مساعدة من ناس الصحراء : بحاجة لنبات الحنظل [الأرشيف] - منتديات الجلفة لكل الجزائريين و العرب

مرام 1987

2013-05-27, 11:08

أم ماجد

2013-05-27, 11:30

ان شاء الله يسرعوا ليك اهل الخير
اولاد بلادي واولاد الصحراء الجود والكرم ومساعدة الناس
ماري محتاجة فعلا للمساعدة عاونوها يعاونكم ربي

إلهام07

2013-05-27, 11:33

ربي يشفيك ماري
أبناء الصحراء راهم اهل الجود والشهامة ، عاونو ماري من فضلكم راهي في أمس الحاجة لهذه العشبة للعلاج باش تقدر تمشي :sdf::sdf::sdf::sdf:
ماري إن شاء الله تلقاي اللي يساعدك وتبراي وتولي تمشي وتشاركينا طيابك ممممممواح نحبوك :mh31:

مرام 1987

2013-05-27, 11:37

بكيتوني والله عندي ضرك اسبوع ما هزيتش راسي من الفراش قاتلني المرض

أم محمد تاج

2013-05-27, 11:47

ماري حنونة نشالله تلقاي لي يساعدك يارب
ماتخافيش أهل الصحراء أهل كرم وجود نشالله يعاونوك

YAKMISSOU

2013-05-27, 11:56

ان شاء الله تلقاي المساعدة من اهل الصحراء

*بيتي مملكتي*

2013-05-27, 12:03

السلام1

حنونة ربي يشفيك راني نبعث اللي يحوسلك عليها عندنا في بسكرة (لأني مانخرجش أنا غير للخدمة) إذا لقيتها حنونة نشوف كيفاش نبعثهالك خاصة أنو ما عندناش الترونسبور لفرجيوة المهم نلقاوها برك

dr.omahmed

2013-05-27, 13:06

السلام عليكم
انا راني في قرية قريبة لافلو وكي يروح زوجي لافلو نوصيه يحوسلك عليها وان شاء الله نلقاوها وكي راكي في فرجيوة نجيبهالك حتى لعندك ان شاء الله برك نلقالك

أم شيماءْ

2013-05-27, 13:48

انشاء الله ربي يشفيك حبيبتي

soriaalg

2013-05-27, 14:10

السلام عليكم اسال الله العظيم رب العرش العظيم ان يشفيك ويشفي جميع مرضى المسلمين بصراحة لم اسمع بها في حياتي لكن ساسعى جاهدة للحصول عليها ادعو الله ان يوفقني لايجادها يارب
لاتقنطي من رحمة الله اختي اكثري الصدقة " داووا مرضاكم بالصدقة "
الله يشفيك يارب

ام رويدة

2013-05-27, 14:36

اللهم اشف اختنا وعافها ويسر لها مايكون سببا في شفائها

ام بسومة

2013-05-27, 14:58

ربي يشفيك ويعافيك اختي ماري
مازال الخير في البلاد ان شاء الله تلقاي المساعدة في اقرب وقت

أم ياسين الزهراء

2013-05-27, 19:04

ان شاء الله تلقاي المساعدة وربي يجيبلك الشفا

مرام 1987

2013-05-27, 21:03

ان شاء الله تلقاوها وابعثوهالي ربي يجازيكم كل خير ان شاء الله.

حميد.ص

2013-05-27, 23:04

ربي يوفقك.............

مرام 1987

2013-05-28, 11:07

وينكم يا ناس الخير:o:sdf::sdf:

lolo mimi

2013-05-28, 11:43

نحاول نحوسلك عليها ...........

مرام 1987

2013-05-28, 12:02

نحاول نحوسلك عليها ...........

Ok okhti ani nastana

ibnsina1

2013-05-28, 12:39

السلام عليكم
اخواتي انا بأمس الحاجة لنبات الحنظل وحوسلي عليه خويا في منطقتنا ولقاها يابسة قالولو كاينة في الصحرا جديدة تعيشو لي يقدر يبعثهالي بأي طريقة من الافضل عن طريق سيارات الأجرة بالاك أظمن على خاطر أنا من فرجيوة لي يهمو الأمر وحاب يربح الأجر ما يبخلنيش وأجر الجميع على الله.

