هنا يوجعك القلب تاع الصح

[غلام123]

سلام عليكم

الصورة ستتحدث

https://fbcdn-sphotos-a-a.akamaihd.net/hphotos-ak-ash4/296199_605322316153895_1087719631_n.jpg

خياط هندي ينقذ مصدر قوت يومه بابتساااااامة معبرة !!


لكن في المقابل

نرى هنا في الجزائر

ناس عندهم السكن وبانيين فيلات

لكنهم يفرضون على انفسهم القبوع تحت القصدير

طمعا في السكن

والادهى والامر

اشخاص يظهرون في الحلقة الاخيرة

ويجيبو الافرشة والمطارح والاغراض

باه يديو السكنة مع الناس لي ساكنين من زمان

نعم هي حقيقة

حقيقة كل يوم نعيشها

وزادت نارها لهيبا في القلب
بعدما رايت هذا الخياط


الخياط هذا يا ناس يبتسم

وربما هو ليس مسلم اصلا

وفوق كل هذا يبتسم

في حين اخر

نشوفوا فالناس لي عايشين لاباس

وياكلو مليح


ويشترون سيارات غالية الثمن

يسخطون ويغضبون بل وينوحون في التلفزة قدام الكاميرا لانو الدولة ما عطاتهمش السكنة

وكانهم غير مسلمين ولا يعيشون تحت غطاء رحمة الله


نعم بام عيني شفتهم

والناس كلها تعرفهم


عندهم سكنات فيها طوابق وطوابق

وعندهم سيارات ومحال تجارية

في الاخير يروح يعقد لكل اولادو

باه كل سكن قصديري يدي عليه 17 برطمة

حرام والله


ولا دولة في مجرتنا بل ولا في كوننا تعطي السكنات بااااااطل

الا الجزائر

وفوق كل هذا لا تسمع سوى

(( تفوووه على هاد البلاد )) + (( هاذي ماهيش بلاد )) + (( الله يجيبلها الخلا ))

كلاو الغلة ويسبون الملة

قلبي يكاد ينفجر حين اسمع هكذا عبارات من اناس استفادو وبروفيتاو قدر المستطاع من الجزاير

وفوق كل هذا ماشي مليحة الجزائر

والله لو قالها الشاب الذي يغرق في البحار بالاك نعدوها

ولو قالتها امراة ضحت بكل ابنائها في العشرية بالاك نعديوها

ولو قالها شاب انهى حياته في الدراسة بالاك نعدوها

لكن حين تسمعها من بعض الناس الذين استفادو قدر المستطاع من البلاد

بل وانهم اخذو ما ليس لهم وفوق قدرهم

يوجعك قلبك


على كل حال كتبت ما يجول في خاطري فقط لاني رايت صورة

فماذا يقول اخوتي في هذا من خلال رؤتهم للصورة


وبارك الله فيكم

نسيت ان اظيف (( خوكم ثورب سابقا )) ومازال يكتب بقوة ههههه
:1::1::1::1:

[خولة 1993]

الكلام الي قولتو صحيح مائة بالمائة


وعلامتك 10/10



بارك الله فيك

[مسبح لله]

كيما يوجع القلب نختصر القول في هذا الكلام :


قوم إذا مس النعال وجوههم .. شكت النعال بأي ذنب تصفع






:1::1::1::1:

[آلملــكـة]

شكرااااااااااا اخي غلام 123

[نَازِكْ]

http://www.google.fr/images?q=tbn:ANd9GcSmOmRWqGOx4ilwOBrdtRZqjZV3K9uSw aMebtEb-LY5dfkBhXxarMS8nAما باليد من حيلة

[مسلم سني]

السلام عليكم
نهار تروح القناعة ويسكن مكانها الجشع والطمع
عادي جدا أن يتصرف الناس هكذا
شتان بين إنسان راض ويسعى لكسب لقمة عيشه بعرق جبينه
وبين شخص لايشبع ولا يملأعينه إلا التراب
شكرا لك صورة معبرة تختصر معان كثيرة
احترماتي

[سماح 2]

أناا راني معاك في كل كلمة قولتيهاا

^^

[غلام123]

الكلام الي قولتو صحيح مائة بالمائة


وعلامتك 10/10



بارك الله فيك


هههه شكرا خولة
عندي مدة ما ديتش هاد العلامة يا حصراه ههه

للاسف انه صحيح تمنيت كون جيت غالط

بارك الله فيك
:1::1::1::1:

[غلام123]

لي راه إبيع في دار يقولي ..................................؟؟؟؟

أنا هنا .................................

