اكتشفت أن زوجي مريض 3

[مشكلتي]

http://www.djelfa.info/vb/showthread.php?t=1306043
يا ربي و علاش لازم عليا نعيش هذا الجحيم
مازال مانيش مصدقة كل الاحدات اللي راهي تصير معايا


اهدرت مع يما و اتمنيتها تفهمني
لكن للأسف حدث العكس تماما

قالت لي انساي سيرة الطلاق
قالت أنها ماصقدتش وحدة من بناتها تتزوج و اليوم رايحة تتطلق
للعلم عندي أختان تكبران في السن و غير متزوجات

عيطت عليا و قالتلي وين تصيبي رجل كيما هذاك
رجل مرفه وشباب، عندو دارو وحدو و سيارة
ولا راكي باغية تولي بايرة كيما خياتك

قالت لي الناس رايحين يتكلمو عليك انت لأن سيرته أكثر من جيدة
و منبعد حتى واحد ماراح يناسبنا

و انا حاولت نفهمها بالصح هي ماتحبش تفهم
و قالت أن كل شخص له سلبياته
و في الأخير راح يرجع ليك لأنك انت هي الصح

حلفت عليا و قالت لي اذا حبيتي الطلاق روحي تحوسي وين تسكني
ماتزيديليش همك و كرهت من كلام الناس و معايراتهم

الظاهر أن الحل الوحيد هو الصبر و نوكل أمري لله
في الأخير هي محقة، مانيش صغيرة و شكون يحب ياخذ امراة في 32 و مطلقة و يما زعفانة عليا و راحة تكرهلي حياتي اذا تطلقت

[amine0007]

أختي انتي اصبري وتوكلي على ربي فهو المعين .وزوجك ساعفيه على قد ماتقدري وادا مافيها حتى خطر عليك كلش يفوت نشاءالله وادعي لربي في كل صلاة ونتمنالك في الايام القادمة تتحسن احوالك أأأأأأأأأأأأأأأأأأأأأأأمين يا رب

[imene12]

يا اختي حاولي تقنعيه بضرورة اللجوء إلى طبيب نفساني و أوقفي معاه ... استغفري و ادعي الله و تقربي من المولى عز و جل ... أكيد عندو حكمة من وضعك في هكذا تجربة ... ربما ربي سبحانو باغيك تتقربي منو أكثر و أكثر .... أصبري و حاولي و ما تيأسيش.
ربي معاااااااااااك

[Hemal]

ما فهمت والو واش بيه راجلها؟؟؟؟؟؟؟؟؟؟؟؟

[Napia]

ما فهمت والو واش بيه راجلها؟؟؟؟؟؟؟؟؟؟؟؟
hadi hkaya twila

[wafa16]

انت احسمتي امرك من الاول قلتي راكي متعلقة بيه امالا هدرت يماك زيادة
انتي الي ماشي حابة تتطلقي و راني داهشة فيك كيفاه قادرة تزيدي اتشوفي في وجهو
ادا كنتي حابة تتطلقي ماكاين حتى واحد يقدر يمنعك و الام عمرها ما ترمي ولادها
هل حقا صارحتيها بحالتو قلتيلها انو زوجك شاد انو مش عندو عشيقة لكن .........استغفر الله
انا بمجرد قراءتي المشكلة اشعر بالاشمئزاز منه و ان كنت لا اعرفه راه يدير في كبيرة من الكبائر
و عرش الرحمن راه يتزعزع و انت تقولي تصبري
لو كان مريض حقا او عاجز كنا نقولولك اصبري لكن هدا ............
شوفي اختي ننصحك نصيحة لوجه الله
راجلك و الله ماراه متبدل و يقعد على هاد الحال لانو حالتو راهي متطورة و الجدار اللي كان بيناتكم راه تهدم بعد ما عرفتي
من اليوم ما عادش يخبي عليك هاد الامور تعودي تشوفي و تسمعي و تسكتي و انتي راضية و هاد الداء ليس له دواء خصوصا انو حسب مافهمتش ما عندوش تدين او التزام لانك لم تدكري هدا
امالا اتطلقي دوك خير من بعد
و ماتقوليش 32 سنة واحد مايشوف فيا انتي تعرفي الغيب تعرفي ربي واش مخبيلك
علاش تحرمي روحك من انك تعيشي حياة طبيعية و يكون عندك زوج و اولاد و علاش تربطي مصيرك بواحد ربي ساخط عليه
انا نقولك انفدي بجلدك الان و مانقولكش خبي عليه او استريه قولي ليماك و تاني ليماه لانو ادا طلقك يتزوج بضحية ثانية باش يرضي يماه و تكون عاقلة و خاطيها المشاكل تحمل و تسكت ...........لانو موالف يضحي ببنات الناس
القرار راه ليك و قصتك ماشي قصة عادية باش نقولك اصبري