وعليكم السلام ورحمة الله وبركاته
اولا الله يشافيك ويعافيك يا رب
لو تذكرين المرض احسن وستجدين من يعينك
اما الحنظل فهو مووجود واليابس هو المستعمل
غير انه سام وخصوصا اذا كانت النبتة تحوي حبة واحدة
وفي الجزائر العاصمة موجود وبكثرة عند العطارين بمدينة
"جسر قسنطينة " ونصيحتي ان تذكري المرض وساعطيك وصفة
نافعة باذن الله

مرام 1987

2013-05-28, 19:22

وينكم يا ناااااس:sdf::sdf::sdf::mad::mad:

soriaalg

2013-05-29, 13:23

السلام عليكم
اختي العزيزة ارجو ان تعملي مثل ما قال لي قبلي ibnsina لانني سالت معارفي وقالولي حذاري فهي نبتة سامة تقطع المصارين اختي ارجوك تاكدي من عدة اطباء اولا ثم اتكلي على الله لا تعتمدي على شخص واحد لي قالك حاجة طبقيها على روحك حذاري ان تنجرفي وراء رايهم اعلم ان المرض صعب لكن الواحد يصبر احسن ما يطفرها في روحو مع احترامي لجميع الاطباء والعشابين ارجو ان تاخذي نصيحتيمن باب الاحتياط اختي وربي هو لي عالم نتمنى نساعدك ان شاء الله
نزيدك حاجة اختي في العام لي فات اظن انو كاين فتاة هنا كانت مريضة لا ادري ما هو مرضها وتدخل احد المشرفين وقامو بتوصيل الدواء الي بيتها جزاهم الله كل خير حاولي تبعثي رسالة الى المشرفين وان شاء الله لن يبخلو عليك
وفي الاخير اسال الله العظيم ان يشفيك يا اختي ويشفي جميع مرضى المسلمين

مرام 1987

2013-05-29, 22:03

مشكورين على الردود انا حطيت من قبل مرضي هنا وسألت الاخ ibnsina من قبل ربما يتذكر وانا هذي النبتة ماشي باه ناكلها لكن للاستعمال الخارجي لي عندو كيفاه يبعثهالي راهو يربح دعاوي الخير ان شاء الله.

ibnsina1

2013-05-30, 08:30

اانا كانت عضويتى محظورة
ربما لم استطع الاجابة فاعذريني
والحنظل خارجيا يستعمل يابسا انه
يحتفظ بقوته لسبع سنين واذا ممكن تكرري سؤالك
وشكرا اختاه

ibnsina1

2013-05-30, 09:00

مرام 1987

2013-05-30, 11:54

نعم راجعت كل مشاركاتي ووجدت ما دار بيننا من تحاور
=هل زرت طبيب قلب وكذلك طبيب مجاري بولية وكذلك طبيب اعصاب
ان لم تكوني فعلت هذا زوريهم بالترتيب
هل برجليك انتفاخ===هل لديك آلام بكفيك
كذلك راقبي الضغط الدموي خصوصا الصغيرة
ثم اخبريني
ضروري الإجابة

نعممممممم اخي زرتهم كااااامل حتى كرهتهم.
رجليا كي نتمد يكونو عاااادي وكي نقعد فوق الكرسي يولي لونهم ازرق حتى اسود مع اني بيضاااااا ويتنفخو بالشوي كون نطول يولو كي البالون والاطباء كي درت التحاليل والراديوات ما فهمو والووووو غير يقولولي اول مرة نشوفو حالة كيما هاذي .
الضغط من المرض ما ناكلش على بيها ديما هابطلي وفشلانة.
وععععععععععع عاونوني تعيشو

ibnsina1

2013-05-30, 14:20

شوفي يا اخت مشكلتك في العروق الدموية
ااشربي نبات القراص ((الحريق)) ثلات مرات في اليوم
هل كي ديريهم في الماء الساخن ينتفخوا

مرام 1987

2013-05-30, 15:19

ايه خويا الطبيب منعني نديرلهم ما سخون ولا زيت سخون

متميز

2013-05-30, 15:23

انا استطيع ان اتحصل عليها لاني من الصحراء ولكن كيف ارسلها اليك

ليس الوسيلة و لكن الطريقة
الاسم و العنوان والمكان

مرام 1987

2013-05-30, 15:28

اخي تقدر تبعثهالي عن طريق النقل تديها لسيارات الاجرة وانا نخبر خويا يجيبها
شوف انت واش من طريقة عندك ربي يسترك خويا تعيش