شكرا أخي حسين على الموضوع القيم


لا شكر على واجب اختي نورسين

بخصوص الدار الاحسن تشوفي المواقع المختصة
مع انو ربما عندنا دار للبيع لكن ما نقدرش نحطها هنا
لانو راهم لاصقين فيا ويتساببو باه يحظروني لاي سبب
:1::1::1::1:

[غلام123]

كيما يوجع القلب نختصر القول في هذا الكلام :


قوم إذا مس النعال وجوههم .. شكت النعال بأي ذنب تصفع






:1::1::1::1:



رائعة تدخلات اخي الصغير بسنه الكبير بعقله وجثته ماشاء الله يكسل وحد العباد بطريحة كون يدورو توالو هههههه
بارك الله فيك ساجد لله :1::1::1::1: الشاوي الحر

[غلام123]

شكرااااااااااا اخي غلام 123



العفوووووووووو عمتي الصغيييرة

شكرا لتواجدك الكريم
:1::1::1:

[soriaalg]

السلام عليكم فعلا صورة اختصرت كل الكلام ما عندي ما نعبر بارك الله فيك

[غلام123]

http://www.google.fr/images?q=tbn:and9gcsmomrwqgox4ilwobrdtrzqjzv3k9usw amebteb-ly5dfkbhxxarms8naما باليد من حيلة


وللاسف الشديد هذا هو المشكل

الجشع يسموه قفازة
بارك الله فيك
:1::1:

[غلام123]

السلام عليكم
نهار تروح القناعة ويسكن مكانها الجشع والطمع
عادي جدا أن يتصرف الناس هكذا
شتان بين إنسان راض ويسعى لكسب لقمة عيشه بعرق جبينه
وبين شخص لايشبع ولا يملأعينه إلا التراب
شكرا لك صورة معبرة تختصر معان كثيرة
احترماتي



وفيك بارك الله اخي المسلم السني

للاسف كيما قلتها للاخت قبلك
اليوم يشوفو الجشع هذا انو قفازة
والي يقنع يقولولو بوهالي وحمار الناس تقفز وهو قاعد
بارك الله فيك على التدخل الطيب
:1::1::1::1:

[غلام123]

السلام عليكم فعلا صورة اختصرت كل الكلام ما عندي ما نعبر بارك الله فيك


وعليكم السلام
اهلا بك اختي
فعلا صورة عبرت عن كل ماهو جميل في القناعة

جازاك الله كل خير
:1::1::1:

[غلام123]

أناا راني معاك في كل كلمة قولتيهاا

^^


الله يحفظك اختي
ويسرني موافقتك اياي

جازاك اله كل خير على الرد الطيب
:1::1::1:

اسف على التدخل في الردود
فمشاركتي هته لم تمر في وقتها

[عطر الملكة]

السلام عليكم و رحمة الله اعالى و بركاته


فعلا صورة معبرة


ربي يعطينا القناعة


قالك : ** الطمع يخسر الطبع **

كاين ناس يا اخي حسين ما يملى عينها غير التراب

هذي حقيقة شفت واقعيا عجب كبير

شوف مثلا لانو الاولوية لاصحاب البنايات الفوضوية تخيل كاين ناس تطلقو قضائيا و هو طلاق شكلي و تلقاه يسكن زوجتو و اولادو في الفوضاوي باش منين تجي لجنة ياخذو شقة على اساس انها مطلقة و ساكنة فالفوضاوي يعني الاولوية ليها ؟؟؟!!!!!!! على اساس من بعد يعاود يجدد عقد آخر **حلل وناقش **

و نزيدك حكاية الشاب الي يطلب من خطيبتو تروح هي تقدم لف لونساج !!!!!!!!!!!!!!!!!!!!! هذا وين نصنفوه .............. يعني في مقابل المادة يقدم شرفوا و عرضوا

و حكايات بزاف لا يتسع المقام لذكرها

واقعنا يدوخ


هنا القلب يوجع و المخ يحبس

ميرسي على التوبيك النايس

[عبد الرؤوف24]