[amine0007]

ما فهمت والو واش بيه راجلها؟؟؟؟؟؟؟؟؟؟؟؟

اقراي هادي
اظنني تسرعت
ما قدرتش نشد روحي
بالامس هدرت معاه على سكا يب
صارحتو بكل شيئ !!!!

شفت ردة فعله ماعرف واش يقول
و منبعد بكى و صارحني بكل شيئ
قال لي بلّي يحب الرجال
و هو في علاقة كيما قلت مع رجل من العاصمة مغترب
الحمد لله انه لم يلمسني و الا مانعرف الامراض لي قادريعديني بها

المهم انه اعترف و قال انه قرر الزواج لارضاء والدته
واختارني لانه شاف فيا بنت الحلال خاطيها المشاكل و كان متاكد ان يماه رايحة تحبني
بالصح ما فكرش فيا !!!!!
انا لي ضنيت اني محظوظة بالفوز برجل صالح و بمثل جماله !!!!
أنا لي تعلق قلبي به و باخلاقه و معاملاته لأهله باعتناءه بمظهره !!!
أنا لي كنت احتقر نفسي امامه !!!!

قال لي انه يرجع بعد ثلاثة ايام
وقال اني حرة و الامر يرجع ليا اذا حبيت نبقى او نطلق
انا خذيت قراري و اخترت الطلاق
افضل العزوبية على هذا الابتلاء

لكن المشكل واش نقول ليماه لي ماصدقتش بلّي وليدها تزوج !!!!
رايحة تموت بالهم !!!!
واش نقول لأهلي انا !!!!
وفوق كل هذا قلبي ماهوش حجر و تعلقت بيه !!!!
يرحم الوالدين انصحوني !!!!

[Napia]

rabbi y3inek okhti takadri tanshi zawjak ltarig elsawabe enshih wahdih

[Assouma 93]

ربي معاك اختي والله راني فاهماتك لكن يماك ماهيش قادرة لكلام الناس والله غير عندها الحق هذاك الكلام يوجع القلب اما انت صلي صلاتك و اقري القران و اكثري من الدعاء و حاولي التفاهم مع زوجك بطريقة عقلانية عسى الله يفرج همك اللهم اميييييييييييين

[abdellah36]

lلا اكاد اصدق ما اقراه ........................و اين كان عقلك قبل الزواج لماذا لم تسالي عنه ام غرتك المظاهر و فقط ............

عموما اذا كان يستحل هذا العمل اي عمل قوم لوط و لا يعترف انه مذنب او مخطئ بل يعتبره امرا عاديا ...قهذا كافر مرتد لا يجوز لك البقاء معه بل ينبغي ان تغادري منزله فورا ....................

اما اذا كان لا يستحل هذا العمل و يعتبره حراما .....................فهذا لك الاختيار فيه اما ان ترفعي عليه دعوة طلاق عن طريق المحكمة و تطالبيه بالطلاق مع اخذ كل حقوقك المادية و المعنوية و امام الملا ....................

و اما ان تصبري عليه ، و لكن تشترطي عليه ان يتابع عند طبيب نفسي مع ضرورة رجوعه الى الدين و التوقف الفوري عن هذه الاعمال الخبيثة ....................فلان كان معذورا في مرضع فهو غير معذور في ما يقوم به ........................

[sali-sali]

السلام عليك

اختي ممكن زوجك يتغير و يهديه ربي..وتكون انت سبب في اصلاحه
حاولي معاه
وروح لطبيب نفساني يكون بعيد على المكان لي تسكنوه بالاك تكون نتيجة

واصبري معاه

[ahmed-fort]

اختي نصيحة لوجه الله :

تطلقي منه و سيفتح لك الله باب فرج اخر احسن منه ان شاء الله

+ شئ اخر : الطلاق في حالتك ضروري و لا جدال فيه لا كلام الناس و لا اي شئ اخر
يعني ماكان لاه تحوسي على حل اخر و الله طلقي جدو هذا مشي عبد عادي

[رحمة من المولى]

