لا يعتمد على تفاهات كهذه

ايمان16

2013-06-04, 19:30

هههههههههههههههههههههه مليحة هادي ولينا ف بيضة وسمرة حنونة استخيري وريحي بالك الزواج مكتوب يكذب عليك ومادا راكي مقيوصة من قبل علاه عليك توجعي قلبك هكدا خليها على ربي الي يشد ف ربي مايخيبش نتمنالك كل خير حنونتي

لبيبة1

2013-06-06, 17:33

لو نقيس الرجل وماتريده نفسه فساقول لك يريدها بيضاء في الصباح وسمراء في المساء وكاش نهار تتحط عينو على السوداء وصفراء وحمراء ووووو
هذه هي النفس ومن يطاوعها
كما ان الكمال لله عزوجل ولا اظن ان اي رجل لو فكر فيما يريد من زوجته من حيث الظاهر والباطن فلن يجد الا بنسب معينة والعكس صحيح

اما قضية الاسمر او السمراء او اي لون فلربما كل ورؤيته فالامر نسبي

والاهم ان المرأة تسعد وتريح تفكير الرجل فيجد راحة في عينيه لرؤيتها

هااااا زعما شكرا لمرورك

السلام عليكم
بيضاء ولون شعرها اسود وعيناها سواداء ورموشها سواداء طويلة رشيقة رقبة طويلة شعر طويل.......
بطبيعة الحال لو تفتحى المجال الى مايحب الرجال طبعا حورية من حورية الجنة وياربى نقنعوا
احسن حاجة جميلة الاخلاق ووصمعتها بيضاء وفقط
والكمال لله

نعم هذا هو الرجل الله المستعان شكرا لمرورك العطر

وانتى علاه تعقدى فى الامور المكاتيب مافيها لا بيضاء لا سمراء
ثم ما ادراك انك انتى راح تقبلى اصلا فكرى هذا الشخص مناسب ام لا متدين ام لا يناسب عائلتك ولا لا
يعنى هل انتى خلاص راكى موافقة ومتاكدة انو مناسب ورحتى تفكرى فى الالوان
المهم ربى يوفقك

يا حبيبتي مازال ما وصلناش لمرحلة نعرفو اخلاقو و دينو راك تعرفي الناس يقولو ناس ملاح و متربي هييييه و العلم عند ربي انا شوكاني من الاول و قلبي هرب

شوفي المكتوب واش يقرر... البيضاء ولا السمراء
ايوه برافو عليك ربي يكملك بعقلك

السلام عليكم

والله اختي الكريمة الرجال مختلفون

منهم من يريدها بيضاء و منهم من يريدها سمراء

و منهم من لا يهتم باللون أصلا

و لكل لون سحره و جماله الخاص

بارك الله فيك

إن شاء الله ربي يتمم الامور بخير و على خير و نسمع اخبار سعيدة

بالتوفيق

آمين بارك الله فيك
شكرا لمرورك العطر

انا انصحكي بالاستخارة قبل كل شيء و اظن انه هذا يهمه الشكل فقط لماذا لم يبحث عن الاخلاق و الدين اولا
ااااه تقول عليك قاعدة في قلبي و انا حسيتو اهم شيء عندو البياض مش حتى الشكل و باين رذيء الذوق
راني استخرت مرااات عديدة و قلبي هارب و الله

هذه امور مرتبطة بعملية نفسية اسمها التعويض فالرجل الأسمر مثلا قد يفضل المراة البيضاء البشرة لانه لا يملك هذه البشرو و العكس صحيح
ارحمونييييي
ههههه
امزح
السلام عليكم اختي
ضحكتيني اللي جابتلك لافير الزواج صح رجع آفير ههههههه
وثاني راهي بالألوان هذا وين عرفت حاجة جديدة هذي مرات نقول الرجال هذو مهابل ياخي المهم تكون متخلقة ونعرف ربي ومتحجبة زادو الالوان ثاني رانا غير نسمعو فالجديد واش نقولك إن شاء الله تلقاي القبول وعادي سمرا او بيضاء او خمرية المهم مرا نتاع الصح وإنت اللي يتشرط لونك هذا لو تنحرقي بعيد الشر لو تسماري لو ترقدي تنوضي كحلة يطلقك والكحلات إمالا ما يتزوجوش وإلا كيفاه والله تبدهيلة زعمى إحنا شعب مسلم ياخي حالة ربي يهدينا موفقة

:d ههههههههههههههههههههههههههههههههه قتلتيني ا طفلة ربي يهديهم برك شكرا لمرورك يا زينة الجلفة

الراجل غير اقولك بيضاء ولا سمراء ولا خضراء ولا معمرة ولا فارغة اعرفي بلي هدرة امه او اخته او واحدة من اللواتي يستشيرهن في امر الزواج ...يا نساءالراجل مسكين وانتم الي اتخسرو لافار على بعضكم بعض.
امممم الراجل مسكين و الله والو يا لمشوكي تاع لجلفة :d كاين و كاين

عليك ب fair and lovely
كنت أمزح.............. استخيري قبل أن يراك كي تكوني مرتاحة
وحتى إن رفضك من مبدأ اللون فبعد الاستخارة لن تشعري بالضيق.
وفقك الله