السلام عليكم
لكن اخى ليس هناك ربط مابين الصورة ومابين موضوعك :1:فصورة تدل على شيخ يجاهد كيف ينقذ مصدر قوته يعنى
وانت تتحدث عن جحود بعض الفئة لخير هذه البلاد وعلى ناس تستغل وتستحوذ على حق الفقارء فى السكن الاجتماعى وهم لا يستحقوه
المهم الضاهرة التى تتحدث عليها فعلا تثير الاشمئزاز
شكرا

[غلام123]

السلام عليكم و رحمة الله اعالى و بركاته


فعلا صورة معبرة


ربي يعطينا القناعة


قالك : ** الطمع يخسر الطبع **

كاين ناس يا اخي حسين ما يملى عينها غير التراب

هذي حقيقة شفت واقعيا عجب كبير

شوف مثلا لانو الاولوية لاصحاب البنايات الفوضوية تخيل كاين ناس تطلقو قضائيا و هو طلاق شكلي و تلقاه يسكن زوجتو و اولادو في الفوضاوي باش منين تجي لجنة ياخذو شقة على اساس انها مطلقة و ساكنة فالفوضاوي يعني الاولوية ليها ؟؟؟!!!!!!! على اساس من بعد يعاود يجدد عقد آخر **حلل وناقش **

و نزيدك حكاية الشاب الي يطلب من خطيبتو تروح هي تقدم لف لونساج !!!!!!!!!!!!!!!!!!!!! هذا وين نصنفوه .............. يعني في مقابل المادة يقدم شرفوا و عرضوا

و حكايات بزاف لا يتسع المقام لذكرها

واقعنا يدوخ


هنا القلب يوجع و المخ يحبس

ميرسي على التوبيك النايس




وعليكم السلام
اهلا بالعطر ومرحبا

بالمناسبة اختي عطر انا كنت تاجر عطور فيما سبق :1:
اما بخصوص ما تفضلتي به فعلا يحبس المخ
كل شيء ممكن في سبيل الطمع

انا لي حيرتني يا اختي
شاب قادر يشري سيارة ب 300 مليون ي ما يشريش سكن يستر بيه على اهلو ونفسو ويبقا يتمرمد يستنا فالدولة تعطيه
ربي عطاه ما حبش تاع ربي قالك لا تاع الدولة
شفتي الفرق؟؟



ربي عطاه باه ما يذلوش وما يخليش يدو ممدودة للدولة وبالاك غدوا جيرانو يسوفري معاهم

قبل ايام رحلو ناس قدام حينا
ربي ناب عليهم ناس 30 سنة مساكن ووما فالقرابا

مي كون تشوفي واش صرا ربي العالم

ايماجيني كاين ناس من سكيكدة ومن ميلة وفرجيوة
داو السكنة
جابو الكاميوات وجابو نساهم وولادهم وقشهم باه يديو وداو

هاذي حيرتني
علاه عليك هارب من الدوار باه تدي سكنة تاع خوك ؟
وكون تروحي للدوار تاعو تلقايه عندو البقر والكباش والارض وووووو
ربي يحرق كل طماع اخذ حق خوه

عجوزة لحد اليوم نتذكرها جات تحوس على الكراء في حينا
الجمعة حبست في عيني على حالها
صح من وجهها ومن عينيها ومن حشمتها تعرفها بلي صح ما عندهاش
مليون ونص ما عندهاش حق الكروة كي قالولها مليون ونص الشهر تشوكات مسكينة قالتلهم اني وحدي
قلتلها والله يا امي تلقاي حقك نشالله عند ربي مي عند العبد راه يزيد يديلك حقك
من ذاك راحت وما عرف ويني الان
وسي خونا كلا حتى شبع وغالق سكنات هنا وهناك وولادو كامل طرافيكالهم وبروفيتالهم السكنات
والناس ما لقاتش وين تبات ليلة
ربي يجيب الخير
:1::1::1:

[imi02i]

القنــــــــــــــــاعة كنز لا يفنى
وحنا ماعدناش حاجة اسمها قناعة
لذا توقع كل أنواع الجشع والطمع والإنحراف اللفظي وغيرها
والعبد الغير قنوع ربي ميحطش عليه البركة لوكان يكسب الدنيا كامل
ربي يتولنا بعيوبنا
بارك الله فيك أخي حسين