يا ستااااااااااااااااااااااااااااار الله يحفظنا ادعي ربي سبحانو يتغير بلاك ربي يهديه على يدك إلا منفعش معاه و راه من المغضوبين عليهم خليه في غضب الله تعالى و انت ربي يعوضك ان شاء الله

[sali-sali]

ربما لم تلاحظي هاته النصيحة

http://djelfa.info/vb/showthread.php?t=1306349

[* الحلم سكر *]

انت احسمتي امرك من الاول قلتي راكي متعلقة بيه امالا هدرت يماك زيادة
انتي الي ماشي حابة تتطلقي و راني داهشة فيك كيفاه قادرة تزيدي اتشوفي في وجهو
ادا كنتي حابة تتطلقي ماكاين حتى واحد يقدر يمنعك و الام عمرها ما ترمي ولادها
هل حقا صارحتيها بحالتو قلتيلها انو زوجك شاد انو مش عندو عشيقة لكن .........استغفر الله
انا بمجرد قراءتي المشكلة اشعر بالاشمئزاز منه و ان كنت لا اعرفه راه يدير في كبيرة من الكبائر
و عرش الرحمن راه يتزعزع و انت تقولي تصبري
لو كان مريض حقا او عاجز كنا نقولولك اصبري لكن هدا ............
شوفي اختي ننصحك نصيحة لوجه الله
راجلك و الله ماراه متبدل و يقعد على هاد الحال لانو حالتو راهي متطورة و الجدار اللي كان بيناتكم راه تهدم بعد ما عرفتي
من اليوم ما عادش يخبي عليك هاد الامور تعودي تشوفي و تسمعي و تسكتي و انتي راضية و هاد الداء ليس له دواء خصوصا انو حسب مافهمتش ما عندوش تدين او التزام لانك لم تدكري هدا
امالا اتطلقي دوك خير من بعد
و ماتقوليش 32 سنة واحد مايشوف فيا انتي تعرفي الغيب تعرفي ربي واش مخبيلك
علاش تحرمي روحك من انك تعيشي حياة طبيعية و يكون عندك زوج و اولاد و علاش تربطي مصيرك بواحد ربي ساخط عليه
انا نقولك انفدي بجلدك الان :19::19: و مانقولكش خبي عليه او استريه قولي ليماك و تاني ليماه لانو ادا طلقك يتزوج بضحية ثانية باش يرضي يماه و تكون عاقلة و خاطيها المشاكل تحمل و تسكت ...........لانو موالف يضحي ببنات الناس :19::19:
القرار راه ليك و قصتك ماشي قصة عادية باش نقولك اصبري

السلام عليكم
أختي وفاء و مع انو كلامك صواب و فيه من رجاحة العقل و الثقة بالله لابعد الحدود
لكن حبيت نبهك انو ممكن نقدك للأخت في العبارات اللي لونتها ممكن يكون في غير محلو .... عــلاه :
شكون قلك ما خبرتش الوالدة و هي قالت جاتنيي صعيبة ننفصل لاني تعلقت بيه ماا قالتش قررت ما ننفصلش
و بالنسبة للأمهات و الاولياء عموما كلشي ممكن رانا في وقت تسمعي فيه العجب و هادي كاينة بعض الاولياء ربي يهديهم الخوف من المجتمع ينسيهم الصح وين

لصاحبة الموضوع ربي يكون معاك فعلا ما لقيت ما نقول الا انو الاخت وفاء قالت جملة حطيها دايما بين عينيك**
و ماتقوليش 32 سنة واحد مايشوف فيا انتي تعرفي الغيب تعرفي ربي واش مخبيلك ** و ما تنسايش ربي ما فيه غير الخير و راهي دنيا ابتلاء اصبري حبيبتي و خذي الاجر و خليك واعية و ابحثي في الموضوع بكل عقلانية و خليك من كلام الناس
ربي معاك

[نور اليقين جيداء]

واش نقلك يا اختي راجلك ان شاء الله ربي يهديه و انتي ان شاءالله ربي يعطيك الصبر والله الامر محير و بخصوص الوالدة ربما اغلبية الاهمهات تاع هدا لاالوقت يديرو لكلام الناس قيمة ربما هي ملي تحبلكم الخير تنعمى والله اعلم ربي يوفقك ان شاء الله

[الفاتحة]