شكرا لمرورك العطر

ختي الدنيا هادي مكاتيب
و زهور
لا بيضا لا سمرة انت و زهرك
تلقايها بيضا شمعة و الزهر
مسكينة مسود
و تلقايها سمرة و الله يبارك
زهرها في السما
و الراجل كل واحد و ذوقو
...............
ماكانش منها كامل بيضا
غير اللي معقد من لونو يركز على بيضا
كي يكون هو سمر
قليل تاني
.................
الراجل ادا عجبتيه تعجبيه
كامل كلك على بعضك
موش صفة
كاين داوهم واش من زين
واش من بيوضية
من لسانهم و الا طبايعهم
طلقوهم
الصح في المرا و انا
نقولك اديها نصيحة مني
اللسان الحلو و اللسان الحلو
تكسبي بيه الراجل
و ماليه

شكرا لمرورك العطر

ختي انا سمراء في هدا وقت كل واحد دوقو درك قيلي وين تشوفي يبحتو علا اخلاق كامل يجرو مور لطاي وجمال هداك زمان درك لالا كلش بمكتوب
صواب.....شكرا لمرورك العطر
هناك من يظن الجمال في البياض فقط و هذا خطأ،

الشخصيات تختلف،

لا أدري لمذا كلما يكون الرجل أقل وسامة يبحث عن فائقة الجمال و في المقابل رجال وسيمون جدا يرضون بفتيات في نظر غيرهم أنهن لسن جميلات ؟؟؟

أحد الهولنديين اسلم و تزوج مسلمة سوداء و هو سعيد جدا، و غيره كثييييييييييييييير،

لكن !!!!!!
هييييييه كاينة منها كي تتفهم فهمني شكرا لمرورك العطر

الزواج مكتوب
و ايظا الهدرة هادي و الا الاختيار تع هاد الشاب ترسخ عندو من المحيط تاعو يعني الام و الاخوات
لانو الرجل حسب علمي يهمو تكون جميلة حتى لو كانت سوداء
لكن الجزائريين مازالت عندهم عقدة من الابيض
يعني ادا كنت ابيض انت جميل (كي القاوري ههههه)و ادا كنت اسمر فانت قبيح
ههههههه صح شكرا لمرورك العطر

من منظوري الشخصي للأمر
فقط توافه الناس من يجعلون من حكاية الألوان عقدة للزواج
وفقك الله إلى ما يحب و يرضى
لكن انا مش تافهة عقلي يوزن بلاد لكن كانثي يهمني ان اعجب زوجي

اكديلي على لافار بصح هههههههه

كما قال الاعضاء الرجال يختلفون في رؤية الاشياء التي تتير اهتمامهم نظرا للمراحل الدي مروا بها

كاين لي تبانله الجمال يتمتل في البياض حتى لو لم تكن جميلة ..وكاين من يرى جمال الشخصية و الروح وكاين وكاين لي يحب السمرا

المهم ان الشخص ادا رأك واعجب بك فالله يكمل بالخييييير

لكن معرفة ادا كان عنصري ام لا ، ههه الله اعلم ما بي النفووووووس .
لي تبانله الجمال يتمتل في البياض حتى لو لم تكن جميلة ...هاذا هو الشي لي مخوفني...شكرا لمرورك العطر ..
بما اني
بيضاء البشرة
أفضل الرجل اسمر

شكرا لمرورك
هدى الجيجلية راكي كيما انا... للرجل الأسمر جاذبية لن يفهمها كل أبيض مصفار حاسب روحو بوقوص
الفتاة السمراء عبارھہ عن سحر ۈ انوثہ ۈ نعومہ هَ وخقه لن تفہمہا كل فتاه بيضاء ..هذي في خاطرك ليبية1
شكرا لمرورك

السلام عليكم
.
.
تختلف المقايس باختلاف الرجال و شخصياتهم و البيئة لي تربى فيها كل واحد
كاين ليبغي البيضا و واحد اخر سمرا و ثالت يحوس عليها تعرف تطبخ و ... و....و....و اخيرا تكون مدينة و ذات اخلاق
و بعد الزواج مباشرة اول حاجة راح ما تكونش عندها اهمية هي السمراء و البيضاء لانو راح تبان للزوج امور اخرى اكثر اهمية تودي الى تغير في المقايس
و انا اتكلم عن معرفة ........نتيجة تجربة زواج فاشل :o ربي يعوض عليا
.
.
.
عليك بالاستخارة و الدعاء

شكرا لمرورك العطر و ربي يرزقك زوجة صالحة
انا ابيض من حقي ومن البديهي اطلب واحد بيضاء اظن انه لا اشكال ذلك ومنبداوش نلعبو فيها قاع نحبو اخلاق والدين اكيد ان الجمال عندو دور ( مع علم ليس انها سمراء ليست جميلة)
امممم ربي يبعد عليا لي يخمو كيفك هههههه شكرا لمرورك

السلام عليكم

اختي لبيبة 1 ننصحك ما تستقبليشو الانسان هذا

لأن الزواج و بناء أسرة مسؤولية, و نجاحها لا يعتمد على تفاهات كهذه
نتمنى ما نستقبلوش ااااه لكن الامر خرج من يدي شكرا لمرورك العطر

هههههههههههههههههههههه مليحة هادي ولينا ف بيضة وسمرة حنونة استخيري وريحي بالك الزواج مكتوب يكذب عليك ومادا راكي مقيوصة من قبل علاه عليك توجعي قلبك هكدا خليها على ربي الي يشد ف ربي مايخيبش نتمنالك كل خير حنونتي
و نعم بالله سبحانه قادر على كل شيء راني متوكلة عليه لكن حبيت نفضفض شكرا لمرورك العطر