[غلام123]

السلام عليكم
لكن اخى ليس هناك ربط مابين الصورة ومابين موضوعك :1:فصورة تدل على شيخ يجاهد كيف ينقذ مصدر قوته يعنى
وانت تتحدث عن جحود بعض الفئة لخير هذه البلاد وعلى ناس تستغل وتستحوذ على حق الفقارء فى السكن الاجتماعى وهم لا يستحقوه
المهم الضاهرة التى تتحدث عليها فعلا تثير الاشمئزاز
شكرا


وعليكم السلام
هههه التفاتة جميلة من اخي المهتدي
بالعكس يا اخي هناك ربط وثيق لوكان جيت تشوف النهار والشروق وانداكس وغيرها من القنوات الجديدة

يجي الشتا وتجي النو والمطر والثلج

تفيض الوديان على اصحاب البيوت القصديرية
وانا لا اخص بالذكر الجماعة لي ما عندهمش صح وين يسكنو
انا اتكلم عن لي عندهم المال ومزالو طامعين فالبروفيتاج
تلقا الواد يدخل عندو للبيت ويديلو مايدة ولا فراش

يقوم الدنيا ويقعدها
ويسب الدولة ويسب الرايس ويسب الشعب
يمثل دور المسكين وهو لاباس بيه
باه يدي السكنة

مي لوكان تقارنو بهاد الشايب لي ممكن عندو خير هاد الماكينة تفهمني
بارك الله فيك
:1::1::1:

[غلام123]

القنــــــــــــــــاعة كنز لا يفنى
وحنا ماعدناش حاجة اسمها قناعة
لذا توقع كل أنواع الجشع والطمع والإنحراف اللفظي وغيرها
والعبد الغير قنوع ربي ميحطش عليه البركة لوكان يكسب الدنيا كامل
ربي يتولنا بعيوبنا
بارك الله فيك أخي حسين


امين يا رب

فعلا القناعة كنز لا يفنى
لكن يا الاخت ايمي
اليوم القنوع ولي يشوف قدو
يقولو عليه بهلول
ولي يبروفيتي ويدي حق الغير
يقولو عليه قافز
حتى انو المفهوم تاع القفازة عاد في هاد الامور

ربي يجيب الخير
القلب صح يوجع
بارك الله فيك ايمي سرني كثيرا تواجدك
:1::1::1::1:

[قَاسِمٌ.قَاسِم]

السلام عليكم ورحمة الله تعالى وبركاته
صدقت أخي غلام واللهِ، لقد عزفتَ على وتر طالما راودني العزف عليه، ونكأت جرحا غائرا لم ولمّا يندمل بعد.
نتأسف اسفا شديدا لما نرى ونسمع ونعايش في هذا البلد الحبيب كيف تغيرت طباع أهله وفسدت ذممهم-إلا ما رحم ربي- واصبح الطمع والجشع طافحان وطافيان على وجْنَة الجميع
نعم نأكل الغلة ونسب الملة كما قيل عيب علينا أن تكون الماديات هاجسنا الأسمى ومطلبنا المقدس على حساب القيم والفضائل النبيلة وحتى على حساب ديننا الذي هو عصمة أمرنا وأخرانا التي فيها معادنا
والله مصارع الناس يوما بعد يوم تنذر بأن لا أحد خالد ولا أحد أخذ معه ماله وعقاره ومنصبه أو زوجته وأولاده
اللهم ارزقنا القناعة يا رب
سلام...

[غلام123]

السلام عليكم ورحمة الله تعالى وبركاته
صدقت أخي غلام واللهِ، لقت عزفت على وتر طالما راودني العزف عليه، ونكأت جرحا غائرا لم ولمّا يندمل بعد.
نتأسف اسفا شديدا لما نرى ونسمع ونعايش في هذا البلد الحبيب كيف تغيرت طباع أهله وفسدت ذممهم-إلا ما رحم ربي- واصبح الطمع والجشع طافحان وطافيان على وجْنَة الجميع
نعم نأكل الغلة ونسب الملة كما قيل عيب علينا أن تكون الماديات هجسنا الأسمى ومطلبنا المقدس على حساب القيم والفضائل النبيلة وحتى على حساب ديننا الذي هو عصمة أمرنا وأخرانا التي فيها معادنا
والله مصارع الناس يوما بعد يوم تنذر بأن لا أحد خالد ولا أحد أخذ معه ماله وعقاره ومنصبه أو زوجته وأولاده
اللهم ارزقنا القناعة يا رب
سلام...