مرام 1987

2013-05-30, 15:29

المكان نسكن في مدينة فرجيوة

مرام 1987

2013-05-30, 15:40

وانا كيف ما حبتش تفوت رسالة ماعليش اذا لقيتها خبرني هنا الله يخليك خويا

متميز

2013-05-30, 15:47

ساتصل به بعد قليل و انشاء الله سيصلك بادن الله ادا كان فيه الخير لك
حداري من الاكل

مرام 1987

2013-05-30, 15:49

ساتصل به بعد قليل و انشاء الله سيصلك بادن الله ادا كان فيه الخير لك
حداري من الاكل

اوكي مشكور اخي جزاك الله خيرا

متميز

2013-05-30, 15:54

امنة عنديهده الوصية اخبرتنى الان الزوجة
هل تريدها خضراء ام يابسة

مرام 1987

2013-05-30, 15:58

امنة عنديهده الوصية اخبرتنى الان الزوجة
هل تريدها خضراء ام يابسة

قالي طبيب الاعشاب لازم طرية يعني خضرا

متميز

2013-05-30, 16:02

الاجابة الان هل الحنظل يابس ام اخضر

لانه قرب وقت صلاة العصر ساغادر البيت الى المسجد

وسادعي لك بالشفاء
ولا تنسي الصدقاء
قال رسول الله صلى الله عليه وسلم " داوا مرضاكم بالصدقة

مرام 1987

2013-05-30, 16:04

الحنضل خضراء

مرام 1987

2013-06-02, 11:09

شكرا للجميع على المساندة والدعاء اني وجدت نبتة الحنظل وبديت في العلاج احتاج دعمكم المعنوي والدعاء بالشفاء العاجل جزاكم الله خيرا.

متميز

2013-06-02, 15:43

http://www.djelfa.info/vb/images/icons/mh04.gif

http://www.djelfa.info/vb/images/icons/b11.gif ابشري اختاه تحصلت على حبتين من الحنظل

الان الحنظل فليل لانه يوجد في فصل الصيف يابس

خلال هدا الاسبوع بادن الله يكون عندك و الله هو الشافي

عندما ابعثهم ساتصل باخيك

و لا شكر على واجب

زاد اليقين

2013-06-02, 15:54

تعلي انت عندنا وسالي صح كاينة ويعيطولها الحجة الهذاك النهار برك كانت مطايشة في الجامعة تعالي انت او اخوك واسالي

مرام 1987

2013-06-06, 08:36

السلام عليكم
اخي الكريم اي وصلتني الامانة لي بعتها ( الحنظل ) 4 حبات بارك الله فيك وجزاك الله خيرا وان شاء الله في ميزان الحسنات.
وراني ندعيلك منكل قلبي ربي يبارك فيك ويفتح عليك ويرزقك من اوسع ابوابوا.
مشكور اخي وربي يجازيك بالخير ان شاء الله.
سلامي للزوجة

متميز

2013-06-06, 21:12

لم اقم الا بما يجب
وما اتمناه الشفاء
وما اطلبه الا ان يبدل حالتى من هم الى فرح
وان يغير الحال

soriaalg

2013-06-06, 21:27

لم اقم الا بما يجب
وما اتمناه الشفاء
وما اطلبه الا ان يبدل حالتى من هم الى فرح
وان يغير الحال
السلام عليكم
جزاك الله كل خير اخي ربي يجعل ايامك افراح مثل ما فرحت الاخت صاحبة الموضوع وربي يسخرلك الناس لي تفرحك ويزيل كل همك يااااااااااارب والله سعيدة جدا بوجود مثلك ومثل الذين يحبون المساعدة لوجه الله تعالى
اختي اتمنى لك الشفاء الذي لا يغادر سقما

مرام 1987

2013-06-07, 12:34

بارك الله فيكم جميعا ربي يجازيكم كل خير ان شاء الله.
والاخ متميز بربي ان شاء الله ما نسيتك في دعائي وراني ندعيلك ضرك وقت صلاة الجمعة ومن كل قلبي ربي ان شاء الله يفتح عليك ويرزقك بالشي لي تتمناه وان شاء الله تتغير احوالك الى فرح ويجعل ايامك وايامنا كلها افراح ويجمعنا ربي سبحانه في بيته الحرام في الدنيا وفي جنة الفردوس في الاخرة .
بربي ان شاء الله اذا كتبلي ربي الشفاء غير ما نسيتك . ان شاء الله.
بارك الله فيكم جميعا دعاؤكم محتاجتو تعيشوا.
جمعة مباركة .