يا أختي حرام عليك روحك ، قريت من قبل أنك تعلقتي بيه وكنت خايفة يوصل الامر أنك تقعدي معاه ، يا اختي والدتك راهي تحكي في كلام غالط 100/100 وانت غير ملزمة بطاعتها أو الامتثال لما قالته ، لا طاعة لمخلوق في معصية الخالق، والدتك راهي غير تخوف فيك وفي وقت أنت تتخذي القرار بترك هذا الشخص الذي اعترف بجرمه بكل وقاحة ولم يطلب منك حتى مساعدته على العلاج والتغيير ، اختي كما اتذكر راكي قلت أنك احسست بالتقيئ عندما علمت بحقيقته ، كيف الآن ترضين حياة القرف ، كيف ترضين حياة المعصية، كيف ترضين حياة الشواذ، كيف ترضين الحقارة ، اتقي الله في نفسك، فليست أمك التي توزع الأرزاق، وليست أمك التي تعلم الغيب، اتقي الله في نفسك واتخذي قرارا سليما ولا ترضي عيشة الرخس والذل ، والله العظيم الذي لا اله إلا هو ستندمين يوم لا ينفع الندم ، والله العظيم الذي لا اله إلا هو سيرزقك الله خيرا كثيرا إذا تركت شيئا لوجه الله وفقط ... ربي يفرج عليك ويحميك ويبعد عليك الحرام أمين ياربي.

[FELLA BIO]

اسئل الله الكريم ان يفرج كربك

[wafa16]

السلام عليكم
أختي وفاء و مع انو كلامك صواب و فيه من رجاحة العقل و الثقة بالله لابعد الحدود
لكن حبيت نبهك انو ممكن نقدك للأخت في العبارات اللي لونتها ممكن يكون في غير محلو .... عــلاه :
شكون قلك ما خبرتش الوالدة و هي قالت جاتنيي صعيبة ننفصل لاني تعلقت بيه ماا قالتش قررت ما ننفصلش
و بالنسبة للأمهات و الاولياء عموما كلشي ممكن رانا في وقت تسمعي فيه العجب و هادي كاينة بعض الاولياء ربي يهديهم الخوف من المجتمع ينسيهم الصح وين

لصاحبة الموضوع ربي يكون معاك فعلا ما لقيت ما نقول الا انو الاخت وفاء قالت جملة حطيها دايما بين عينيك**
و ماتقوليش 32 سنة واحد مايشوف فيا انتي تعرفي الغيب تعرفي ربي واش مخبيلك ** و ما تنسايش ربي ما فيه غير الخير و راهي دنيا ابتلاء اصبري حبيبتي و خذي الاجر و خليك واعية و ابحثي في الموضوع بكل عقلانية و خليك من كلام الناس
ربي معاك



اختي معك حق في ما قلتيه لكن انا خمنت و فهمت من كلامها ان امها تجهل الموضوع لانني لا اظن ان اية ام و بغض النظر عن كلام الناس ترضى بمثل هده الحالة
ربما بعض الكلمات جاءت في غير محلها و بالغت في رد فعلي لان الموضوع جعلني انفعل خصوصا اني قبل الرد وضعت نفسي مكانها و لا يمكنني ان اكون مثالية في مثل هده الامور
و هدا الموضوع الثالث للاخت و لم ارد في الموضوعين السابقين لان بعض الاخوة قد تكفلو بالرد و النصح و كلامهم كان فيه من النصائح ما يجعلها تحسم امرها
الاخت راهي مشوشة و ما علابالهاش واش ادير لهدا انصح الاخوة بتقديم حلول عملية و واقعية و تجنب المثالية الزائدة لانو مستقبل هده المراة على المحك
و اعتدر لصاحبة المشكلة ان كان كلامي قد ضايقها او ازعجها
لانها طلبت النصيحة و انا نصحتها بما قد انصح نفسي به لو كنت في محلها راهي اختي عند ربي و ما نقبلش لاخواتي هاد الوضعية
ربي يفرج همها و يريح بالها

[mitrochka]

أختي هو زوجك و هو في مصيبة و الله عظيمة
لذا إحتسبي الأمر لله و قفي معه
توكلي على الله تعالى و حاولي إخراجه من هذه البلية المردية في نار جهنم
اصبري و ادعي له كثيرا و خاصة نحن على مشارف شهر رمضان

و كما وضح الإخوة حاولى معه تمهيدا لإقناعه بزيارة طبيب نفسي

كان الله معك

[naamane3]

اذا كان الامر هكذ
عليك بالدعاء والاخلاص فيه
وبكثرة الاستغفار
والاهم انك تحاولي ان تسمعيه دعائك له
فهذا له تأثير كبر