وعليكم السلام

اهلا وسهلا بالقاسم قاسم
وربي يقسمنا رزق وافر حلال مبارك يا سي قاسم


وهذا ما يزيد القلب وجع
انه حق ويال كان سراب او كذب او افتراء
بل هو الحق المرير
الذي نرتشف كاسا بعد كاسا مرغمين غير راغبين


ناس عايشة وناس مطاية كيما قولها المثل الشعبي

انسان بالكذب والزور والتسفسيط والحرام
يدي 10 سكنات
كون حتى يقدر يسكن فيهم

وشاب مسكين حاكم على دينو كيما حاكم على الجمرة
في 12 فالعايلة
يحوس على غرفة فقط يستر بيها على روحو وعلى شابة تري ان تستعفف بالزواج
ما يلقاش

وين هاذي الحكاية في رايك ؟؟
ماهيش في بلد بوذي
وماهيش عند اليهود
وماهيش عند النصارى
وماهيش حتى عند الملحدين

للاسف في بلاد المسلمين وهاذي تكفي
جوزيت كل خير



:1::1::1:

[معاذ1]

وتجد الواحد يعمل ملف له ولزوجه ولجميع ابنائه وبناته واقاربه من اجل السكل , بل وليت الأمر توقف هنا

بل ينتقل لولاية اخرى ويعمل نفس الأمر , وحين تاتي فضيانات الكثير يتعمد خراب بيته حتى يستفيد ؟؟؟؟

يقال " ان كان رب البيت ضاربا للدف فلا تلومن الصبيان في حالة الرقص ؟؟؟ والفاهم يفهم .

[غلام123]

وتجد الواحد يعمل ملف له ولزوجه ولجميع ابنائه وبناته واقاربه من اجل السكل , بل وليت الأمر توقف هنا

بل ينتقل لولاية اخرى ويعمل نفس الأمر , وحين تاتي فضيانات الكثير يتعمد خراب بيته حتى يستفيد ؟؟؟؟

يقال " ان كان رب البيت ضاربا للدف فلا تلومن الصبيان في حالة الرقص ؟؟؟ والفاهم يفهم .



ههههه يعني الجماعة تشح وباباهم يطبل هاكا ؟؟ ههه اضحك الله سنك اني تخيلت الموف كما جئت به هههه
صح قولك
جماعة بزاف دايرة في ولايات ليست ولاياتهم

في السنوات السابقة
تصدق
الوالي في قسنطينة قالها بفمو

قاللهم انا سكنت سكيكدة ماشي قسنطينة
ياو جماعة سكيكدة كامل جاو كي رايحين ينقلو الناس

تغيضك والله
كون بالاك ما عندوش والله ما نلومو
مي تروح لدوارو تلقاه لاباس بيه
علاه تحرم على خوك الشاب لي حاب يتزوج ؟

ربي يجيبها فيهم نشالله جميع من دا حق خوه
:1::1::1::1:

[عطر الملكة]

للتنويه فقط

حكاية الاستفادة من سكن في مختلف الولايات ربما قد ستزول اقول ربما لانو احنا نعرفوا بعض مليح و التزوير في الاوراق الرسمية عامل عمايل

لكن حسب التعديلات الجديدة بخصوص البطاقية العقارية
بمعنى

في ملف السكن مطلوب من بين الوثائق شهادة عدم الملكية يعني اي شخص مالك لسكن عن طريق البيع او الهبة او ............. راح يخرج مستفيد و هنا مش من حقو الاستفادة بسكنات السوسيال

و راح يخرج في جميع الولايات انو يملك عقار بمجرد كبسة زر بالكمبيوتر و هنا ما يقدرش يستفيد

هذي اذا طبقوا القانون و اذا كان اللعب لتحت لتحت ربي يعلم

[غلام123]

للتنويه فقط

حكاية الاستفادة من سكن في مختلف الولايات ربما قد ستزول اقول ربما لانو احنا نعرفوا بعض مليح و التزوير في الاوراق الرسمية عامل عمايل

لكن حسب التعديلات الجديدة بخصوص البطاقية العقارية
بمعنى

في ملف السكن مطلوب من بين الوثائق شهادة عدم الملكية يعني اي شخص مالك لسكن عن طريق البيع او الهبة او ............. راح يخرج مستفيد و هنا مش من حقو الاستفادة بسكنات السوسيال

و راح يخرج في جميع الولايات انو يملك عقار بمجرد كبسة زر بالكمبيوتر و هنا ما يقدرش يستفيد

هذي اذا طبقوا القانون و اذا كان اللعب لتحت لتحت ربي يعلم




شكرا جزيلا اخت عطر على هذه النبذة التوضيحية

نتمنى ذلك
لطن بعد فوات الاوان للاسف

من المفروض تتفتح لجنة تحقيق

ولي يلقاو عندو السكن
وزاد دا

ينحولو السكن ويشربوه بغرامة تاع 100 مليون سنتيم
ضرك تشوفي كيفاه يترباو

بارك الله فيك
:1::1::1::1:

[سمية بنت الخياط]

لا خير في امة لم تحكم كتاب الله بين عبادها ولا خير في شعب مسلم بالكلمة لا بالاخلاق
صدقني اخي نحن لا نعاني من ازمة سكن او موارد ولكن نعاني من ازمة اخلاااااااااااااااااااااااق هاذي هي المشكل
لو ان القلوب حنت لبعضها البعض و لو ان ذرة من القناعة استقرت في قلوب الطمااااااااااااعين هاذو لكنا بخير والحمد لله ولكن للاسف تبقى لو للتمني
ما اروع ذاك العجوز وهو بابتسامتة الغامرة وهو يحمل مصدر رزقه حقا هي القناعة بعينها
ذكرني موقفه بعظيم الاسلام عمر بن الخطاب عندما مرت سنين القحط والمجاعة على المسلمين اكتفى باكل الخبز و الزيت رغم انه كان يستطيع ان يملا بطنه باللحم و الاكل الرغيد لكن منعه خوفه من الله واخلاقه العالية ان يفعل مثل هذا وابى الا ان يكون حاله مثل حال اخوانه من المسلمين نعم هي اخلاق الاسلام فلو كان الاغنياء الجزائرين يعني من يملكون السكن والمال قنوعين لما تجرؤوا ان يحرموا اخوانهم المساكين من حقهم ومن بعد يسبو البلاد ربي يهديهم هادو يليق نديرو فيهم رمي الجمرات هكا مايخموش ياكلو حق الناس

[غلام123]

لا خير في امة لم تحكم كتاب الله بين عبادها ولا خير في شعب مسلم بالكلمة لا بالاخلاق
صدقني اخي نحن لا نعاني من ازمة سكن او موارد ولكن نعاني من ازمة اخلاااااااااااااااااااااااق هاذي هي المشكل
لو ان القلوب حنت لبعضها البعض و لو ان ذرة من القناعة استقرت في قلوب الطمااااااااااااعين هاذو لكنا بخير والحمد لله ولكن للاسف تبقى لو للتمني
ما اروع ذاك العجوز وهو بابتسامتة الغامرة وهو يحمل مصدر رزقه حقا هي القناعة بعينها
ذكرني موقفه بعظيم الاسلام عمر بن الخطاب عندما مرت سنين القحط والمجاعة على المسلمين اكتفى باكل الخبز و الزيت رغم انه كان يستطيع ان يملا بطنه باللحم و الاكل الرغيد لكن منعه خوفه من الله واخلاقه العالية ان يفعل مثل هذا وابى الا ان يكون حاله مثل حال اخوانه من المسلمين نعم هي اخلاق الاسلام فلو كان الاغنياء الجزائرين يعني من يملكون السكن والمال قنوعين لما تجرؤوا ان يحرموا اخوانهم المساكين من حقهم ومن بعد يسبو البلاد ربي يهديهم هادو يليق نديرو فيهم رمي الجمرات هكا مايخموش ياكلو حق الناس


اهلا وسهلا ببنت الخياط

ههه من جميل الصدفة اننا تحدثنا عن مهنة والدك الله يعينه
:1::1::1:

بصراحة يا اختي كل مرة يزيد فيها اعجابي بتفكيرك وانت لم تصلي بعد لسن الرشد

بارك الله فيمن رباك

نعم يا الاخت كل ما في الامر انها ازمة اخلاق والله صدقتي
ازمة اخلاق بكل ما تعنيه الكلمة
وبشتى الانواع والالوان والاشكال والاحجام


لن اظيف على ردك سوى جازاك الله كل خير وبارك الله فيمن رباك

تحياتي بنت الخياط وتحياتي لكل خياط وصاحب حرفة ومهنة شريفة يعلم نفسه القناعة قبل العمل
:1::1::1:

[عبد االله مراد]

رزقنا الله القناعة والصبر يا أخي

لماذا توجع قلوبنا ، فهي أصلا موجوعه ؟ ، ولكن لأبأس أن تتوجع وتضحك في نفس الوقت

نصيحة : اشتري بعضا من القصدير و أصبح جارا للدائرة أو البلدية التي تقيم فيها

بالاك يسجلوك في كاش قائمة وتعشي صاحب سكن



تخيل يا أخي ناس تفتخر بذكائها العبقري ، وتقول : بعد أن استفدت الآن من سكن سأبني فوضويا في هذه المنطقة و أسجل بإسكم فلان لعلي أستفيد مرة أخرى


و بعض من المحتاجين يسكنون مع 5 أولاد أو أكثر في شقة بها غرفتة واحده ، و يدفعون أقسا ط الكراء وتراهم مبتهجين


أزمة السكن ليست حقيقية بل مفتعله يا غلام و أسبابها كثيرة


شكرا على الموضوع ، تحياتي

[غلام123]

رزقنا الله القناعة والصبر يا أخي

لماذا توجع قلوبنا ، فهي أصلا موجوعه ؟ ، ولكن لأبأس أن تتوجع وتضحك في نفس الوقت

نصيحة : اشتري بعضا من القصدير و أصبح جارا للدائرة أو البلدية التي تقيم فيها

بالاك يسجلوك في كاش قائمة وتعشي صاحب سكن



تخيل يا أخي ناس تفتخر بذكائها العبقري ، وتقول : بعد أن استفدت الآن من سكن سأبني فوضويا في هذه المنطقة و أسجل بإسكم فلان لعلي أستفيد مرة أخرى


و بعض من المحتاجين يسكنون مع 5 أولاد أو أكثر في شقة بها غرفتة واحده ، و يدفعون أقسا ط الكراء وتراهم مبتهجين


أزمة السكن ليست حقيقية بل مفتعله يا غلام و أسبابها كثيرة


شكرا على الموضوع ، تحياتي




سلام عليكم
بارك الله فيك وجزاك كل خير اخ عبد الله

لا عليك ببعض الالم فالاوجاع صنعت المعجزات واخرجت رجالا لا يزال الاستعمار وامثال هؤلاء الجبناء ممن يظنون انفسهم اذكياء
يرتعدون خوفا لذكرها
كالعربي بن مهيدي وعميروش وغيرهم

وللاسف الشديد يا اخي تقلت الموازين
من لا يقنع ومن ياخذ حق الغير يسموه قافز وفحل ويجيب الخبزة من الحجر

والي يكون قانع وما يديش حق غيرو
يقولولو انت انسان بهلول وبوهيوف والناس كامل تلعب عليك

راك تشوف؟

اما بخصوص السكن الممنوح من الدولة فهذا حق اي شاب يريد الاستقرار
حمد لله كاين السكن عندي
لكن تاع السوسيال حق لكل شاب
وراك تعرف دير دوسي ومنا على 15 سنة باه ممكن تستفيد
لكن باه نروح نميزر روحي وانا عايش حمد لله غير باه ندي سكن وندي حق غيري والله لا توصلني ليها ولا توفق كل من يعبل بهذا الشكل

بارك الله فيك
:1::1::1:

[الأســــــتاذ: ج. ســــواعـــدي]

(وَفِي السَّمَاءِ رِزْقُكُمْ وَمَا تُوعَدُونَ *فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ) (الذاريات:22-23)

[غلام123]

(وَفِي السَّمَاءِ رِزْقُكُمْ وَمَا تُوعَدُونَ *فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ) (الذاريات:22-23)

صدق الله العظيم

ان اصدق الحديث كلام الله
شكرا جزيلا استاذنا الكريم
جزاك الله كل خير
و
بارك الله فيك

:1::1::1::1: